Zero_IYAD

صباح النور , و مبروك عليك العطلة لول ! جا الوقت اللي تطحن فيه CC و تخلصها D;

هو لقب مع شهادة , أنا معاك في واحد بالراحة يستحقها (لا تخاف ما أقصدك لول)
اي بروح لحفل الجوائز ان شا الله , المفروض أصلا تجي من الرياض خصوصي عشان تحضر الحفل بس مسامحينك هالمرة p=

أتوقع انها من الـDevas حتى في الـHomeWorld , تقدر تتأكد من هذا الشي قريبا . لو كان Nikki معاك في الفريق يوم تقابلها في الـvipor manor أول مرة كان عرفت أكثر عن قصتها حسب ما سمعت , المشكلة حتى أنا ما كنت حاطه لأنه غثيث شوي p=

قريت الموضوع أجل , لو حصل و فزت بالجائزة و لا قدرت تحضر الإيفنت وكلني اخذ الجائزة عنك لول .

ههههههههه حبيبي إياد الله يسعدك ، خلينا نشوفك يا سديق P:

خخخخخ , مستحيل أفطر فول و وراي مذاكرة اختبار , البطن لازم يلعب بعده . و لا تذكرني واجد انك تخلص بكرة , أخاف أحسدك و أنا ما أدري لول .

نفس ردة فعلي يوم عرفت عن Nikki و Fargo لول . اخته وحدة من الـDevas , البنت الصغيرة المزعجة (Marcy على ما أظن)
أما Marbule انسى أمرها الحين و روح للـDead Sea , لازم بتمر عليها بعدين .. أحداث حامية قدامك D=

ترى تقريبا كل اللعبة في الـCD 1 , لو خلصته بتكون قريب النهاية . حتى أنا ما كنت أعرف هذا الشي قبل لا أخلصها p=

حنا غير هذا الأسبوع ثلاث أسابيع ثانية قبل لا نخلص , مشوار طوووويل -___-

على فكرة تفاجئت لما شفتك اسمك وسط الأعضاء المرشحين لجائزة "لما أدخل أبدخل" لول , توني حاس انك ما سجلت في المنتدى الا السنة اللي فاتت =O

لول , جبتها في الصميم . كل هذي المواد ما أقدر أذاكرها عدل لأني نفسيا مو مقتنع بأني راحس أستفيد منها .. الحمد لله الـBiochem خلصنا منها السنة الماضية , الله يعين على الـPharma سنة و نص ندرسها =/

تذكرت أنا مضيع خخخخخخ , صحيح في نفس السنة و نفس عدد السنين . حتى بعد هذي السنين رحلة الطب شكلها ما تنتهي p=

الحمد لله رجعت من الامتحان و بدعت فيه , أصلا كان امتحان سهل للغاية لدرجة اني ما أبالغ لو قلت متأكد درجتي كامل (لول لا يصير لي مثل الـpatho الحين) .. ما عليك من الـCNS , من اللي خذناه صحيح فيه صعوبة و لخبطة خاصة في الـAnatomy بس صراحة في مواضيع ما تتفوت و ممتعة لك كطالب طب D;

بالنسبة للمواضيع اللي بتذاكرها أتوقع حتى بعد الـPhysio و الـBiochem تصير الـPharma حفظ أدوية و خلاص صح ؟ سهالة ان شا الله .. بكرة أخيرا تستمتع بالعطلة T_T

هههههههه ..
انت قاعد تحمسني أطنش هذي الدرجات لول , الحمد لله على كل حال كلها كم درجة .. كنت بكون راضي بالـ80 لو جاتني p=

امم , على كلامك يفترض الحين تكون خالص الحين .. أحلى شي في الـPatho انك بعد ما تذاكره تحس نفسك عارف كل شي غير الـAnatomy اللي معلوماته كلها تختفي لين وقت الاختبار لول .
تصدق مع كل هذي السوالف عن الجامعة للحين ما أعرف خخخخخخ , في أي سنة دراسية انت و كم سنة لازم عشان تخلصون في الأردن ؟

الحمد لله على الدرجة , هي مو سيئة بقدر ما هي صدمة بعد الأداء في الاختبار . يعني مثلا بعد صقعة الـParasitology اللي جاتنا الأسبوع اللي راح أتمنى على الأقل تكون درجتي ناجح (أول مرة أقولها من دخلت الكلية لول) .. الله يوفقنا في الاختبارات الجاية , حنا بكرة بعد علينا اختبار لاب NeuroAnatomy ما دري من وين طلع بس الحمد لله فاهم اللابات عدل بعكس الجزء النظري السقيم p= .

لول , خلاص موعدنا بعد الاختبارات p=

سلامك يوصل ان شا الله D= .. الـPATHO لوحده 17 محاضرة ؟ خخخخ الله يعينكم . احنا اختبارنا القادم Patho يوم السبت , كنت متفائل جدا من المادة لين شفت درجة الكويز اللي فات (طلعت من الكويز و أنا ضامن اني جايب على الأقل 95 من 100 , و تفاجئت أنا و كثير من الطلاب هذا الطلاب لما طلعت الدرجات الزفت هذا الأسبوع . 77 من 100 درجة سيئة بالنسبة لفهمي للمادة و حلي في الاختبار -__-)

المفروض انت تعتزل المنتدى لين موعد الاختبار (أحسك مستحيل تقدر حتى لو تحاول لول) , كلها يومين و خلاص ينتهي الكابوس p= ..

لول على رجل الفطر , لا ما مريت Shadow Forest قبل لا أروح Termina و لا كنت أعرفه قبل لا تقول لي عنه , بس قصته غبية فأحسن ما رحت له p= .

فاهم عليك في ترتيب التراكات المفضلة من قبل , أنا نفس الشي عندي أحسن واحد Time's Scars و بعده Another World بس من بعدهم ما أقدر أرتب بين الباقين .

خخخخخخ .. كلام صحيح , ما بيكون في تشات صغير p= . أنا نادرا ما أستخدم الماسنجر للفضاوة , بس لو كان عندي هدف معين من فتحه ما عندي مانع . طبعا اقناعي لك انك تشوف Gurren Lagann و سوالف الأنمي المفضل شي ما بفوته لول .
حاليا , لا تضيع وقتك مع بليتش , كلايمور و لا دراغون بول . ما في شي منهم يستاهل عناء التحميل و المشاهدة p= .. أعترف اني متشرط بدرجة كبيرة في الأنمي و نادرا الشي يدخل مزاجي , فلما أعجب بشي على الأقل أكون عارف انه فيه شي مختلف عن الباقين D; .

تأخرت على صحابي و ما صحيته من النوم عشان نروح للجامعة -__- , ان شا الله ما يمانع انه خذ 10 دقايق نوم زيادة لول .

صبر على الشخصيات , شوية و تجيك الشخصيات الحقيقية و الرهيبة (مين رجل الفطر أصلا ؟! أما Van هو أصلا Serge في تخزيني , الجاهل المتخلف هذا سميته Lee لول)

ان شا الله يعدون على خير ما عليك D; .. أهم شي لا تطنش المذاكرة كثير و تكون بخير p=

بالنسبة لي الـOST أبجريد كبير للقديم , و يمكن من أفضل ما سمعت . طبعا أوافقك جدا على اختيارك Another world أفضل ثاني OST , ترى نفس الحالة هنا , مرات أحس انه أنا انت بس في مكان ثاني لول .

صج ما قلت لي , جربت تنزل Gurren Lagann ؟ هذا أول شي أبغاك تسوويه بعد ما تخلص من CC ! حتى لو ما كنت متحمس تشوفه أبغيك تجربه عشاني نصحتك فيه على الأقل خخخخ . باختصار أفضل أنمي عندي بعد Death Note حاليا (هنا اختلاف كبير بيني و بينك لول , انت تفضل FMA و CG صح ؟ يبغى لنا نقاش في هذا الموضوع لما نفضى p=)

لول , أجل أنا عكسك في هذي النقطة . لما بدأت ألعب بـLynx حسيت الجو صار أحلى و الشخصيات معي أرهب بواجد . كيف تتغير معاملة أهل مدينتك معك و تشوف كيف أهل Termina ينافقونك و يسبونك من ورى ظهرك بعد ما تحولت Lynx يعطيك شعور رهيب بالوحدة , و بعد شخصيات رهيبة مثل Harle (شخصيا أفضل Harle على Kid , نصيحة خلها في فريقك على طول!) و غيرها (ما أبغي أخرب عليك p=) ما تجي لك الا بعد ما تتحول لـLynx .

التغير في تعابير الوجه مرعب في الصورتين , صدقني من الان يبدأ الحماس الحقيقي !

EDIT :

بالمناسبة , لاحظت scars of time في صفحتك و جابت لي شعور رهيب لول . طيب شرايك في هذي ؟ (مرات حتى أفضلها على scars of time , الابداع على أصوله)
http://www.youtube.com/watch?v=MV-FvxoR1PQ

نظامنا بسيط بالكلام فقط لول , المواد كلها سنوية و النجاح في كل مادة من 60% . لو ترسب في مادة وحدة بيصير في مواد ما تقدر تاخذها من السنة اللي بعدها و تاخذ بدلها المادة اللي راسب فيها , و في النهاية بتضطر تتأخر سنة كاملة عن باقي دفعتك اذا جاء وقت الـclinical عشان هذي المادة فقط ! أما لو ترسب في أكثر من مادة فهذا كلام ثاني و احتمال تضطر تعيد السنة كاملة . المشكلة انه كليتنا يتعاملون بنظام الـstandard يعني لو يبغون يرسبون دفعة كاملة في مادة سهلة عليهم لول .
الحمد لله ان شا الله أنا بعيد عن هذا الشي بس المشكلة تنقهر لما تشوف واحد من دفعتك راسب في مادة و تدري انه بيضيع سنة كاملة عشانها . مجرد التفكير في هذا الشي يجيب النكد =/

نرجع لـCC لول , نسيت ما قلت لك على هذي النقطة لما شرحت لك أسلوب القتال فيه . الألوان المتعاكسة (أحمر و أزرق - أخضر و أصفر - أسود و أبيض) تأثير ضربتها يكون أقوى , يعني لو تضرب وحش الـinnate ماله لونه أزرق بسحر أحمر ينقص أكثر و لو تضرب وحش الـinnate ماله لونه أحمر بسحر أزرق أيضا ينقص أكثر , و هذا اللي يخلي التنين أبو رمح (الأحمر) يستهدف Leena (الزرقاء) بضرباته لول .. الحالة الوحيدة اللي الأسحار (و أيضا الضربات العادية) تقوم تنقص أقل من المعتاد هي لو كان الـtarget وحش له نفس لون السحر اللي المستخدم (أو innate الشخصية في حالة الضربة العادية)
الكلام هذا كله ما راح يفيدك كثير في هزيمة التنين بس مهم تفهمه , أنا ما أذكر شلون هزمته بالضبط بس بشكل عام حاول تخلي عندك أسحار زرقاء قوية مع revive و heal all و هذي الخرابيط عند كل الشخصيات لو تقدر , بس لو ما عندك كمية كافية عطهم شخصية غير Leena عشانها أسرع وحدة تموت . بعد لا تبدأ في استخدام الأسحار على طول , انتظر لين تشحن الـboard حق كل شخصياتك للأخير عشان ترتاح و انت تفجره بالأسحار الزرقاء قبل لا يبدأ بهجماته القوية . حاول معاه مرة ثانية بعد ما تجرب هذي الطريقة و شوف شنو يصير معاك (أنا حاط في بالي احتمال انك هزمته الحين أصلا لول)

اسف طلعت من الماسنجر فجئة, الجهاز فصل شحن و كنت ناسي ان البطارية قربت تخلص -__-!

صحيح هو مات بالمستقبل و نقل معرفته للدمية الزرقاء و كل اللي قلته عنه صحيح , بس هذا الكلام كان في المستقبل اللي دمره Lavos صح ؟ أتوقع الأمور تغيرت بعد ما أنقذنا العالم في CT و ما مات Belthasar في المستقبل لكن صارت أشيا ثانية , بعد مدة طويلة من اللعب بتعرف عنه أكثر فلا تصير مثلي و تنتظر متى تقابله طوال الوقت لول .
--------
مع انه حالتنا يمكن مو أحسن منكم بس أحس بالتعاطف معاكم , كأنكم في تحدي مع الكلية لول . يمكن هذي ضريبة نظام المعدل اللي نحلم فيه و مستحيل يطبقونه عندنا -__-
أهم شي جبت درجة ممتازة (حرفيا) في ES , مبروك عليك العلامة الرهيبة ما شا الله D= !! أتمنى بعد يسهلون عليكم الـGIS عشان تكمل الفرحة و ترجع السعودية و انت مبسوط لول .

ما قط جربت تنام و تصحى في الليل p= ؟ من أحلى النومات عندي سدحة ما بعد الاختبار , دايما تصير مريحة جدا و ما وراك شي تحاتيه . هدوء تام !

-لول , نفس تفكيري بالضبط على Dalton و نفس التخمين بعد . ما جا في بالي تفسير غير انه بطريقة ما صار يقدر يعبر الزمن و خذ التطور من المستقبل , بس في مشكلة ثانية . في نهاية CT اخر جندين يتحاربون يوم تسقط Guardia ثنينهم يستخدمون السيوف , مين هو المقتول و مين القاتل اللي سبب سقوط المملكة ؟! للأسف ما عندي جواب , يمكن لازم ننتظر 8 سنين ثانية عشان نعرف p=

-بالنسبة لـGuile كان المفروض يصير Magus بس صار في تغيير , يعني لو تلاحظ الشكل العام في شبه باستثناء لون العيون الأحمر و الاذن الطويلة و لون البشرة الأبيض و كل هذي الأشيا فسروها البعض بأنها كانت بسبب اعتماده على السحر الأسود لاستدعاء Lavos .. عموما في شخصية ثانية عن نفسي مقتنع انها Magus الى أن يثبت لي واحد العكس , بقول لك عنها في وقتها و بعدين نشوف رأيك بالموضوع لول .

-شكك في محله بأنه أحد الثلاثة , بس تخمينك غلط p= . لو ما تبغي تعرف مين لا تظلل الكلام (أنصحك تظلل لول) . هو Belthasar the Guru of Reason من المستقبل عام 2300AD (دور رسمة له من CT في جووجل عشان تتأكد) , له نفس الملابس و اللحية بالضبط !

المفروض اني أقعد عشان أذاكر بس دورت أي شغلة ثانية عشان أضيع وقتي فيها و ما في أحسن من السوالف خخخخ . جا وقت المذاكرة و فتح النوت العملاقة =/

ما كان قصدي أرد ببروفايلي لول , حصل خطأ مطبعي للأسف (الحين بيكون في حلقة مفقودة في المحادثة لو رجعنا لها بعدين -__-)

المهم حصل خير .. جميع تفسيراتك صحيحة بدون استثناء =O (عن Kid و Lynx و Lucca و أيضا التقارب بين اللعبتين , على ما أعتقد أحداث CC بعد عشرين سنة من CT)
الحين تقول شفت المحادثة بيني و بين MD فما أدري شنو عرفت و شنو ما عرفت لول , ترى في سبويلرات جدا قوية و أنا ماخذ راحتي مو مغطيها فانتبه و انت تقرأ p= .. ههههه أصلا أنا استغربت من تفسيراتك و أسئلتك , نفس حالتي يوم ألعب بالضبط ما شا الله !

عموما بعتبرك ما قريت شي عشان أعرف أجاوب عدل , و انت بعدين عطني المستجدات D;
-بالنسبة Guardia , أتوقع سمعت عن جنود Porre أكثر من مرة في اللعبة الحين و لا ؟ لو تتذكر هذا الاسم عدل هي نفسها المدينة اللي كانت جنوب Zenan Bridge في CT و قواتها سببت سقوط Guardia ! طبعا بحالتها في CT كان ما في أمل تهزم مملكة مثل Guardia بس من تلميحات CT جزء الـPSX انها قدرت على هذا الشي بواسطة قوة خارجية (شخص) من بعد زمني اخر . في أحداث نهاية الـDS الجديدة في الـDimensional Vortex نعرف مين هذا الشخص أخيرا (لاحظ الفرق الزمني بين اللعبتين , 8 سنين مو قليلة لول) , و الشخص العجيب هذا يطلع Dalton من مملكة Zeal ! بعد ما نهزمه يقول انه بيكون أقوى جيش من مملكة Porre عشان يكتسح Guardia و شكله فعلا يسوويها !! الأسلحة النارية (المسدسات و البنادق) اللي تحملها قوات Porre في CC دليل كافي على تطور هذا الجيش في زمن لا زال يستخدم السيوف وسيلة القتال الأولى .
هذي خريطة العالم عام 1000AD من CT عشان تتذكر Porre
http://db.gamefaqs.com/console/snes/file/chrono_trigger_1000_ad.jpg
و هذا مقطع قتال Dalton من الـDS عشان تدخل في الجو لول
http://www.youtube.com/watch?v=DRy8GyycJQU

-بالنسبة للمنطقة اللي تدور فيها أحداث CC فهي جزر El Nido و تقع جنوب الـmain land اللي هي المنطقة اللي تدور فيها أحداث CT .. لو تتذكر محادثتك مع الدكتور لما تجي تنقذ Kid يقول لك انه الـantidote موجود في الـmain land لكن التيار قوي في هذا الوقت من السنة فمستحيل تقدر تروح هناك عشان تجيبه , و فعلا لو تمشي بالقارب في الخريطة و تروح الشمال تلاحظ منطقة مو مسدودة بحجر لكن فيها تيار ما تقدر تعبره . طبعا الحين ما أقدر أقول لك شي عن المنطقة عشان ما احرق عليك شي من القصة , لما تكمل لعب بتعرف عنها أكثر من اللي تبغى تعرفه لول .

-أسئلتك خلتني أبحث عشان أتأكد من كم معلومة في رأسي , و اكتشفت شي مضحك و يقهر في نفس الوقت . تعرف Guile ؟ الساحر اللي كان في البار في Termina و كان يبغي يدخل الـvipor manor و عنده فقدان ذاكرة (لو ما ذكرته شف جووجل لول) .. كان لهم نية يخلونه Magus فاقد الذاكرة بس في واحد من Square ما وافق و خلاهم يكنسلون الفكرة لول ! و على طاري Magus عندي نظرية شخصية على كونه واحد من الشخصيات في CC (نفس الشي فاقد الذاكرة , نهاية الـDS الجديدة تأكد فقدانه للذاكرة) , ما أقدر أقول لك مين هو الحين عشان ما أحرق عليك . ما أتوقع أحد بيتفق معاي بس لو كان فعلا نفس الشخصية اللي في بالي تصير القصة أحلى بواجد و مترابطة بدرجة كبيرة !

-على فكرة ما حسيت في شي غريب في الـprophet الموجود في الـvipor manor و كيف يعرف كل هذي المعلومات العجيبة ؟ لازم أنبهك على هذا الشي لو ما انتبهت للحين , أو ما غشيت من محادثتي مع Magical Dreamer لول .

-حتى أنا استمعت بالربط بدرجة عملاقة ! أصلا توصل نقطة في اللعب تزداد فيها كمية الربط لدرجة انك تستغرب كيف أحد قدر يلعب CC و يقول انه فهمها بدون ما يلعب CT قبل p= .

لول , نرجع للعالم الواقعي يا أخي .. بالتوفيق في امتحانك الجاي و ان شا الله تبدع في حل اختبار الجهاز الهيكلي العضلي p= . أنا بعد عندي اختبار mid year في الـMicrobiology يوم السبت فمحتاج أشد على نفسي شوي هاليومين -__-

سكارز أوف تايم

شريتها, ومتحمس ان شاء الله العبها بالصيف .. بس المشكلة عندي برضو FFVII ودي انهيها XD

انا عندي استعداد ابيع الاثنتين P:

يمكن شايف نكي بمنتدي بنفس الاسم حتي لو ماعرفتني نتشرف بمعرفتك🙂

لول , ما يحتاج أكيد الكرف موجود في كل الأحوال !

أها , يعني لازم تدرسون المواضيع العامة في البداية .. فعلا متعبة بس للأسف طلع ما في مفر منها هنا و لا هناك لازم تاخذها -__-

أتفق معاك في كلامك عن نظام الـsystems , نفس تصوري لطريقته .. غير انه يساعدك بعدين عشان تعرف شنو الأجهزة اللي تحس نفسك تبدع في فهمها و الأجهزة اللي بس تبغي تعدي فيها و خلاص فما تفكر تتخصص فيها لول

حاليا ندرس Neuro Sience (اللي هو الأناتومي و الفيسيولوجي للـCNS) , الفيسيولوجي ممتع كالعادة لكن الأناتومي غثيث و جامد =/ .. أصلا قسم الأناتومي عندنا دايما يتحلطمون انه بقية الأقسام يستخفون فيهم انه علمهم خلاص وقف و لا يتطور مع الزمن , حتى في محاضرة السنة اللي فاتت جا لنا الدكتور و هو فرحان لأنه كان في اكتشاف شي جديد في الأناتومي و قال لنا لا تخافون حتى علم الأناتومي يتطور لول .

لول , حركات النذالة في الجامعات كثيرة هذي الأيام .. احنا نظامنا غير ما ندري بالـsystems ناخذ كل علم بروحه (أتوقع نظامكم أفضل بس ما أقدر أحكم لأني ما جربته -__-)

يعني لو باخذ الـsystems اللي بتمتحن فيها من ناحية Physiology (درسناها السنة اللي راحت و هي أحلى مادة طبية عندي للحين لول) بحط في بالي انه الـEndocrine أصعب واحد و GI أحلى واحد , أما Musculo Skeletal مو صعب بس ممل .. خخخخخ ودي أعرف شنو تدرسون عن كل system عشان أعرف الفرق بين الطريقتين , يعني تاخدون كل شي عنهم من وظائفهم و أمراضهم و تشريحهم للكائنات الدقيقة اللي تأثر عليهم و طريقة معالجتها بالأدوية و غيرها ؟ لو فعلا هذي طريقتكم ما بقدر أفهمها صج الا لما أجربها و هذا شي شبه مستحيل يصير لول

الله يكون في عونك , بالتوفيق للجميع D;

ههههه , أجل خلاص حياتك فاينلات الحين .. الله يعينك عليهم !!

امم , زين لأني ما كنت مستعجل بالأساس .. كنت بلعبها على الـGBA لما أفضى بس خلاص كنسلت الفكرة بعد ما قلت لي عن احتمال صدور ريميك , عاد مشوار لول .

لول , زين رجعت متمحس لها , المفروض بعد موضوع قحمد أعطاك دفعة معنوية زيادة !

ممتاز , يعني لعبت 7 و 10 . هذين الاثنين أحسن أجزاء عندي , ودي ألعب 6 بعد عشان واجد يمدحونه و أنا شفت قدراته بعيني (شخصيات جدا رهيبة!) .. التاسع كان تجربة ممتعة جدا , أما الثامن فكنت أشوف أخوي و هو يلعبه (كنت صغير على الأر بي جي p=) و كان نوعا ما غريب فما قدرت أحكم عليه =/

بتتركها خلاص , أحس بالذنب اني ساعدتك في اتخاذ هذا القرار p=

بتكون هذي أول مرة تلعب أجزاء FF هذي ؟؟ شنو أجزاء FF اللي لعبتها قبل أجل ؟ أساطير RPG في انتظارك عشان تلعبها D;

مبروك على العلامة الحلوة D= , ان شا الله القادم أفضل و بالتوفيق للجميع في الاختبارات الجاية .. خلاص كلها أيام و نوقف لعب =/

ممتاز , يعني شرحي طلع مفيد في النهاية لول ..

قصدك Glenn صح ؟ شبيهك ؟؟ هم ما جابوا طاري Frog أبدا في CC بس أنا تقريبا واثق انه هذي الشخصية أحد أحفاد Frog لعدة أسباب ما أقدر أقولها الحين عشان ما أحرق عليك شي p=

بالنسبة للمحادثات مع الناس , فهذا من الأشيا اللي تميز CC . تقريبا ما في شخصية ما لها معنى في المدينة أو القرية , كل ما تكلم أكثر تفهم شنو صاير أكثر , و في معلومات أساسية ما تاخذها الا من ناس عاديين . لو تلعب و ما تقرأ الا المحادثات الأساسية ما راح تستفيد شي أصلا لول , و هذا من الأسباب اللي يخليك تحتاج تكون مروق من جد و انت تلعبها ..

الله يعينك على الـEndocrine , عمري ما حبيته -__- ... لاحقينكم ان شا الله باختبارات الـMid year الممغوطة بعد أسبوع و راح تستمر لمدة أربع أسابيع , حالتنا مزرية ><"

كنت متوقع اني لخبطتك على طريقة القتال , هذا اللي يصير لما أكتب و أنا مستعجل لول ..

بالنسبة للـelements , لو تلاحظ تقدر ترتبهم في اللوح بطريقة أفقية و عمودية . كل ما اتجهت أفقيا نحو اليمين يزيد ليفل المنطقة في اللوح أما الترتيب العمودي فما يفرق و كلهم يمثلون نفس الليفل . في البداية ما في واجد بس بعدين توصل حتى لثمان ليفلات في اللوح .. في ثلاث أنواع من الضربات (1 - 2 - 3) , كل ما زاد الرقم زادت قوة الضربة و نقصت نفس قدر الرقم من الـstamina ( لو الـstamina عندك 6.0 و ضربت 1 - 3 بتضرب ضربة ضعيفة و ضربة قوية و بتصير الـstamina تساوي 2.0 )

جنب كل ضربة نسبة مئوية تمثل احتمال نجاحها (يعني ما تجي miss) , كل ما زادت النسبة يكون أفضل و لهذا السبب تبدأ بالضربة الضعيفة غالبا . كل ما ضربت الوحش يتعب أكثر و يصير أسهل انك تضربه ضربة أقوى (هذا اللي يخلي النسبة تزيد مع كل ضربة تضربها لأنواع الضربات الثلاث) . في بداية اللعب كنت دايما أستخدم الكومبو 1 - 1 - 2 - 3 عشانها تخلص الـstamina (مجموع الضربات 7) و ذات أكبر احتمال لنجاح كل الضربات (أحسن من الـdefault اللي هو 1 - 2 - 3 - 1 و يضيع اخر نقطة stamina على الفاضي)

نرجع للـelements لول , هي كلها عمليات جمع و طرح .. مجموع الضربات يحدد لك أعلى ليفل تقدر تستخدمه من الـelement (مع تذكر شيئين مهمين , الأول انه الضربة الضعيفة = 1 - الوسط = 2 - القوية = 3 , و الثاني انه الضربة لازم تنجح عشان تحسبها) . بعد لو مثلا تقدر تستخدم element في منطقة الليفل 6 , تقدر بدله تستخدم واحد من المنطقة ليفل 4 و لما تجمع stamina كفاية (حتى لو نقطة وحدة) تستخدم واحد ثاني من المنطقة ليفل 2 بدون ما تضرب (مجموعهم 6) . نقطة مهمة تعرفها انه استخدام الـelements ينقص 7.0 من الـstamina لكن ما يزيد stamina باقي الشخصيات الا نقطة وحدة (بعكس الضربات , لو تضرب ضربة 2 الباقين يزيدون نقطتين stamina و نفس الشي مع ضربة 3)

خلطت كل شي و شرحتهم مع بعض , ان شا الله ما أكون لخبطتك مرة ثانية .. على سالفة الـgrinding بالعكس , هذا أحسن سبب عشان تفلت من الوحوش كأنك تلعب لعبة تسلل لول (دايما أسوويها لما أحارب أول خمس وحوش) . أتوقع هم سووها بهذي الطريقة عشان الكم الهائل من الشخصيات (النجوم تزيد كل الشخصيات مو بس الثلاثة الرئيسين) و شي ثاني حب التغيير أتوقع لعب دور p=

حاول تتحمس للعب , أبغي واحد أسالف معاه عنها بعد ما خلصتها لول .. البطل ما حبيته في البداية بس بعدين غيرت رأيي فيه , الشخصيات الرهيبة فعلا ينعدون على الأصابع , لكن القصة ما عليها كلام . مع غموضها لكن صراحة الحق يقال , أبدعوا فيها ! في نقاط حبكوها بامتياز و نقاط ثانية خلوها مفتوحة بدرجة كبيرة لاحتمالية صدور جزء جديد من السلسلة (بعد ما خلصتها استغربت انهم ما أعلنوا عن جزء جديد لحد الحين) .. متأكد بتتغير نظرتك لها مع الوقت بس لازم تستحمل في البداية D;

مرة ثانية , أتمنى اني وضحت نظام القتال بصورة أفضل .. بالنسبة لي أشوفه يشغل المخ و ممتع أكثر حتى من القديم خاصة في قتالات الزعماء , لكن مشكلته الوحيدة البطء في بعض الأحيان (لما الوحوش يستخدمو أسحار واجد ما لها داعي -__-)

موضوع هذا مو رد لول , مشكور على القراءة p=

لول اياد , جاي أقول لك توني مخلص CC اليوم (عشان موضوعها كان يهمك) و زادت علامات الاستفهام على رأسي بدل لا تجاوب أسئلتي .. فاجأتني انك بدأت تلعبها =O !! (دخلت صفحة Magical Dreamer عشان أكتب انطباعاتي و لاحظت ردك)

المهم هي اختفت بصورة غريبة قبل كم يوم (يمكن أسئلتي كانت تعقد الواحد >.>) فأنا بجاوبك على اللي أعرفه ..

-قصة اللعبة , طبيعي انك تضيع فيها ! في البداية أصلا تكون مو عارف شنو هدفك من المغامرة , و هدفك ما يكون واضح للنهاية . و لما تعرف السالفة تبدأ القصة تتعقد أكثر و أكثر و تزيد تساؤلتك أكثر من قبل -__- .. لول أحس نفسي قللت حماسك بهذا الكلام بس لو متحمس لها لا تتركها (مستواها ما يقل أبدا عن CT و حتى أفضل منها في بعض النواحي) , مع النقاش و البحث المفروض توضح الأشيا لدرجة ما بس لا تتوقع فهم كامل للقصة p= (للحين في أسئلة تدور في رأسي قاعد أحاول أحصل أجوبتها من المواقع!)

-أسلوب القتال أمره هين جدا بالنسبة للقصة . كنت بشرحه بنفسي بس حسيته أسهل انك تقرأ ملخصه من هنا
http://www.uffsite.net/ccross/battle.php

الليفل ما يزيد الا بعد قتال الزعماء اللي يعطونك نجمة , كل ما أخذت نجمة جديدة تقريبا أول أربع قتالات بعدها يزيدون الـhp فقط و القتال الخامس يزيدك كأنه ليفل جديد (بعض الأحيان ممكن يختلف العدد , بس بعد القتال اللي يزيدك ليفل ما في فايدة من قتال الوحوش غير الفلوس و الأدوات)

بالنسبة للـelements تشبه الـmateria الى حد كبير في وضعها , بس لازم تتذكر انه كل واحد ما تقدر تستخدمه الا مرة وحدة في القتال الواحد (بدون mp) و كل ما بعد ليفل الـelement تحتاج ضربات أكثر عشان تستخدمه (ضربة ضعيفة ترقيك ليفل و متوسطة ترقيك ليفلين و هكذا ..)

أما الخيارت اللي بعد القتال سببها انه ما في mp في اللعبة , فبعد كل محاربة يشوفون لأي ليفل من الـelement انت موصل و يسألك كان يستخدمهم عشان يزيد طاقة الشخصيات (cure و heal و هذي الأسحار) , عشان تريح نفسك دايما اختار الأول (الأسحار اللي ما تنقص , الخيار الثاني يخليك تستخدم أشيا مثل الـtablets و الـcapsules )

ان شا الله ما أكون عقدتك لول , عطني feedback بعدين , وراي دوام و ما تجهزت للحين p=

http://www.dev-point.com/vb/f69/
xD

على الرحب و السعة , حللتم اهلا و وطئتم سهلا 🙂

و دمتم ذخرا لاطباء الامه ان شاء الله

حاضر يا دكتور 🙂

عموما ..
سكوتك يعني انك زعلت / ما تقبلت الفكرة ؟

ما زعلت و متقبل الفكرة بكل اريحية لكن موضوع مثل هذا صعب يتم النقاش فيه في المنتدى او عبر الرسائل اذا احببت ان تناقش فيه .. و بالنسبة لردي في الموضوع هو مجرد اقتباس لكلمتين و ليس رد موجه لك على الخصوص .

المهم انت كيف حالك .. و دراستك ان شاء الله تمام , و احنا بانتظارك في اقرب فرصة للمجيىء الى العاصمه 🙂 .

حاضر يا سيدي 🙂