أبغى مسلسل - الموضوع الرسمي -

[Nyx]

أبغى مسلسل كوميدي ومايكون سامج .
أحد تابع ستار تريك الأورجينال ؟ أفكر إني أنزله ذي اليومين ...

 

[Majeed]

^

كوميونيتي.

 

[The Doctor]

ايش المسلسلات الكوميدية اللي انت شاهدتها و عجبوك؟

 

[Nyx]

ساينفيلد.

 

[The Doctor]

عجل عندك Arrested Development و Curb Your Enthusiasm و Community

 

[إحساس]

أممم .. خلصت الموسم الأول من Weeds قبل شوي .. وللأسف .. أحبطتني كثييير بعض الأحداث اللي صارت بمسار القصة ..

المشكلة ماهي من المسلسل .. المشكلة بالثقافة " الغربية " اللي مأثرة بشكل كبير على المسلسل .. وطبعاً هالشي يحصل عادةً بالمسلسلات الإجتماعية الغربية .. الثقافة الغربية يكون لها الدور الأكبر هنا .. وهذا اللي كنت متخوف منه وحصل فعلاً ..

معليش إذا أدخلت هالأمر في تقييمي الشخصي .. لأني فعلاً أكره هالنقطة كره شديد جداً بالأعمال الغربية .. مشكلة شخصية فيني *_*

عموماً .. المسلسل سابقاً كان يستاهل 8.5 لأنه كان على مسار ورتم درامي متطوّر بشكل جيد جداً .. الآن ممكن أقيمه 7 ..

المسلسل بشكل عام فكرته وأسلوبه ممتازين .. وهذا الشي اللي بيخليني أكمله ..

 

[Golden_Sun]

Weeds من أفضل ما شاهدت، dark comedy/drama والتطور اللي يصير بكل سيزون وتوسع الاحداث والشخصيات، يشد!
ومن المسلسلات الكوميدية للي سأل فوق اضحك شي Modern Family لول!

حالياً قاعد اشوف:

Weeds S5
True Blood S3
Drop Dead Diva S2
Being Erica S3
Modern Family S1
The Voice S1

وبعدهم:
House S5
Game of Thrones S1
Leverage S1
Cougar Town S1



أحد عنده فكرة عن The Big C اذا للحين ينعرض او توقف؟ *googling*

 

[إحساس]

^

طمنتني بهالرد .. اليوم راح أكمل الموسم الثاني وبشوف إيش اللي بيحصل ..

المشكلة مو من المسلسل للأمانة المشكلة فيني .. أنا شخصياً ما أتقبل بعض الأشياء الموجودة بالمسلسلات الأجتماعية الغربية عادةً .. مدري بس يمكن علشاني مايل للأعمال اليابانية أكثر ؟ مدري صراحة ..

فيه موقع أسمه is my show cancelled يعطيك تفاصيل ومعلومات حول المسلسل اللي تبغى تعرف عنه من هالناحية .. المسلسل اللي قلت عنه أنت راح يتجدد من قبل قناة شوتايم .. وراح يعرض في السنة هذي ..

وفعلاً .. المسلسل نزلت منه حلقتين ويبث كل يوم أثنين على قناة شوتايم حالياً " لو أني قايل كذا من البداية كان أصرف :laugh:: "

 

[إحساس]

The Vampire Diaries

إنتهى الموسم الثاني بسلام .. وأخيراً ..

هالمرة وقت العرض طويل جداً على غير العادة بأي مسلسل تلفزيوني .. والموسم الثالث جاي بعد شهرين " شهرين و8 أيام بالضبط " .. وطول مدة العرض كانت سبب لهالشي .. وهالشي صاير في مسلسلات قناة CW عموماً ..

يمكن الشي اللي متضايق منه ومازلت متضايق منه بهذا المسلسل هو " السرعة " .. المسلسل قاعد يحاول يوصّل المشاهد لذروة حماسه .. والقناة بشكل عام هذي سياستها في جميع مسلسلاتها .. مو بهالمسلسل فقط ..

أنا تحمست و وصلت لذروة حماسي صراحة .. بس هذا مايعني أني أستانس من هالشي .. لأني فعلاً أفتقدت للنصوص والحوارات القوية واللي أعتبرها ميزة بالمسلسلات الغربية وهي الأسباب اللي خلتني أتابع المسلسلات بشكل عام ..

القصة تطوّرت كثير .. كثيييير تطورت .. الشخصيات زادو بشكل كبير وأصبحت لكل شخصية مكانة جيدة بالمسلسل .. والمسلسل بدت تتشعب قصته مع تشعب الشخصيات ..

الرومانسية بشكلها الحقيقي في هذا المسلسل " على غير العادة بالمسلسلات الغربية " .. ممكن أختصر نقطة الرومانسية " واللي هي من أساسات المسلسل للمعلومية " في هذي الجملة اللي ذكرتها ..

تطوّر الشخصيات تطوّر مذهل جداً حقيقة .. أذهلتني تصرفات بعض الشخصيات بالمسلسل والتطوّر الكبير اللي حصل فيها .. حلقة ورا حلقة راح تحس أنك عايش مع شخصيات حقيقية ومتطوّرة بشكل دائم مع الأحداث اللي صايرة بالمسلسل ..

عموماً .. المسلسل أسلوبه جميل جداً وأرتفع تقييمه عندي صراحة .. يمكن سلبية المسلسل الوحيدة أنه مفقود تماماً من مميزات العمل الغربي " الحوارات القوية والنصوص الذكية " .. ويمكن هذا السبب الأهم اللي جعل من المستوى التمثيلي بالمسلسل مستوى مرتفع على عكس الأسماء الضعيفة اللي فيه .. لأنه حرفياً حسيت أن التمثيل بالمسلسل سهل جداً ومايحتاج له جهد من قبل الممثلين من شدة السرعة اللي فيه + أفتقاده للحوارات الصعب أدائها من قبل الممثلين .. لكنه يمتلك مميزات أخرى مختلفة عن أي عمل آخر ..

حبيت ديمن كثيييير للأمانة .. مع أن النصوص اللي بالمسلسل ماتساعده أنه تظهر قدراته .. لكن مستواه التمثيلي رائع ويستحق الأشادة ..

8.5

 

[Classic Player]

أبغى مسلسل كوميدي ومايكون سامج .
أحد تابع ستار تريك الأورجينال ؟ أفكر إني أنزله ذي اليومين ...

ذا أوفيس

 

[GYWN]

محتوى مخفي: Game of Thrones SPOILERS!!

هو دائماً كرر إن التنانين ما تقتلها النار.. هالجملة لها معنين، التنانين نفسهم، و عائلة تارغاريان (اللي شعارهم تنين) ما تقتلهم النار

واضح إن الأخو ما كان يعنيها حرفياً، بس الجملة لها تاريخ و أساس.. لو تنتبه إن دينيريس ما تعورها النار أو الموية الحارة، بكل بساطة دينيريس ورثت هالقوة، أخوها ما ورثها، مما يعني إنه مش "تنين" حقيقي

بمعنى ثاني نغل. :laugh::

 

[The Doctor]

^

محتوى مخفي: Game of Thrones

مش ضروري.. شخصيات المسلسل ما يفهموا في الجينات و الوراثة، بس هذا لا يعني إن مالها مكان في القصة

أيضاً استخدم السبويلرات..

 

[The Doctor]

بعد ساعة..

 

[The Last Fantasy]

^ خخخ بوستر أليم.

بس أخيرًا لول. ما أقدر أنتظر اللحظة الي أشغل فيها الحلقة.

 

[إحساس]

من الأخبار اللي شدتني مقابلة مع كاتب قصة بريكنق باد Vince Gilligan .. تكلم فيها عن تفاصيل كثيرة بالمسلسل وأهمها نهاية المسلسل ..

قال بأن نهاية المسلسل غالباً راح تكون بالموسم الخامس .. لكن .. باقي سنة على هذا الشي .. فـ من الممكن أني أغير رايي " على حد قوله " ..

بالنسبة لي أشوف أن الموسم الخامس أو السادس يعتبرون أفضل خيارين للمسلسل .. إطالة القصة أحياناً تكون سلبية لصالح المسلسل وماتفيده مستقبلاً ..

مصدر

 

[Raulioo]

بريمر داماجيز يوم الاربعاء على ما اظن ؟ بنشق نصين من الحماس @@

 

[53]

Six Feet Under

تعريف الـ Well-written. ما اعتقد فيه عمل بتاريخ التلفزيون تكلم عن موضوع 'الموت' بإحترافية وإتقان مثل سوى Alan Ball بمسلسله. شي جبار. الواقعية بـSFU حسستني قاعد اشوف ناس جدامي، مو شخصيات يمثلون!

محتوى مخفي: نهاية المسلسل

من وين أبلش؟ أخر 10 دقايق بالفينالي... *يتنهد*... وحده من افضل النهايات الي شفتها بحياتي. مادري، يمكن لانها مو بس مجرد نهاية مسلسل؟ يمكن لانها خلتني أتخيل شلون ان كلنا راح نموت بيوم معين، بطريقة مختلفه، و بوضع مجهول مثل ما صار للشخصيات بالمسلسل.

تبي مسلسل دراما/واقعي فيه كاست ممثلين متفصلين خصيصاً لأدوارهم، يعيشونك معاهم كل يوم بدار جنائز؟ ما أعتقد فيه لك خيار ثاني. عالأقل حالياً.

 

[Raulioo]

داماجيز بيبدأ اليوم بموسمه الرابع...بحاول اترجمه مع ان صارلي سنة كاملة بعيد عن هالمجال @@

 

[m7787m]

تابعت حلقتين من Game Of Thrones المسلسل فاق توقعاتي بشكل... أجواء المسلسل رائعة جدا...

---

من ناحية أخرى ما زال House بموسمه الرابع أحد أفضل أعمال التلفاز بالنسبة لي 🙂

 

[إحساس]

طبعاً قبل ما أدخل في التفاصيل .. المسلسل حصل على أقوى سكيب ..

قصة المسلسل تبدأ بمشهد يجتمع فيه مجموعة من الأصدقاء اللي راح تلاحظ أنهم جالسين في مخيم خارج المدينة ..

بعد فترة وجيزة راح تدخل شخصية جديدة على هذي المجموعة .. دخولها ماكان طبيعي أبداً .. أصوات مرعبة وأشياء غريبة .. وفجأة يكتشفون أن البنت كانت تمزح أو شي من هذا القبيل ..

عموماً .. يبدأ المشهد الثاني واللي راح تشوف فيه المجموعة نامت بالكامل بعد السهرة اللي سهروها .. تقوم وحدة من الشخصيات وتبحث عن الصديقة الأخيرة اللي جت " ناسي أسمها بالضبط " .. وبعد ماتبحث وتبحث وتسأل صديقاتها عن هالشي .. تتفاجأ بإختفائها ..

طبعاً هذي بداية المسلسل واللي ماهي سبويلر لأنها راح تجيك في أول حلقة وفي أول ثواني المسلسل ..

بصراحة لما شفت هالشي قلت في نفسي أن المسلسل راح يكون جيد بهذي البداية القوية والغريبة .. تحمست شوي وطوّلت الصوت وجلست أركز على الأحداث الباقية ظناً مني أني راح أعيش تجربة مختلفة ..

فجأه .. المسلسل أختلف بالكامل عن البداية اللي بدا فيها ..

المسلسل تحوّل إلى نسخ لصق من مسلسل قاسيب قيرل .. بنات أغنياء .. عرض أزياء في كل مشهد .. ساوند تراك في كل مشهد بشكل يحسسك أن المسلسل غنائي .. ورومانسية مقرفة جداً ..

للأمانة بداية المسلسل شدتني كثير .. لكن أتضح ان المسلسل هذا أسلوبه .. والبداية مجرّد شي منفصل لشد المشاهدين فقط ..

فلذلك .. أقوى سكيب ..

إلى boardwalk empire

 

[إحساس]

[video=youtube;KK4YuIf2cIg]http://www.youtube.com/watch?v=KK4YuIf2cIg&feature=related[/video]

مسلسل أكشن جديد راح يعرض في شهر سبتمبر المقبل .. ماكنت مهتم لأمر المسلسل كثير بس شد إهتمامي الطاقم اللي راح يعمل على المسلسل ..

من إنتاج وكتابة المبدع Jonathan Nolan كاتب قصة فلم The Dark Knight و The Prestige و Memento .. أعتقد هالشي كافي أنه يخلينا نتحمس للمسلسل ..

أيضاً من إنتاج شخص آخر معروف وهو J.J. Abrams " فرينج و لوست "

الطاقم الإنتاجي مستواه عالي جداً .. أتمنى أن هالشي ينعكس إيجابياً على مستوى المسلسل ..

 

[Lord of Cinder]

قبل شهرين اعلنت فوكس عن مسلسل Terra Nova اللي راح تعرض اول حلقة منه في 26 سبتمبر ، المسلسل خيال علمي - دراما وللامانة الاجواء اللي بالتريلر خراااافية بمعنى الكلمة وذكرتني بافاتار ولوست

هذا التريلر اللي مااعتقد قد انحط هنا :

[video=youtube;X6aNEIZwPFc]http://www.youtube.com/watch?v=X6aNEIZwPFc[/video]

 

[The Doctor]

ترشيحات الايمي طلعت

:\
اثنين من القرف BBT في أحسن ممثل كوميدي و ولا واحد من Community.. و الله؟ على الأقل عطوا Louis CK شي
اوه صح، أيضاً مرشحين هذاك الهبل من Two and a Half Men.. المسلسل غبي بزيادة عشان يستحق أي ترشيح في اي شي

نفس الحالة في أحسن مسلسل كوميدي TBBT بدال Community، و مادري ليش the Office إلى الآن يحصل ترشيحات أصلاً

المرشحين لأحسن ممثل رئيسي في مسلسل دراما، اللستة طالعة غريبة من دون برايان كرانستون هالسنة، بس بداية سيزن Breaking Bad ما تأهلهم يترشحوا
ما شاهدت Justified فما أدري إذا Timothy Olyphant يستحق، بس أحس إن يا Steve Buscemi أو Jon Hamm يفوزوا.. على الأرجح Jon Hamm لأن صارله من أول سيزن لMad Men و هو يترشح بس ما يفوز

في أحسن ممثل مساعد.. PETER DINKLAGE.. يستحق، كان رهيب بس ما اتوقع يفوز للأسف :\

أحسن مسلسل دراما، اللستة تمام ما عدا دكستر، السيزن كان قمامة و ما يستحق يترشح إلا للRazzie Awards.. لو مرشحين Treme كان على الأقل أحسن، بس كالعادة، محد شاهد the Wire إلا بعد قرن، Teme نفس الحالة

 

[Raulioo]

^^
بيج بانج عندي أفضل مسلسل كوميدي من حيث الاوريجناليتي وثبات المستوى وقوة النكات من فترة طوييييييلة جدا...ما اذكر حلقة خيبت ظني بقوة ، ودائما شيلدن يكون بالموعد :laugh::
بس ما تابعت ذا كوميونتي عشان ابدأ بالمقارنات :sarcastic:

 

[Yuki]

miniseries ما يدخلوا في الترشيحات ؟ توقعت اشوف ترشيح ل Kate Winslet

 

[The Doctor]

^مرشحينها.. اختيار الcatagory على اليسار..

 

[53]

^
Kate Winslet ترشحت: Lead Actress In A Miniseries Or A Movie

 

[The Doctor]

بس تدروا ايش هي الabomination الحقيقية؟

The Late Late Show with Craig Ferguson مو مترشح.. SNL اللي ما يصير عدل إلا مرة كل سنتين يترشح و Craig اللي كل ليلة يخليك تصيح من الضحك ما يحصل شي؟؟

ذوق معفن من جد..

 

[zlatanovic]

TBBT هو افضل مسلسل كوميدي في الساحه حاليا . كوميديا جديدة مافيها التكرار الغربي الممل .
اربع مواسم كل واحد يقول انا احسن من الثاني .. وان شاء الله يستمر الخامس على نفس المسار . شيلدون للفوز

 

[Raulioo]

اخيييييييييرا نزلت الحلقة الاولى من الموسم الرابع من داماجيز...بغد ما سببت العذاب لكل الفانز من وقت عرضها امس..المشكلة ان عرضه حصري على Direct Tv واللي يخلي الابلدودرز الشهيرين ما يقدرون يسجلوها 🙁