أوكي, اخيراً فهمت آلية الـ Mixer بشكل كامل! اللحين فعلياً أقدر اشرحه بشكل تفصيلي:
س: وشو الميكسر؟
الميكسر هذا جهاز يخليك تركب اغراض داخله ويجلس يخلط لك ويصنع لك حاجات خلال مسيرتك في اللعبة.
س: هل هو مهم؟ وش مدى أهميته؟
الميكسر مُهم جداً للي يلعب بصعوبة أعلى من Normal وأشك أنك تحتاجه من الأساس لو كنت تلعب على النورمال أو أقل.
س: طيب, أنا ماني نوب, قاعد ألعب على المستوى الأعلى من العادي, كيف بيفيدني؟
الميكسر فيه خانات تركب فيها طبخات (Dish) و أدوات إستهلاكيّة (Consumable) و موادّ (Materials) و كُتُبْ (Valuables). وكل وحدة من هذولي لها شروط معينة لازم تصير علشان الميكسر يشتغل. فوق مستوى العادي راح تحتاج أدوات أكثر علشان تنجو في المعارك بسبب سُرعتها, وبعض الأحيان إستخدام الأدوات داخل الدنجنز يخلص, وماعندك أي محل حواليك تشتري منه, أو مفلس. وش تسوي؟ ترمي أداة العلاج داخل الميكسر وتسوي الشروط علشان الميكسر يسوي لك حبّة!
س: طيب ممكن تشرح كل وحدة من اللي ذكرتهم: طبخات, أدوات إستهلاكية, مواد, كُتب, بشكل أوضح من كذا؟
طيب, أول شيء خليني أبدأ بالأكلات (Dishes) الأكلات ذي تسويهم أول شيء لما تدمج نوعين من المقاضي (Ingredients) اللي تحصلهم من الأعداء/صناديق/تشتريهم من المحلات/تلاقيهم مرمية في الأرض/أو حتى تسويهم بالمكسر برضوا. الدمج يصير عن طريق الDualizing عند أي بياع في اللعبة. لما تدمج اي عنصر غذائي مع الثاني وتحصل طبق أكل, تقدر تركبه في الميكسر. لما تركبه, لازم تطبق شروط الصحن نفسه علشان يمديك تستفيد من ميزته.
مثال: سويت صحن Curry عن طريق دمج عنصرين Spice Set + Veggie Set, وجيت ركبته في الميكسر. صحن الكاري ميزته أنه يعطيك Critical Damage X2 لكل أعضاء الفريق, و Revive From KO لأحد الشخصيات لما تموت أثناء المعركة. لكن, علشان يتفعّل فيه شرط معين لازم يصير أول علشان الميكسر يسوي لك صحن كاري داخل المعركة, ألا وهو In Battle: When Someone is KO'ed يعني خلال المعركة لازم أحد يموت أول.
أهم شيء لازم تلاحظه وانت تركب أي طبق داخل الميكسر هو أنك تناظر مقوّمات الشروط اللي لازم تسويها حتى يتفعّل الميكسر. كل صحن له شروط, ومن المفردات المهمة اللي لازم تنتبه لها في الشروط هي: In battle (في المعركة) أو Post-Battle (بعد إنتهاء المعركة). ولما تطبق الشروط, زي ماقلت, يتفعّل قدرة الصحن. الجدير بالذكر هو أن الأكلات ممكن تقلب المعركة في صالحك بعدما تكون فاقد الأمل في بعض الاحيان, لذلك لا تستهين بقُدرات الأكلات أبدا!
س: هل لو حطيت كل خانات الميكسر أكلات, اصير أقوى شيء في الدنيا؟
تستهبل؟ لا طبعا. الميكسر يسوي لك أكلة وحده, وتعتمد على وش الأكلة اللي محطوطة فوق. الميكسر يطبخ لك صحن واحد بس في المعركة (سواء بدايتها/نهايتها)
س: هل أقدر اسوي أكلات زي ماأبي طول الوقت؟
أيه, لكن يعتمد على عدّاد الـ Eleth الخاص بالميكسر. يعني لو أفترضنا أن الميكسر فيه 500 نقطة إيليث, والطبخة تكلّف 50 إيليث. لما تنطبخ في المعركة, راح تنتهي المعركة وتلاحظ أن الإليث حقك صار 450/500. والعدّاد ذا يسترجع بطرق كثيرة: تعبيه من عند البيّاعين بمقابل مادّي, أدوات إستهلاكية تعبيه لك, صناديق (كنوز) يكون فيها كمية تعبئة للإيليث حقك (غالبا في الدنجنز الطويلة)
س: هل أقدر أزيد معدّل الإيليث وأصير أطبخ لفترة أطول؟
أيه, فيه كُتب تساعدك على زيادة العدّاد بطُرق مُختلفة. وغالباً العدّاد يزيد بمُجرّد تستخدمه أكثر.
س: كُتب؟ ايه ماشرحت ذي لسى!
أوكي اسمع, الكُتب هذي تحصّلها في اللعبة وهدفها أنها تدعم الميكسر حقك وتخليه يسوي شغلات إضافية مش في نطاقه الطبيعي. مثلاً فيه كتاب يخليك تطبخ صحنين في المعركة بدال واحد, كتاب ثاني يخليك كل مامشيت أكثر في اللعبة, كل ماأمتلئ عدّاد الميكسر, كتاب آخر يشترط عليك أنك ماتنلمس في المعركة, وبالتالي يزيد نقاط الميكسر...ألخ الكُتب تفيدك في المعركة بشكل كبير! وكُتب غيرها تنفعك وانت تمشي في اللعبة, حتى ماتحتاج تكون في معركة!
س: هل تكلّف إيليث ذي بعد؟
أكيد, كل شيء بحقه! بس الغريب بالموضوع أن تكلفتها مش واضحة تماماً. يعني ماتدري بالضبط كم تكلّف! غالباً تعتمد على آدائك داخل المعركة (نظرية من عندي)
س: أقدر أستخدم أكثر من كتاب؟
ايه تقدر تستخدم أي كمية من الكتب عادي, لكن زي ماقلت, كل شيء بحقه. ولما تحط كُتب كثيرة, راح تستنزف الإيليث حقك كله بمعركة وحدة تقريبا!
س: كم عدد الكُتب باللعبة؟
مدري, لكن أنا حصلت لحد اللحين 27 كتاب, ومتأكد أن فيه أكثر بعد!
س: طيب خلنا من نظرياتك ذي, وخلينا نركّز في الفاكتس! وش سالفة الأدوات المُستهلكة؟
الأدوات المُستهلكة هذي زي العلاجات والشغلات اللي تقدر تستخدمها داخل المعركة من قائمة Items. تقدر ترميها في الميكسر لما تبغى تنتج كمية منها, والفكرة هنا أن الأدوات المُستهلكة ذي شروط إنتاجها مهوب داخل المعركة. هذي تُنتج برا المعركة, وبالتحديد بمسافة مشيك داخل اللعبة.
س: مسافة مشي؟ كيف يعني؟
اللعبة تحسب لك الكيلو مترات اللي تقطعها فيها (كويس حتى بالنظام الأمريكي مازالوا مستمرين بالكيلو بدال عبط الأميال) وبالتالي, شروط الأدوات الإستهلاكية تعتمد على الكيلومترات اللي تقطعها حتى "يحاول" الميكسر أنه ينتج لك أداة جديدة. وركز على "يحاول" لأن فيه % لنجاح العملية. بعض الأدوات العاديّة مثل العلاج اللي يزيد 30% من طاقتك (شغل أبو كلب) تقدر مثلا تسويه بشرط أنك تمشي, وبنسبة 50% الميكسر راح ينتج لك واحد.
س: كم المُدة اللي ياخذها حتى يتعامل مع النسبة ذي؟
تقريبا كل كيلو متر تقطعه يبدأ يحاول الميكسر أنه ينتج قطعة. وطبعا النسبة تحدّد أمور كثيرة, فـ فيه بعض الأدوات مكتوب في شرطها Traveling: Very low prod. chance يعني تقريبا النسبة شبه معدومة لدرجة أنها مهيب مسجّله! والنسبّ عشرية, فـ تلاقي بعض الادوات نسبها 0.5% وشغلات ثانية تاخذ مشي لقريح وادرين حتى الميكسر يتصدق عليك ويسوي لك وحده :/
س: هل الأدوات ذي تكلّف نقاط في الميكسر؟
طبعا. والأسوأ من كذا, أنه كل ماصارت الأداة فعاليتها عالية, كل ماصارت تكلّف إيليث أعلى, ونسبة الإنتاج أقل! يعني عادي لو تحصّل أداة تطلب 1000 نقطة إيليث علشان تنتج بنسبة 1% ويخلص عدّاد الإيليث 10 مرات وأنت ماطلعت بحبّة وحدة لسى! هنا أقولك أحسن لك تشتري القطعة ذي لو لقيتها عند بيّاع اشرف لك من أنك تحاول توفّر وتسويها لأن الموضوع شبه مُستحيل ومُكلف للإيليث اللي راح تعبيه بفلوس في النهاية, على أية حال.
س: هل عدد الأدوات اللي اقدر احطها في المكسر محدود مثل محدودية الطبخات؟
لا, الطبخ محدود لأنه يصير داخل إطار المعارك (قبلها/خلالها/بعدها) الماتيريالز/الكونسيومبلز/الكُتب مفتوح لك الكمية المُستخدمة, وبالتالي صارت كلها تكلف إيليث أضعاف مضاعفة, مقارنة بالطبخات :/
س: طيب بما أنك جبت طاري الماتيريالز, وش سالفتها ذي بعد؟
الأدوات الخام نفس الأدوات المُستهلكة من ناحية الشروط, لكن ميزتها انك لما تسوي بما فيه الكفاية, راح تزيد عدد الخانات في داخل الميكسر (مع الوقت)
س: كم عدد خانات الميكسر بالأصل؟
تبدأ اللعبة بـ 3 والعدد الكُلّي 16. تقريبا راح تكره نفسك على ماتزيد الخانات, أنا حرفيا مادريت أن الخانات تزيد بسبب دمج المواد الخام إلا لما خلصت اللعبة!! وفي النهاية ماكان معي إلا 5 خانات, فـ يبغالك تركز على العدد من البداية لو تبغى خانات أكثر.
س: طيب شُكرا على الشرح المُفصّل. أي شيء ثاني تبي تزيده قبل ماأبدأ العب؟
ايه, أنتبه لترتيب الخانات في الميكسر. لما تحط شيء فوق شيء, فـ الأفضلية للي فوق دائما. إذا ماأستوى شرط الأداة, الميكسر راح ينتقل للي بعده مُباشرة.
أتمنى يكون واضح. راح أضيفه للموضوع في البداية :] أي سؤال/تصحيح عطوني خبر.