hits counter

الموضوع الرسمي Xbox Series X|S | عزز أحلامك !

ALONE

True Gamer
وانا اتصفح متجر stc لقيت عروض تقسيط لأجهزة الاكس بوكس واغرتني العروض وانا اطلب اكسبوكس سيريس اس شهري ب 115 ريال خصوصا ومافي اي فائدة لهم.
انا عندي بي سي ممتاز وكل العاب الاكس بوكس موجودة لكن حبيت شكل الجهاز الصغير وابي ارجع شعور شراء كونسل جديد الي افتقدته من جهاز ال ps3 و الاكس بوكس 360 خصوصا وانا مشترك سنتين اولتميت.
وأيضا العاب الأجهزة السابقة مثل لعبة الملاكمة fight night وأيضا لعبة ufc وفيفا الجيل الجديد. اشوفه الجهاز صفقه خرافية، حتى لو عندك pc او ps5
اليوم يجيني الجهاز ومتحمس.
عروض التقسيط رائعة جدا وتفك ازمه لكثير من الناس الصدق

و ١١٥ شهريا ولا شئ ماشاء الله

انجوي واستمتع بالجهاز وعطنا انطباعاتك عن الاداء لاحقا
 

ALONE

True Gamer

ساتيا ناديلا : xbox كان جانب من جوانب مايكروسوفت والان صار محور رئيسي للشركة مبني على تقنيات السحابه
هل الخبر يخليني متفائل جدا بمستقبل الاكس بوكس

التركيز من الراس الكبير = مزيد من الدعم والمشاريع والاستحوذات
 

NA1F

True Gamer
شباب الاولتميت جيم بأس شامل القولد؟؟
كأني اذكر يوم اشتركت سنتين حطيت اشتراكات قولد بس مو متأكد
 

NA1F

True Gamer
هو سُمي بالالتمت لأنه جمع الاثنين
انا توقعت الاولتمت يعني جيم بأس للبي سي والاكس مع بعض
بس زين جولد لمدة سنتين نوت باد
 

صـلاح

True Gamer
انا توقعت الاولتمت يعني جيم بأس للبي سي والاكس مع بعض
بس زين جولد لمدة سنتين نوت باد
الألتميت ,, فيه مزايا عديدة
جيم باس كونسول
جيم باس ويندوز
جولد
EA
كلاود
مكافآت واضافات حصرية للألعاب
تخفيضات خاصة للألعاب الموجودة في المكتبة
أحيانا يعطونك اشتراكات أخرى مجانية من شركات مختلفة مثل الأفلام والانمي والترفيه بشكل عام
الشاهد أن الألتميت يحاولون قدر المستطاع تكون أكثر إغراء من أي شيء آخر
لذلك هي تتطور مع الوقت فلا تستغرب تضاف اشتراكات مميزة مستقبلية أو مزايا أخرى قوية.. إلخ
 

Zechs Merquise

We are NINJA EXORCISTS
قاعد اشوف تبادل اطلاق النار ( الله يستر ) ::laugh::

anyway

حد اشترى او راح يشتري xbox headset النسخه السلكيه ؟ محتاج اعرف كيف وضعها خصوصا السلك يعني مو بعد فتره ينقطع او يصير فيه شيء و يروح الصوت
 

NA1F

True Gamer
ثلاث ايام تقريبا مع الجهاز
حبيت نظام التشغيل السريع
الجيم باس يفرق عن البي سي اشوف العاب كثيره غير متواجده بالبي سي
وحبيت جدا quick resume شي خيالي انك تقدر تشغل اكثر من لعبة وتبدأ من المكان الي وقفت فيه
التحميل سريع في الجهاز على عكس البي سي، التحميل يوصل 200 ميجا بالبي سي التحميل يوصل عندي 40 ميجا بستيم والجيم باس
صفقه رائعه
 

Unknown

Fake Gamer

اول تجربه لتشغيل لعبة xbox موجوده في الجيم باس عن طريق xcloud

متاحة لعدد محدود لل insiders
انا insiders وطلعت لي .. لكن لما اضغط ابي العب ع الكلاود مايطلع شي, شكل الخدمه ماوصلتنا بالسعوديه
 

used2Bcat

True Gamer
انا insiders وطلعت لي .. لكن لما اضغط ابي العب ع الكلاود مايطلع شي, شكل الخدمه ماوصلتنا بالسعوديه
ايه دامها تستخدم الCloud Core فينطبق عليها ما ينطبق للxCloud. صراحة مع خبر الدفعة الثانية للتوسع للكلاود قبل شوي تحطيم الى متى راح مسحوب علينا بسيرفرات مايكروسوفت. بالكثير لو الدفعة الرابعة وصلت و حنا مسحوب علينا صراحة بعرف ان فعلًا سوقنا مهمش وجانبي بالنسبة لهم.
 

Dark_N11

True Gamer
ايه دامها تستخدم الCloud Core فينطبق عليها ما ينطبق للxCloud. صراحة مع خبر الدفعة الثانية للتوسع للكلاود قبل شوي تحطيم الى متى راح مسحوب علينا بسيرفرات مايكروسوفت. بالكثير لو الدفعة الرابعة وصلت و حنا مسحوب علينا صراحة بعرف ان فعلًا سوقنا مهمش وجانبي بالنسبة لهم.
انا مستغرب كيف البرازيل فوقنا
اقتصاد منتهي و متأكد السوق بالخليج اقوى

هل الكثافه السكانية تفرق؟
 

Metal Star

Hardcore Gamer
ايه دامها تستخدم الCloud Core فينطبق عليها ما ينطبق للxCloud. صراحة مع خبر الدفعة الثانية للتوسع للكلاود قبل شوي تحطيم الى متى راح مسحوب علينا بسيرفرات مايكروسوفت. بالكثير لو الدفعة الرابعة وصلت و حنا مسحوب علينا صراحة بعرف ان فعلًا سوقنا مهمش وجانبي بالنسبة لهم.

السوق الياباني والاسترالي من اضعف الاسواق لمايكروسوفت والخدمة وصلت لهم مالها علاقة بالتهميش لان الخدمة جالس توصل لاسواق مايكروسوفت ماعندها منافسة هناك

الموضوع ماهو سهل لانك تحتاج اجهزة اكس بوكس عشان تحطها في السيرفرات والموضوع هذا يكلف مبالغ ضخمة خصوصا ان ازمة التصنيع مسببة مشكلة كبيرة

غير طبعا الشرق الاوسط وبالتحديد دول الخليج , عشان توصل خدمة البث لازم يكون فيها داتا سنتر Azure متوفر

وحسب الصورة التالية موجودة فقط داتا سنتر واحدة بالامارات وماعرف اذا كان شغال رسميا او لا , فـ اذا فيه دولة راح يوصل له خدمة البث في المستقبل راح يكون الامارات

 
التعديل الأخير:

Metal Star

Hardcore Gamer
انا مستغرب كيف البرازيل فوقنا
اقتصاد منتهي و متأكد السوق بالخليج اقوى

هل الكثافه السكانية تفرق؟

الاقتصاد البرازيلي من اقوى 20 اقتصاد بالعالم والناتج المحلي يوصل 1.5 تريلون الدولار طبعا ماهو باين في الشعب والبنية التحتية بسبب الفساد

غير ان مايكروسوفت عندها داتا سنتر هناك واكثر جهاز له شعبية هو Xbox فعشان كذا في اهتمام لهم
 

Emirates

True Gamer
السوق الياباني والاسترالي من اضعف الاسواق لمايكروسوفت والخدمة وصلت لهم مالها علاقة بالتهميش لان الخدمة جالس توصل لاسواق مايكروسوفت ماعندها منافسة هناك

الموضوع ماهو سهل لانك تحتاج اجهزة اكس بوكس عشان تحطها في السيرفرات والموضوع هذا يكلف مبالغ ضخمة خصوصا ان ازمة التصنيع مسبب مشكلة كبيرة

غير طبعا الشرق الاوسط وبالتحديد دول الخليج , عشان توصل خدمة البث لازم يكون فيها داتا سنتر Azure متوفر

وحسب الصورة التالية موجودة فقط داتا سنتر واحدة بالامارات وماعرف اذا كان شغال رسميا او لا , فـ اذا فيه دولة راح يوصل له خدمة البث في المستقبل راح يكون الامارات

نعم موجوده في كل من دبي وابوظبي ،، ناقص فقط يهيئونها لاطلاق x cloud

فيها خدمات مثل office365 و Azure cloud services

بعض التطبيقات متعاونه مع Azure مثل osn



 
التعديل الأخير:
أعلى