أبغى مسلسل - الموضوع الرسمي -

[DEMON]

الدراما الدراما الدرااااااااااااااما قتلت المسلسل !!!

+1
فعلا ، عموما انا عن نفسي ما حبيت المسلسل ، حاليا اتابعه لمجرد اني "بدأته" .

 

[King Slime]

قاعد اشوف حالياً الحلقة 13 و 14 من فامباير دياريس الموسم 3

الموسم رهيب وعجبني عالثاني بس كمية التويستات صارت أقل من المواسم السابقة

 

[Silent-Horror]

أي بالمنـاسبة ايش تفضلـوا ؟ فامباير دايريز أو ترو بلود ؟؟؟؟

 

[xz995]

شفت اول حلقتين من ألكتراز تنصحوني اكمل ولا الباقي سخافة ؟

 

[Unknown]

أي بالمنـاسبة ايش تفضلـوا ؟ فامباير دايريز أو ترو بلود ؟؟؟؟

بالنسبه لي TVD وبمراحل .. المسلسل كل موسم يكون اقوى من الي قبله

Reven8e .. طول المسلسل عايشين على تويست :confuse:

 

[Silent-Horror]

بالنسبه لي TVD وبمراحل .. المسلسل كل موسم يكون اقوى من الي قبله

طاقم التمثيل في الترو بلود أكثر شيء يزعجـني ..
شخصيـة دايمن في الفامباير .. رهيبة

 

[kitkat]

يا جماعه ابغى ارائكم بالنسبة لهالمسلسلات
nikita , pretty little liars
افكر اشوف واحد منهم ,, <_<

 

[Unknown]

طاقم التمثيل في الترو بلود أكثر شيء يزعجـني ..
شخصيـة دايمن في الفامباير .. رهيبة

صحيح انا اول ملاحظه لأي مسلسل يدخل مزاجي .. الممثلين اولا ثم القصه

يا جماعه ابغى ارائكم بالنسبة لهالمسلسلات
nikita , pretty little liars
افكر اشوف واحد منهم ,, <_<

pretty little liars حليو .. واصلين الموسم الثاني الان
ومتابعه اول بأول .. اتابعه لان وحده من البنات عاجبتني لول

4 بنات علاقتهم مو مره مع بعض لأن الرابط بينهم بنت هي صديقة
لكل وحده منهم هالبنت ماتت .. بعد وفات صديقتهم صاروا يتجمعوا
مع بعض ونفس الوقت صار يجيهم تهديد وكشف فضائح ومواقف كثيره
تقدر تقول القصه غموض على مدارس على حب

 

[Silent-Horror]

pretty little liars حليو .. واصلين الموسم الثاني الان

دراما المسلسل ؟؟؟
أحلى بنت في المسلسلات الجديدة هي جيسي اللي في New Girl

 

[m5050]

شفت Spartacus ثلاث حلقات وكملت باقي الحلقات بتقديم سريع ومشاهده المضاربات بس

- قصه مستعمله كثير ويمديك تعرف الاحداث ومن بيفوز في المضاربات قبل ما تشوفها
- مؤثرات رخيصه جداً وخصوصاً في المضاربات مجرد ددمان تطلع وبس وما تطلع صح بعد
- ما عندهم الا كم مكان يصورون فيه حتى انك تمل من كثر ما تشوف الاماكن
- ممثلين مخيسين

في الاخير مسلسل خايس ومدري وشلون شفته ما عندي شي من الزهق وفوق كذا مدري كيف ماخذ 8.7 في imdb ؟؟

 

[Silent-Horror]

في الاخير مسلسل خايس ومدري وشلون شفته ما عندي شي من الزهق وفوق كذا مدري كيف ماخذ 8.7 في imdb ؟؟

يمكن أخذ هالتقييم على المشاهد الاباحية لول .. أنا كمان أعتبره سخيف جدا .. و من المضحك مقارنته بـ Rome ..
شـوفلك Califorcation لو طفشـان

 

[m5050]

^

الممثل ( David Duchovny ) وجهه نايم لول :laugh::
يتم التحميل

 

[Raulioo]

الكتراز وصل لأدنى نسبة مشاهدة له هالموسم...:tongue:
ان شاء الله الالغاء قريب اذا استمر على هالحالة...خصوصا انها بيد جلادين فوكس
"ما أبالغ ان صارلي 4 ايام وما خلصت الحلقة الرابعة ، اشوفها وامل وانزلها وانساها !
هاوز ارتفع نسبة بسيطة..مع كل الاثارة بالحلقة الماضية بس شكلهم الناس ملوا فعلا منه 🙁

 

[Silent-Horror]

^

الممثل ( David Duchovny ) وجهه نايم لول :laugh::
يتم التحميل

على فكرة المسلسل إباحي سواء من ناحية الألفاظ أو الشاهد .. و ديفد أتقن الدور ببراعة مع إني استغربت كيف قبل بالدور هذا.. و المسلسل تحسه مو تمثيل كأنها حياة طبيعية و يوريك الوجه القبيح للحياة في المدن الأمريكية مثل لوس أنجيلوس .. فيه دراما و كوميدية ممتازة. فقط يعيبه الاباحية الزايدة عن حدها أحيانا

 

[NOBLE]

حلقة the walking dead الاخيرة ما كانت حماسية بشكل كبير :sadwalk:

إن شاء الله التاسعه تسوي المطلوووب ^_^

 

[SilentxS3ud]

من يتابع Hart of Dixie منكم؟ أحس اني الوحيد اللي اتابعه هنا :inlove:

 

[Sora Diersly]

^
شفت أول 10 دقايق من البلوت ونسيت اكمله. كيف المُسلسل؟ وش نوعه؟ عطني نبذه عنّه رجاءاً

 

[SilentxS3ud]

ممتع لابعد درجة! كوميدي مع احداث درامية بسيطة متوافقة بشكل ممتاز واصلاً فكرة البنت المتحضرة النيويوركية اللي ضحت بحياتها في نيويورك لتحقيق حلمها واضطرت تروح لبلوبيل في الاباما. بس تخيل انواع المواقف اللي ممكن تصير لها المسكينة من الـ Culture shock لحالها :laugh::
آصلا الكاست لحاله تحس لو اي احد غيد ممكن مايصير حلو لانهم فعلا ضابطين ادوارهم بدون استثناء

مسلسلي المفضل بجانب Ringer وممكن يكون مع Samantha Who? فالتوب 3 وانت تعرف كيف احب سامنثا هو؟ :inlove:

لازم تتابعونه

 

[Unknown]

^
^
اووه تتابع ringer :inlove:

 

[SilentxS3ud]

اي شيء من SMG مرحب فيه وبقوة :inlove: تخيل شريت الموسم كامل على الآيتونز بدون ما اشوف اي ترايلر او بريفيو وطلع افضل من اي شي ممكن اتخيله

 

[www]

Mad Men

شاهد الموسم الأول كامل , بصراحه ما ادري , مستوى الاخراج والتمثيل عالي وراقي لأبعد درجه صعب تطلع واحد ما يعرف يمثل كلهم تمثيلهم عالي العال ومن النادر نشوف مسلسلات كذا , مستوى الادرامه حلوه , مشكلة المسلسل انه قاعد يمشي بشكل بطيئ جدا وتقريبا ما في احداث الا في اخر حلقات الموسم , اجمالا المسلسل مو قاعد يمتعني بنفس الدرجه الي كنت أتمناها حسيته مسلسل فراغ من غير احداث ما ادري شكلي بسحب عليه أو ممكن أعطيه فرصه اشوف حلقه حلقتين من الموسم الثاني لربما اشوف شي جيد

 

[The Doctor]

من يتابع Hart of Dixie منكم؟ أحس اني الوحيد اللي اتابعه هنا :inlove:

شفت مقاطع منه على the Soup :laugh::

Mad Men

شاهد الموسم الأول كامل , بصراحه ما ادري , مستوى الاخراج والتمثيل عالي وراقي لأبعد درجه صعب تطلع واحد ما يعرف يمثل كلهم تمثيلهم عالي العال ومن النادر نشوف مسلسلات كذا , مستوى الادرامه حلوه , مشكلة المسلسل انه قاعد يمشي بشكل بطيئ جدا وتقريبا ما في احداث الا في اخر حلقات الموسم , اجمالا المسلسل مو قاعد يمتعني بنفس الدرجه الي كنت أتمناها حسيته مسلسل فراغ من غير احداث ما ادري شكلي بسحب عليه أو ممكن أعطيه فرصه اشوف حلقه حلقتين من الموسم الثاني لربما اشوف شي جيد

خلك معاه... السيزن الأول فعلاً بطيء جداً، بس المسلسل يصير أحسن بمرااحل مع كل سيزن جديد

اللعنة، السيزن الرابع كان اسطوري، مو قادر انتظر الخامس، 25 مارس

 

[www]

خلك معاه... السيزن الأول فعلاً بطيء جداً، بس المسلسل يصير أحسن بمرااحل مع كل سيزن جديد

اللعنة، السيزن الرابع كان اسطوري، مو قادر انتظر الخامس، 25 مارس

حمستني , بعطيه فرصه مع الموسم الثاني وان شاء الله يعجبني , على فكره الموسم الأول براحه كان يقدروا يختصروه في حلقه وحده , ما اذكر ألا حدث حدثين مهمين في الموسم p:

 

[The Doctor]

لا لا لا.. المسلسل slow-burner، لازم شوي شوي يبنوا الشخصيات p:

في أشياء تبين فايدتها بعدين..

 

[www]

لا لا لا.. المسلسل slow-burner، لازم شوي شوي يبنوا الشخصيات p:

في أشياء تبين فايدتها بعدين..

مو يكفي 3 او 4 حلقات يبنوا فيها الشخصيات ؟ مو مشكله نعذرهم لكن ما اتمنا اشوف موسم نفس الأول , ابي المسلسل شوي يتحرك الاحدث تتحرك شوي , شوي بس !, بس من كلامك نصبر نشوف >_>

بنسبه ل

السكرتيره هذه تمثيله يونيك ما شفته مثله من قبل , أحيانا اتمنا اشوفهم يركزوا عليها اكثر وتعرف عن ماضيها اكثر بصراحه تعجبني تمثيلها 🙂

 

[إحساس]

يا جماعه ابغى ارائكم بالنسبة لهالمسلسلات
nikita , pretty little liars
افكر اشوف واحد منهم ,, <_<

بريتي ليتل لايرز مسلسل مثله مثل قاسيب قيرل .. لكن الفرق فيه أن بدايته مثيرة للإهتمام " وهذا اللي خلاني أتابع من الحلقة الأولى عشر دقايق بالكثير على ما أظن بدلاً من أني أسكره من أول دقيقتين *_* " لكن هو عموماً مثله مثل أي مسلسل ثاني .. بنفس الأسلوب

نيكيتا كثير راح يعجبك خصوصاً إذا كنت تحب الأكشنية والسرعة في الأحداث .. للأسف أنا ماشفته .. لكني دايماً أختاره لأخوياي إذا كانو يحتاجون لمثل هذي المسلسلات .. وفعلاً يمدحون لي إياه كثير بعد مايشوفونه

غريبة إن مافيه أحد تحدث عن هوم لاند هنا ؟ .. المسلسل أعتبره أفضل ماقدّم في السنة الماضية .. بعد قيم أوف ثرونز طبعاً *_*

 

[The Doctor]

مو يكفي 3 او 4 حلقات يبنوا فيها الشخصيات ؟ مو مشكله نعذرهم لكن ما اتمنا اشوف موسم نفس الأول , ابي المسلسل شوي يتحرك الاحدث تتحرك شوي , شوي بس !, بس من كلامك نصبر نشوف >_>

بنسبه ل

السكرتيره هذه تمثيله يونيك ما شفته مثله من قبل , أحيانا اتمنا اشوفهم يركزوا عليها اكثر وتعرف عن ماضيها اكثر بصراحه تعجبني تمثيلها 🙂

أوه، بيعجبك مستقبلها (;


بس بغيت أأكد هالشي: المسلسل بيظل بطيء بالمقارنة بأغلب المسلسلات، ما أبغى كلامي إنه بيصير أسرع يعطيك توقعات غير واقعية.. بس طبعاً أبداً ما بيرجع لنفس بطئ السيزن الأول

 

[www]

أوه، بيعجبك مستقبلها (;


بس بغيت أأكد هالشي: المسلسل بيظل بطيء بالمقارنة بأغلب المسلسلات، ما أبغى كلامي إنه بيصير أسرع يعطيك توقعات غير واقعية.. بس طبعاً أبداً ما بيرجع لنفس بطئ السيزن الأول

صدقني فاهمك أنا , المسلسل واضح توجهه أنه كذا على طول , وما اكذب عليك أنه عاجبني لكن المشكله حاسس بفراغ في المسلسل , مو مسألة بطئ فقط , بصراحه ممكن لأن المسلسل توجهه اقتصادي بزياده واحيانا ينلحس مخي ومعاهم وهذا ماخذ حيز كبير في الحلقات والدرامه والاحداث تصير بسيطه مع كل حلقه , بصراحه أنا في حيره المسلسل حبيته وما حبيته في نفس الوقت 🙁

 

[Raulioo]

ماد مين مترابط الاحداث ولا كل حلقة احداث مستقلة ؟

 

[The Doctor]

حاس بك.. أنا حاولت يمكن 4 مرات قبل لا أشاهد الحلقة الأولى كاملة، و قعدت فترة طويلة لين ما خلصت السيزن الأول، و ما دخلت معاه جو إلا بعد كم حلقة من السيزن الثاني

أقكر أشاهده مرة ثانية...