Xbox Live Fall Update: الآن Divx - Xvid - Clans والمزيد + كل هذا في 7 ميجابايت!!

[Humam]

شباب انتو ليش زعلانين..مافي شي اسمه سوني تنحش لحالها, مايكروسوفت ترى انحشت كثير على تصميم الهاردوير الخايس تبع ال 360 الي كل امه مشاكل, في حين سوني جاها مدح كبير في تصميم الPS3, أعقد جهاز الكتروني تجاري موجود في السوق ومع ذلك يقدم استهلاك جيد للطاقة و جهاز صامت بدون أصوات عالية وتشتيته للحرارة ممتاز, وسوني مرة ثانية انمدحت في طريقة مراجعتها لتصميم الPS3 الداخلي مع كل موديل جديد, خصوصا ال 40 جيجا الي قدرت تقلل فيه استهلاك الطاقة بشكل مذهل..

فكونا من هذي السالفة بلاش تدقيق على أشياء ما تسوى.. وبعدين خير يا طير.. خلي سوني تنحش.. لازم تنحش أصلا, لو ما انحشت وما حست انها تحت ضغط فراح تستمر في سلبياتها.. انا ما اتكلم عن سالفة الابديتات بالتحديد لأنها سالفة مضخمة بشكل مو بس مال أمه داعي, أنا اتكلم عن المبدأ بشكل عام..

 

[cobra]

اسأل ASWD و Strife و The Sinner و Futrus و Double T... أوبس! سوني فانز. :gasp:

زينو اشلون تعلمت ترد بالطريقة الفلة ذي يا مسكت اجل ابغى اخذ من عندك دروس في كيفية الردود <tgman>

 

[Nintendo]

والله انك سيدا العاقلين ياهمام ( لول بعض الاحيان ) ..

اللي انتقدوا الابديت اغلبيتهم من شباب سوني لانه عندهم الجهاز ويحسوا بالمعاناه اللي تصير بعض الاحيان بالابديت سواءا اللي يحاول يحمله من النت ويفصل عليه مليون مره او على الفلاش مموري ومشوار لانه حجمه كبير ..

عاد لو الابديتيات كلها حجمها 7 ميجا وناااااسه .. راح اسوي ابديت للجهاز كل يوم ..

 

[Humam]

والله انك سيدا العاقلين ياهمام ( لول بعض الاحيان ) ..

خخخخخخخخ الله يسلمك يا ولدي تلاميذك يا عم عمر و كل عام وانت بخير.

 

[MALDINI]

على فكره انا كل الابديتات اللي حملتها كانت عن طريق الجهاز سرعة اتصالي 256 واتصفح ولا انقطع معي .. وكوبرا تكسرهم بالعافيه ومعليش ياعزيزي فاتني موضوعك الاول .

اللي اخاف منه بس هو انه يجي يوم من الايام وتصير معي مثل مشكله واحد من الاخوان هنا M 7 L ما ياقدر يخش الاونلاين بس انحلت مشكلته

***

 

[iCon]

انا دايما انزل الابديت عادي و لا قد صارت لي مشكله ولا هم يحزنون ... و بصراحه مسأله الحجم ما اشوف لها اي اهميه و اللي مكبر الموضوع ما عنده سالفه بصراحه ( مع كل احترامي ) يعني انا انزل الابديت و اظهر من الغرفه شوي اروح اسوي لي شاي او اشوف لي موضوع في المنتدى و الابديت مخلص ( 2 ميغا الانترنت و الحمدالله ) .... يعني كان 5 او 150 ميغا الاثنين في الاخير بينزلون

 

[AMG]

ياخي ان ال 360 جايبلي الهم ، ابي اشتريه و العب لكن لمبات الديسكو مسوينلي كوابيس خصوصا انا عندي مافي ضمان الا سنة واحدة

اعتقد مع نزول نينجا قايدن 2 ما راح اقدر اقاوم


سالفة حجم الابديت هو شيء رائع من مايكروسوفت و طبعا زي ما قال همام مايكروسوفت من اكبر (( لو مو اكبر )) شركات السوفت وير فهذا شي متوقع منها

سوني تعتبر ضعيفة جدا في هذا المجال

لكن لو نسوي مقارنة بالهاردوير و جودته اضن الفرق الواضح لنفس السبب الي فوق ، فرق الخبرة

 

[Xeno]

لكن لو نسوي مقارنة بالهاردوير و جودته اضن الفرق الواضح لنفس السبب الي فوق ، فرق الخبرة

لكن كيف الاكس بوكس الأول كان يمكن الجهاز رقم "1" في تاريخ الفيديو جيمز من ناحية الصلابة وجودة الهاردوير!؟ أعتقد استعجال مايكروسوفت مع الـ360 هو اللي أحدث الفارق.

 

[Mista Koo]

لكن كيف الاكس بوكس الأول كان يمكن الجهاز رقم "1" في تاريخ الفيديو جيمز من ناحية الصلابة وجودة الهاردوير!؟

[YOUTUBE]LBHH-H837gg[/YOUTUBE]

 

[MALDINI]

خخخ مافيه اقوى من جهاز ( صخر ) من العالميه .. الله يرضى عليكم لحد يقولي اكس بوكس وجيم كيوب او سوني ترا ازعل عليكم .
لول انا اسميه بالنسبه لي جهاز العاب لاني كنت العب واتعلم عليه <tgman>
***

 

[Humam]

خخخ مافيه اقوى من جهاز ( صخر ) من العالميه .. الله يرضى عليكم لحد يقولي اكس بوكس وجيم كيوب او سوني ترا ازعل عليكم .
لول انا اسميه بالنسبه لي جهاز العاب لاني كنت العب واتعلم عليه <tgman>
***

الMSX ( صخر ) كنا نرميه من الدور الرابع في البيت على البلاط في الحوش وما يصير فيه شي سوى ان أزرار الكيبورد تطلع برة وترجع تركبها من جديد لول.

 

[Mr James]

لكن كيف الاكس بوكس الأول كان يمكن الجهاز رقم "1" في تاريخ الفيديو جيمز من ناحية الصلابة وجودة الهاردوير!؟ أعتقد استعجال مايكروسوفت مع الـ360 هو اللي أحدث الفارق.

و منو قالك أنه مايكروسوفت تصنع الهاردوير (أخر زمن) ....

ولا قطعه من الهاردوير الاكس بوكس من صنعها كله عن طريق الشركات الثانيه ..

في 360 مايكرو كانت تريد تخفض من تكلفة الجهاز على حساب الجوده وشفنا النتيجة:

من الجهاز رقم "1" من ناحية الصلابة الى الجهاز رقم "1" الأسوء جوده في تاريخ الفيديو جيمز .

 

[Xeno]

و منو قالك أنه مايكروسوفت تصنع الهاردوير (أخر زمن) ....

ولا قطعه من الهاردوير الاكس بوكس من صنعها كله عن طريق الشركات الثانيه ..

في 360 مايكرو كانت تريد تخفض من تكلفة الجهاز على حساب الجوده وشفنا النتيجة:

من الجهاز رقم "1" من ناحية الصلابة الى الجهاز رقم "1" الأسوء جوده في تاريخ الفيديو جيمز .

ومنو قال أن مايكروسوفت صنعت الاكس بوكس داخليا أو حتى الـ360؟

لول تبي تتفلسف بس

 

[AMG]

لكن كيف الاكس بوكس الأول كان يمكن الجهاز رقم "1" في تاريخ الفيديو جيمز من ناحية الصلابة وجودة الهاردوير!؟ .

ليش ؟ :slant: ....

 

[Xeno]

ليش ؟ :slant: ....

اممم كمل الجملة طيب.

 

[Snake-87]

كنا نرميه من الدور الرابع في البيت على البلاط في الحوش

 

[AMG]

اممم كمل الجملة طيب.

لوول طيب

ليش الاكس بوكس الجهاز رقم واحد من ناحية الصلابة و جودة الهاردوير ؟ انا كنت مفكر انه ال 64 مثلا و في ناس تقول انه الكيوب ، كمان الوي ما يشكي من شي

 

[Xeno]

ياخي! الحين هذا الموضوع!؟ أن الاكس بوكس أقوى جهاز فالعالم ولا لا؟ أنا حتى قلت "يمكن" وماحطيت fact.

القصد أن الاكس بوكس الأول كان تمام وبدون أي مشاكل تقنية فالهاردوير.

بسيطة يعني...

 

[ASWD]

الكلام يتمحور حول المردود اللي راح نحصل عليه من ورى هالحجم..يعني انا شخصيا قابل بأبديت بحجم 120 ميجا من سوني بس يشمل نصف او اكثر من النص من عدد الاضافات اللي موجودة في ابديت ابو 7ميجا..اذا على الحجم محد بيختلف طالما ان الشي اللي منحصل عليه يساوي على الاقل الـ118 ميجا

 

[Mr James]

لكن كيف الاكس بوكس الأول كان يمكن الجهاز رقم "1" في تاريخ الفيديو جيمز من ناحية الصلابة وجودة الهاردوير!؟

أنا جاوبت على سؤالك: لأنه مايكرو ماتصنع الهاردوير لو كانت تصنع ما كان الاكس بوكس بيكون

بنفس الجودة . ولا كانت مايكرو بتنافس سوني في الجوده الهاردوير لا من قريب ولا من بعيد .....

تبي تتفلسف بس

إي ابي أتفلسف .... الحمد لله والشكر بس

 

[Xeno]

تعرف إيش المشكلة؟ إني سايرتك بدون نقاش حقيقي, فقعدت تسترسل في الكلام اللي أصلا خاطئ, الشي الوحيد "الخارجي" فالاكس بوكس الأول كان بطاقة الرسوم من Nvidia الله يسلمك, و ATI مع الـ360 و IBM للـCPUs.

لأنه مايكرو ماتصنع الهاردوير لو كانت تصنع ما كان الاكس بوكس بيكو بنفس الجودة

الاكس بوكس الأول تم صناعته وتصميمه وبناءه "داخل" مايكروسوفت في فريق صغير مكون من خبراء بينهم Seamus Blackley, وكان J Allard المسؤول عن تطوير الهاردوير والسوفتوير للجهاز.

ونفس الفريق صمم الـ360 كجهاز و basic interface.

لذا أي عطل أو جودة يشار بها لفريق التصميم الداخلي في مايكروسوفت, مش شركة البطاقات الرسومية لول.

 

[M 7 L]

هنيئاً لأصحاب الـ 360 فعلاً أبديت جبّار أنا من بعد ما شفت الحجم wow من جد جنووون !

أكيد ولازم على كل صاحب بلاي 3 إنه يتمنّى بأبديتات مثل هالنوع على الأقل في الإضافات يعني مو مشكلة خلّوا الحجم مثل ماهوا لكن الإضافات كثروها !

أما عن موضوع خبرة مايكروا هذا شي خالصين منّه أكييييد ولكن أنا أنتظر الأبديت إلي راح يكون 50 ميجا وبإضافات أكثر وأتوقّع إنه قريييييب جداً سوني راح تكون أكثر اهتمام بالأبديت

لكن الشي إلي قهرني هو إن طريقة الشباب مبالغ فيها بالإضافة إلى أنهم كل ما قالوا شي عن أبديتات سوني قالوا تصليح أخطاء وتصليح أخطاء أنا على حد علمي إن هالشي صار ( مرّة وحدة ) بس !! وإلي يشوف التعقيبات يقول مليون مرّة . . .

ثانياً إحنا ما قلنا هذا شي صحيح لكن نقول شكراً لسوني إنها على الأقل تداركت الوضع وحلّت المشكلة بشكل سريع جداً . . .

ومرة ثانية مبروك لأصحاب الـ 360 على هذا الإنجاز صراحة . . .

 

[AMG]

ياخي! الحين هذا الموضوع!؟ أن الاكس بوكس أقوى جهاز فالعالم ولا لا؟ أنا حتى قلت "يمكن" وماحطيت fact.

القصد أن الاكس بوكس الأول كان تمام وبدون أي مشاكل تقنية فالهاردوير.

بسيطة يعني...

ما انتبهت لكلمة " يمكن " ، اسف على مضيعة الوقت

 

[Arsene Lupin]

بفهم شغله وحده ... الموضوع عن أبديت مايكروسفت الجديد

شنو دخل أم سوني في السالفة و لا بعد في ألعابها !!

الوضع صاير لا يطاق اطلاقا و أحسه صار كول أنه الواحد يجيب سيرة سوني بأسلوب التهجم .

وشلون وش دخل سوني؟!!!! المنافس الرئيسي لل 360 و تقول وش دخلها؟!! إلا عندنا كل الحق ان نقطع في سوني.. الفرق هائل بين 7 ميقا على أبديت ضخم مقابل 100 ميقا على تعديل بسيط. لازم يعني نفتح موضوع خاص بعنوان مقارنة بين ابديتات سوني و مايكروسوفت؟ ياخي المواضيع مترابطه ما فيها شي.. تحمل التقطيع في سوني بروح رياضية ليش لازم تكون حساس على كل شي؟