قبل كل شي : أنا مش مع تصرف فهد ، انا ما ابرر انتهاك حقوق الملكية الفكرية
اخذ لقطات شيء وتحديد الكل نسخ لصق شيء ثاني
الشيحة اخذ المقطع كامل وعمل ترجمة عربية وقال هذا مجهودي بدون ماذكر انه اخذ مقطع قناة ثانية بكل تفاصيلها
اساسا لو الموضوع عادي ماكان أنحذف المقطع
اللي بيستعير يستأذن مو ياخذ ويقول للناس هذا مجهودي الشخصي ويكسب منه
كيف ؟؟
هم اتفقوا على ان ترو جيمنج تضع روابط المقطع الأصلي وتعطيهم كريديت وان هالمقطع ساعدنا
لكن بعد دقايق انحذفت
كوني جزء من ترو جيمنج مايعني اني باسلك له واصف معه لما يكون هو غلطا
مابغى ادخل الدين لكن اعتقد كلنا عارفين حديث انصر أخاك ظالما أو مظلوما
وايش المقصود بنصرته وهو ظالم
بالضبط! انك ترده عن الظلم .. لكن مو بالصورة هذي ..مو تجرمه بهالأسلوب المجحف .. والا اننا ببطن السطور متفق.. لكن فيه اسلوب وبروتوكول .. نطلع منه نصير همج.. فرق عن لما تغلط ابوك يصفقك كف عن ينبهك
لكنهم سجلوه لحالهم ذو، والشغل حقهم كان فردي و..
هم اشتغلوا على الفيديو اسابيع فعلا، ليش تي جي ما يقدر يعملها؟ كثير فيديوهات تشتغل مدات طويلة عشان فيديوهات 5 دقايق واقل، المشكلة ان هذا مش فيديو 5 دقايق حتى.
شيء ثاني:
نفترض مجرد افتراض ان سغيستيف جيمنج اخذوا من باقي القنوات، عالاقل محتواه نفسه، بالعشرين دقيقة، اوريجنال وما تلقى زيه باليوتيوب.....ما عدا وقت ما قناة تي جي اخذت الفيديو الكامل، ال20 دقيقة، كلها بالنص، بالحرف، بالبكسل، بدون ما تغير اي شي وتعدل اي شيء، ومترجمين الفيديو كامل بدون اي كريديتس لأصحاب الفيديو الاصلي، هذه سرقة علنية مافيها كلام، ما نتكلم عن مقطع صغير او مجموعة مقاطع صغيرة مختلفة، تتكلم عن شغل 20 دقيقة كامل، واللي اصحابها الاصليين اشتغلوا اسابيع عليها، عشان يلقوها مزروفة بهالشكل.
كيف ما تركوا وقت؟ قريت الموضوع اصلا؟
المرة الاولى اشتكوا ان الفيديو حقهم انسرق بالكامل، جات قناة تي جي مسحت الفيديو خلاص، ومسحت فيديو سابق مسروق برضو، تمام، ولو ان فعل السرقة نفسه شنيع لكن تمام نقول انه غلط ويحاولوا يصلحوه.
بعد السالفة ذي القناة ذي اتواصلت مع تي جي بشكل عام وردوا عليه بالخاص ووعدوه انه يعطوه الكريديتس.
الامور ماشية تمام الحين ومر وقت مناسب.
فجأة يجي امس يلاقي انهم حطوا الفيديو حقه مرة اخرى! مع شوي تعديلات عشان ما يقولوا "سرقنا"، ووقت ما شاف الفيديو برضو ما لقى اسمه موجود فيها! مع انه حرفيا وعدوه انهم يحطوا اسم قناته! وقتها له كامل الحق انه يجي يشتكي مرة ثانية، مش المرة الاولى اللي اشتكى عليهم اصلا واتكلم عن السالفة بتويتر.
تصدق اني شايف الفيديو حق suggestive gaming من زمان بعيدا عن هالسالفة .. كنت ابغى احدث معلوماتي عن جاو .. وفيديو تبعهم ممتاز جدا لدرجة شفته اكثر من مرة .. و خلني أقولك .. من وجهة نظري وحكمي أنا : مو كل المقطع footage هم مسجلينه .. وهذا اللي يدخلنا في
اهليتهم لامتلاك المقطع بلا بلا .. ولكن خلنا من هالنقطة
انا جلست احفر ادور مقطع فهد لاني ما شفته للامانة لكني اتحرى فيه الاحترافية وابغى احكم بنفسي ، لكن
جدلا حط
المقطع كما هو ما غير حرف ولا بكسل .. المفروض المخاطبة تكون شخصية .. اعطي الشبكة وقت تتصرف تصرفها الكامل ، الموضوع ما كمل ١٠ دقايق الا و ينعت البسيمي بالكاذب والسارق!!! هذا مو اسلوب .. اللي جالس يسويه "المسكين البرئ" هو الهجوم على سمعة تروجمنج .. وهذا غير مقبول اطلاقا!!! بغض النظر عن فداحة المشكلة
المشكلة تبلورت خلال ٣ أيام .. من تاريخ (٣/٥/٢٠١٨) إلى (٦/٥/٢٠١٨) .. إذا المونتاج اخذ اسابيع في الصناعة فما بالك بالتدقيق من مدير الشبكة؟؟ اللي اصلا منطقيا مو من مهامه يدقق.. على الاقل اعطيه الفرصة .. ناهيك عن ان المقطع كله Cut Scenes!! وتسلسل احداث!! شي طبيعي يكون شبه مطابق حتى لو فعليا تحرر!! وهذا الشي تكلم عن البسيمي هنا
شكرا شباب على نقاشكم و عتابكم
بنتهز الفرصة عشان أوضح بعض الأمور
أولا القصة كلها بدأت لما فهد استخدم محتوى من قناة أخرى بدون استئذان، الأمر هذا تم لفت انتباهي له من قبل أحد المشاركين في تويتر
تأكدت من الموضوع و اكتشفت انه صحيح، و مباشرة حذفت الفيديو و أرسلت اعتذار كامل لصاحب القناة، و قبل الإعتذار و شكرني على التعامل الطيب
و فوق كذا هو كلمني عن كيف إنهم مجموعة طلاب، و يلقون صعوبة في إيجاد وقت للعمل، و أيضا عدد مشتركينهم قليل، و هنا وعدته إني بساعده في المستقبل ينشر قناته كنوع من الإعتذار له
اللي صار بعدها ان فهد طلب مني يشتغل عالفيديو مرة ثانية لأنه أعجب الجمهور، و اشترطت عليه يستخدم لقطات يمنتجها بنفسه، و هذا اللي سواه
بعد رفع الفيديو صاحب القناة راسلني مرة ثانية، و قال لي ليش رفعتوا الفيديو من جديد، أنا جاوبته إن هذا الفيديو مختلف عن قناته، و هو رد علي و قال لي إن لا زال يعتبر مقتبس الفكرة من قناته
طبعا أنا وقتها قلت إن الفيديو هو ملخص لقصة، يعني لو 10 قنوات تسوي مثله (وهذا الواقع) راح يكون في تشابه كثير في النهاية
والفيديو اصلا انحذف في هذي الفترة يعني لا كسبو مشاهدات ولا بطيخ .. تجي بعدها وتسوي مأسآة
وكيف ردهم عليه؟ بلوك.
لكن sure ، تقدر تعتبر ان الواحد يطلب حقه "وقاحة"، لكن السرقة؟ اصلا عاااااادي كل القنوات تسويها! أي عذر هذا lol
حط ببالك انه مش فيديو واحد فقط اللي سرقوه من هالقناة، كان في فيديو ثاني قبله حق Halo طويل وانمسح برضو بعد هالسالفة، بل كان الشيحة يعد انه يزرف فيديو آخر منهم....
الحق مو أسود وأبيض يا صاحبي .. مطالبته كانت مثيرة للإشمئزاز .. هاشتاقات مالها داعي .. اسلوب رث .. وتهجم على السمعة .. يعني خلال ١٠ دقايق انحذفت الكريدتس .. تواصل مرة ثانية شوف ايش المشكلة .. اي عاقل بيشوف كيف تفهم محمد كان ؛ بيستوعب ان فيه خطأ صار .. لكن تجي وتوصفه
بالكاذب والسارق وتنشر تفهمه لك بطريقة ضده!! هذي قذارة وتسلق للشهرة باختلاق دراما بطريقة رخيصة مهما كان "حقه"
فيه قانون في يوتيوب يحمي الملكية الفكرية ، اذا انا ما اخليت به في وجه القانون لا "يحق" لاي من كان يتكلم ، اذا
عنده حق يشتكي ليويتوب
في مكان محمد اي شخص راح يبلك suggestive ، لان اسلوبه جدا طفولي ومن نوعية "الحين الحين لا لا لا لا الحين" ونقاش شخص بهالعقلية مضيعة وقت
أكثر شيء عاجبني بهالموضوع؟ ان الناس واقفة مع الحق واللي تشوفه صح وهذا هو الفعل الصحيح والسليم.
مش سالفة اطراف واحزاب، ببساطة صار خطأ والناس تتكلم عن الخطأ وتقف مع صاحب الحق، ما يهمها انه تعرفها من زمان او لا.
بس اننا نسلك ونبرر للشيء عشان احنا جزء منه؟ هذا هو الفعل الغريب. ما اعتقد انه في احد هنا يكره تي جي مثلا، ولا ما كان بيكون هنا يشارك اصلا، كل مافي الامر ان فعل مشين زي سرقة المحتوى بينعكس سلب على اسم موقع تي جي وشيء مش المفروض نتساهل معه أبدا، ولا حتى نحاول نبرر له لأنه " احنا مو نروح ندعم الطرف الثاني".
ولو انه فعليا كل هالسالفة جاية من شخص واحد اخطأ بصنع هذا الفيديو من الاساس -وفيديو Halo قبله- واغلب الكلام جاي عليه هو، لكنه يمثل واجهة الموقع -بقناة اليوتيوب عالأقل- وتصرفه ما كان احترافي أبدا ولازم يتحاسب عليه، عشان ما يتمادى فيها والوضع مستقبلا يصير اشنع لو انكشفت السالفة لاحقا بعدد فيديوهات مسروقة اكثر.
وأكثر شي قاهرني بهالموضوع؟ ان "الناس اللي واقفة مع الحق" هذي هي نفسها اللي تطالب بمحتوى عربي ، لكنها بنفس الوقت تهاجم وتنتقد نقد
حارق بدون اي مراعاة وبدون اي تشجيع او دعم ، بل نسف كامل واستهجان واستهزاء ، الموضوع مو تسليك او تبرير الموضوع دعم معنوي وتفهم ، الانتقاد جدا سهل والجهل اسهل
في مجتمعنا احنا ما نعرف شي اسمه copy rights ، من الصعيد الاكاديمي الى اعقاب الاحترافي ، افلام مسلسلات مانجا العاب الخ.. فالاغلاط تكون واردة من ناحية متى يعتبر تعدي ومتى يكون مسموح
واكبر خطأ اننا نجلجل الموضوع ونعطيه صدى اكبر من حجمه ونجحف حق ناس تتعب وتشقى بدون مراعاة ؛ اخذ الفيديو كما هو غلط نعم صحيح ، لكن ردة الفعل المبالغة و تجريمه غلط اكبر منه