ألعاب لعبت بمخّك؟

[Mazinxci]

الجزء الرابع للسوبر ننتندو كان فيه مشكلة انه مايسوي SAVE (بحكم انها نسخ مش اصليه ايام زمان) واللعبة طويلة جدا, انا حلفت اني اخلصها وقعدت العب بشكل متواصل يمكن ل 9 ساعات, بعدها اضطريت اروح انام عشان المدرسة فقفلت التلفزيون وخليت الجهاز شغال ولمن صحيت اكتشفت انه اهلي الرهيبين قفلوا الجهاز وراح تعب 9 ساعات, ابش سويت بعدها؟؟ لعبت اللعبة من البداية ولمدة يومين السوبر ننتندو ماتقفل الين خلصتها وهذا الشئ اعتبره من اكبر انجازتي الجيمزاويه.

اتذكر اخواني كانو يعنون من المشكله هاذي انه مايسوي Save ويتركون الجهاز شغال :laugh::

بس انا اشوف الجزء الثالث احسن من الرابع :crying:

Captain Tsubasa:inlove:


-------

world of warcarft يمكن اكثر لعبة كنت العبها من ايام 2006 كنت كل يوم اقول بكرا وين بروح " اقصد Dungons Raids or Pvp " وكذا
وقفت قريب بعد ماذبحت ال Lich King وفيه احتمال ارجع ثاني

 

[Tanton]

كراكداون كانت هدية لما تشتري بيتا هيلو 3 😛

:laugh::

Tekken 5-6 أدمنتهم ادمان غير طبيعي خاصة 5، كنت أول ما أرجع من المدرسة أشغلها وطبعا كانت ما تطلع من البلي ستيشن لما ضاع أو اخترب ما أذكر :laugh::
6 بعد أدمنتها لدرجة اني سحبت على ألعاب جديدة ما لعبتها الى يومك 😛

Final Fantasy X أدمنتها، كنت ألعبها 24/7 حتى اني خلصتها 3 مرات ورى بعض

 

[JIN KAZAMA]

امممم لعبه لعبت بمخي ؟ اقولها وبكل فخر رزدنت ايفل 3 !!! فعدا ان النمسيس خلاني مايقارب الاسبوع بدون نوم !!!! وعدا اني كنت طوال الوقت اقلد صوت الرشاش حق جيل وصوت النمسيس لما يقول "stars" , كانت تجيني احلام يقظه اني صاحب جيل واننا قاعدين ننجو بحياتنا !!! اللعبه هذي عذبتني للغايه فلذلك هي افضل جزء رزدنت ايفل لعبته لوووول

 

[Netero]

لعبت بمخي لدرجة افكر اصير مطور واشتريها من اكتيفجن وارجعها لسابق عهدها.

تعديل: اتذكرت انشارتد جاتني فترة صرت احب اتسلق الجبال على طريقة نيثن بالذات لما يكون في صخور :w00t:

 

[zoro]

Kingdon Hearts series

هذه السلسلة هي الأقرب إلى قلبي:inlove:. كنت دائماً من أول ما لعبتها (من ثمن سنوات) إلى الان و أنا أفكر فيها و في روعتها من فترة لفترة.

 

[person-x]

الاغلبية ما فهمو الموضوع بشكل صحيح ، اعتقد لأن الTetris effect نادر ما تصير لأي احد

 

[Q8 YSooF]

World of Goo
ادمنت عليها ادمان مو طبيعي !!
من كثر ما لعبتها احس انا لما اكتب الاحرف بطيح !
لول مرة حلمت إنا أنا واحد منهم ال(goos)

 

[Jonas]

المدة الي انتظرتها تنزل على الاكس بوكس كانت حرب نفسية
ما اقدر اوصف اليوم الاحتفالي الي اخيرا اشتريت فيه اللعبه على الاكس بوكس لأن ذاك الايام ما كان عندي بلاي 😀

 

[BioMario]

 

[T u R k I]

إذا على كذا أجل ميتل جير اللعبة اللي لعبت بمخي وعقلي وروحي وكل شي وأعتبرها جزء مهم من حياتي

حللت القصة وختمت كل من الأجزاء الأربعة أكثر من مرة وجزئين الـ PSP

واللعبة أثرت فيني خصوصاً الجزئين الثالث والرابع وأعتبرهم أفضل جزئين

وإلى الآن أسمع الاوست حق اللعبة وأحياناً أشغل بعض المقاطع باليوتوب

 

[Sky Walker]

World of Goo
ادمنت عليها ادمان مو طبيعي !!
من كثر ما لعبتها احس انا لما اكتب الاحرف بطيح !
لول مرة حلمت إنا أنا واحد منهم ال(goos)

+ 1000

فقط من الالعاب القليلة بهالجيل "فقط 4 او 5 العاب؟" اللي صج فرت راسي ..

لعبة عجيبة جدا T,T

لازم 2D boy يطلع جزء ثاني T,T

 

[s3rorh]

لوول ... الشباب ما زالوا مصرين بأنهم ما يفهمون هدف الموضوع :laugh::

شباب الموضوع مو *أكثر لعبه لعبتها بحياتك !* ... بل شنو هي اللعبه ألي لحست مخك .. و خلتك تتخيلها وتحس كأنما انت موجود فيه ... ولكن بواقعنا !!

أمثله عني

دمك 3

دائما ... وأبداً ... لما اكون امشي بالسوق .. و لا بالباص .. ولا حتى بأي مكان ... دايماً اتخيل بأنه عندي نفس سيف دانتي ... و مسدساته ايضاَ

يكفيك أمس بالباص .. بالدور الثاني .. وكا عادتي .. أقعد فالأخير ... وبوسط زحمه الشارع

تخيلت حالي لابس لبس دانتي .. واسلحته كلها معاي ... ووقفت بنهايه الممر ألي فوق ... وقعدت أركض .... لغايه ما وصلت للجامه الأماميه ... ولما اقرب لها .. اقعد أرمي أطراف الجامه ... واقفز عليها ... وكل هذا بالسلوووو موووشن * أدري صار ماتريكس:laugh::*.. وبعدها تنقلب الدنيا سودا ... وتبدأ الشياطين بالظهور .. وتجي دوريات وبلاوي ... وأنا شغال تقطيع بالسيارات وبالشياطين بسيفي .. والناس حولي تطالع :laugh::

طبعا هذا اخر حماس صار فيني أمس ... بس تخيلي بأني دانتي ... دااايما يكون وبكل وقت وبكل حين ... خاصه لما اكون بزحمه سوق .... و اتمنى يكون عندي هالسيف :evil:: ... ومرات افضل يكون سلاحي هو سلاح كريتوس علشان اخلص من الناس بسرعه :

طبعا كل هذا ... لأني حيل متولع باللعبه

ومن الألعاب الثانيه ألي أثرت فيني نفس الشي هي

كل ما اشوف واحد قدامي ... ودي اسوي فيه حركة ابيل High Punch ... للتوضيح شوفوا البنش بالوقت 00:13

[video=youtube;jmAvAFWdM-s]http://www.youtube.com/watch?v=jmAvAFWdM-s&feature=related[/video]

وطبعا .. في وايد حركات اتخيل أني اطبقها بعامه الناس أيضا .. بس مالت ابيل هي أكثر وحده :laugh::

 

[Guerrilla Games]

الكثير من الألعاب لعبت بمخي ولاكن أكثر لعبة هي

خلتني أسبوعين وأنا في حياتي الواقعية أتخيل نفسي أقدر أرجع بالوقت وكأن الأمر مسلم به بطريقة ما أقدر أوصفها .
الحمد لله أن اللعبة قصيرة .

 

[squall leonhart]

تبغون تعريف اللعب بالمخ ؟؟؟ اغلب الغاز اللعبه هذي حليتها و انا برا البيت راياح للبقالة ( ايام الطفوله لوول ) و في لغز جالي حله و انا اتحلم ...

 

[SCREAMING_RAGE]

الكيكه كانت كذبه !!!

 

[J a m a l]

 

[M.D.L]

تذكرت لعبة

هذه اللعبة ما يجي علي أسبوع و إلا لازم ألعبها. اذكر كنت ألعبها مع أخواني و أصحابي لمدة سبع ساعات متواصلة بدون أي ملل.

اسبوووع ؟
أنا ان مره علي يوم واحد و مالعبتها احس فيه شئ غلط صار اتكلم جد :

و أيضا لعبه ثانيه

كنت يوميا اللعب بساعات متواصله طويله ، حتى إذا كنت على الفراش اقعد افكر مين اقوي و وش اعلمه ، لمدة اسااابيع.

 

[Mute City]

هذا الشاب اللطيف أول زيلدا ألعبها بعد اجزاء المحمول " نعم انا شخص ما خلص أوكرينا أوف تايم "

محتوى مخفي: سبويلر

السبب وصلت تمبل النار وللاسف كنت العبها على الماستر كويست ومافيها لبس نار إلين يئست منها لما جيت برجعلها تفاجأت بالريميك فخليني أشعر بالمتعه مره وحده

يارجل لحست في مخي لحس لعبتها وفصفصتها وما كنت اشوف غيرها اقولك اللعبه كانت مبهره بشكل مجنون في كل دفتر أيام المتوسط أخر صفحه مرسوم كل أدوات لينك

ما أنكر إنه هاللعبه أثرت فيني وخبلت فيني لدرجة قبل ما اروح الدوام أخذ جيم تينس لول

صيفيه كامله راحت لهاللعبه بالرغم إنه توي مشتري البلاي ستيشن 2 وما عطيته وجه
اللعبه تم حفظها بالكامل

 

[Saadawii]

ماريو سنشاين، ما انها ما كانت أحسن شي لعبته إلا ان حكاية الماء وتفنني بالقفزات واللعب بالبطيخة الظاهر خلاني أتأثر بدون شعور في الواقع لفترة معينة، أتفاجأ مثلاً إني أخطط أقفز بشكل معين بالشارع. شينمو كذلك أثرت بشكل مقارب، مراقبة العالم حولي وأنا أمشي لوقت معين.
ما كنت أدري أن هذا شيء مدروس، لكن كنت أعرف انه تأثير حقيقي بالمخ، ومؤقت.

 

[14/08]

طور الـ Burning Route في هذي اللعبة أثر علي بشكل كبير من كثر ما أعيد سباقات السيارات السريعة لدرجة إني كرهت سيارتي من بطئها :yuck:: + كثير ما أفكر بالبوست خصوصًا بالطريق السريع الممل .

 

[Genocide Diego]

Resident Evil Remake

ما أظن إن أي شخص جربها وما لعبت في مخه

إدمان غير طبيعي , أنهيتها فوق 20 مرة وبدون أي ملل

من أفضل الألعاب رسوميا حتى يومنا هذا وأفضل جزء في السلسلة

 

[Golden Wind]

لدرجة اني لعبتها مع اخواني 6 سنين الى ان نزلت brawl وكملت ادماني عليه :laugh::

:crying: ليش تنتهي :crying:

لدرجة اني اتخيل روحي النقطة حتى اني اتحكم بالـgoos :laugh::

Tetris


كلهم ادمااااااااااان

 

[s3rorh]

بعض الشباب ما زالوا مصرين بأنهم ما يفهمون هدف الموضوع -__-






راحت عليك يا جحجاح :laugh::

 

[G7Ga7]

يابن الحلال أنا يأست مع نهاية الصفحة الأولى :laugh:: خل الناس ترد على راحتها. حلو اننا نعرف الالعاب الي أدمنوها الأعضاء, ولو انها ماهي الهدف من الموضوع, بس ما فيه مشاكل.

 

[Lunar Poet]

ههههه أرهب شي إن نص الأعضاء فاهمين غلط :laugh::

الفترة الجاية بيطلع شي جديد بيسمونه 3DS effect، لعبت فترة على مستوى الـ3D الكامل و صرت أشوف ترو جيمنج ثري دي O_O

 

[G_kirby]

بالاضافة الى تيترس هذي

صرت اتخيل اللعبة قدامي كثير + ارتب المجوهرات او اي شيء بعقلي بشكل عجيب :wow:

 

[Spartan-A34]

هاي اللعبة من افضل الألعاب الي لعبتها في حياتي ,, و اثرت على تفيكري اثناء السياقة :w00t: احس ان في اي لحظة بتنفجر سيارة واقفة و بتطير تجاهي ,, او البناية الي يمي بتنهدم و تطيح على راسي !

 

[أماني]

silent hill 3

باعتبار اللعبه تكون فيها بعالم طبيعي و بعدين تنتقل لعالم دمومي أثرت على أفكاري في اي مكان أكون به و خاصة المستشفى ألا أحس أن العالم بعد شوى سوف يتحول إلى دموى و تظهر الممرضه مع الأبره و هي تعرج - طبعا الوحيد يلي لعب سايلنت هيل يفهم الموضوع -أو حتى المول يتحول لمكان دموى و تظهر الكلاب . حتى صفحة المنتدى بتكون رهيبه بتأثير المدموي ل ساينت هيل

 

[Acid Rain]

s3rorh

وسع صدرك .. مثله مثل موضوع الالعاب الأندرييتد !!!!
العاب ناجحة نقديا و تجارياً و لها فان بيس موجودة ضمن الردود .

اممم قعدت افكر وش فيه لعبة تركت تأثير لعب بمخي ما جاء على بالي زي ذي

نيد فور سبيد الاصلية 1994 على الـ 3DO

اذكر ان قعدت العبها عند احد اصدقاء الطفولة ( كنت في خامس- سادس ابتدائي وقتها )
لمدة خمس ساعات على الاقل , الانبهار الي ترك اثره وقتها خلاني اعتقد اني لازلت في اللعبة
يوم جاء السواق يرجعني للبيت و خصوصاً انعكاس الاضواء الخلفية على العين
ما قدرت اطلعها من مخي و قعدت اسولف عنها كل من قابلت
البعض ما عنده الا SNES او ميجا درايف و الـ 3do كان طفرة وقتها .

​

 

[Zero_IYAD]

الشباب فاهمة الموضوع غلط ×__×

عموما :
- Tetris DS : نفس شرح الـeffect بأول الموضوع تماما .. كل شي حولك تحسه Tetris blocks و تصير لا إراديا ترتبها !
- Meteos : نفس أعلاه لكن بمكعبات اللعبة .
- New Super Mario Bros : كانت أيام الإختبارات النهائية أيام الثالث ثانوي و اللعبة باقي على إصدارها كم يوم , و كنت ناوي أكافيء نفسي فيها بعد الاختبارات ..
كل ليلة أروح أنام يجيني توتر غير طبيعي بحكم انها اختبارات مصيرية , أصير أغمض عيوني و أتخيل Mario ياخذ الـMega Mushroom و يكبر ليمليء الشاشة ..
كان هالشي دائما يخفف عني نوعا ما ×_×
- Donkey Kong Country 3 : أحد الزعماء كان يحمي نفسه بصدفتين و كل مرة لازم تضربه بطريقة مختلفة , آخر طور منه عقدني !!
رحنا العمرة يومها لمدة 3 أيام تقريبا , و احنا في طريق العودة أذكر اني نمت و حلمت بطريقة ما لهزيمته ..
أول ما رجعنا البيت جربتها و نجحت *___*