التعليم فاشل بالعالم كله إلا دولتين أو ثلاث إذا ما تدرون , حتى أمريكا تعليمهم سيء .
اختبار القياس أخذته مرتين , الأول 84 والثاني 83 , درجتين شبه متطابقين في محاولتين , وهذا يعني إني أخذت الدرجة باستحقاق وهذا هو مستواي الحقيقي .
أعتبره اختبار سخيف وتافه لأبعد حد , كل الأسئلة حليتها صح وبتفكيري - إلا قسم الحساب والرياضيات , لكن يكفي إني أبدعت في أسئلة اللغة والمنطق , لأني داخل شرعي , الشرعي أسئلتهم أصعب من الطبيعي في القسم اللغوي - بل إني يوم طلعت من الاختبار قلت قدام الوالد أن درجتي ماراح تنزل عن الثمانين ! قال شلون تدري , قلت له متأكد من أغلب الأجوبة .
في التقرير الورقي قالي أبوي أني أنا من الخمسة بالمئة الElite على مستوى الطلاب كلهم كما تقول الرسمة البيانية اللي بالورقة .
كنت أموت ضحك على شلة الطبيعي (العلمي) في الثانوي , أقول للبعض ليش دخلت شيء فوق مستواك يقول لي أبغى مستقبل , وتجي الدرجات ونلقى 20 إلى 25 واحد معلقين أسماءهم في الجدران معدلاتهم 98 - 100 % , وأنا أقرأ الأسماء أدري إنه ما فيه إلا 5 طلاب بالكثير فعلاً متفوقين و القسم العلمي يناسبهم , أما البقية من شلة " أبغى كلية الطب لأن رواتبهم عالية , أبغى هندسة لأن فيها جاه وسمعة,,, الخ" اللي كانوا ما يميزون الفعل من الفاعل في حصص النحو :laugh:: .
حقين الطبيعي بالذات هم اللي يشتكون من صعوبة اختبار القياس , خصوصاً اللي نسبهم بالسماء .
دخلت كلية اللغات والترجمة ولقيت واحد من هالشلة داخل كلية الآداب تخصص علم آثار .. كان قادر يدخل شرعي ويتعلم شيء على قده ويدخل علم آثار بدون دراسة الرياضيات والفيزياء والمواد الثانية اللي تحتاج قدرات استثنائية . وواحد ثاني جاء عندنا في اللغات وتخصصه لغة اسبانية .
