جبت البلاتينيوم في 27 ساعة ونص.
فكرة اني استمتعت لهذه الدرجة بلعبة سونيك 3D جديدة جداً فضائية وللآن مش مستوعبها بالكامل.. لكن فرونتيرز كانت من امتع ساعات الفيديوجيمز اللي عشتها هذه السنة. ما في شيء يقرب حتى خارج ايلدين رينج. اللعبة جانكي ونص مطبوخة لكن الجيمبلاي لوب جداً جداً قوي. لدرجة اني ما كنت اطالع حتى في الاوبجيكتف.. الفلف وانطنط في الجزيرة عادي والقصة قاعدة تتقدم لوحدها معايا. الموفمنت ادمان والجزر متصممة كويس لتستفيد منها.
شوية افكار:
- الموفمنت هي احسن موفمنت سووها منذ ادفنشر 1 وأساس ممتاز للمستقبل. محتاجة شوية تويكس للطريقة اللي سونيك يكتسب بيها سرعته + تعامله مع ال terrain بس أخيراً سونيك شخصية مش دبابة.
- السايبرسبيس ناس كثير اتكلمت عن مشاكله واولريدي نزلت مودز "تصلحه" في نسخة البي سي واتفق مع كل هذا لكن.. في unique quality ليه في كيف اغلب الادوات اللي متعودين عليها في العاب سونيك (تحديدا الهومينج اتاك واللايت داش) تخسرك سرعة هنا ولازم تتجنبها قدر الامكان لو تبغى تحقق ارقام. هذا + الإير داش الجديدة بخصائصها الغريبة والطريقة اللي تتعامل فيها مع ال ledges وال stomps خلى سبيدرنينج المراحل جداً ممتع. ممتع بطريقة مختلفة عن طريقة العاب البوست السابقة.
- متطلبات ال S-Rank في 1-2 اكيد bug ومدري كيف عدى من البلاي تيستنج بس سعيد انه عدى. امتع S جبتها منذ انليشد وهي اللي فتحت عيني على عمق ميكانيكس السايبرسبيس.
- طبعاً محبط تكرار الثيمز في السايبرسبيس واستخدام لاياوتس قديمة وكل هذا لكن الحق يقال من الجزيرة الثالثة وطالع المراحل كلها رائعة قديم وجديد. اتمنى يكونوا اتعلموا من شغلهم على المراحل هذه ويسووا اشياء اوريجنال احلى في الجزء الجاي.
- اما سمعت عن لعبة سونيك بكومبات والغاز ما اشتريت وحسيت انه اتباع تريندز لمجرد اتباع التريندز. checklist لعبة العالم المفتوح. مازلت اعتقد ان هذه كانت النية لكن اما جاء وقت التطبيق جزور سونيك تيم اليابانية الاركيدية غلبتهم وسووا حاجة weird / interesting بدل ما يسووا لعبة العالم المفتوح اياها. الكومبات رائع والأروع منه قتال الزعماء و100% اشتريت مكانه في الفورملا الجديدة. ما اشتريت مكان الألغاز لنفس الدرجة لكن كانت distraction لطيف.
- لا جد. اعادة تخيل كيف سونيك يقاتل كانت واحدة من اذكى القرارات اللي سووها. ناس كثير تكلمت عن قد ايش زعماء الجزر انجاز وهايلايت لكن حتى ال mini-bosses كلهم فيهم ميكانيكس ذكية وتستغل جيمبلاي سونيك. حبيت الجانب هذا من اللعبة بشكل ما تخيلته.
- واحدة من الاشياء اللي خلقت عندي انطباع ان اللعبة محاولة following trends هو اما تكلموا عن الفوكس تيستنج الدوري اللي كان يحصلها.. لكن.. مش شايف اثره هنا؟ لا بالإيجاب ولا بالسلب. يعني.. كيف اللعبة كان يحصلها فوكس تيستنج كل شهرين وولا مرة حد قالهم ان كونك لازم تكلم الكوكو الكبير لكل ليفل سرعة تلفله فكرة في قمة السوء؟ ولا كيف ما حد قالهم ان البوس فايتس لازم يكونوا replayable في ال arcade؟ اللعبة مش في احسن حالة ك QoL.
- ولا في احسن حالة تقنياً عموماً. موضوع ال pop-in ما همني كثير شخصياً لكنه يظل فضيحة. لو هذا limitation حقيقي من المحرك نفسه فلازم يبتدوا يفكروا في تغييره.. لأن جد عيب.
- اللعبة تنهار شوية في الثلث الأخير. ما بفصل كيف لكن بيكون واضح لأي شخص يلعبها. مستحيل هذا كانت نيتهم من البداية. لكن ما عمرتها وصلت لدرجة السوء عموماً بس احباط خفيف.
- القصة والموسيقى والتون والتقديم وكل هذا محاولة لإعادة تخيل ال Adventure-Era زي ما يسووها بشكل.. "مش مسخر" بالمعايير الحالية وأعتقد انها تنجح لحد كبير. موسيقى الزعماء فعلاً جابت الشعور هذا. بس يضحك قد ايش وقت اللعبة تصرفه في انها تعيد تقديم الشخصيات وتصحح الاشياء اللي صارتلهم أخر 10 سنين العاب لول.
- اما الكريديتس اشتغلت لقيت نفسي قاعد افكر في فاينل فانتسي ههه. القصة كثيمز عموماً وكلحظات معينة خصوصاً ذكرتني كثير ب Endwalker. واللعبة نفسها ذكرتي كثير ب 15.. في كيف مليانة heart و untapped potential.. وفي كيف تنتهي ب ٣ اغاني كريديتس مختلفة بينهم مشهدين بوست كريديتس.
- اهم شيء هو... اما خلصت Generations لأول مرة من 11 سنة (يوه).. كنت جداً مبسوط من قد إيش اللعبة رائعة. لا زالت واحدة من العابي المفضلة ليومك. لكني كنت برضو متضايق لأني حسيت انها سقف. Generations كانت ال Boost formula perfected. ما كان في مجال حقيقي للتحسين. That's it. سونيك ما عمره بيكون احسن من كدة في ال 3D. الفورملا كانت محدودة.. وعلى انها انتجت لعبة رائعة زي Generations.. مستقبلها ما كان يحمس.
- Frontiers مش بحلاوة جينريشنز.. لكن مستقبلها يحمس. لقت فورملا سقفها اعلى. في مجال كبير للتحسين وفي قمم ممكنة حتى جينريشنز ما قد وصلتها. أتمني كونهم - على ما يبدو - كانوا متوقعين استقبال نقدي احسن ما يكسرهم. في
شيء هنا. فرونتيرز على كل مشاكلها لسه غالباً ثاني او ثالث احسن لعبة سونيك 3D ولسه من العابي المفضلة هذه السنة. لإن الفورملا قوية لهذه الدرجة. أتمنى سونيك تيم يركز الفترة الجاية لأن اللي بيتعلمه منها ممكن ينتج بيها لعبة ما باستحي وانا اقول انها لعبتي المفضلة في سنتها المرة الجاية.
