أبي فلم - الموضوع الرسمي لأفلام هوليود

[T u R k I]

شفت كيف؟ هنا المشكلة، وكأن insomnia ما كان خيبة أمل مقارنة بـ Memento. ومع ذلك نعمم على كل أفلامه بأنها "تضرب".

من حق الناس إنها تمدحه، أنا بنفسي امدحه واقدر أعماله بس أحياناً اشوف إن العالم بدت تقدس أي عمل عليه اسم نولان وكأنه المخرج الوحيد الصاعد في هوليوود، أو الوحيد اللي عرف الخلطة السحرية للنجومية، فيه عدة مخرجين ممتازين غيره وتوهم في عز مسيرتهم مثل Neill Blomkamp و Darren Aronofsky و Danny Boyle. ليش ما شفنا لهم تقديس مثل نولان؟ هل هو متفوق عنهم بأشواط أو ما شابه؟ حتماً لأ. السبب برأيي إن الناس -غالباً- تدخل بوابة السينما عن طريق The Dark Knight ويحسبون إنه الفيلم الوحيد الممتاز أو الفيلم الوحيد اللي يمتلك رؤية إخراجية ممتازة، وخذ لك لا منطقية.

يعني تبي تحجّر بالغصب :\ انا اعجبني انسومنيا! ونعم نولان افضل من Aronofsky وداني بول وكشخص شاف افلامهم

ولا، كلامك غلط! نولان أذهل العالم بميمنتو واللي يعتبر بدايته، ومع اني اشوفه ماخذ فوق حقه لكن مااقدر انكر عبقريته.. ماننسى باتمان بيجينز وبرستيج

ذا دارك نايت وانسيبشن هم اللي رفعوا من نولان اكثر وخلته اكثر شهرة ..

 

[Naserano]

طيب، أنت اعجبك الفيلم، الحقيقة تقول إنه متخلف عن باقي أفلام نولان.. وش ذنبي أنا؟
نولان موب أول مخرج يطلع بفيلم ممتاز من البداية، نفس السيناريو صار لعدة مخرجين قبله وبعده. ما اشوف أي إنجاز هنا!

 

[T u R k I]

^ طيب واذا صار مستواه اقل؟ انا قايل كل افلامه بيرفكشن؟ وترى حتى المخرجين الكبار لهم افلام ماتنشاف

نولان موب أول مخرج يطلع بفيلم ممتاز من البداية

طيب انا كلامي رد على:

السبب برأيي إن الناس -غالباً- تدخل بوابة السينما عن طريق The Dark Knight ويحسبون إنه الفيلم الوحيد الممتاز أو الفيلم الوحيد اللي يمتلك رؤية إخراجية ممتازة، وخذ لك لا منطقية.

 

[xz995]

ما أدري ليش ما فكرت أتفرجه من زمان شكرا متعب على النصيحة 🙂 تقييمي للفلم : 8.5/10

 

[Veeto]

Naserano

الا، مقارنةً بنجاح Memento، خيبة أمل وثلاثة أرباع.

بناء على ؟ مبيعات تذاكر .. تقاييم النقاد .. تقاييم الناس العاديين
لما تكتب شي .. وجهة نظر قابلة للرد والاخذ .. يختلف عن لما تكتبها وكأنها حقيقة
اذا بغيت تفرض شي علينا .. ادعمه بشيء على الاقل خلنا نقتنع فيه

انت تقيم انسومينيا .. بناء على تاريخ نولان حاليا .. مو على اساس وقت نزول الفيلم وانه فيلمه الثاني
وهذا تقييم مختلف كلي

حاضرين، ما طلبت شيء

هالمخرجين افلامهم ستايل تقريبا واحد .. ستايل اوسكارات .. مو ستايل (( بلوك باستر ))
انت تفضل هالنوعية من الافلام رايك .. نولان مخرج متمكن بستايل ثاني شامل

انا متاكد هالمخرجين لو كان هالمنتدى متخصص بعلوم السينما يمكن بتكون شعبيتهم اكبر
من هم جمهور نولان المستهدف .. ومنهم جمهور هالمخرجين .. ووقتها بتعرف ليش شعبية هالمخرج

ثانيا .. هذولا كلهم ما سووا الاستمرارية اللي قدمها نولان .. احنا نتكلم عن مخرج افلامه بستايل ونوعية وجودة ثابتة تقريبا من 2005
عكس هذولا ابو فيلمين او 3 افلام بالكثير .. وفوق البيعة على قولتهم .. قدرته على انجاح ماركة تجارية فاشلة جدا مثل باتمان وقتها !

اذا كلامك محصور على باتمان -في الأفلام- فاتفق إجمالاً، اذا على اسم باتمان بشكل عام فاختلف وذكرت لك مثال روكستيدي.

على اساس ان تيم بورتون المخرج العظيم قدر يستفيد من مادة باتمان
روك ستيدي نجحوا صح .. بقول شي جارح بس هذي حقيقة لازم تتعايشون وياها

من متابعين .. الكوميكس ؟ نيردز واغلبهم اقل من 23 سنة .. واتكلم عن الكوميكس الورق على قولتهم
من متابعي الفيديو جيمز .. كم نسخة باعت العاب باتمان .. 10 مليون ! منهم جمهور الفيديو جيمز اساسا
مقارنة بالناس .. اللي يتابعون الافلام سواء بالسينما او بالتلفزيون

مشكلة ان احنا هني في منتدى جيمز .. بيئة خصبة للنيردز (( أنا اسف بس هذا الوصف الحقيقي لحالتنا ))
فتعتقد انت وياه .. ان العالم انعكاس لينا وهذا غلط .. باتمان .. كان مطنزة .. لدرجة ان الممثلين نفسهم
يتمسخرون على نفسهم عنه .. جورج كلوني كان دائما يتمسخر على روحه بتمثيله لباتمان

وقدرة نولان .. انه يقلب هالشي .. ويحوله لاقوى ماركة من ماركات السوبر هيروز انجاز عظيم
ما تقدر تستنقصه .. بجودة المادة او بلعبة فيديو جيمز !

 

[Black_Tear]

كنت قاعد طفشان قلت أشوف فيلم
رحت شفت :

الفيلم بشكل عام عجبني وتحمست فيه
وفي لقطة قلبي انفجر فيها لما كانوا بالغابة وفجأة طلعلهم هذاك الحيوان (كلب ولا ما بعرف إيش)
الشخصية تحسها جاية شوي على إيلي من ذا لاست أوف أس وشوية على لارا كروفت :tongue:

 

[xz995]

وااااااااااااااااو 9/10 لازم تشوفه ! :confuse:

 

[Khalid]

^
علشان يعرفون ليش نمدح بـ نولان .. لول

 

[Naserano]

اذا بغيت تفرض شي علينا .. ادعمه بشيء على الاقل خلنا نقتنع فيه

على أساس إن المسألة معقدة ومحتاجة فتل ونقض.

بناء على ؟ مبيعات تذاكر .. تقاييم النقاد .. تقاييم الناس العاديين

بناءاً على تقاييم النقاد والمتابعين. وبإمكانك تشيك أي موقع مختص بالأفلام وتشوف بنفسك.

الطماطم المعفنة:
Insomnia, 7.7
Memento, 8.2

IMDB:
Insomnia, 7.2
Memento, 8.6

واذا نظام المواقع يعتبر غير عادل بالنسبة لك، شيّك الجوائز العالمية للفلمين.
الجوائز العالمية:
Insomnia, فاز بجائزة واحدة فقط وترشح لـ8
Memento, فاز بـ45 جائزة عالمية وترشح 33 مرة من بينها ترشيحين لجائزة الأوسكار!

أنت تبيها بالمنطق والتقاييم، هذا هو المنطق وهذي هي التقاييم. واعتقد إن الأمور صارت واضحة ولا أنا غلطان؟ موب عيب لو قلنا إن فيلمه كان فعلاً خيبة أمل مقارنة باللي سبقه. الا اذا كان نولان فوق راسه ريشة فهذا موضوع آخر.

هالمخرجين افلامهم ستايل تقريبا واحد .. ستايل اوسكارات .. مو ستايل (( بلوك باستر ))
انت تفضل هالنوعية من الافلام رايك .. نولان مخرج متمكن بستايل ثاني شامل

ما فهمت النقطة هذي عدل بس كأني فهمت إنك تقول "أفلام نولان ماخذه ستايل أفلام البلوكباستر"؟ اذا ايه، ممكن تقول لي وش موقع The Prestige و Memento من الإعراب؟

ثانيا .. هذولا كلهم ما سووا الاستمرارية اللي قدمها نولان .. احنا نتكلم عن مخرج افلامه بستايل ونوعية وجودة ثابتة تقريبا من 2005
عكس هذولا ابو فيلمين او 3 افلام بالكثير

Aronofsky من 98 وهو يقدم أفلام متسمة بالجودة. 5 أفلام على التوالي حصدت انطباعات جداً إيجابية على صعيد النقاد والمتابعين. ما هو شيء حصري لنولان.

على اساس ان تيم بورتون المخرج العظيم قدر يستفيد من مادة باتمان

صح عليك. بس ما سألت نفسك عن السبب؟ أو بالأحرى "الأسباب" اللي خلت باتمان بورتون يطلع بصورة رديئة مقارنة بباتمان نولان؟
باتمان نزل في سنة 89 ووقتها تقبل الناس لشخصية باتمان مختلف عن تقبل الناس في وقتنا هذا، ناهيك على إنه كان من أوائل أفلام بورتون، وناهيك على إن بورتون نفسه حرّف قصة باتمان الأصلية بطريقة غير موفقة، وهذا كان خطأ فادح منه، أيضاً وهذي النقطة الأهم، موب شرط إن كل مخرج ممتاز راح يعرف كيف يدير قصة وعوالم جاهزين موب شرط ابداً! (والشيء هذا ماله أي علاقة بكفاءة المخرج، إنما هو عدم توافق بين الإثنين، المخرج وعالم الفيلم). ولنا في فيلم روبن هود وريدلي سكوت عبرة. ريدلي سكوت قدّم تحفة اسمها Gladiator ومع ذلك فشل في التعامل مع عالم روبن هود مع أن كل شيء كان جاهز عنده. قيمة إنتاجية عالية، ممثلين على كفاءة عالية (روسل كروو كشخصية رئيسية)، قصة من الأشهر والأفضل تاريخياً! ومع ذلك ما نجح.. وضحت الفكرة؟

وقدرة نولان .. انه يقلب هالشي .. ويحوله لاقوى ماركة من ماركات السوبر هيروز انجاز عظيم
ما تقدر تستنقصه .. بجودة المادة او بلعبة فيديو جيمز !

طبعاً! محد يقدر يستنقص من الجهد اللي سواه نولان. أصلاً موب من المنطقي جحد جهده، وفي نفس الوقت موب من المنطقي استفراد المدح له. -الا- اذا كان كلامنا عن باتمان الأفلام.

 

[H2O]

The.Avengers نزل بلوراي ياقدعان.

 

[Nin_Fan]

Aronofsky من 98 وهو يقدم أفلام متسمة بالجودة. 5 أفلام على التوالي حصدت انطباعات جداً إيجابية على صعيد النقاد والمتابعين. ما هو شيء حصري لنولان.

متوسط تقييم النقاد يقول أن واحد من الخمسة ( فاسد)

5.9

http://www.rottentomatoes.com/m/the_fountain/

 

[T u R k I]

صح عليك. بس ما سألت نفسك عن السبب؟ أو بالأحرى "الأسباب" اللي خلت باتمان بورتون يطلع بصورة رديئة مقارنة بباتمان نولان؟
باتمان نزل في سنة 89 ووقتها تقبل الناس لشخصية باتمان مختلف عن تقبل الناس في وقتنا هذا، ناهيك على إنه كان من أوائل أفلام بورتون،

تو تقول مو انجاز ان نولان يبدأ بفلم ممتاز والحين تحاول تعذر بورتن .. لول

 

[Naserano]

طيب وين المشكلة؟ تركي ركز واللي يرحم والديك، اذا نجحت في بداياتك ما يعني إنك الوحيد أو المتميز عن غيرك. وإذا كنت غير موفق في بداياتك ما يعني إن الناس بتقول لك ليش فيلمك الأول خايس! فيه شيء اسمه عامل خبرة.

متوسط تقييم النقاد يقول أن واحد من الخمسة ( فاسد)

5.9

http://www.rottentomatoes.com/m/the_fountain/

الفيلم ما هو لأي شخص وهذي حقيقة. مستغرب من إهمالك لتقييم الـ 115,913 شخص في imdb؟ نفس الكلام عن ترشيحه لجائزة الجولدن جلوب وفوزه وترشيحه لعدة جوائز عالمية أخرى (من ضمنها جوائز وترشيحات لأفضل مخرج وأفضل فيلم)؟ ونفس الكلام عن تشبيه بعض النقاد أسلوب Aronofsky في هالفيلم بالذات بأسلوب ستانلي كوبريك في Space Odyssey (واللي ما هو لأي شخص وهذي حقيقة)؟

 

[Veeto]

Naserano

سبحان الله .. فيك مجموعة تناقضات كبيرة .. ببساطة قول انا اكره نولان

بناءاً على تقاييم النقاد والمتابعين. وبإمكانك تشيك أي موقع مختص بالأفلام وتشوف بنفسك.

الطماطم المعفنة:
Insomnia, 7.7
Memento, 8.2

تقييم 7.7 .. فاشل .. وتقييم 5 مو لكل الناس !
مخرج اول فيلمين ليه في حياته معدلهم 7.9 .. تقريبا يجيك واحد ويقول لك فاشل

انت هني بكل بساطة تبين ليش نولان متميز ان فيلم ماخذ فوق 7 ونص تعتبره فاشل

Aronofsky من 98 وهو يقدم أفلام متسمة بالجودة. 5 أفلام على التوالي حصدت انطباعات جداً إيجابية على صعيد النقاد والمتابعين. ما هو شيء حصري لنولان

يعني 5 من 98 شي عظيم .. و 5 من 2005 .. ما تستحق الضجة والمتابعة وكلهم متمييزين جدا
كل هالامور اللي تقولها لو تترك عنك فكرة ان نولان مضخم .. بتكتشف انها نفسها الامور اللي نولان مبدع فيها

صح عليك. بس ما سألت نفسك عن السبب؟ أو بالأحرى "الأسباب" اللي خلت باتمان بورتون يطلع بصورة رديئة مقارنة بباتمان نولان؟
باتمان نزل في سنة 89 ووقتها تقبل الناس لشخصية باتمان مختلف عن تقبل الناس في وقتنا هذا، ناهيك على إنه كان من أوائل أفلام بورتون،

يا رباااه .. من اوائل افلامه وتبيني اعذره على سخافته في تقديم شخصية باتمان !!
لا وفوق هذا تقبل الناس في 89 مختلف عن وقتنا ! مختلف اكيد تمزح

في 89 الفيلم جاي بعد نجاحات سوبرمان .. علشان يروجون للفيلم حطوا بس شعار باتمان !!

في زمن نولان .. جاء الفيلم بعد تفاهة باتمان روبين اللي خلا الناس تعتبر افلام بورتون عظيمة بسببه
وتقول ليي تقبل الناس غير .. في 2005 كان باتمان في وضع اسوء بمليون مرة من وضعه في 89

وترى باتمان بيجينز اول فيلم صيف لنولان .. وثالث افلامه ما شفته سوى لباتمان اللي سواه بورتون

يقولون ان بورتون حتى كوميك بوك واحد لباتمان ما قرا .. الرجال ما حط اي جهد في افلامه

 

[Veeto]

ما فهمت النقطة هذي عدل بس كأني فهمت إنك تقول "أفلام نولان ماخذه ستايل أفلام البلوكباستر"؟ اذا ايه، ممكن تقول لي وش موقع The Prestige و Memento من الإعراب؟

يبين ليك انه مخرج عظيم هالشي .. الرجال يقدم افلام صيف (( معتبرة )) تحترم ذكاء المشاهد ويقدم افلام اوسكارات امثال مومينتو وبريستيج
وفي نفس الوقت حتى افلام الاندي تبعه .. تكون فيها لمسات جميلة خفيفة على المتابع العادي .. مو لازم تصير اعظم ناقد في تاريخ السينما علشان تتذوق افلامه

 

[Veeto]

وفي نفس الوقت موب من المنطقي استفراد المدح له. -الا- اذا كان كلامنا عن باتمان الأفلام.

تدري ويش اسم الموضوع اللي قاعدين نتناقش فيه ؟؟

"أبي فلم - الموضوع الرسمي لأفلام هوليود "

 

[Naserano]

تقييم 7.7 .. فاشل .. وتقييم 5 مو لكل الناس !
مخرج اول فيلمين ليه في حياته معدلهم 7.9 .. تقريبا يجيك واحد ويقول لك فاشل

انت هني بكل بساطة تبين ليش نولان متميز ان فيلم ماخذ فوق 7 ونص تعتبره فاشل

ليش ما تحب تقرأ؟ فرق بين "فاشل" و "خيبة أمل".. اعتقد إن الموضوع سهل ولا؟
نولان ارتفعت اسهمه للسماء من بعد ميمينتو، لكن وش قدم لي بعد ميمينتو مباشرةً؟ فيلم جريمة مثله مثل سبعين فيلم غيره. هذا وش تسميه؟ إبداع ورا إبداع؟ ولا خيبة أمل بكل بساطة؟ يا حبنا للتقديس بس.

وبخصوص The Fountain، ايه موب لكل الناس. ممكن تفسر لي سر إحرازه لعدة جوائز وترشيحات من مهرجانات لها ثقلها في الوسط السينمائي؟ اذا عندك تفسير للشيء هذا غير إن الفيلم موب لأي شخص تعال نتفاهم. لول تحسسني إن الفيلم هو الوحيد اللي ما اتفقوا عليه النقاد. سيناريو بديهي ممكن يصير لأي فيلم -خارج عن المألوف-. وعشان كذا، الكلام هذا ما ينطبق على Insomnia. لأنه تقليدي.

يعني 5 من 98 شي عظيم .. و 5 من 2005 .. ما تستحق الضجة والمتابعة وكلهم متمييزين جدا
كل هالامور اللي تقولها لو تترك عنك فكرة ان نولان مضخم .. بتكتشف انها نفسها الامور اللي نولان مبدع فيها

5 أعمال من 98 كلها اوريجنال. هذي نقطة، النقطة الثانية أنا ماني ضد وصف نولان بالمبدع أو الممتاز أو الخ. مشكلتي إن البعض ماخذين فكرة إنه الوحيد في الكون اللي قدر يقدم أعمال ممتازة ورا بعض. وهذا خطأ جملة وتفصيلاً.

يا رباااه .. من اوائل افلامه وتبيني اعذره على سخافته في تقديم شخصية باتمان !!
لا وفوق هذا تقبل الناس في 89 مختلف عن وقتنا ! مختلف اكيد تمزح

ايه تقبل الناس يختلف من وقت لوقت.. نتكلم عن عقدين من الزمن بين أفلام بورتون ونولان. والدليل، أفلام بورتون كلها ترشحت للأوسكار بينما لو تشوفها الحين راح تضحك على نفسك، ممكن تفسر لي هالظاهرة؟ هل كانوا يجاملون الفيلم قبل 20 سنة؟

 

[Nin_Fan]

إذا بيقيم نولان كيف كيف يحكم عليه شو هي المعايير؟

الأوسكار ... لو نرجع للتاريخ مخرجين كبار كان لهم تأثير كبير في السينما ما حصلوا عليه

آراء النقاد ... كم مخرج عنده أفلام حصلت على تقاييم مرتفعه أكثر من نولان خلال الفترة إلي برز فيها نولان ؟ نتحدث عن مخرج يعتبر صغير و قدم أفلامه في مده قصيره ، هل النقاد يجاملونه مثلا ... ليش ؟

المشاهدين ... لو قارناه بـ Aronofsky بناء على آراء الشاهدين من imdb نولان عنده


The Dark Knight


The Dark Knight Rises


Inception


Memento


أعلى تقييما من أعلى فيلم لـ Aronofsky


Requiem for a Dream


شو المعيار .. الرأي الشخصي ...


========================


شي مرضى نفسيين يعتقدون إنهم مميزين إذا كرهوا شي له معجبين كثر ويبحثون عن شي يميزون أنفسهم به .. فيلم شاهدوه قله ( فيلم سينمائي ، أنمي .. إلخ) أو رواية .. نسأل الله لهم الشفاء العاجل

 

[Painkiller Q8]

فلم أمس 🙂

كان ممتع ويستحق المشاهده .. 7\10

اليوم ان شاءالله باتمان ^^
متحمس له بقوه

 

[Naserano]

شي مرضى نفسيين يعتقدون إنهم مميزين إذا كرهوا شي له معجبين كثر ويبحثون عن شي يميزون أنفسهم به .. فيلم شاهدوه قله ( فيلم سينمائي ، أنمي .. إلخ) أو رواية .. نسأل الله لهم الشفاء العاجل

نظام أطفال.. اذا ما عندك حجة، شخصن الموضوع.

 

[Nin_Fan]

http://www.rottentomatoes.com/m/total_recall_2012/

[تخرصات] الفيلم الأوسكاري Total Recall للمخرج المبدع Len Wiseman ، تحفة فنية ، لا تلتفت لتقييم النقاد ، لا يفهم مغزى الفيلم إلا شخص مميز مثلي [/تخرصات]

 

[Naserano]

لول وبعدين؟

 

[FALCON-WARS]

قبل كم يوم شفت فلم number 23 وعلى غير العاده شغلته على السماعات السبيكر وانا مفهي الا يطلع الصوت"الي شاف الفلم بيفهم" وعاد زين محد سمع شي @@

الفلم حلو ,بس المشاهد هذي بالغو فيها شوي !

8/10

وشو تخرصات؟ تمدح نفسك؟

 

[Veeto]

ايه تقبل الناس يختلف من وقت لوقت.. نتكلم عن عقدين من الزمن بين أفلام بورتون ونولان. والدليل، أفلام بورتون كلها ترشحت للأوسكار بينما لو تشوفها الحين راح تضحك على نفسك، ممكن تفسر لي هالظاهرة؟ هل كانوا يجاملون الفيلم قبل 20 سنة؟

اي اوسكار اللي ترشحت ليه افلام بورتون ؟؟ واي الناس كانت تجامل الفيلم قبل 20 سنة وخلال 20 سنة
الفيلم فاشل سيء .. وعار على اسم باتمان .. رحمه بس .. نزول باتمان وروبن اللي اخذ منه لواء اسوء الافلام

 

[Naserano]

اي اوسكار اللي ترشحت ليه افلام بورتون ؟؟

شيّك IMDB. راح تحصل كل جوائز الفيلم وترشيحاته (واللي من ضمنها ترشيح البافتا لجاك نيكلسون كأفضل ممثل مساعد) <<< واللي لو شفنا آدائه اليوم راح نطلع بمسرحية كوميدية عنوانها سوء التمثيل! شفت كيف يلعب عامل الزمن في تقبل الناس لبعض الأفلام؟

واي الناس كانت تجامل الفيلم قبل 20 سنة وخلال 20 سنة
الفيلم فاشل سيء .. وعار على اسم باتمان .. رحمه بس .. نزول باتمان وروبن اللي اخذ منه لواء اسوء الافلام

اوكي بكيفك، الناس كانوا يجاملونه.
النقاش انتهى من طرفي وما عندي شيء اضيفه.

 

[iNakedSnake]

فيلم ذا أفينجرز نزل بلو-راي 1080p ننتظر مراجعاتكم 😀

 

[iNakedSnake]

شي مرضى نفسيين يعتقدون إنهم مميزين إذا كرهوا شي له معجبين كثر ويبحثون عن شي يميزون أنفسهم به .. فيلم شاهدوه قله ( فيلم سينمائي ، أنمي .. إلخ) أو رواية .. نسأل الله لهم الشفاء العاجل

طيب أخوي ليش التهجم ..؟ قل خيرا أو لتصمت ..

 

[Wild Fox]

افينجرزشفته بالسينما و كان كارثي بالنسبه لي ،بما انه نزل بلوراي باعطيه فرصه ثانيه لعل و عسى اغير رايي

 

[Naserano]

افينجرز راح يكون فيلم السهرة إن شاء الله. الا اذا انتهى باتمان بيجينز قبله بقدرة قادر.

 

[Wild Fox]

احس انه ما راح يعجبك (&)