كنت كاتب رد طويل وفجأة تقفل المتصفح
، يللا نعيده بشكل مرتب أكثر، ال Commodore الجديد صار نظيف ومرتب وشكله ملموم على بعضه، وشخصيا راق لي ولكنه صار أقل تميزا وشبيه بباقي السيارات السيدان الكبيرة الحديثة.
بالنسبة لمواصفات الموستنج، هذا موضوع طويل جدا، خلنا نقسمه لأقسام.
-العادي والبريميوم:
-العادي والبريميوم يجي على كل الفئات 6 أو GT، سقف معدني/رجاجي أو كشف:
-يعني 6 عادي وبريموم و6 كشف عادي وبريميوم.
-وGT عادي وبريميوم، وGT كشف عادي وبريميوم .
-الفئات الخاصة يعتمد، الشيلبي بريميوم فقط أكيد، البوس عادي بس لأنه مصمم على أنه يكون سيارة مضمار وسواقة بس بدون أي مواصفات رفاهية وترفيه. الآن نجي للفرق بين العادي والبريميوم.
-العادي: باختصار، سيارة خالية من مواصفات الرفاهية، تاخذ موستنج ليس بريميوم = أنت تاخذ سيارة بمواصفات داخلية basic جدا وتحصل على شكل خارجي ومحرك فقط.
-البريميوم: حرام تكون شخص يعشق السيارات وتاخذ موستنج ما يكون بريميوم! البريميوم باختصار تجي فيه كل المميزات التي تجعل الموستنج سيارة كوول، ميزة MyColor وهي عبارة عن ألوان الإنارة في داخلية السيارة (7 ألوان)، الألوان تحت الباب، شاشة ونافيجيشن وميديا، خيار السماعات (اسم الميزة شيكر أو شيكر برو وهو الأقوى)، المقاعد الجلد + المقاعد الملونة بلونين، ريموت ستارت (تجي للأوتو بس وأنا أقول لا تاخذ أوتو)، مواد أفضل في الداخلية وأجمل شكلا... إلخ من المميزات الخارجية أيضا مثل الخطوط والسقف الزجاجي وغيرها من الأشياء زي الجنوط وغيرها.
تقدر تشوف الفرق بين الـGT
الستاندرد و
البريميوم وتضغط تاب المواصفات الداخلية والخارجية وغيرها من الأشياء وتشوف بنفسك.
الفرق بين 2011 و2013:
-تعرف أن في 2011 تم تغيير المحرك إلى محرك جديد تماما وهو 5.0 لتر ب412 حصان، في 2013 نفس المحرك لكن السيارة فيها 420 حصان.
-الواجهة انظر لها مجددا، في 2013 صارت زي واجهة الشيلبي، الأنوار الأمامية والفاصل بينهم وبين الشبك والشبك، والسيارة فيها لمبات HID (الجميلة جدا).
-السيارة فيها شاشة معلومات السائق (غير شاشة الميديا والنافيجيشن)، وهي شاشة تكون عند عدادات السرعة والضغط وباقي العدادات، تعدل فيها أشياء مثل الدرايفنج مود وغيره من الأشياء، أشوفها إضافة رائعة وعملية جدا للسيارة.
نصيحتي لك كشخص يعشق السيارة:
-أشوف إضافات ال2013 جذابة، بالذات الشاشة حق معلومات السائق (شيكها بيوتيوب)، لذلك أشوفه خيار أفضل من 2011 أو2012.
-خذ البريميوم جير عادي بكامل مواصفاته، السقف الزجاجي والجنوط وهالأشياء راجعة لذوقك ورغبتك، عن نفسي أفضل السقف المعدني.
-لا تاخذ السيارة بدون الكشافات الأمامية (الدائرية في الشبك الأوسط) إلا لو كنت ناوي تاخذ California Special package (الموستنج الأحمر بردك السابق هو كاليفورنيا سبيشل، الشكل الاعتيادي والكشافات زي ما تشوف بصورته لو ضغطت اللكنين المحطوطين سابقا بردي، الثاني الأزرق الكحلي هو السيارة بشكل 2010-2012).
-السيارة يتوفر فيها Track Package وفيه rear axle ب3.73 وبريكات شركة Brembo وهالأشياء بتكلفك مبلغ كبير لو كنت ناوي تشتري موستنج بدونها وتركبها بعدين.
-تاخذ السيارة بشاشة نافيجيشن وShaker Pro للسماعات.
-لا تنسى تركب لك Borla Exhaust بوقت لاحق.
-بالنسبة للكفالة، أعتقد يستحسن تسأل واحد عايش بالكويت وعنده خبر بالموضوع.
المطلوب منك؟ ادعو لي أن الله ييسرها وألحقك قريبا، وإن شاء الله ما ياخذ الموضوع أكثر من سنتين زيادة :confident: واعذرني لو نسيت شيء، ولو عندك أي سؤال زيادة تفضل.
: والارهب ان سعرها مناسب , نسخه مصغره من السي ال اس ,شي ممتاز !!
