أبي فلم - الموضوع الرسمي لأفلام هوليود

[H2O]

^

محتوى مخفي: the avengers

Thanos

 

[~L.O.R.D~]

^

محتوى مخفي: the avengers

Thanos

؟؟؟
طيب ما جابو إلا أقل شخصية معروفة ؟
يوجد في مارفل الكثير الكثير من الشخصيات...مثل الزعيم الأخير في مارفل vs كابوكم 3

 

[H2O]

مدري عن طريقة سرد القصة للجزء الثاني لكن متوقع شيء ضخم.

اتمنى يجبون ولفرين معاهم في الفريق! متحمس اشوف هياطه مع توني ستارك لووول.

 

[Veeto]

وخلاص صرت - متنبئ - بالمستقبل وانتهت معركة اوسكار افضل ممثل
دانييل داي لويس مرة ثانية ما ادري ثالثة او عاشرة

مذهل هالممثل .. آخر من تبقى من جيل عمالقة التمثيل الحقيقيين .. يعطي كل دور حقه

 

[PS]

^
أكثر فلم و ممثل متحمس أشوفهم شي خووووورافي

 

[NOBLE]

فلم مريض فكرته غريبة و عجيبه ! لول

أنصح الكل بمشاهدته بس لا يشوف التريلر راح يحرق عليه نص حماس الفلم :sarcastic:

ماعرف أقيِم نعطيه 8\10 :nerd:

 

[Painkiller Q8]

فلم الدكتاتور لبورات حشاكم "ازبل" فلم شفته في حياتي ... سخف وانحطاط لأبعد الحدود والنكت الي فيه بايخه وثقيله... مع ان فيه كم لقطه تضحك او ملفته للنظر

بس بشكل عام الفلم مجرد "مزبله"

2/10

 

[Tiger]

امس شاهدة فلم باتمان كان فلم رائع بس ما يضاهي الجزء الثاني منه
أقيمه 9 والثاني 10
بخصوص فلم دانيال دي لويس بيكون من افضل افلام السنه لان شخصية لينكولن شخصيه تاريخي لها مكان خاصه عند الشعب الامريكي

 

[Naserano]

Batman Begins

اممم من وين ابدأ؟ ما هو أفضل من فارس الظلام برأيي، وما اعتقد إني قاعد اذمه بالوصف هذا..
Batman Begins فيلم بمستوى جيد جداً يقدم قصة باتمان من بدايتها بصورة تسلسلية انسيابية. طريقة سرد القصة من بداية الفيلم لنصفه كانت موفقة، الأهداف كانت منطقية، نفس الكلام ينطبق على مراحل تكوين شخصية باتمان. سيناريو الفيلم كان متسارع ومتماسك بنفس الوقت، ما ادري ليش ما حسيت بملل مع إني في السابق كنت اشوف الفيلم واتركه بعد فترة قصيرة. (صارت لي أكثر من مرة)
حبيت بعض المنعطفات اللي أخذها الفيلم في النهاية، ما هي من نوعية الواو لكن كانت مناسبة لما سبقها من أحداث.

لا زلت متمسك برأيي في كون كريستيان بيل غير موفق في تقمص دور باتمان (اشوفه مثير للسخرية)، كنت اقول الكلام هذا من أيام ذا دارك نايت. بيل هو الحلقة الأضعف في الكاست، والمشكلة إنه الفيلم بكبره يتكلم عن شخصيته. باقي الأسماء كانوا ممتازين للأدوار اللي أدوها.

نقطة أخرى حبيت اضيفها، المشاهد القتالية كانت سيئة! اختيار غير موفق لزوايا الكاميرا واختيار غير موفق للمؤثرات الصوتية المصاحبة. نفس الشيء حصل مع The Dark Knight.


8.5

 

[Output No. 3]

يبدو اني الوحيد في العالم كله الي ما حبّ باتمان بيجنز لول

 

[Painkiller Q8]

^
انا اول مره شفته ماعجبني ... بس مره ثانيه شفته عجبني جدا جدا ..

اول مره ماكنت مركز او ما اهتم لباتمان !

 

[T u R k I]

نقطة أخرى حبيت اضيفها، المشاهد القتالية كانت سيئة! اختيار غير موفق لزوايا الكاميرا واختيار غير موفق للمؤثرات الصوتية المصاحبة. نفس الشيء حصل مع The Dark Knight.

وش قاعد تقول ناصر؟ ماقد شفت فلم اكشن وتحمّست معه اكثر من دارك نايت.. والساوند"تراكات" راكبه مع المشاهد تماماً

بس يالله نسامحك عشان الانطباع الايجابي : )

 

[Veeto]

Naserano

طريقة سرد القصة من بداية الفيلم لنصفه كانت موفقة، الأهداف كانت منطقية، نفس الكلام ينطبق على مراحل تكوين شخصية باتمان.
سيناريو الفيلم كان متسارع ومتماسك بنفس الوقت، ما ادري ليش ما حسيت بملل

لا زلت متمسك برأيي في كون كريستيان بيل غير موفق في تقمص دور باتمان (اشوفه مثير للسخرية)،

هالجملتين يناقضون بعض .. ما اعرف شلون قدرت تستمتع وتمدح النصف الاول من الفيلم
وتعتبر تقمص كريستيان بيل سيء .. الا اذا كنت تقصد تقمصه لشخصية باتمان لما يلبس القناع

 

[Naserano]

^
^
لا أنا اقصد المؤثرات الصوتية للمشاهد القتالية نفسها، اللي تكون مصاحبة للضرب\الركل\الخ .. مثال: http://www.youtube.com/watch?v=PgWCZvowEjY مثال من فارس الظلام: http://www.youtube.com/watch?v=SImrsFKhqRM
وعلى طاري الساوندتراكات، رغم إنها ممتازة جداً! ما حبيت توزيعها. أحياناً احس إنهم يبغون يوصلون لي رسالة ملحمية في مشهد موب ملحمي من الأساس (اتكلم عن بيجينز).

ماقد شفت فلم اكشن وتحمّست معه اكثر من دارك نايت..

في الأكشن، نعم فيلم ممتاز! بس أنا كلامي كان محدود على المشاهد القتالية لشخصية باتمان. ابداً ما حبيتها لا في بيجينز ولا في ذا دارك نايت.

@فيتو

لا زلت متمسك برأيي في كون كريستيان بيل غير موفق في تقمص دور باتمان (اشوفه مثير للسخرية)،

😛eeved:

 

[Veeto]

بيل غير موفق في تقمص دور باتمان (اشوفه مثير للسخرية)،

في بيجينز مختلف وياك .. في اول ظهور ليه حقيقي - في المرفأ - كان خاطف وسريع مثل ما تتخيل باتمان نفسه
الحوارات في هالمشهد حتى لو كانت كلمة وحدة مثل - here - كانت متقنة جدا
وختامه لما يقول .. أنا باتمان .. ايبيك

ومثلها المشهد الثاني اعتقد انه مشهده ويا فلاس .. الشرطي الفاسد .. صوته سيء يمكن
لكنها بتظل وجهة نظر للابد .. انا متفق ويا نولان في هالتوجه .. بروس واين شخصية معروفة ولازم يخلون الصوت مميز

لا تنسى انه اصلا في هالفيلم كباتمان كان يتعلم .. لاحظه في كل المشاهد تحس فيه حس (( التعليم والتطور ))
واحد من المشاهد كان يتسلق انبوب ماي .. تصرف غريب على باتمان في دارك نايت مثلا او حتى رايزز
حتى لما يتكلم ويتصرف انه لا زال مبتدئ .. وهذا الشي اللي احترمه في نولان

بالنسبة ليي كريستيان كان رائع واجاد الدور في عالم نولان وفي تصوره للشخصية

 

[T u R k I]

مع نفسك ناصر! مشهد دارك نايت اللي انت حطيته كان ابداع من هالناحية

مدري ليه حسيت انك تقصده قبل لاأدخل على الفيديو xD

 

[G4mer]

اليوم رحت أشوف فلم TED

ياالله على الكوميديا الي فيه XD
ضحك ضحك ضحك XD
اذا كنت فان للمسلسل Family Guy شوف الفلم مابتندم

روعه 10/10 حبيته

 

[Naserano]

مشهد دارك نايت اللي انت حطيته كان ابداع من هالناحية

مدري ليه حسيت انك تقصده قبل لاأدخل على الفيديو xD

لول وشلون كان إبداع وأنت تقول إنك كنت متوقعه xD
ولاحظ إن مقصدي كان عن المشهد القتالي فقط. باتمان المفروض يكون أكثر احترافية من كذا لأن اللي شفته كان مجرد استعراض بين أشخاص يمونون على بعض.

في بيجينز مختلف وياك .. في اول ظهور ليه حقيقي - في المرفأ - كان خاطف وسريع مثل ما تتخيل باتمان نفسه
الحوارات في هالمشهد حتى لو كانت كلمة وحدة مثل - here - كانت متقنة جدا
وختامه لما يقول .. أنا باتمان .. ايبيك

ومثلها المشهد الثاني اعتقد انه مشهده ويا فلاس .. الشرطي الفاسد .. صوته سيء يمكن
لكنها بتظل وجهة نظر للابد .. انا متفق ويا نولان في هالتوجه .. بروس واين شخصية معروفة ولازم يخلون الصوت مميز

لا تنسى انه اصلا في هالفيلم كباتمان كان يتعلم .. لاحظه في كل المشاهد تحس فيه حس (( التعليم والتطور ))
واحد من المشاهد كان يتسلق انبوب ماي .. تصرف غريب على باتمان في دارك نايت مثلا او حتى رايزز
حتى لما يتكلم ويتصرف انه لا زال مبتدئ .. وهذا الشي اللي احترمه في نولان

بالنسبة ليي كريستيان كان رائع واجاد الدور في عالم نولان وفي تصوره للشخصية

معليش بس اشرح لي هالنقطتين لأني اشوف تناقض بينهم

في اول ظهور ليه حقيقي - في المرفأ - كان خاطف وسريع مثل ما تتخيل باتمان نفسه

لا تنسى انه اصلا في هالفيلم كباتمان كان يتعلم .. لاحظه في كل المشاهد تحس فيه حس (( التعليم والتطور ))

اذا كان في -أول ظهور له- (ولاحظ إني اقول "أول ظهور") خاطف وسريع مثل ما نتخيل باتمان بالضبط!!! ليش طلع بشكل مثير للشفقة في أحد المشاهد اللي في نهاية الفيلم؟ (((بعد ما تجمعوا عليه المجانين وحاولوا منعه من الوصول للقطار)))

بخصوص صوت باتمان، آسف لكن ما ادري وش اقول لو ما انتبهت للتصنع الشنيع في نبرة الصوت. ما ادري وش اقول.

 

[T u R k I]

لول وشلون كان إبداع وأنت تقول إنك كنت متوقعه xD

انا توقعته لأنك خالف تعرف XD

 

[Wild Fox]

اليوم رحت أشوف فلم TED

ياالله على الكوميديا الي فيه XD
ضحك ضحك ضحك XD
اذا كنت فان للمسلسل Family Guy شوف الفلم مابتندم

روعه 10/10 حبيته

انتظره ينزل هنا -__-

 

[Veeto]

Naserano

حسب تحليلي انا .. المشهد الاول الخاطف .. كان بعيون (( المجرمين ))
شلون يشوفون باتمان .. شلون هجماته خاطفة .. وشلون يتحرك بسرعة

هالشي لو استمر عليه نولان .. ما بيعطينا اكشن صح .. وما بتشوف اصلا اكشن
المشهد الثاني .. ما اشوفه مثير للشفقة لهالحد .. من ناحية باتمان
كان غلط اخراجي .. كانت فوضى ما تشوف منها شي .. وفجأة ينتفض باتمان من بينهم

وهذولا .. زملائه السابقين في عصابة الظلام - لييج اوف شادوز - يعني مو ناس عاديين

بالنسبة للصوت .. فيه فرق بين (( توجه )) و بين (( تصنع )) أحترم رايك لما تقول ليي ان هالتوجه في الصوت مو عاجبنك
لكن مضطر اختلف وياك لما تقول انه تصنع لاني ما شفته تصنع .. انا آخذها على فكرة الشيء نفسه

بروس واين لجوثام .. مثل الشيخ محمد بن راشد آل مكتوم لدبي .. كلنا - حتى لو احنا مو من دبي -
نعرف نبرة صوته وسمعناه يتكلم .. فلما الككل ما يعرف انه باتمان بسبب قناع اعتقد انها محتاجة للمسة اضافية

وفوق هذا في بعض المشاهد .. مثل مشهده على الرووف .. كان مرعب جدا

 

[m-oo-7md]

خلصتهم قبل شوي .....

واحده من افضل الافلام الي قد شفتها بحياتي

اعطيها 9/10

 

[MaxPro]

ناصر .. انت عجيب يا اخي xD
شفت مشهد هونغ كونغ اللي حطيته من دارك نايت .. وبصراحة ماشفت العيوب اللي تتكلم عنها مع اني شفته بتركيز .. المشهد اشوفه شبه بيرفكت .

 

[JIN KAZAMA]

امس شفت الفيلم ، جدا ممتاز مع اوست رهيب ، القصه حلوه ومشوقه وعرفتنا اسس x-men ،الشخصيات هنا افضل وبفارق من الشخصيات حق الثلاثيه
الاولى ، اداء ممتاز للممثلين خصوصا James McAvoy الادمي هذا يعجبني تمثيله ، اخراج ممتاز ، الاوست هنا اسطوري (قاعد اكتب الرد وانا اسمع magneto super theme )
الخلاصه فيلم ممتاز انصح الجميع يشوفوه

8.5

محتوى مخفي: P.S

1- لما يروح بروفسور اكس وماغنيتو لعند وولفرين عشان يقولوه انضم معانا ، رد لهم قعدت اضحك عليه :laugh::

2- صداقه شارلز وايرك عظيمه ، حتى واهدافهم مختلفه مازالوا يحترموا بعض حزين جدا على النهايه (شارلز :crying🙂

 

[Akh Morn]

شفته اليوم الصبح، ولو إني كنت ناوي أشوفه من يومين بس مايخالف. :
قبل لا أشوفه كنت منزل الستاندرد جدًا، كنت متوقع فلم تجاري بحت ومو مستحق كل هالهايب الي طالع له.
طلعت بفلم سوبر هيروز ممتاز جدًا، يجي بالضبط تحت سلسلة باتمان لنولان. الفكرة كانت ممتازة، ولو إني أحس إنها مب جديدة
الفلم بصراحة ممتاز وطلع أفضل مما توقعت بكثير.. مب واو لكن يظل ممتاز. توظيف الشخصيات نقطة تحسب للفلم، الشخصيات مب مهمشة وموجودة عباطة
كل شخصية معطينها مساحتها الخاصة، وما فيه أحد كان مقدم على الآخر بأي شكل. ولو إنه توني ستارك حسيته ظهوره كان أهم من غيره روبرت :inlove:
من الناحية التقنية الفلم ممتاز جدًا وبالرغم من كذا مانسوا يشتغلوا على عامل القصة والشخصيات.. القصة جيدة ومناسبة الساوندتراك رائع والكوميديا ممتازة.
فلم رائع ويستحق المشاهدة :

8

 

[Naserano]

The Hunger Games

سيء. الجيل الهوليوودي الجديد ما يبشر بالخير.

3

 

[Xeon-Q8]

^
غير قابل للمشاهده ؟

 

[Akh Morn]

ناصر ... صح الفلم موب ذاك الزود بس مو لهالدرجة! ممكن أعرف ليش هالتقييم؟

 

[Black_Tear]

The Hunger Games

سيء. الجيل الهوليوودي الجديد ما يبشر بالخير.

3

أخوي
أنت بالغت *_*
الفيلم أعجبني صح إنه أنا موب خبير بالأفلام بس الفيلم كان حلو
وين السلبيات الي فيه ؟؟

 

[Raulioo]

The Hunger Games

سيء. الجيل الهوليوودي الجديد ما يبشر بالخير.

3

أقل من تقييمي بفتات @@
مثل ما قلت قبل .. نكهة توايلايت المقرفة طاغية عالفيلم :tongue: