انا ما عندي مشكلة مع بداية اللعبة، للحق البداية خلتني اتأمل للعبة. لما شفت اول قتال في اللعبة حطيت في بالي ان القتالات في سلسلة تيلز ممكن تكون صعبة وبدائية في البداية
هذا عشان اما كون القيمبلاي مش مكتمل، او عشان اني مش فاهمنه كفاية. وهذا الشي شفته في سمفوينا وابيس.
بس كل ما تقدمت، اشوف نفس عيوب القيمبلاي ما تغيرت، والمفروض اني في مرحلة اني اكون فهمت فيها القيمبلاي ومع ذلك اشوف فيه مشاكل؟
القيم بلاي مليان عيوب، اللعبة تجبرك انك تتفادى ضربات الاعداء ويعاقبك لما تدوخ في نص المعركة.
كونك محطوط في disadvantage لما تدوخ او العدو يسممك عدو شيء طبيعي انك بتنحط في موقف صعب وهذا الا المفروض يصير عشان يعطيك تحدي.
بس ال disadvantage هنا غير، عدد الضربات المسموحة لك يقل، الا هو اكثر شي رئيسي في اللعبة. كل السكلات والطريقة الوحيدة انك تتخلص من الاعداء تروح عنك، واي عدو ممكن يسويها لك!
مثل ما فيه اشياء تخلي اللعبة صعبة، اللعبة ايضا تكافئك لما تنجز شي، الا هو لما تتجاوز. لما تتفادى تزيد عدد الضربات المسموحة لك.
بس لازم تكون ردة فعلك سريعة بشكل سخيف. الانميشن حق ضرب الاعداء ما يخليك تعرف متى العدو بيضرب، لو هالشي عند نهاية اللعبة كان ممكن يكون مقبول لان صعوبة اللعبة بتكون زادت.بس هالشي من بداية اللعبة
كلعبة تعتمد على تفادي الاعداء هذا شي اساسي ومش حاجة يتغاضى عنها. مثلا سلسلة Devil May Cry اللعبة تعتمد على الكومبوز وعلى تفادي الاعداء، الانميشن حق العدو لما يضرب خصوصا عند البداية يعطيك كده فريم
يهيئك عشان اما انك تتفادى او تضرب العدو قبل ما يضربك، خلنا نفرض انك بسرعة تتعود على الاعداء وقدرت تتفادى ضرباتهم، لازم تروح تاخذ الجوهرة الا في الجهة الثانية من المكان الا تقاتل فيه عشان تزيد عدد الضربات.
يعني... وهذا الشي خصوصا لما يكون وضعك صعب وتحاج انك تزيد عدد الضربات المسموحة، لازم تترك ضرب العدو، وتضرب مشوار الى الجوهرة، وترجع تقاتل مرة ثانية.
الا صاير في اللعبة هو انهم يجبروك انك تتفادى الاعداء عشان تقاتل.
اوكي العاب ثانية ممكن بعض الاحيان يجبروك تتفادى، بس هالشي في احداث معدودة وبس ينتهي الحدث ترجع الى حريتك.
مثل ما قلت، العاب كثيرة تعطيك الخيار في التفادي و تكافئك وتعطيك مميزات لما تتفادى الاعداء، بس من جهة ثانية، ولا لعبة لعبتها انا تجبرك انك تتفادى اغلب الوقت، ولو اجبرتك ما بكون زي الوضع في برسريا.
الجيمبلاي فيه افكار حلوة، العيوب هذه تقتل الافكار الحلوة هذه.
صاحبي كان يقول لي ان يلعب سلسلة تيلز على اعلى صعوبة، بس هذه من كثر ما الجيمبلاي سيء غير الى الصعوبة وقام يلعب على السهل.
ممكن البعض يقول عني ان قديم او انه هبستر، بس القيمبلاي حق ابيس و سمفونيا هم المفضلين عندي للحين.
القيمبلاي حقهم يبدأ بسيط و صعب وممكن مليان عيوب، بس لما تتحرك قدام، تشوف ان فيه عناصر في القيم بلاي تتطور وان القيم بلاي في البداية كان بسيط عشان
يخلوك تبدأ بحاجة سهلة، تيلز اوف ذي ابيس تبدأ وما تقدر تتحرك الا قدام ولارا الشي الا كان كريه ويعطيك شعور انهم مش عاطنك الحرية، بس بعدين تنعطى هذه الحرية وتقدر تتحرك بجميع الاتجاهات
سمفونيا من جهة ثانية، شعور اخذ الحرية منك هذا يلاحقك طول اللعبة لانك ماتقدر تتحرك الا قدام وورا، ولكن تبدأ تعرف الا موجود عندك وتستخدمه بشكل يدعمك ويعوض النقص، مثلا انك تقفز او تستخدم سكل يخليك
تتفادى العدو او يخليك تروح وراه، اكتشاف اشياء تعوض النقص خلاني استمتع باللعبة اكثر، ايضا نظام القتال والكومبو مش معقد، ولو ان اكتشاف السكلات الا تقتدر تستخدمهم ورا بعض والا يشتغلوا لك هو ممكن يكون اكثر شي معقد، ومن جهة ثانية هو اكثر شي ممتع
زيليا و جريسس ما خلصتهم فما اقدر احكم في نظام القتال واقارنه، ولو ان القيمبلاي حق زيليا عجبني وكان انترستنج، عادة السحر ياخذ وقت الين ما يستخدم والين ما ينطلق الى الاعداء، في ذاك الوقت
تكون من غير دفاع غير انك تعتمد على اصدقاؤك، الشي الا يخلي اللعب بسحرة في اللعبة شيء مستحيل وغير ممتع،بس في زيليا تقدر تنتظر الين ما السحر يكتمل (بالشخصية الرئيسية على الاقل) وتستخدمه وتنقص طاقة الاعداء اكثر، او تستخدمه في نص كومبو بشكل سلس، هالشي يفتح لك اللعب بالكثير من الشخصيات بعكس الالعاب الا راحت، ايضا الحركة القاضية في كل لعبة عادة تقدر تستخدمها لوحدك، بس هنا هي تعتمد على الشخصية و السكل المستخدم، وللحق اتمحس كل مرة استخدم القاضية في القتال
. مرة ثانية انا ما خلصت زيليا بس الجيمبلاي الا شفته عجبني. جريس ما لعبته كفاية عشان حتى اتذكر الجيمبلاي حقه، بس سمعت انه ان القيمبلاي حقه كويس.
مثل ما قلت، القيمبلاي في برسريا ما فيه شيء مميز في سلسلة تيلز، او في الاجزاء الا لعبتها على الاقل.
ولو اني احس اني تركتك اشياء بس اظن اني خلصت اغلب الا ابي اقوله عن القيمبلاي
. 
