أبغى مسلسل - الموضوع الرسمي -

[Painkiller Q8]

^
الله يستر

جاري المشاهده ... في بالي شيء اتمنى مايصير !!!!!

 

[www]

بريكينق باد.


لا تعليق.....

نفسي مره اشوف لك تعليق دسم عن المسلسل >_>

طبعا اكيد انطباعك مهم بنسبه لي بس مو مشكله 🙂

 

[R.ZoRo]

ها شباب أشوفها عالجوال ! ، ماني قادر انتظر اكثر

 

[www]

ها شباب أشوفها عالجوال ! ، ماني قادر انتظر اكثر

اذا عندك أيفون او جلاكسي او اي جوال يشغل وضوح HD فليش لأ ؟

وجيب لك سماعات اذان واستمتع بالمشاهده 🙂

لول انا بنسبه لي عندي جوال فيه بورجيكتر (&)

اقدر اشغل الحلقه في أي جدار في بيتنا واركب السماعات , , اقدر اشوف الحلقه ب70 بوصه وانت طالع في الشارع او في أي مكان p:

 

[Painkiller Q8]

اذا عندك أيفون او جلاكسي او اي جوال يشغل وضوح HD فليش لأ ؟

وجيب لك سماعات اذان واستمتع بالمشاهده 🙂

لول انا بنسبه لي عندي جوال فيه بورجيكتر (&)

اقدر اشغل الحلقه في أي جدار في بيتنا واركب السماعات , , اقدر اشوف الحلقه ب70 بوصه وانت طالع في الشارع او في أي مكان p:

توني نقلت الحلقه 720ب إلى الآيفون عن طريق برنامج iTools ... راح اشوفها الحين ^^

على فكره شكلك تحب BB بزياده .. تبي تي شيرت هايزنبيرق؟ غير مستعمل مالبسته ههههههه

 

[www]

^
افااااااااااا عندك تي شيرت هايزنبرج ولا تلبسه ؟ :sarcastic:, والله لو عندي لأتلحف فيه واسويه بطانيه من حبي له وحلاته عليه توقيع براين نفسه بعد :inlove:

 

[Netero]

بالنسبة لي لين الحلين وانا ما شفت الحلقة السادسة, بشوفها بعد شوي وبحمل السابعة

 

[Majeed]

نفسي مره اشوف لك تعليق دسم عن المسلسل >_>

طبعا اكيد انطباعك مهم بنسبه لي بس مو مشكله 🙂

انطباعاتي غالبًا قصيرة ومختصرة. لكن إن شاء الله مع الفينالي الاسبوع الجاي.

 

[Painkiller Q8]

الحلقة السابعة :

 

[PS]

أحد شاف هذا المسلسل؟

كل ما اشوف تريلر انبهر منه @@ والكل يمدح فيه في كل مكان ...ز شكلي ببلش فيه بعد BB

مب طالعة الصورة.

 

[AL3TTR-M]

أحد شاف هذا المسلسل؟

كل ما اشوف تريلر انبهر منه @@ والكل يمدح فيه في كل مكان ...ز شكلي ببلش فيه بعد BB

مافيه صوره

 

[Netero]

ظاهرة عندي الصورة, المسلسل هو raise hell

 

[AL3TTR-M]

^
رابطه بالـimdb بالله
مالقيت مسلسل بهالاسم ..

 

[AL3TTR-M]

المسلسل قديم فهل تصويره سيء ؟ وهل فكرته مقاربه لperson break?

تصويره قديم حلقتين وتتعود

بس فكرته لا مب زي بريسون بريك
تشبه له بس مب زيه

 

[Netero]

اوه اعتذر, اسم المسلسل Hell

On Wheels
​

​http://www.imdb.com/title/tt1699748/

 

[Painkiller Q8]

محتوى مخفي: بريكنج الحلقة 7 الموسم الخامس

كرهت والت ، بصراحه صار جشع وغبي ولا فيه ذره رجوله

احرجه مايك يوم قال انت سبب كل المشاكل لأنك لو كنت تطبخ ومسكر فمك كان الامور تمام

ومن الحقد ذبح مايك

كرهته اكثر من سكايلر :

 

[T u R k I]

محتوى مخفي: Breaking Bad S05E07

انا مقهووور!! اقسم بالله خربوا والتر وكرهته بعد ماكان من الشخصيات المحبّبة عندي بالمسلسل

في بداية الحلقة قال "say my name" انا قلت مشهد ماله داعي خلاص عرفنا انه صار badass بهالموسم

وبقية الاحداث نمشيها، لكن آخر شي مو عارف يسيطر على غضبه ويقتل رجل كان معه عشان كلمتين!! وقال ايش قال نسيت ان ليلي عندها الاسماء واقدر اسألها!!

مايك 🙁

 

[Jonas]

محتوى مخفي: breaking bad s05e07

زي ما توقعت مايك مات

 

[www]

بريكنج باد الحلقه السابعه

حلقه جوه كئيب وطول الحلقه قاعد على اعصابي 🙁

تبا للمخرج :

محتوى مخفي: سبولير

رسميا والتر وصل مرحله الواحد غصبن عنه يكرهه , حديث مع جيسي في الفلوس تبين ان ما فيه اي انسانيه , يا حمار انت قاعد تكلم جيسي رفيق العمر في المسلسل 🙁

والنهايه بنسبه لتركي , والت ما قتل مايك على شان انه غضب من كلامه , قتله على شان ما يكون في دليل ضده , لان ان مسكوه الشرطه يمكن يعترف , والدليل على كلامي انه اخذ المسدس قبل لا يوصل له

على فكره موت مايك غريبه جدا , احد يفهمني شسالفه ؟

في تنبئات ان النهايه بتكون كئيبه وهذا الي ما احبه 🙁

الحلقه ضيقة خلقي :/

 

[T u R k I]

محتوى مخفي: ^

رسميا والتر وصل مرحله الواحد غصبن عنه يكرهه , حديث مع جيسي في الفلوس تبين ان ما فيه اي انسانيه , يا حمار انت قاعد تكلم جيسي رفيق العمر في المسلسل

واضح ان المؤلف مستقصد انه يورينا ان والتر صار وحيد الآن وكيف صار مهووس بعمله، يعني سكايلر ماعاد تكلمه، ولا عياله عنده، وجيسي يبي يترك الشغل

لكن أبداً ماتوفق انه يظهر لنا انه صار badass بالغصب، وانه حتى مايهتم لطفل مات بسببهم! مادري اذا هو مهتم بعد الكلام اللي قاله لجيسي لكن ابداً مش ظاهر عليه

عموماً من زمان وانا متأكد وان المسلسل بينتهي بموت والتر بالسرطان، لكن بعد كل هالأحداث الله اعلم كيف المسلسل بينتهي.. ممكن لما سكايلر قالت انتظر السرطان يرجع تلميح فعلاً انه بيرجع

وممكن المسلسل ماينتهي على خير بين والتر وجيسي وهذا اللي خايف منه.. لأنّ هو السبب في موت صديقته الاولى + تسمم الولد + موت مايك .. ومااتوقع المسلسل بينتهي بدون مايعترف له والت

برضوا متحمس اشوف وجه هانك لما يعرف حقيقة والت

والنهايه بنسبه لتركي , والت ما قتل مايك على شان انه غضب من كلامه , قتله على شان ما يكون في دليل ضده , لان ان مسكوه الشرطه يمكن يعترف , والدليل على كلامي انه اخذ المسدس قبل لا يوصل له

يمكن اخذ المسدس احتياط عشان مايك مايقتله

والتر قبل مايروح لمايك جيسي قال انه مستحيل يشي بنا وهو قال صحيح، لكن رجاله ممكن

وحتى لو كان بيقتل مايك ماكان بيسلم له الحقيبة ويروح لسيارته ويرجع مرة ثانيه + هو تأسف لمايك وقال انه تذكر ان ليلي عندها الاسماء ويقدر ياخذها منها، فهذا يدل على غضبه وانه تصرف زي الاهبل بدون تفكير

انا توقعت ان مايك بيموت في احد الحلقات، لكن ابداً ماتوقعت انه بيموت بهالطريقة!

 

[The Doctor]

محتوى مخفي: ^

واضح ان المؤلف مستقصد انه يورينا ان والتر صار وحيد الآن وكيف صار مهووس بعمله، يعني سكايلر ماعاد تكلمه، ولا عياله عنده، وجيسي يبي يترك الشغل

في الحلقة الأولى، إذا تذكروا، في بداية الكلاس:
"Chemistry, technically is the study of matter. But I prefer to see it as the study of change."

🙂

 

[Raulioo]

محتوى مخفي: BBs05e07

والنهايه بنسبه لتركي , والت ما قتل مايك على شان انه غضب من كلامه , قتله على شان ما يكون في دليل ضده , لان ان مسكوه الشرطه يمكن يعترف , والدليل على كلامي انه اخذ المسدس قبل لا يوصل له​

لا أبدا..واضحة انها ضمن آثار تقلب شخصية والتر للسفاح اللي صرنا نتابعه اسبوعيا..ما قدر يمسك نفسه من الغضب لأن مايك بيسافر ويهرب بينما هو بيضل على اعصابه لأن بأي لحظة اتباع مايك بيشون فيه وما يملك أسمائهم ولا بيده شي..وطبعا هذه تراكمات نفسية من لحظة ما مايك ما شكره على الـ 5 ملايين او ابعاد الخطر عنهم
المخرج استاذ بطريقة عرض الموتات الغريبة من جاس الى هذه ، حاسها اقتباس من

محتوى مخفي: ثلاثية العراب

نهاية مايكل

لول من كمية التغييرات في شخصية والت حاس موسم كامل بالوسط فاتني @@ صار بكائه بمكتب هانك هواية يومية حتى يحصل مبتغاه ، واثق ان المخرج بيقودنا تدريجيا لنهاية موت جيسي بسببه و ممكن "سكايلر؟"..اهم شي ما ينتهي المسلسل بدون مواجهة بينه وبين هانك بعد انكشاف حقيقته
مساعد هانك رهييب..شفتوا ابتسامته الكريبي عند محامي مايك ، تحسه ابليس على شكل انسان ، سرق كمية الشر بهايزنبرج بالراحة p=

 

[H2O]

 

[DEMON]

حبيت حلقة بريكنج باد جداااا.

وجبيت والت أكثر وأكثر :evil::

 

[Majeed]

نسخة محسّنة.

..............
.................

ما أتوقع أني بنام الليلة.....

 

[R.ZoRo]

حبيت حلقة بريكنج باد جداااا.

وجبيت والت أكثر وأكثر :evil::

ههههههه مادري وش فيهم الناس !؟

احسن حلقة بالموسم + والت حبييته اكثثر !! .

 

[iNakedSnake]

شفت الحلقه السابعه :/

محتوى مخفي: BBS05E07

والت شخص لا يطاق , من بدايه السيزن و المخرج إلا يبي يخليه باد آس غصب ..بكل فرصه ممكنه , ولقطه say my name تعريف التشيزي :yuck::

مايك :crying:

 

[MoShaKiS]

محتوى مخفي: BB0507

أول الحلقه أعدت اللقطه أكثر من مره وآخرها جمدت قدام الشاشه بذهول ..

كلنا شهدنا تطور شخصية والتر من رجل بسيط الى شخص ضميره يتلاشى مع الوقت كله عشان يحقق اللي يبيه ، كل اللي أشوفه الآن نسخه من قاس تشق طريقها للقمه ..

عندي احساس ان هذا اللي بيصير آخر شي لكن بطريقه ثانيه تذكرون الأغنيه المكسيكيه اللي تتكلم عن هايزبرق أذكر أني كتبت رد يقول أن جيسي يقتل والتر ويسيطر على التجاره

لكن الظاهر العكس اللي بيصير والتر بيرسل جيسي وهو لابس اللبس هذا يعني بيرسله لى موتته 🙁

أخيرا الأغنيه المكسيكيه بدأت تشتغل أحداثها الآن هايزنبرق يسيطر على الماركت والباقي بالطريق ...

تعديل : زياده على سالفة والتر يرسل جيسي لم موتته هذي من الأغنيه المكسيكيه والصوره اللي توافقها لجيسي متنكر على أنه هايزنبرق

"But that homie's dead / He just doesn't know it yet"

 

[PS]

^
الصور شي يخووووف,أذا توقعك صار والتر بكووووون :spy: شيطان.

 

[www]

محتوى مخفي: تركي

واضح ان المؤلف مستقصد انه يورينا ان والتر صار وحيد الآن وكيف صار مهووس بعمله، يعني سكايلر ماعاد تكلمه، ولا عياله عنده، وجيسي يبي يترك الشغل

لكن أبداً ماتوفق انه يظهر لنا انه صار badass بالغصب، وانه حتى مايهتم لطفل مات بسببهم! مادري اذا هو مهتم بعد الكلام اللي قاله لجيسي لكن ابداً مش ظاهر عليه

اكره القول اني كرهت والت , بس بكير القول ذالك , نفسي انتظر واشوف الكاتب ايش يبي يوصل له بضبط

عموماً من زمان وانا متأكد وان المسلسل بينتهي بموت والتر بالسرطان، لكن بعد كل هالأحداث الله اعلم كيف المسلسل بينتهي.. ممكن لما سكايلر قالت انتظر السرطان يرجع تلميح فعلاً انه بيرجع

مو من عادت المسلسل يعطيك تلميحات سهل وتصير فعلا , لا تنسى مشهد المستقبلي , بحسب عقلية فينس , احسه مخطط يسوي شي غير متوقع , مشهد المستقبلي فيه أن ولا ليش مهتمين فيه وعارضينه في اول حلقه , ألا ان في شي ناوي عليه >_>
بالمناسبه رجوع السرطان لوالتر صارت مأكده وشفنا هالشي لمن والت كان يكح ويبلع حبوب في المشهد المستقبلي لكن هل راح يموت ؟ الله اعلم , بنسبه لي اتوقع ما راح يموت

يمكن اخذ المسدس احتياط عشان مايك مايقتله

معاك حق

على كل حال , لمن شفت الحلقه اكثر من مره , بحسب طبيعة شخصية والت والتغيير الي حصل له , اشوفه شي منطقي انه يتهجم على مايك بهذه الطريقه , وخاصتن ان والت يضن نفسه ان مايك مدينن له , تخيل نفسك تساعد شخص على الهرب ولمن تريد تسمع منه كلمة شكرا او اي كلام كويس منه وبدال من ذالك يصرخ في وجهك ويقول لك انت مو رجال
أيوه نعم انا اتفهم غضب والت تماما , وخاصتن ان طول السيزن دائما في بينهم هواش
هذه لحضة غضب واشوفها منطقيه جدا

محتوى مخفي: صادق

لول من كمية التغييرات في شخصية والت حاس موسم كامل بالوسط فاتني @@ صار بكائه بمكتب هانك هواية يومية حتى يحصل مبتغاه ، واثق ان المخرج بيقودنا تدريجيا لنهاية موت جيسي بسببه و ممكن "سكايلر؟"..اهم شي ما ينتهي المسلسل بدون مواجهة بينه وبين هانك بعد انكشاف حقيقته
مساعد هانك رهييب..شفتوا ابتسامته الكريبي عند محامي مايك ، تحسه ابليس على شكل انسان ، سرق كمية الشر بهايزنبرج بالراحة p=

أكره شي في المسلسل هو فراق جيسي عن والتر , وبصراحه اذا المخرج مخطط يخلي نهاية والت على يد جيسي فبتكون من أسوأ النهايات عندي وبصير كأن كل الي شفناه في السيزنات الأربعه مجرد وهم

http://im12.**********/2012-08-29/1346207724541.png

النهايه هذه بتصير وهم مجرد حلم , فينس اذا صدق الي في بالي فهو قاعد يقتل هالنهايه الرهيبه ويعطينه نهايه أسوأ وهذا الي ما أتمناه 🙁