أبي فلم - الموضوع الرسمي لأفلام هوليود

[Wild Fox]

احس انه ما راح يعجبك (&)

 

[Veeto]

شيّك IMDB. راح تحصل كل جوائز الفيلم وترشيحاته (واللي من ضمنها ترشيح البافتا لجاك نيكلسون كأفضل ممثل مساعد) <<< واللي لو شفنا آدائه اليوم راح نطلع بمسرحية كوميدية عنوانها سوء التمثيل! شفت كيف يلعب عامل الزمن في تقبل الناس لبعض الأفلام؟

اشوى ان ذاكرتي صح ومعلوماتي صحيحة .. للحظة حسيت بتفاهة الاوسكار اذا فعلا هالافلام التافهة ترشجت للاوسكار
الفيلم ترشح لاوسكار (( ديكور )) ديكور .. ويش دخلها بنقاشنا ؟!!

واحنا نتكلم عن الاوسكار .. مو عن البافتا او غيرها

 

[Yuki]

للحظة حسيت بتفاهة الاوسكار اذا فعلا هالافلام التافهة ترشجت للاوسكار

الارت دايركشن والتصوير السينمائي والموسيقى التصويرية والمكياج وغيرها اشياء مهمة و يغفل عنها الكثير هنا... الافلام مو مجرد تمثيل واخراج فقط والاوسكار كذلك!
طبيعي الفلم يكون اوتديتد من بعض هذي النواحي لأنه قبل أكثر من عقدين من الزمان..

ايضاً البافتا والجولدن جلوب ما يقلون في الاهمية عن الاوسكار بكثير.

 

[T u R k I]

طيب وين المشكلة؟ تركي ركز واللي يرحم والديك، اذا نجحت في بداياتك ما يعني إنك الوحيد أو المتميز عن غيرك. وإذا كنت غير موفق في بداياتك ما يعني إن الناس بتقول لك ليش فيلمك الأول خايس! فيه شيء اسمه عامل خبرة.

نولان ارتفعت اسهمه للسماء من بعد ميمينتو، لكن وش قدم لي بعد ميمينتو مباشرةً؟ فيلم جريمة مثله مثل سبعين فيلم غيره. هذا وش تسميه؟ إبداع ورا إبداع؟ ولا خيبة أمل بكل بساطة؟ يا حبنا للتقديس بس.

ممنتو اول فلم ممتاز لنولان وعادي فيه مخرجين يقدروا يسووا كذا، وبعدها Insomnia خيبة امل ولا لا لا نولان مو معذور XD أما بيرتن عادي كان في بداياته لما سوى فلم سيء!!

انت قاعد تناقض نفسك ياناصر وتبي تطلع حرتك بالفانز

بعدين ياخي لما تقولي Aronofsky ترى حتى نتكلم عن الكم والكيف مو الكم بس! يعني هل مستوى افلامه مثل مستوى افلام نولان؟ لا طبعاً.. غير ان تقبّل افلامه اصعب وانا شخصياً تقرّفت من Requiem for a Dream

شي ثاني ترى حتى المخرجين الكبار لهم سقطات ولهم افلام تجارية! مثل تارينتينو و Death Proof على سبيل المثال. وبرضوا المخرج يمكن ينرفع للسماء عشان فلم واحد.. مثل كوبولا والعراب، وجاكسون و LOTR، وزي ماحضرتك تطبّل في تورو وتحسسني ان له تاريخ عشان فلم واحد بس واللي هو بانز ليبرينث

افينجرز راح يكون فيلم السهرة إن شاء الله. الا اذا انتهى باتمان بيجينز قبله بقدرة قادر.

شفته من يومين ولاأعجبني.. فلم تجاري ولا اتوقع انه بيعجبك برضوا ..

 

[Yuki]

هل مستوى افلامه مثل مستوى افلام نولان؟ لا طبعاً

.............

Black Swan و Requiem for a Dream راح تبقى قابلة للمشاهدة حتى بعد 50 سنة..ما ادري اذا ينفع نقول نفس الشيء معا افلام نولان اذا استثنينا The Prestige..

 

[xz995]

9/10 جدا ممتاز و يستاهل كل لحظة فيه !:inlove:

 

[Black_Tear]

اليوم رحت عالسينما عشان أشوف فيلم باتمان
رحت ولقيت الفيلم والعرض القادم بعد 3 ساعات !!
رحت شفت فيلم سلفستر ستالوني:

الفيلم يبهرك بالأكشن الي فيه بس القصة نفسها حاسها مستهلكة في الأفلام ومكررة

 

[JIN KAZAMA]

شفته اليوم ، فيلم مستحيل ناس يسووه غير هوليوود ، استمتعت فيه للامانه ومتحمس للجزء القادم ، في بعض اللقطات عجبتني

محتوى مخفي: ..

لما لوكي يقعد يتفلسف ويجي hulk يديله علقه جامده قعدت اضحك عليها بصوت عالي :laugh::

8

متحمس للجزء القادم 🙂

 

[T u R k I]

^ احلى مشهد بالفلم :laugh::

 

[iNakedSnake]

The Avengers

http://www.locandinefilm.org/wp-content/uploads/2012/04/The-Avengers-locandina-film-cover.jpg

جداً أستمتعت فيه , يستحق كل الإنتظار والهايب .. كوميدي هستيري ,جدا متحمس لإصدارات مارفل القادمه .

9/10

 

[Veeto]

الارت دايركشن والتصوير السينمائي والموسيقى التصويرية والمكياج وغيرها اشياء مهمة و يغفل عنها الكثير هنا... الافلام مو مجرد تمثيل واخراج فقط والاوسكار كذلك!
طبيعي الفلم يكون اوتديتد من بعض هذي النواحي لأنه قبل أكثر من عقدين من الزمان..

ايضاً البافتا والجولدن جلوب ما يقلون في الاهمية عن الاوسكار بكثير.

ما احد مختلف على اهمية اي فئة في الجوائز .. مكياج شعر ديكور بطيخ .. لكن احنا نتكلم في شيء ثاني
لما تجي وتوهم الناس ان افلام بورتون كانت افلام مقبولة جماهيريا .. ونقديا وفازت بجوائز .. وتطلع الجوائز ديكور
هذا شي مختلف كليا عن (( تقبل )) الناس !

بالمناسبة عن تقبل الناس .. جوكر نيكلسون فايز بجائزة .. احسن ممثل عن فئة الكوميديا والموسيقى في وحدة من الجوائز
هذا اللي سواه بورتون لباتمان .. سواه مهزلة

 

[Naserano]

eh ما كان ودي ارجع للموضوع بس حبيت اوضح نقطتين واطلع.

اشوى ان ذاكرتي صح ومعلوماتي صحيحة .. للحظة حسيت بتفاهة الاوسكار اذا فعلا هالافلام التافهة ترشجت للاوسكار
الفيلم ترشح لاوسكار (( ديكور )) ديكور .. ويش دخلها بنقاشنا ؟!!

واحنا نتكلم عن الاوسكار .. مو عن البافتا او غيرها

في جوائز الأكاديمية، The Dark Knight فاز بجائزة الـ Sound Editing وجائزة أفضل ممثل مساعد فقط، وما ترشح لجائزة أفضل فيلم ولا حتى أفضل مخرج! هل هذا يعني إن الفيلم ما كان قد المستوى مقارنة بأفلام 2008؟ ولا تدري، خلني اغير السؤال، هل كلامك هذا إثبات بأن فيلم داني بويل "المليونير المتشرد" كان أفضل من فيلم نولان "فارس الظلام" من جميع النواحي؟

الأفلام منظومة واحدة يشرف عليها شخص يسمى بالمخرج. نعم تتفاوت درجة الأهمية من جانب لآخر لكن كلها لها أهميتها. واذا تفوق جانب معين من الفيلم لدرجة حصوله على جائزة من الأكاديمية، الفيلم بأكمله -غالباً- ما راح ينزل عن مستوى "الجيد".

وعن كلامك هذا:

ما احد مختلف على اهمية اي فئة في الجوائز .. مكياج شعر ديكور بطيخ .. لكن احنا نتكلم في شيء ثاني
لما تجي وتوهم الناس ان افلام بورتون كانت افلام مقبولة جماهيريا .. ونقديا وفازت بجوائز .. وتطلع الجوائز ديكور
هذا شي مختلف كليا عن (( تقبل )) الناس !

ولا يهمك، اسحب كلمتي بخصوص جوائز الأوسكار، ما كان من المفترض إني اضرب عليها مثال، الترشيحات العالمية الثانية ما ترضيك؟ الجوائز والترشيحات الثانية ما تبين لك بأي شكل من الأشكال إن الفيلم كان له وزنه قبل عقدين من الزمن؟ ترشيحات مثل أفضل مخرج وأفضل فيلم ما تبين لك إن الفيلم كان مقبول؟

=====================

@تركي: صدقني الموضوع سهل، ببساطة:
- نولان قدم ميمينتو.. فيلم خرافي جداً، بعدها قدم انسونميا.. فيلم جريمة عادي. هذي أنا اسميها خيبة أمل! بكيفكم لو سميتوها "إبداع ورا إبداع" أو "نولان كل أفلامه تضرب".. أنا اسميها خيبة أمل من مخرج قدم لي في بداياته -تحفة-. نعم يحسب له إنه رجع مرة ثانية واثبت نفسه مع ثلاثية باتمان وذا بريستيج وانسيبشن على التوالي لكن يظل موب الوحيد اللي عمل هالشيء. لأن الفانز ماخذينها على أنها حقيقة.

أما بيرتن عادي كان في بداياته لما سوى فلم سيء!!

هنا المشكلة، أولاً أنا ما حبيت ولا فيلم لبورتون،، ولا فيلم! وعلى راسهم باتمان وماني قاعد ابرر له.. ثانياً، أنتم موب راضين تفرقون بين سيء وآوتديتد. والدليل كم الجوائز والترشيحات العالمية اللي أخذها الفيلم في ذاك الوقت. ولسى ماسكين على إن الفيلم مجامل لأنكم شفتوه قبل يومين وما اعجبكم.

شي ثاني ترى حتى المخرجين الكبار لهم سقطات ولهم افلام تجارية! مثل تارينتينو و Death Proof على سبيل المثال. وبرضوا المخرج يمكن ينرفع للسماء عشان فلم واحد.. مثل كوبولا والعراب، وجاكسون و LOTR، وزي ماحضرتك تطبّل في تورو وتحسسني ان له تاريخ عشان فلم واحد بس واللي هو بانز ليبرينث

برافو! اذا كل المخرجين الكبار لهم سقطات وأفلام تجارية، ليش أكلتوني يوم قلت إن انسونميا خيبة أمل؟ ولا أفلام نولان مقدسة عن النقد؟

ديل تورو قدم فيلم واحد عبقري عن دستة أفلام لمخرجين غيره، ليش ما يستاهل المدح وأنت تقول إن الكلام عن الكيف موب الكم. (سيناريو العراب وكوبولا)

 

[Veeto]

Naserano

في جوائز الأكاديمية، The Dark Knight فاز بجائزة الـ Sound Editing وجائزة أفضل ممثل مساعد فقط، وما ترشح لجائزة أفضل فيلم ولا حتى أفضل مخرج!

ما احد حط قصة (( تقبل الناس والاوسكاريات )) الا انت مو احنا

كلامك عن دارك نايت .. من جديد .. يؤكد ان نولان مخرج عظيم واللي سواه للسلسلة اسطوري
لدرجة ان الاكاديمية .. رفعت عدد الترشيحات من 5 الى 10 .. والسبب دارك نايت

حتى لو ما ترشح بتبقى هالحقيقة للأبد .. وهيث .. جوكر نولان .. الممثل الوحيد في تاريخ الكوميك كله
يفوز بالاوسكار .. تقاييم النقاد بتظل للابد .. ونظرة الفانز حاليا للسلسلة ككل بتظل للابد

وعلى راسهم باتمان وماني قاعد ابرر له.. ثانياً، أنتم موب راضين تفرقون بين سيء وآوتديتد. والدليل كم الجوائز والترشيحات العالمية اللي أخذها الفيلم في ذاك الوقت. ولسى ماسكين على إن الفيلم مجامل لأنكم شفتوه قبل يومين وما اعجبكم.

سيء شي واوتديتد شي ثاني .. ارجع لسوبرمان 1 و2 .. اوتديتد بملايين السنين لكنهم سيئين لا
فيه فرق بين احترام المخرج للمادة الاساسية ولذكاء الجماهير .. وبين اللي سواه بورتون

انا ما اقول ان افلام سوبرمان رائعة وخلابة .. لكنها بمراحل افضل من افلام باتمان وهالشي ما ليه علاقة بزمن
ليه علاقة بفيلم بنص باخراج بتمثيل بكل شي

جوكر بورتون مطنزة مهزلة .. مضحكة مهرج بمكياج .. قارنه ليي باي شخصية في افلام سوبرمان
ما بتحصل واحد منهم .. صار ليه داون جريد مثل اللي صار للجوكر

نعم يحسب له إنه رجع مرة ثانية واثبت نفسه مع ثلاثية باتمان وذا بريستيج وانسيبشن على التوالي لكن يظل موب الوحيد اللي عمل هالشيء. لأن الفانز ماخذينها على أنها حقيقة.

اثبت لينا هالشي .. من البداية واحنا نقول لك جيب لينا اسامي مثله مو قادر تجيب

 

[FANTASTIC DREAM]

ممكن احد يدبرلي فيلم Batman Dark Night لاني دورت عليه في النت مالقيته
متحمس لجزء رابسس بس قبلها لازم اتابع الجزء هذا

 

[Naserano]

The Avengers

ممتع!

ابداً ما توقعت إني راح أحب الفيلم، أفلام مارفل السابقة ما اعجبتني إطلاقاً وبعضها ما قدرت اكمله لكن الوضع هنا مختلف وغريب في نفس الوقت. روبرت داوني جونيور ما كان غثيث كعادته، شخصية هولك قُدمت بطريقة ميزته عن غيره بأميال، المعارك كانت -قابلة للمشاهدة- على عكس معظم أفلام الـeye-candy (ابد ما اقصد ترانسفورمرز).

أكثر شيء ميّز The Avengers هو تركيزه على الشيء اللي من المفترض يكون عليه، فيلم مؤثرات بصرية! ما حاولوا يخترعون قصة ملحمية يكون تأثيرها عكسي على محتوى الفيلم، في المقابل، قدموا قصة بسيطة تناسب أجواء الفيلم مع لمسة كوميدية جداً موفقة!!
الشيء الثاني اللي ميّز الفيلم هو طريقة ربط الشخصيات مع بعض. جداً منطقية وسلسة وهذا آخر شيء كنت متوقعه، بحكم الإختلاف الكبير في خلفيات الشخصيات.

نقطة أخيرة، ما عندي خبرة كافية بشخصيات مارفل بس متأكد إن فيه شخصية أجدر وأفضل من ناتاشا، حضورها في الفيلم تعريف للي ما تدري وش تبي.

8

اثبت لينا هالشي .. من البداية واحنا نقول لك جيب لينا اسامي مثله مو قادر تجيب

وليش نسيت ارنوفوسكي؟ واذا على الفترة الزمنية القصيرة، بيتر جاكسون، الأخوان كوين، ديفيد فينتشر كلهم صار لهم نفس سيناريو نولان.، سنَّة السينما.

 

[Veeto]

Naserano

نقطة أخيرة، ما عندي خبرة كافية بشخصيات مارفل بس متأكد إن فيه شخصية أجدر وأفضل من ناتاشا، حضورها في الفيلم تعريف للي ما تدري وش تبي.

فيه (( كوفر )) ثاني .. دقق فيها بتعرف ليش موجودة :laugh::.. على الاقل في هالفيلم عطوها ميزة من مميزاتها
احسن من ايرون مان 2

بشكل عام اتفق وياك .. وبعد تجربتكم ناقصة بدون السينما .. هالفيلم اكبر تعريف لتجربة السينما
فيلم خفيف ممتع انسيابي .. كوميديا خفيفة على القلب .. (( انسجام )) بين الابطال بسيط وطبيعي ما فيه فرض على احد

ما تحس بملل فيه .. واكبر فن في الفيلم .. اختيار المخرج .. انا انصدمت لما عرفت المخرج وعرفت بعدها شلون قدر يسوي كل هالامور
المخرج .. مخرج مسلسل بافي وانجل !!

واختيار الاستوديو اليه لانه يقدر يتصرف مع مجموعة كبيرة من الابطال .. وفعلا كان اختيار جدا جدا موفق

 

[Painkiller Q8]

أمس شفت الفلم .. ومن كثر الــepicness حلمت فيه مرتين

رائع رائع رائع جدا جدا وافضل من الاجزاء الي قبله ولو اني ماحب اقارن بين فلام عباره عن سلسله وحده !

النهايه:-

محتوى مخفي: عن النهايه وبعض مجريات الفلم

واضح ان الطياره صمم لها تحكم عن بعد (لان مستحيل ينجو من الانفجار) + (شخصيتة بروس ويين مو من النوع الي ما يضحي من أجل احد هههه)

الفلم الجاي اتوقع يكون روبن بروحه

أشياء توقعتها قبل حدوثها

ان الشرطي المميز هو روبن (توقعتها وقلتها للشباب بأول نصف ساعه من الفلم)
الشيء الثاني توقعت ان Bane هو الي هرب البنت .. لان في لقطة الدكتور رفع وشاح من وجه بين وقال صعب علاجه ... وطبعا الاصابه جات بعد ما هرب البنت !

تقيمي للفلم 9.5/10 .... نهاية بين كنت ابيها على يد باتمان وليس كات ومن :/

9.5/10

 

[Veeto]

^^
^
فيه موضوع خاص للسبويلرات لا تحرق الناس اكثر من ما هي محترقة :laugh::

 

[m-oo-7md]

جاري مشاهدة الثلاثيه

 

[Akh Morn]

محمد .... ردك امتلك الصفحة ولعشر صفحات قدام ..
افنجرز فلم السهرة ان شاء الله 🙂

 

[m-oo-7md]

افنجرز على انفجن

تتوقعوا يقطعوا الافلام ؟؟!؟!؟؟!

 

[s3rorh]

دام النقاش حامي عن هيث و تمثيله لشخصيه الجوكر
أحد الاأعضاء من فتره حط فيديو لمقابلة مع مغني إسمه Tom
المقابله كانت من ال80ينات. .. المميز بالمقابله هو. . بإنه طريقه كلاام و حركات توم. .. ألهمت هيث شلون يقدم و يمثل شخصيه الجوكر

http://www.youtube.com/watch?v=tsRbhBXPgKk

 

[T u R k I]

أما ذا افينجرز عجبك!!! كنت متوقع 4 او 5 منك :\

- نولان قدم ميمينتو.. فيلم خرافي جداً، بعدها قدم انسونميا.. فيلم جريمة عادي. هذي أنا اسميها خيبة أمل! بكيفكم لو سميتوها "إبداع ورا إبداع" أو "نولان كل أفلامه تضرب"

على اساس انك متقطع ومتحمس وكنت تنتظره على وقته XD

هنا المشكلة، أولاً أنا ما حبيت ولا فيلم لبورتون،، ولا فيلم!

لأن ذوقك مضروب

ثانياً، أنتم موب راضين تفرقون بين سيء وآوتديتد.

انا ماشفته عشان اقول سيء او اوتديتد.. انما رديت على منطقك انك تبي تعذر مخرج لأنه كان ببدايته ومسكتها على نولان عشان فلم واحد

برافو! اذا كل المخرجين الكبار لهم سقطات وأفلام تجارية، ليش أكلتوني يوم قلت إن انسونميا خيبة أمل؟ ولا أفلام نولان مقدسة عن النقد؟

لأنك تبي تحجّر بالغصب ليس إلا.. اذا المخرج عنده ابداعات ماراح امسكها عليه عشان فلم واحد دون المستوى

ديل تورو قدم فيلم واحد عبقري عن دستة أفلام لمخرجين غيره، ليش ما يستاهل المدح وأنت تقول إن الكلام عن الكيف موب الكم. (سيناريو العراب وكوبولا)

تمام! بهالمنطق انت تمجّد في مخرج عشان فلم واحد وعنده افلام سيئة "وماسكها على انسومنيا لول" فلا تستغرب من الكلام اللي نقوله على نولان

واذا على الفترة الزمنية القصيرة، بيتر جاكسون، الأخوان كوين، ديفيد فينتشر كلهم صار لهم نفس سيناريو نولان.، سنَّة السينما.

اللي ذكرتهم مو كل افلامهم ممتازة

 

[Rookie]

نهاية "شبه" مثالية سلسلة رائعة! بانتظار الـBlu-ray Trilogy set

 

[Painkiller Q8]

فلم رعب غامض وغريب ، بكل بساطه من اروع الأفلام الي شفتها في حياتي ... القصه شيء مبتكر وجديد ومختلف وغريب ... اول نصف ساعه من الفلم تحس انه فلم مكجول وعادي جداً ... وبعدين يتغير ويصير قوي !!'ة

من الأفلام الي تحبس الأنفاس وتلحس المخ وتبهرك جداً

لا يفوتكم وأنصح محد يشوف اي تريلر لان ممكن يحترق الفلم كله

تقيمي 8،5/10

 

[AL3TTR-M]

نهاية "شبه" مثالية سلسلة رائعة! بانتظار الـBlu-ray Trilogy set

الحين ليش فاتحين موضوع رسمي للفلم ؟
احس ودكم تدخلون تحطونه هنا لان ماحد هناك
مانبي نشوف ارائكم بالفلم
لا رهيب ولا شين ولا شي ابدا ابدا ابدا !
الي يقهر انك حاط رايك هنا وهناك

 

[Rookie]

الحين ليش فاتحين موضوع رسمي للفلم ؟
احس ودكم تدخلون تحطونه هنا لان ماحد هناك
مانبي نشوف ارائكم بالفلم
لا رهيب ولا شين ولا شي ابدا ابدا ابدا !
الي يقهر انك حاط رايك هنا وهناك

ما أشوف إن كتابة "انطباع" فيه سبويلر، بلاش حساسية زايدة.
وبعدين أنا كتبت آرائي المليانة بالسبويلرات في موضوع الفيلم لو كنت مهتم...

 

[Fatale]

فلم رعب غامض وغريب ، بكل بساطه من اروع الأفلام الي شفتها في حياتي ... القصه شيء مبتكر وجديد ومختلف وغريب ... اول نصف ساعه من الفلم تحس انه فلم مكجول وعادي جداً ... وبعدين يتغير ويصير قوي !!'ة

من الأفلام الي تحبس الأنفاس وتلحس المخ وتبهرك جداً

لا يفوتكم وأنصح محد يشوف اي تريلر لان ممكن يحترق الفلم كله

تقيمي 8،5/10

اشوف انه فلم عادي جدا ما تحمست مره مع الفلم ):

 

[MH MD]

الحين ليش فاتحين موضوع رسمي للفلم ؟
احس ودكم تدخلون تحطونه هنا لان ماحد هناك
مانبي نشوف ارائكم بالفلم
لا رهيب ولا شين ولا شي ابدا ابدا ابدا !
الي يقهر انك حاط رايك هنا وهناك

هم حطوا موضوع فلم للسبويلرات لكن يمكن الواحد يبغى يشوف انطباعات الناس عن الفلم بدون ما يدخل ذاك الموضوع حتى ما يحرق على نفسه، ما اشوف فيها شيء لو الواحد حط مراجعته وانطباعه هنا عن الفلم، بدون حرق طبعا

 

[~L.O.R.D~]

أمس نزلت نسخة البلوراي لفلم the avengers
الفلم رائع جدا..مع انه انحرق علي نصفه بسبب 9gag

لكن..بعد ان تشاهده..ما تحسه انه عظيم لهذه الدرجة
أفلام مارفل كلها عليها بدجت عالية جدا...ومؤثرات رهيبة
لكن .. قصتها مو زيادة

محتوى مخفي: فقط اللي شافو الفلم

بعد انتهاء الفلم..ظهر شخص كان يتكلم في الفضاء..وصار يتكلم..بعدين ابتسم للشاشة
مين هذا ؟
لأني سمعت انهم حصلو على رخصة انتاج الجزء الثاني

فلم أخر شفته
The.Hunger.Games
رهيب..قصة رهيبة..انصح الجميع بمشاهدته
يمكن أقرأ الكتاب حقه عشان أعرف التكملة

The.Dictator
فلم رهيب .. كوميدي بدرجة مو معقولة....كمان يتمسخر على بعض الرؤساء المعروفين