WTH ?

[hamad 11]

السلام عليكم

لول فيه شي غريب جداً عندنا

قبل شوي تكرر عندي الموقف لذا استدعى اني اكتب موضوع عنه

المواطنات ما يغطوون وجوههم إلا للمواطنين ليش !!؟

يعني تحصل الوحدة في المحل والى غالباً يكون شغال فيه هندي ولا الفلبيني وماخذة أخر راحة.. لا وبعض الأحيان تفصخ الطرحة أو تنفضها على راسها.. بحجة الحر !! لول تقول "حر حر" وتطلع شعرها وآخر حلاوة.. ولا كأنه فيه رجال جالس يطالعها وما يفصله عنها غير طاولة المحاسبة.

ولا دش واحد لابس كندورة وغترة إن شاء الله ولد عمره 10 سنوات هووووووووب وجهها كله تحت الطرحة..

يعني شو الحين.. الهنود مب رجال؟ ولا الهنود يحق لهم يشوفوا بنات ونحن لازم نغض البصر !! المشكلة نحن المسلمين وهم الى ما عندهم دين ولا شي يردهم ويكبت شهواتهم..

لول والله كم مرة صارت لي... تحصل مجموعة بنات في المحل يتضحكون مع البائع وكل شي.. وانا اول ما ادش تقول ملك الموت داش !

واضح انه بنات مجمتعاتنا عندهم فهم خاطئ جداً للحجاب.. والمشكلة بعضهم صاروا يستخدموا الحجاب وسيلة للمعاكسة, يعني إذا الحجاب صاروا يستخدموه للمعاكسة شو بقى عشان يتستروا فيه؟

 

[Avenas]

لانه غالبا اذا خش واحد اكيد بيحاول يستهبل ولا شي .. اما الهندي او الاجنبي بشكل عام ما راح يسوي شي ..
و مرحباً بك بالقرن الواحد و العشرين ! :laugh::

 

[King Wario]

يبتها في الصميم حمد ..

وايد بنات يعتبرون الهنود محارم ..

لول على فكرة العنوان مناسب ، لان كل ما تصيرلي اقول في داخلي wth

 

[Aoks]

عندنا نفس الشي تقريبا

التخلف العربي ​

 

[Lunar Poet]

لأن الهنود هنود :laugh::

Edit: عشان لا يجي واحد فاهم ردّي غلط و ياكلني، أقصد الهنود underrated لأنهم هنود. مثلاً: "تغطّي! فيه رجّال!" "لا هذا مب رجال، هذا هندي :sarcastic:".

 

[x-virus]

ما قدرت أعرف السبب لكن
يمكن " الهنود مب ريايل في نظرهم"

 

[Naif]

لانه معظم البنات يعتقدن انه الهنود ما بيتحرشون\يغازلون\يلاحقونهم في الاسواق مثل باقي (النسبة الكبرى.. للاسف) من الشباب المواطن.

 

[ZiZ]

كنت في دبي قبل فترة وكنت ماشي بصالة الطعام بأحد المولات (جمع Mall) (نسيت أيهم، كلهم واحد في نظري) وكان زحمة. وأنا ماشي مريت (من بعيد) من عند طاولة فيها سعوديات أول ما شافوني تغطوا (والله لو أنهم ما تحركوا كان ما دريت عنهم)...

يعني المكان مليان أجانب وخليجيين بس سبحان الله الظاهر أن أنا الوحيد اللي يضمر الشر في قلبه وله نوايا سيئة ومنحطة. حسبي الله عليهم...

 

[Magical Dreamer]

السلام عليكم ورحمة الله وبركاته ..

انا اللي فهمته من موضوعك انها ما تغطي شعرها لانه تغطية الوجه يختلف من حالة لثانية سواء انها تغطي وجهها بالشيلة ولا بالنقاب

السبب من بدايته يرجع لبعض العائلات تلقى الوالد يقول لبنته تغطي فيه مواطن ولو كان فيه عامل اجنبي ما يعلق ولا يقول لها شيء

سبب آخر انه لو مواطن دخل وشاف البنت وعرف هي بنت منو عادي يروح يقول بنت فلان ما تغطي وجهها ولا شعرها وتضحك وووو وهالكلام راح يوصل لأهلها فالسالفة سالفة سمعة لكن الهندي او الأجنبي ما راح يقول هالشي.

حتى في بعض العائلات تلقى الزوج يصر على زوجته انها تتنقب ولكن لما يسافرون برع في دولة اجنبيه عادي انها حتى ما تلبس شيلة او حجاب على راسها بحكم انهم في دولة اجنبيه وما فيه احد يعرفهم

لكن للأسف ما يعرفون انه الله يراقبهم بكل مكان ..

الفكرة الخاطئة هذه بناها المجتمع للأسف وهي مب بس بالامارات وانما بكثير من دول الخليج

 

[Xeno]

حتى في بعض العائلات تلقى الزوج يصر على زوجته انها تتنقب ولكن لما يسافرون برع في دولة اجنبيه عادي انها حتى ما تلبس شيلة او حجاب على راسها بحكم انهم في دولة اجنبيه وما فيه احد يعرفهم

لكن للأسف ما يعرفون انه الله يراقبهم بكل مكان ..

أصبتي كبد الحقيقة.

في الخليج للأسف نسمع من أهلنا كلمة "عيب" أكثر من "حرام".

 

[Lone Wolf]

لا اتعبون روحكم المجتمع صار وصخ

والبنات صاروا اخس من الأولاد الحين البنات هم الي يغازلون

الشرهة مب عليهم الشرهة على الغرب الي يقلدونهم العرب!

 

[Mario2]

لووووووووول .. موضوعك في وقته الصراحه وكنت ناوي اكتب واحد مثله في المدونه .. قبل ايام اذكر سرت الجمعيه واشوف وحده متستره وما شالله عليها يوم سارت عند المحاسب كشفت ويهها عنده واول ما شافتني رجعت غطت ويهها .. العادات صارت تطغى على الدين ..

 

[Tomb raider]

لول ... عزوز والجامعه ...... الله يستر بس ...

 

[BioMario]

صحيح حمد يبتها صح ^^ ..
وايد وايد على فكرة تصير هذي الحركلة موب شرط مع الهنود أنا إلي اشوفة مع اي ابجنبي غير العرب ..
يعني فلبيني او هندي عادي ولا كأن ريال موجود ّ!

 

[Old Snake]

أصبتي كبد الحقيقة.

في الخليج للأسف نسمع من أهلنا كلمة "عيب" أكثر من "حرام".

هممم...أعجبتني الكلمة صراحة...وزي ماقالوا بعض أهل العلم...((لا تجعل العبادة عادة))
زي البعض الي يصلي لأنه متعود فقط لا غير أو الحرمة الي تلبس الحجاب لأنه مجتمعها يخليها تلبسه مش طاعةً لله...

 

[ZiZ]

لا اتعبون روحكم المجتمع صار وصخ

والبنات صاروا اخس من الأولاد الحين البنات هم الي يغازلون

الشرهة مب عليهم الشرهة على الغرب الي يقلدونهم العرب!

لا والله الشرهة عليهم، مب على الكفار اللي ما يرجى منهم هالشيء...

 

[Nix0-san]

مرحباً بك بالقرن الواحد و العشرين !

^
LuLz Exactly.

 

[Temon]

أكبر غلطه في مجتمعنا هي :

انك تركب محارمك آما امك او اختك او غيرهم من المحارم تخليهم يروحون مع السواق لحالهم ..
هاذي اكبر غلطه انا عندي عادي اشيل محارمي كلهم فوق ظهري وفي الشموس والف وادور بهم على الي يبون .. ولا اركبهم من سواق هندي ولا بنغالي ..

واصلا مجتمعنا الحين بدا يعتمد على العماله بشكل كبير في كل شغله " سواقه " , " مزارع " , " طبخ " , إلخ إلخ إلخ .. ونشوف يوميا بالجرايد الاف الجرائم والإغتصابات والسرقه من هذولا العماله ولا احد يعتبر ..

 

[Mista Koo]

الله يكرمكم

عيب عليك أخوي يا ليت تحرر ردك.. الله يكرمكم تنقال بعد الكلمات المستقذرة.. الهنود والبنغاليين في منهم اللي هو أحسن مني ومنك!

 

[Solay]

شي ملاحظ بقوة بس الحمدلله يمكن عندنا بالسعوديه اقل من عندكم...

 

[Mr.3B]

أستنى رد بيرسونا .. أتوقع مدير جامعتهم له شغل بالسالفة !!

 

[itachi]

ههههههههه
أيه والله أغلب البنات كذا ما أدري ليش ...أذكر في طاش ما طاش فيه حلقه عن هذا الشئ

 

[Genya Arikado]

لول والله كم مرة صارت لي... تحصل مجموعة بنات في المحل يتضحكون مع البائع وكل شي.. وانا اول ما ادش تقول ملك الموت داش !

يعني زعلان لأن البنات مايحبوك؟ :w00t::w00t::w00t:

أعتقد السبب واضح، أو التفكير واضح، أغلب البنات يظنون أن الأجناب على قد نياتهم مابيسوا لهم شيء، أم المواطنين .. خلني ساكت. :

 

[hamad 11]

يعني زعلان لأن البنات مايحبوك؟

:what:
انت تمزح ولا تتكلم جد؟

وضح.. لأنه المشكلة الإبتسامات الجديدة كلها متشابهة وما توضح إذا الواحد يمزح ولا يتكلم جد ولا ايش بالضبط.

 

[Mista Koo]

^
لا تغلط .. الإبتسامات الجديدة أرهب شي في الدنيا :
الواحد إذا كان يتكلم جد المفروض ما يحط سمايليز :whistle:

 

[hamad 11]

الواحد إذا كان يتكلم جد المفروض ما يحط سمايليز :whistle:

يعني يمزح...

بس تبقى مزحة بايخة.. ايش الى زعلان البنات ما يحبوك ومدري ايش :.

 

[Mista Koo]

^
طيب شفيك مهتم بكلامه لهالدرجة؟ شكلها bullseye :laugh::

 

[hamad 11]

^
طيب شفيك مهتم بكلامه لهالدرجة؟ شكلها bullseye :laugh::

اقول روح صمم لك كم إبتسامة اصرف P:


بعدين مو مهتم في كلامه ولا شي.. بس جملته داشه غلط بقوة بالنسبة للإقتباس.

 

[MR1]

الأجنبي بريئ حتى تثبت التهمة عليه
العربي متهم حتى تثبت برائته