الموضوع الرسمي Resident Evil 2 رزدنت إيفل 2 عودة الرعب !

[Mithos]

سؤالي اكيد انطرح بهالموضوع بس مابي ارجع ادور عشان لا يحوشني spoiler لول

ابي اعرف في طريقة معينه عشان افتح الخزنة ولا اقعد العب بهالارقام لين ما تضبط ؟ حاولت اسمع الصوت ماكو فايده حتى الاوراق قريتهم مافي تلميح لول

مابي الارقام بس ابي اعرف الطريقه الي اكتشف فيها الارقام

 

[Century Wizard]

حتى الاوراق قريتهم مافي تلميح لول

مابي الارقام بس ابي اعرف الطريقه الي اكتشف فيها الارقام

كمل لعبك و اقرا اي ورقة تاخذها .

 

[JIN KAZAMA]

محتوى مخفي: .......

لغز ابو قفلين حليته ... اقصد باقي الاقفال حلولها تكون على شكل مذكرات او تلميحات في بيئة اللعبة ؟

محتوى مخفي: الاقفال

يب، في واحد هتلاقيه مكتوب في معين، والثاني مدري اذا تعتبر حله سبويلر ( اذا ماتريد تعرفه لا تكمل قراءة)
.
.
.
.
.
.
.
هتلاقيه ع شكل صوره

 

[Mithos]

كمل لعبك و اقرا اي ورقة تاخذها .

ثانكس xD

 

[KH_m]

سؤال واحد فقط وانا جالس العبها....
هو ليش كل هذه السنوات ما حصلنا على تجربة مشابهة؟

فيه ريزي 7 إلا إذا قصدك لعبة رعب منظور ثالث مثل ديد سبيس

 

[Bill Cober]

سؤال واحد فقط وانا جالس العبها....
هو ليش كل هذه السنوات ما حصلنا على تجربة مشابهة؟

بسبب اعتمادهم على الأكشن المبالغ فيه زي الي في الخامس والسادس وأيضا ماكانوا عارفين ايش الفانز يبغوا بالضبط

اتمنى نجاح الريميك بقوة حتى تفهم كابكوم ماذا يريد الفانز

 

[شيطون]

بسبب اعتمادهم على الأكشن المبالغ فيه زي الي في الخامس والسادس وأيضا ماكانوا عارفين ايش الفانز يبغوا بالضبط

اتمنى نجاح الريميك بقوة حتى تفهم كابكوم ماذا يريد الفانز

هو مو بس الخامس والسادس
حتى خارج السلسلة الكم سنة الأخيرة مافي لعبة مثلها

 

[Bill Cober]

هو مو بس الخامس والسادس
حتى خارج السلسلة الكم سنة الأخيرة مافي لعبة مثلها

بالضبط كلامك سليم ١٠٠٪

 

[Bill Cober]

لعبت حوالي أربعة ساعات

وصلت عند منطقة

محتوى مخفي: بعدما تخرج من مركز الشرطة

عجبتني الاضافات والتغييرات الي عملتها كابكوم هنا

حتى بائع متجر الأسلحة Robert Kendo عنده بنت وهم مصابين بعضا من الزومبي

والأحلى اني أخذت قطعة تطوير للبندقية

محتوى مخفي: الزعيم الثاني

جزئية مطاردة التمساح رهيبة وأحسن بوايد من النسخة الأصلية

ياخي كلما ألعب اللعبة أحس أن كابكوم غصب تبغاني أفضل الريميك على الجزء الثاني الأصلي من كثر ما انبهرت بالتغييرات والإضافات هنا

بخصوص الأعضاء الي يشتكون من الرصاص أنا بالعكس ماعندي مشكلة مع الرصاص وانما مشكلتي مع العلاج بسبب التايرانت والليكرز

 

[Just Human]

هو مو بس الخامس والسادس
حتى خارج السلسلة الكم سنة الأخيرة مافي لعبة مثلها

والقصد واضح

محتوى مخفي: ممنوع دخول أصحاب القلوب الضعيفة

البيور سرفايفل هورور اللي كسرت الأجيال الأستورية الجوتية الإعجازية ال.. ذا ايفل ويذن

 

[شيطون]

والقصد واضح

محتوى مخفي: ممنوع دخول أصحاب القلوب الضعيفة

البيور سرفايفل هورور اللي كسرت الأجيال الأستورية الجوتية الإعجازية ال.. ذا ايفل ويذن

لول ماكنت اقصدها وكلامي كان بشكل عام
معا اني متوقع رد زي ذا
لكن بعيد عن مستواها فيه فارق كبير بين الثنتين
ايفل ويذن خطية بدون الغاز وفيها ستيلث وابجريد لاسلحتك وقدراتك وصحتك
ريزي 2 ريميك العكس لعبة فيها باكتراكنج الغاز وبدون ستيلث او ابجريد او غيره

الكم سنة الاخيرة ماذكر جات لعبة سرفايفر هورور بذا الشكل
ممكن بس الجزء السابع واللي كان منظور اول عكس هنا

 

[Just Human]

ريزي 2 ريميك العكس لعبة فيها باكتراكنج الغاز وبدون ستيلث او ابجريد او

و واضح أنها أفضل كسرفايفل هورور و كلعبة فيديو

 

[SILENT EVIL]

محتوى مخفي: الزعيم الأول

ويليام ابداع يا راجل بس كأن العين اللي في كتفه صغيره ... تمنيت المععركة تطول اكثر معاه وانا اصلاً Out of ammo بس اللي قهرني انهم مابينو ايش اللي خلاه بهذا الشكل بس اتوقع حيبان في احد السيناريوهات الاخرى

شباب الظلام على طول ؟

 

[Bill Cober]

محتوى مخفي: الزعيم الأول

ويليام ابداع يا راجل بس كأن العين اللي في كتفه صغيره ... تمنيت المععركة تطول اكثر معاه وانا اصلاً Out of ammo بس اللي قهرني انهم مابينو ايش اللي خلاه بهذا الشكل بس اتوقع حيبان في احد السيناريوهات الاخرى

شباب الظلام على طول ؟

لا الظلام في أماكن معينة حسب الي لعبته

 

[شيطون]

شباب الظلام على طول ؟

اغلب الاماكن مظلمة وهالشيء بصراحة ازعجني

 

[FANTASTIC DREAM]

اللي هرب من كل الlickers في اللعبة يرفع يده.

 

[شيطون]

اللي هرب من كل الlickers في اللعبة يرفع يده.

قتلت ثلاثة وهربت من اثنين
معا انه كان عندي رصاص لقاذف القنابل اكثر من كافي لقتلهم لكن معا هالاثنين
كان فيه ثلاثة زومبي وفوقهم مستر اكس

 

[FANTASTIC DREAM]

قتلت ثلاثة وهربت من اثنين
معا انه كان عندي رصاص لقاذف القنابل اكثر من كافي لقتلهم لكن معا هالاثنين
كان فيه ثلاثة زومبي وفوقهم مستر اكس

إنت يمكن بتكون أكثر واحد قتل ليكرز هنا....

أنا كنت أهرب منهم طوال الوقت، و دايماً أخذ ضرر بصراحة، ما فيه مرة عديت من ليكر بدون ما أخذ ضرر!
لكن اليوم ، إستجمعت شجاعتي، و قررت إني أقتل إثنين مع بعض!

راح تتفاجئ بإن الcover وراء الجدران مهم جداً لما تحاربهم
لا تخلي نفسك direct في نفس الخط معهم، بل خلك مختبأ وراء جدار بينما يقتربون منك(هذا اللي إكتشفته)
و لما تجهز عليهم بالبندقية ، حط جام غضبك في الطلقات! و أطلق و أطلق و أطلق... إلين تلقى نفسك في نعيم الراحة و الأمان.

أحييهم على تصميم مواجهة الليكرز.

 

[LegendaryK]

اللعبة عديت فيها شوط بكلير والحين عرفت شي
مع احترامي لمحبين السابع وربي انها نكتة جنبها في الرعب والتوتر
كل الاجزاء اللي قبل كنت العبهم وتوتري فيهم بسيط جدا ان حسيت بتوتر اصلا !!
اما هذي التوتر لعب فيني لعب يخخخرب بيتك يا ...

محتوى مخفي: ...

مستر اكس

 

[شيطون]

اللعبة عديت فيها شوط بكلير والحين عرفت شي
مع احترامي لمحبين السابع وربي انها نكتة جنبها في الرعب والتوتر
كل الاجزاء اللي قبل كنت العبهم وتوتري فيهم بسيط جدا ان حسيت بتوتر اصلا !!
اما هذي التوتر لعب فيني لعب يخخخرب بيتك يا ...

محتوى مخفي: ...

مستر اكس

محتوى مخفي

والله فرق كبير بينه هنا وفي الاصلية
ماذكر سبب لي اي توتر وكنت مستغرب لما اشوف فيه ناس يفضلونه على النميسس
لكن هنا مجرد سماع صوت خطواته يسبب توتر

 

[Mithos]

تحسفت على اختيار صعوبة ال normal لول الطلقات مو كافيه ودمي ينقص بسرعه لو مخلي بدابتي مع Claire بمستوى easy و Leon مستوى Normal كان افضل لي

اللعبه طالعه حلوه بس الظلام جدا مزعج *-*

 

[منتقي]

يصير احصلهم و أنا نسختي عادية أو لازم ابجريد؟

حسين .. ضروري تشتري الألحان الاوريجنال حقت ١٩٩٨ .. اضافت قيمة كبيرة للعبة بنظري

 

[HeNNeSSy]

إنت يمكن بتكون أكثر واحد قتل ليكرز هنا....

أنا كنت أهرب منهم طوال الوقت، و دايماً أخذ ضرر بصراحة، ما فيه مرة عديت من ليكر بدون ما أخذ ضرر!
لكن اليوم ، إستجمعت شجاعتي، و قررت إني أقتل إثنين مع بعض!

راح تتفاجئ بإن الcover وراء الجدران مهم جداً لما تحاربهم
لا تخلي نفسك direct في نفس الخط معهم، بل خلك مختبأ وراء جدار بينما يقتربون منك(هذا اللي إكتشفته)
و لما تجهز عليهم بالبندقية ، حط جام غضبك في الطلقات! و أطلق و أطلق و أطلق... إلين تلقى نفسك في نعيم الراحة و الأمان.

أحييهم على تصميم مواجهة الليكرز.

الليكرز مايشوفون على فكره تقدر تتفاداهم وانت تمشي بهدوء ساعات تضبط هذي الحركه وساعات لا

 

[HeNNeSSy]

مستر اكس مسبب لي توتر مو طبيعي يطلع لي في اماكن ابدا ماتوقعها تخيل كنت قاعد احاول احل لغز وكنت اسمع خطواته وظنيت انه بعيد عني مستحيل يدخل المكان اللي انا فيه من ضغطت زر الدائرة لان ماعرفت احل اللغز ماشفت الا مره وحده طااااااخ فتح الباب حاولت اغير المسدس إلى شتجن ضغطت على كل الاسهم هههههههه

 

[HeNNeSSy]

محتوى مخفي: سؤال

حاليا وصلت إلى المشهد لما ايدا تساعد ليون وتدعم مستر اكس وتالي تطلع من مركز الشرطة السؤال هو اقدر ارجع للمركز عقب ؟ لان في كم شي ماسويته

 

[FANTASTIC DREAM]

خلصت ليون A

و بدأت كلير B
على مستوى الhardcore

أعرف too much عن الجيمبلاي ، فما بغيت إن اللعبة تصير أسهل مع إختيار صعوبة النورمال مرة أخرى
و الأفضل أجرب الhardcore و تجربة النجاة القصوى بما إني متشجع و متحمس للعب still.

 

[FANTASTIC DREAM]

محتوى مخفي: سؤال

حاليا وصلت إلى المشهد لما ايدا تساعد ليون وتدعم مستر اكس وتالي تطلع من مركز الشرطة السؤال هو اقدر ارجع للمركز عقب ؟ لان في كم شي ماسويته

محتوى مخفي: جواب

إذا تقصد الأبواب اللي تطلب منك diamond key ، فهذي تفتحها في سيناريو كلير غالباً.
أما إذا كان اللي ما أخذته هو سلاح أو شيء ، فحظاً سعيداً لإنك ما راح ترجع إلى مركز الشرطة بعد ذلك المشهد.

 

[Kaido III]

لعبت 3 ساعات .. و أقدر أقول ريزي2 ريميك في طريقها لتصبح واحدة من أفضل الألعاب اللي لعبتها على الاطلاق..

ماتربطني علاقة بالجزء الثاني كوني مالعبته فـ رأيي بيكون رأي شخص جديد بعيد عن المقارنات والفروقات بين اللعبتين



أول شيء اخراج الانترو ابداع! مرة حبيتها ..

احساس اللعبة رائع، من تحكم وشوتنق لسلاسة الـ60 فريم، الاتموسفير العام، الأجواء المظلمة وتأثير اضاءة الكشاف، الزومبي ووزن حظورهم/خطرهم في كل مواجهة، الألغاز الذكية، الليفل ديزاين والباكتراكنج المصممة بعناية،... تجربة كلاسيكية عصرية بمعنى الكلمة، كابكوم اخيرا وصلت للخلطة البيرفكت للسلسلة

مبسوط من شُح الرصاص الى الان صعوبة اللعبة ممتعة .. كل طلقة ومواجهة محسوبة عليك تجربة survival حقيقية!
الليكيرز مخيفين، سرعتهم وأصواتهم توترني قد ما أقدر أحوال اتجنب قتالهم >>
وعلى طاري التوتر....:

محتوى مخفي: مستر اكس

مرعب بشكل.... حجمه وتصميمه، ملابسه السوداء.... مشيته السريعة ....

حصلي موقف معاه ومن الخرشة حسيت جسمي تكهرب هههههه يعني جديا ما توقعت ابدا حيطلع لي في الـmain hall!! مش ذي تعتبر منطقة الامان! wtf ... >>
كنت لابس سماعة محيطية وسامع صوت خطواته لكن ما توقعت ابدا حيطلع في وجهي في الـmain hall.....


اللحن رهيب ومناسب

شخصية ليون كول لكن حواراته أثناء التجول/القتال مالها داعي ومخربه شويتين، فـ ألعاب الرعب دائما أفضّل البطل الصامت ...
وبخصوص غياب الموسيقى بالريميك هممم مش مشكلة بالنسبة لي على الأقل .. أنا شخص أقدر جدا الموسيقى في الالعاب لكن في ألعاب الرعب ما أمانع قلة استخدام الموسيقى لأني أفضّل الهدوء والسكون والاعتماد على الأصوات الطبيعية المحيطة أكثر، أصوات الوحوش والبيئة حولك،.. المؤثرات الصوتية والبصرية جدا ممتازة هنا

تصميم البوس الأول رهيب بس القتال قصير للأسف، أعتقد مجرد تقديم والمواجهه الحقيقية قدام ؟ أتمنى وكمان مهتم أعرف قصته وليش شكله كذا ..


عموما جدا مستمتع وما أبغى اخلصها بسرعة .

 

[Santi caz]

انهيت قصة ليون
اللعبه ممتازه لكن مو مبهرة
لا في البداية ولا بعد ما انهيتها
تجربة كلاسيكيه بتقنيات حديثة مافيها شيء يعلق بالذاكرة
كل اللي طلعت منها اني قدرت السابع اكثر

 

[شيطون]

للتو

استمتعت بكل ثانية فيها اغلب التغيرات اللي في اللعبة اجابية
اخراج العروض بالذات طالع ممتاز
القصة فيها شوية تفاصيل غيروها وغيروا كم شخصية ومعا ان هالتغيرات كلها للافضل تضل اللعبة عادية من هالناحية
خلصت اللعبة وبعض الخزنات مافتحتها
ايضا فيه سلاح شفته في تريلرات اللعبة وبرضه ماحصلته
فكرة صنع رصاص الاسلحة بدمج البارود جميلة وتطبقت بشكل جيد لكن مو بعمق الثالث

فيه شيء مستغربه

محتوى مخفي: حرق لكامل اللعبة

كانت لسه فيه أماكن بمركز الشرطة مافتحتها تحديدا مفتاح الشيريا الأخضر مالقيته
مادري هو شيء جانبي ولا مخصص للمسار b

قتال ويليام الثاني والثالث عظيم قتاله الثاني بالذات شيء خيالي
وفي نفس الوقت ماعجبني تغير قتاله الثالث عن اللعبة الأصلية وقت يتحول إلى كلب هنا غيروا شكله وطريقة قتاله معا انها كانت ممتازة
لكن تمنيت تضل مثل ماهي

الاشياء اللي ازعجتني في اللعبة
1- هو الظلام صح ان خلق جو موتر لكن كان مرة اوفر ماله داعي 90% من اللعبة تكون في اجواء مظلمة
2- اخر مرحلة في اللعبة صارت مرة كريمة في توزيع الرصاص

واخيرا اللعبة تمثل كل شيء تمنيته وهي التوجه اللي اتمنى السلسلة تستمر عليه (ولو اني مارح امانع ال VR لول)
ذا اللي عندي الان وباعطي انطباعات تفصيلية اكثر بعد ماخلص باقي المسارات وكل المحتويات الجانبية