hits counter

TG CARS _|||_ الموضوع الرسمي للســيارات

Zero

فريق الأنمي
أيه، Stingray لأنه مبني على الكورفيت القديم شكلا، الـC4 و5و6 أخذوا حقهم وكفاية شكلا (من سنة 1984 للآن!)، والداخلية تحسها موجهة تماما نحو السائق، داخلية الـC6 كانت على أيام قبل ما تهتم شفروليه بالداخليات.

في شيء ما راح أستغرب منه، وهو أن مواصفات معينة بتكون ستاندرد زي الشاشة وهالأشياء (أتمنى)، الداخلية الحمراء جميلة جدا... الآن تخيلها ويا اللون الأبيض!
 

s3rorh

True Gamer
حسن ... شلون يعني مبنيه على C3 !
 

i7asan

True Gamer
أنا أشوفها مبنية على فراري :tongue:

5F3h1.jpg
 

Zero

فريق الأنمي
الانحناءات فيها وشكل الباب من تحت أقرب لل3 من ال4 و5 و6، ومسمينها Stingray مرة ثانية أيضا، بالعكس، أنوارها الأمامية تشبه الفايبر الجديد أصلا، مو كل شيء أحمر صار فيراري. الكورفيت من زمان وهذا هيكلها والـlayout حقها.

http://www.tumblr.com/tagged/corvette c3

mar22091.jpg


chevrolet-corvette-c3-06.jpg


لا مقتبسة من فيراري ولا بطيخ.
 
التعديل الأخير:

NCC-1701

Banned
[video=youtube;k_4Mhm-0YEs]http://www.youtube.com/watch?feature=player_embedded&v=k_4Mhm-0YEs[/video]

رهيبة! أفضل من الجيل الحالي بكثير.
على فكرة, تراها نفس السيارة القادمة من شفرولية لأمريكا واللي اسمها المؤقت "SS".

صور
 
التعديل الأخير:

Rakan HD

Hardcore Gamer
^
أي رهيبه يا رجل شكلها من الامام عبيط ولا يقارب للجيل الحالي
chevrolet-lumina-ss-6.0-02.jpg


اخوي عنده موديل 2008 (LS) الي هي الاقل بالفئات شكلها احسن من الجيل الجديد .



الا بغيت اسألكم سؤال مهم للخبيرين بفورد والموستنج ,

شنو الفرق بين الموستنج GT 2011 وتحديثات 2013 ؟
هي شكليه او في شيء اضافي بالتسارع وغيره ؟

وشنو الفرق بين هذا :
ford_mustang_gt_420_hp.jpg


وهذا :
images



الاول الي هو البريميوم ؟ وشنو الفرق بين البريميوم والعادي ؟
انا ناوي على اعلى مواصفات (شاشه-فتحه سقف-جير عادي)

وايضا الحين في كفاله دوليه على بعض الموستنجات الي يجونا كويت هل في شيء مميز اعرف انه هذي السياره مشموله بالكفاله عندنا ؟
 

Zero

فريق الأنمي
كنت كاتب رد طويل وفجأة تقفل المتصفح :(، يللا نعيده بشكل مرتب أكثر، ال Commodore الجديد صار نظيف ومرتب وشكله ملموم على بعضه، وشخصيا راق لي ولكنه صار أقل تميزا وشبيه بباقي السيارات السيدان الكبيرة الحديثة.

بالنسبة لمواصفات الموستنج، هذا موضوع طويل جدا، خلنا نقسمه لأقسام.

-العادي والبريميوم:
-العادي والبريميوم يجي على كل الفئات 6 أو GT، سقف معدني/رجاجي أو كشف:
-يعني 6 عادي وبريموم و6 كشف عادي وبريميوم.
-وGT عادي وبريميوم، وGT كشف عادي وبريميوم .
-الفئات الخاصة يعتمد، الشيلبي بريميوم فقط أكيد، البوس عادي بس لأنه مصمم على أنه يكون سيارة مضمار وسواقة بس بدون أي مواصفات رفاهية وترفيه. الآن نجي للفرق بين العادي والبريميوم.

-العادي: باختصار، سيارة خالية من مواصفات الرفاهية، تاخذ موستنج ليس بريميوم = أنت تاخذ سيارة بمواصفات داخلية basic جدا وتحصل على شكل خارجي ومحرك فقط.
-البريميوم: حرام تكون شخص يعشق السيارات وتاخذ موستنج ما يكون بريميوم! البريميوم باختصار تجي فيه كل المميزات التي تجعل الموستنج سيارة كوول، ميزة MyColor وهي عبارة عن ألوان الإنارة في داخلية السيارة (7 ألوان)، الألوان تحت الباب، شاشة ونافيجيشن وميديا، خيار السماعات (اسم الميزة شيكر أو شيكر برو وهو الأقوى)، المقاعد الجلد + المقاعد الملونة بلونين، ريموت ستارت (تجي للأوتو بس وأنا أقول لا تاخذ أوتو)، مواد أفضل في الداخلية وأجمل شكلا... إلخ من المميزات الخارجية أيضا مثل الخطوط والسقف الزجاجي وغيرها من الأشياء زي الجنوط وغيرها.

تقدر تشوف الفرق بين الـGT الستاندرد والبريميوم وتضغط تاب المواصفات الداخلية والخارجية وغيرها من الأشياء وتشوف بنفسك.

الفرق بين 2011 و2013:
-تعرف أن في 2011 تم تغيير المحرك إلى محرك جديد تماما وهو 5.0 لتر ب412 حصان، في 2013 نفس المحرك لكن السيارة فيها 420 حصان.
-الواجهة انظر لها مجددا، في 2013 صارت زي واجهة الشيلبي، الأنوار الأمامية والفاصل بينهم وبين الشبك والشبك، والسيارة فيها لمبات HID (الجميلة جدا).
-السيارة فيها شاشة معلومات السائق (غير شاشة الميديا والنافيجيشن)، وهي شاشة تكون عند عدادات السرعة والضغط وباقي العدادات، تعدل فيها أشياء مثل الدرايفنج مود وغيره من الأشياء، أشوفها إضافة رائعة وعملية جدا للسيارة.


نصيحتي لك كشخص يعشق السيارة:
-أشوف إضافات ال2013 جذابة، بالذات الشاشة حق معلومات السائق (شيكها بيوتيوب)، لذلك أشوفه خيار أفضل من 2011 أو2012.
-خذ البريميوم جير عادي بكامل مواصفاته، السقف الزجاجي والجنوط وهالأشياء راجعة لذوقك ورغبتك، عن نفسي أفضل السقف المعدني.
-لا تاخذ السيارة بدون الكشافات الأمامية (الدائرية في الشبك الأوسط) إلا لو كنت ناوي تاخذ California Special package (الموستنج الأحمر بردك السابق هو كاليفورنيا سبيشل، الشكل الاعتيادي والكشافات زي ما تشوف بصورته لو ضغطت اللكنين المحطوطين سابقا بردي، الثاني الأزرق الكحلي هو السيارة بشكل 2010-2012).
-السيارة يتوفر فيها Track Package وفيه rear axle ب3.73 وبريكات شركة Brembo وهالأشياء بتكلفك مبلغ كبير لو كنت ناوي تشتري موستنج بدونها وتركبها بعدين.
-تاخذ السيارة بشاشة نافيجيشن وShaker Pro للسماعات.
-لا تنسى تركب لك Borla Exhaust بوقت لاحق.
-بالنسبة للكفالة، أعتقد يستحسن تسأل واحد عايش بالكويت وعنده خبر بالموضوع.

المطلوب منك؟ ادعو لي أن الله ييسرها وألحقك قريبا، وإن شاء الله ما ياخذ الموضوع أكثر من سنتين زيادة :confident: واعذرني لو نسيت شيء، ولو عندك أي سؤال زيادة تفضل.
 
التعديل الأخير:

Rakan HD

Hardcore Gamer
شكرا حسين ..عطيتني كل شيء ابي اعرفه تقريبا ,

بس المشكله اني ابي مواصفات صعب القاها وهي :

-تكون cs يعني كاليفورنيا نفس ما قلت علشان الشكل الامامي افضل بالنسبه لي وتحسه متوحش اكثر من العادي .
-طبعا بريميوم .
-اللون وما راح اخذ غيره الا لو عجزت ..وهو الازرق السماوي (نفس لون الشلبي الرسمي) علشان اول ما اخذها بحط خطين ستيكر نفس الي على الشلبي لول .
-كامل المواصفات ..ابي الشاشه-فتحه السقف-سبع الوان للداخليه نفس الي قلتها .
-تكون مشموله بالكفاله عندنا (بشوف وضع المكاتب الي تجيب عندنا الموستنجات واذا الشغله هذي متوفره واجد) .
-وطبعا جير عادي .

وفي شغله ما كنت ادري عنها ..الحين مش المفروض كل الموستنجات 2011 وطالع فيها هذي المواصفات :
-السيارة يتوفر فيها Track Package وفيه rear axle ب3.73 وبريكات شركة Brembo وهالأشياء بتكلفك مبلغ كبير لو كنت ناوي تشتري موستنج بدونها وتركبها بعدين.

اوكي الرير اكسل او نفس ما نسميه كرونه عندنا 3.73 هذي يمكن اختياريه لكن بريكات البريمبو تجي اختياريه ايضا ؟ ..يبيلي ادقق حيل بأختياري :/
دقيقه تذكرت ..دائما كنت اقرأ ببعض منتديات البيع ان 3.73 من ايام موديلات 2005 ان الكاليفورنيا تجي كرونتها بهذا الحجم كـ شيء خاص بالكاليفورنيا صح ؟


انا من فتره طويله كنت باخذها لكن كان عندي التزامات ماديه والحمد لله على الخميس الجاي بكون اقدر اخذ الموستنج ..وقتها بكون عطله اليوم الوطني ومدتها 10 ايام تقريبا بفر المكاتب الى ان اجد المواصفات الي ابيها بأذن الله
الموستنج الجديد بالشكل الخرافي الحالي والمواصفات والاحصنه الي فوق 400 وايضا تسارع افضل من منافسينها كلهم ...اضن ما في افضل منها :)
بس الي للحين متردد هو 2013 سعره شوي غالي...وصعب اتحمله لكن 2011 و2012 بفل مواصفات بيكون اسهل حتى الحصول عليه بالمواصفات الي ابيها .

والله يوفقك يا حسين ويسّر امورك وتاخذ الموستنج الي تبيه :)
 

Zero

فريق الأنمي
أيه الكارونة أو الأكسل 3.73 وبريكات بريمبو اختيارية، تعرف أن السيارة فيها 3.73 لما تكون تراك باك. بس لاحظ: ما عندي فكرة لو يجوا في الCS أو لا، لو تدخل الموقع الأمريكي وتسوي build للسيارة ينشال الCS لما تحط تراك باك/بريكات بريممبو، مع أني شايف مراجعة تقول جربوا الCS ببريكات بريمبو :/ وكانت 3.15 لأنها أوتو مو جير عادي، مواصفات الموستنج موضوع طويل ووجع راس زي ما قلت بردي السابق، وبصراحة كثرة الموديلات تشتت.

أنا أحب الCS كشكل، لكن لو كنت بقتني واحد لنفسي باخذ بريميوم فل بالتراك باك + سوبرتشارجر لاحقا، هذا في حالة لو ما قدرت أوفر شيلبي، والله يسهل، لسه قدامي وقت طويل.

بالنسبة للبحث الله يوفقك في البحث، وودي أقول لك لا تعكرها علشان اللون ترى الأبيض والأزرق حليوين :laugh::
 
التعديل الأخير:

Rakan HD

Hardcore Gamer
طلعت صور الكوماندر ss او اللومينا ss :

002-holden-commodore-vf-ssv-show-car-620x413.jpg

003-holden-commodore-vf-ssv-show-car-620x348.jpg

009-holden-commodore-vf-ssv-show-car-620x413.jpg


هممم ...شكلها مغري لكن ما زلت اشوف المقدمه مش بذيك اللمسه السابقه .
 

Zero

فريق الأنمي
مؤخرتها طلعت أفضل بواجد من مقدمتها، أتمنى يعدلوا المقدمة لاحقا، في فرصة أنها تطلع أجمل بواجد بتعديلات بسيطة بس.
 

NCC-1701

Banned
شفرولية كشفت عن الـSS أخيرا:

[video=youtube;Yzuqk2my16c]http://www.youtube.com/watch?v=Yzuqk2my16c[/video]

chevrolet-ss-ri_653.jpg


chevrolet-ss-5_653.jpg


chevrolet-ss-10_653.jpg


ببساطة, هي الكومدور لكن بعلامات شفرولية. متحمس أشوف هل مبيعاتها ستتفوق على مبيعات البونتياك جي 8 بسبب علامات شفرولية؟

^
أي رهيبه يا رجل شكلها من الامام عبيط ولا يقارب للجيل الحالي

كنت أقصد الـBase model اللي هو الـLS. بصراحة الجيل الحالي ما أعجتني لا وجهيته ولا خلفيته عكس الجيل السابق اللي يبدأ من 2004.
 
التعديل الأخير:

Zero

فريق الأنمي
لو السيارة تنزل عندنا بسعر تنافسي بتكون ضربة في السوق، خصوصا وأن السوق محتاج سيارة دفع خلفي V8 قوية وكبيرة، منافس شرس للتشارجر.
 

i7asan

True Gamer
^
ما أتوقع تقل عن 150 ألف.
مع ان الشكل الجديد أشوفه تلفيق بالنسبة لي وفقدت شخصيتها، وزحمة ال LED مع الكشافات ماليها داعي، التصاميم السابقة أجمل .
بشكل عام أشوف تصاميم سيارات فورد أكثر أناقة وتميز عن شيفرولية في السنوات الأخيرة ما عدا الكورفيت والكامارو تصاميمهم ممتازة .
 

Zero

فريق الأنمي
سيارة سيدان كبيرة و8 سلندر ودفع خلفي صعب تكون بأقل من 150 ألف اليوم، لو كانت بحدود 160 بتقدر تنجح وتاخذ ميزة تنافسية مقارنة بغيرها.
 

Q8Dante

Hardcore Gamer
مفكر اخذ هاسيارة السكسية (فورد فيوجن 2013)

2013+ford+fusion+back.jpg


فيوجن 2013 تشابه توريس 2013 واله انا اتخيل ؟
 

عاشق 360

True Gamer
مرسدس بنز تعلن عن فئه جديده

الفئه الجديده راح تنافس اللكسزس IS والـ BMW الفئه الثالثه وبقية الفئات المماثله ...

2014-Mercedes-CLA-1.jpg


Mercedes-CLA-from-NAIAS-2013-15.jpg


2014-Mercedes-Benz-CLA-Class-14.jpg


2014-Mercedes-Benz-CLA-Class-2.jpg


Mercedes-CLA-Class-5.jpg



فيديو الاعلان :

http://www.youtube.com/watch?v=mxLLRqYqHhY&feature=player_embedded


ر
ه
ي
ب
ه
:cool:: والارهب ان سعرها مناسب , نسخه مصغره من السي ال اس ,شي ممتاز !!

داخلية السياره عاديه ...
 

q8-gamer

Hardcore Gamer
السلام عليكم

ان شاء الله عالشهر الجاي باخذ لي سيارة وياليت تفيدوني

أكثر من سيارة في بالي ومحتار بينهم وهم نيسان ألتيما 2013 أو الأفالون 2013 أو التورس 2013
 

Rakan HD

Hardcore Gamer
الافالون والتوروس في مقارنه بينهم بس غريبه شلون اخترت الالتيما ؟

لا تفكر بالالتيما لانها سيئه ونسخه مصغره من المكسيما وما تتقارن مع السيارتين الثانيتين لا شكليا ولا حتى كمواصفات رفاهيه ولا حتى جوده ( السياره الجديده لكن استنادا على موديلات الاقدم منها) >اتكلم عن الجوده بين القوسين فقط ,

التوروس حلو ومواصفات واجد فيها وفئات كثيره ..والداخليه راقيه جدا ...حتى المكينه ممتازه 6 سلندر اضن 288 حصان ,
لكن لو كنت مكانك بأخذ الافالون لكن شكل القديم الي هو 2012 مو الي توه نازل لانه شكليا افضل وحتى كمواصفات عزل ممتاز وداخليه ممتازه حتى تسارع جيد جدا ...ايضا الجوده قويه جدا جدا فيها السياره تقول مصنوعه من فولاذ ما تغير مع الوقت ...الافالون سياره من تويوتا بجوده ومواصفات لكسز .
 

q8-gamer

Hardcore Gamer
الافالون والتوروس في مقارنه بينهم بس غريبه شلون اخترت الالتيما ؟

لا تفكر بالالتيما لانها سيئه ونسخه مصغره من المكسيما وما تتقارن مع السيارتين الثانيتين لا شكليا ولا حتى كمواصفات رفاهيه ولا حتى جوده ( السياره الجديده لكن استنادا على موديلات الاقدم منها) >اتكلم عن الجوده بين القوسين فقط ,

التوروس حلو ومواصفات واجد فيها وفئات كثيره ..والداخليه راقيه جدا ...حتى المكينه ممتازه 6 سلندر اضن 288 حصان ,
لكن لو كنت مكانك بأخذ الافالون لكن شكل القديم الي هو 2012 مو الي توه نازل لانه شكليا افضل وحتى كمواصفات عزل ممتاز وداخليه ممتازه حتى تسارع جيد جدا ...ايضا الجوده قويه جدا جدا فيها السياره تقول مصنوعه من فولاذ ما تغير مع الوقت ...الافالون سياره من تويوتا بجوده ومواصفات لكسز .

الألتيما الجديدة عجبني شكلها وكداخلية انا جربت الألتيما 2012 وكانت داخليتها بالنسبة لي جيدة فهذا السبب اللي خلاني افكر فيها

واحد من الربع ما ينصحني نهائيا بالفورد ويقولي انه خراباتها كثيره وعمرها قصير فحبيت أسأل عنها زياده وأتأكد والأفالون أنا ما كان عاجبني شكلها القديم والشكل الجديد أشوفه أفضل
 

Vorg Zangief

True Gamer
السلام عليكم

ان شاء الله عالشهر الجاي باخذ لي سيارة وياليت تفيدوني

أكثر من سيارة في بالي ومحتار بينهم وهم نيسان ألتيما 2013 أو الأفالون 2013 أو التورس 2013

ما فكرت تاخذ كيا
[video=youtube;9t_D-YdovKw]http://www.youtube.com/watch?v=9t_D-YdovKw[/video]
شكلها حلو
و سعرها جيد
 

JIN KAZAMA

True Gamer
ليش ماتاخذ الازيرا الجديده ؟ شكلها فخم ومحركها اقوى من الافالون ! وسعرها اكيد ارخص !
(لسه داخل موقع تويوتا وقاعد اسوي مقارنه بين الازيرا والافالون ! لووول عالتفوق حق الازيرا XD)


صور :
12.jpg



41.jpg


28.jpg



22.jpg
 
التعديل الأخير:
اخذ الافالون وان شاءالله ما تندم جدا حلوه و قوية وتقدر تقول مواصفات لكزس
 

s3rorh

True Gamer
كيا و هونداي ..... والله و صار فيهم حظ لوووول
 

Fabri_4

Hardcore Gamer
^ سيارات كيا مادخلت مزاجي نهائياً،محمد عندك ماليبو 2013 واكورد الجديدة راقية جدا
اكورد سعرها يبدا من 86 الف 4 سلندر ، والماليبو من 79 اعتقد 4 سلندر ، افالون ممتازة جدا
واشوفها الافضل،حاول قبل ماتقرر شوف اختبار التصادم ، بعض سيارات هونداي كرتون :yuck::
السيارات القديمة اللي يميزها حديدها قوي لكن ماتمتص الصدمات زي بعض السيارات ..
من ناحية الامان ، السيارات الامريكية مافي زيها .
هذي تجربة ل اكورد ممكن تفيدك :http://www.youtube.com/watch?v=Y0OKG8aSgzs
 
التعديل الأخير:

Zero

فريق الأنمي
المقارنة غريبة بالفعل، الألتيما تعتبر ميد-سايز، السيارة الصحيحة في هالمقارنة هي الماكسيما.

التوروس بصراحة أشوفه لو ما كان فئة SHO أو/ودفع رباعي فهو ممل نوعا ما مع أن المكينة العادية حقه 6 سلندر وقوية 288 حصان وأما الSHO نفس الشيء 6 سلندر لكن توين توربو و365، ولو كان كذلك بيكون متفوق في المقارنة برأيي.

أرشح الأفالون بما أنك مو عايش في السعودية، لكني شخصيا أشوف الماكسيما خيار أفضل، تعبت من محرك تويوتا اللي مو راضيين يغيروا ويزيدوا قوته.

Fabri_4 سيارات هيونداي جيدة في اختبارات التصادم بالعادة، سيارات تويوتا هي السيئة والورق في اختبارات التصادم، روح شوف الكامري والES على سبيل المثال، حتى الأمريكي في الجيد وفي السيء، وفي الياباني سيارات هوندا كويسة جدا، ليه أحس كلامك مبني على افتراضات؟
 
التعديل الأخير:

q8-gamer

Hardcore Gamer
شكرا شباب على تفاعلكم

اليوم ان شاء الله بروح الوكالات وبسأل عن الأسعار
 

Rakan HD

Hardcore Gamer
قوائم اكثر/اقل مبيعا بالسعوديه لـ 2012 سواها موقع سعودي شفت وسيطره تويوتا مع ارتفاع اسعارها الغير مبرر مدري شقول عنه :/

قائمه الاكثر مبيعا لسنه 2012 :
http://www.saudishift.com/2013/best-selling-cars-in-saudi-arabia/

تويوتا تويوتا تويوتا ....الهيونداي ارتفاعه ملفت جدا سياراته بدت تصل لأرقام ممتازه ..الفورد اكسبدشن ريحنيييييييييي ..اخيرا اخذ حقه يا اخي سياره اوف رود بهذا الحجم وسعرها الخرافي الي ماله مقارنه ما تاخذ مبيعات قويه حرام .

اسوأ 13 سياره مبيعا في السعوديه لسنه 2012 :
http://www.saudishift.com/2013/worst-selling-cars-of-2012-in-saudi-arabia/

مكسيما ؟ ..غريبه عندنا مبيعاتها اضن فوق الممتازه بكل مكان سرت اشوفها ,
الاوريون تستاهل يا اخي انا جاي الدوام حاليا على اوريون مع واحد من الربع موديل 2012 الشكل الجديد الشارع تسمع صوته كأن ما في عازل تحتك @@
 
أعلى