PSVita , بعد نصف سنه !

[Qushery]

عدد هذا الأسبوع من فاميتسو إستعراض أحداث البلايستيشن فيتا منذ صدوره في اليابان بمناسبة مرور أكثر من نصف عام على صدور الجهاز، المجلة قدمت لنا قائمة أكثر 10 العاب للجهاز و كذلك رأي مسؤلي شركة سوني بأداء الجهاز:

الجهاز تمكن من بيع 790,633 منذ صدوره في اليابان
الدفعة القوية القادمة للجهاز ستكون بشهر اغسطس مع صدور لعبة Hatsune Miku
مبيعات الجهاز تسير حاليا بحسب توقعات سوني!
الكشف عن العاب أكثر للجهاز سيكون بمعرض طوكيو القادم بشهر سبتمبر
وإليكم مبيعات أفضل 10 العاب على الجهاز منذ صدوره:

المصدر TG

 

[Veeto]

مبيعات الجهاز تسير حاليا بحسب توقعات سوني!

هذا الشيء اللي مو قادر الاقي ليه تفسير .. سوني في تقريرهم المالي اعلنوا انهم يتوقعون يبيعون 10 ملايين وحدة حول العالم
والحين يقولون ان المبيعات تسير حسب توقعاتهم .. بما ان المبيعات حول العالم ما وصلت الى 1.5 مليون
شلون سوني بتوصل الى العشرة مليون ما ادري

فيه مؤتمر جنة الفيتا :laugh:: قريب ننتظر ونشوف ويش افكار سوني

 

[Nintendo]

طالما سوني راضية خلاص، يعني نحنا راح نفهم اكثر من سوني

 

[hemo memo]

حتى القائمه اللي فوق لك عليها, اهم شي الجهاز ماينزل تحت 10k لين الاسامي القويه تنزل.

 

[M 7 L]

مبيعات الجهاز تسير حاليا بحسب توقعات سوني!

كثّر منها يا شيخ هههههههه ...


أتمنى من كللل قلبي ان الجهاز يصحو صحوة جااامدة لأن والله حرااام هالجهاز القوي مع النظام الرااائع يكون وضعة بهالشكل

 

[Rain]

صراحة انا ما اشتريت الجهاز الى الان , بس اتمنى انه حدث قيم-هفن يعطيني دوافع كثيرة .. (aka اي حاجة من سكويراينكس )

 

[قناص]

الفيتا يحتاج معجزة عشان يتغير وضعه , أعتقد أن سوني لازم توجه فرقها الكبيرة و الممتازة عشان تلتفت للفيتا حتى لو على حساب مشاريعهم على الــ ps3 !

 

[T Y K i]

سوني في تقريرهم المالي اعلنوا انهم يتوقعون يبيعون 10 ملايين وحدة حول العالم

ماراح تصير في 6 شهور بل وحتى سنه واكثر !
البدايه الثقيله والبطيئه شيء طبيعي مع سوني *البلاي3 مثلا اول ماصدر*

الصبر =="

 

[Rain]

الفيتا يحتاج معجزة عشان يتغير وضعه

كلها كم لعبة حصرية قوية و تشوف مبيعات بالهبل:confuse:

 

[Wild Fox]

كلها كم لعبة حصرية قوية و تشوف مبيعات بالهبل:confuse:

على "احساس" سوني الميت ، الــ"كم لعبه حصريه و قويه" تعتبر معجزه

 

[14/08]

الدفعة القوية القادمة للجهاز ستكون بشهر اغسطس مع صدور لعبة Hatsune Miku

معقولة سوني تشوف هذي اللعبة كسيستم سيلر *فيس بالم*

 

[Brave Gamer]

جهاز خارق أتمني تصدر عليه ألعاب وتستمر انشارتد على الفيتا متلا لعبة من تطوير ea متلا باتلفيلد حصرية ع الفيتا تفعيل نظام الكروس بلاي ستنتظر مادا تخبئ الأيام لهذا الجهاز

 

[Nintendo]

معقولة سوني تشوف هذي اللعبة كسيستم سيلر *فيس بالم*

اللعبة لها شعبية كبيرة في اليابان واجزاء الـPSP باعت بشكل ممتاز، المشكلة انها تصدر بتاريخ 30 اغسطس! يعني بأخر يوم بالشهر، طيب وباقي الشهر؟

هل نتحمس لمعرض طوكيو فعلا؟ المشكلة احس سوني مش فاهمة الجمهور وش يبغى، يعني اخاف يعلنوا عن كم بورت وخرابيط ويقلك ارهب قائمة العاب للجهاز بالطريق مثل ماهم قاعدين يعملوا الى الان.

 

[Raulioo]

واثق ان الاعلانات القوية بتظهر بالعاب طوكيو لكن ما واثق من الدعم اللي بتحصله لأن السوق يعيش وضع سيء وتعيس جدا دام جرافيتي رش ما قدرت تصنع اي فارق !

 

[hussien-11]

واثق ان الاعلانات القوية بتظهر بالعاب طوكيو لكن ما واثق من الدعم اللي بتحصله لأن السوق يعيش وضع سيء وتعيس جدا دام جرافيتي رش ما قدرت تصنع اي فارق !

مثل ثقتك أيام E3 يا صادق ؟؟
أكيد جرافتي رش ما بتصنع أي فارق للأسف، اللعبة شي طيب بالنسبة لملاك الجهاز ولكن ..
لعبة كرتونية + اسم جديد + جهاز الألعاب عليه ما تبيع + تقييمات متوسطة من المواقع الدعائية = فشل محتوم

و الفيتا ما بيحصل شي مهم في معرض طوكيو غالبا، الشركات في اليابان ما عندها حاليا أي سبب تدعم الجهاز، خصوصا و انه كللللللللللل الأسماء الكبيرة في اليابان للجهاز المنافس ( ماريو - بوكيمون - دراجون كويست - مونستر هنتر ) .. حقيقة الفيتا بحاجة لمعجزة حتى ينجح في اليابان أو إعلان بورت من مونستر هنتر4 للجهاز

ما أقدر أتوقع في المقابل كيف بيكون وضع السوق الغربي مع كول اوف ديوتي و أساسنز كريد، خلنا نشوف.

 

[Brave Gamer]

صراحة في نظري كله من سوني يعني تترك الps3 جانبا وتستغل على الفيتا مدة معينة وتعمل حصريات على الجهاز *

 

[Raulioo]

مثل ثقتك أيام E3 يا صادق ؟؟

كانت صدمة للجميع اللي حصل بـ E3 لكن بما ان سوني صرحت بشكل علني انها نادمة على عدم تقديم حيز كافي من الوقت للجهاز بعد مطالبات الجمهور ومبرراتها عن الاستياء الجماهيري من طول المعرض السنة الماضية فأظن ان ما بيكون عندها عذر الحين هذا بجانب ان ما يحتاج لها تفكير ان ورقة سوني اللي بتلعب عليها هي اليابان سواء لهوسهم بالمحمول او حتى بالتأثير الايجابي الواضح بالمبيعات بعد صدور بيرسونا4 ..

 

[FANTASTIC DREAM]

شيء يعصب اما يكون الحل الوحيد لنجاح هذا الجهاز حل سهل جدا وترى سوني تضيع وتحوس
الحل فقط العاب ! العاب ! العاب ! والمزيد من الالعاب , انا اريد لهذا الجهاز النجاح لاني فان كبير لسوني

 

[AHMAD PLUS]

منستر هنتر ، جي تي ، فف و خلاص ينجح الجهاز ،خلاص يا سوني واضحة ، الناس ما تبغى اي بي جديدة عشان تشتري الجهاز ، تبغى سلاسلها المفضلة

 

[Veeto]

و انه كللللللللللل الأسماء الكبيرة في اليابان للجهاز المنافس ( ماريو - بوكيمون - دراجون كويست - مونستر هنتر ) ..
حقيقة الفيتا بحاجة لمعجزة حتى ينجح في اليابان أو إعلان بورت من مونستر هنتر4 للجهاز

حسين تسوي الموضوع وكأن سوني كانوا في ايدها هالسلاسل وضيعتها
ماريو وبوكيمون سلاسل نينتندو فأي واحد بيشتري اي جهاز لغير نينتندو ما بيتوقع انه يلعبهم
ودراجون كويست ما سمعت انا ان جزء 11 بيكون للعدس .. هم فعليا خسروا مونستر هونتر بس
وكانت حركة من نينتندو في عز (( يأسها )) أكثر منها سوء عمل من سوني

الفيتا ما يحتاج هالعناوين الضخمة .. هو يحتاج الى (( استمرارية )) في تنزيل الالعاب المتوسطة امثال بيرسونا
ومتوسطة اعني اللي تبيع 200 الف بالكثير ... هذي الالعاب لو نزلت كل شهر منها لعبة وحدة على الاقل
وقتها بتتغير النظرة .. والجهاز بييع بشكل جيد و ما يندرى يمكن وحدة من هالعناوين تتحول لظاهرة مثل مونستر هونتر

مواجهة نينتندو وجه بوجه جنون .. جهاز نينتندو ارخص .. وعليه (( حاليا )) العاب مينستريم اكثر
ماريو لاند وماريو كارت وماريو 2 دي .. وفوقهم مونستر هونتر .. ظاهرة اليابان

ما زلت اشوف ان سوني ادارت بعض الامور غلط .. خصوصا في (( كوبيات )) مونستر هونتر
لو وزعتهم صح .. وحاولت مع نامكو تصدر جود ايتر 2 بطريقة ثانية اتوقع الوضع بيتغير

 

[H.Messi]

جهاز من وقت اعلانه و واضح انه بيلحق البسب السيء .. سوني اثبتت غبائها وجهلها بمرتبة الشرف في سوق المحمول .. و لوول على الي كان يقارن وضع الفيتا بالعدس ، و الي يضحك اكثر هو الي ينتظر شيء في TGS . الفيتا موجه للجمهور و المطور الغربي و هذا غباء ثاني من سوني ، المطور الغربي ما بيقرب للمحمول الا اذا حصلت معجزة و دعمة للجهاز بيقتصر على البورتات الداونجريدية لوول

 

[Rain]

مثل ما قال فيتو , العاب متوسطة متتالية و بيعتدل الوضع
انا ما الوم سوني , سوني ما قصرت بالالعاب , المطورين لازم يعطوا الجهاز فرصة

 

[Veeto]

جهاز من وقت اعلانه و واضح انه بيلحق البسب السيء .. سوني اثبتت غبائها وجهلها بمرتبة الشرف في سوق المحمول .. و لوول على الي كان يقارن وضع الفيتا بالعدس ، و الي يضحك اكثر هو الي ينتظر شيء في TGS . الفيتا موجه للجمهور و المطور الغربي و هذا غباء ثاني من سوني ، المطور الغربي ما بيقرب للمحمول الا اذا حصلت معجزة و دعمة للجهاز بيقتصر على البورتات الداونجريدية لوول

البي اس بي ما كان سيء .. بالعكس جهاز رائع جدا جدا .. وعشت - ومتاكد ملايين مثلي - عاشوا فيه تجارب خلابة
الفيتا مو موجه للجمهور الغربي تحديدا وبالتفصيل ليهم .. الفيتا كفكرة من ناحية الهاردوير وقدراته جهاز محمول مثالي
بالامكان تطبيق وتقديم افكار مذهلة عليه .. مشكلته الرئيسية والاساسية تسويق سوني في البداية ليه
والمشكلة الاكبر اصرارها على الجمهور المستهدف .. وهم جمهور البلاي 3 !!

سرعة تطوير الالعاب عليه - سرعة نقل العاب الاكس بوكس 360 + بلاي 3 عليه تبين ان سوني تقدمت خطوات
من ناحية هندسة الجهاز .. وكونه يسهل على المصممين تطوير الالعاب عليه
كلام اغلب المطورين نفس الشيء

مشكلة سوني كانت في التسويق .. تنزيل الجهاز في اليابان من البداية غلط وانت ما عندك اي منتج للسوق الياباني
لو كانوا (( منزلينه )) بنفس العناوين بنفس التوقيت في الغرب كانت النظرة بتكون مختلفة

اتفق وياك على انتظار المعجزة .. مو علشان شيء .. بس واضح ان فريق سوني التسويقي
مو عارف شلون يسوق للجهاز .. وشكله لعبة من طرف ثالث ... هي اللي بتسوق ليه عن سوني !!

 

[MAX9009]

جهاز من وقت اعلانه و واضح انه بيلحق البسب السيء .. سوني اثبتت غبائها وجهلها بمرتبة الشرف في سوق المحمول .. و لوول على الي كان يقارن وضع الفيتا بالعدس ، و الي يضحك اكثر هو الي ينتظر شيء في TGS . الفيتا موجه للجمهور و المطور الغربي و هذا غباء ثاني من سوني ، المطور الغربي ما بيقرب للمحمول الا اذا حصلت معجزة و دعمة للجهاز بيقتصر على البورتات الداونجريدية لوول

مين قال البسب سيء ؟ ليومك يبيع وعليه طلب كبير اجل غباء وجهل في سوق المحمول ؟ ترا نينتندو ما عمرها شافت النور غير مع الوي والدي اس

 

[H.Messi]

^

البسب جهاز سيء كاداء و كمتكبة العاب .. تذا بتعدد الالعاب الممتازة عليه ما بتتعدى اصابع يدك

و ايش دخل ننتيندو في الموضوع ؟ ولا بس فانبويزم .. و اجابة على سؤالك هو انت نسيت الجيمبوي و النيس

 

[Dark Master]

مشكلة سوني مع البسب كانت من البداية الى السنة الثالثة تقريباً غير مونستر هنتر طبعاً

بعدها الاصدارات صارت كثيرة وممتازة

 

[Qushery]

ترا نينتندو ما عمرها شافت النور غير مع الوي والدي اس

:laugh::

 

[Super Shadow]

معقولة سوني تشوف هذي اللعبة كسيستم سيلر *فيس بالم*

شخصية ميكو لها شعبية كبيرة باليابان ، يمكن لعبتها على الفيتا تنقذ الجهاز شوي

مين قال البسب سيء ؟ ليومك يبيع وعليه طلب كبير اجل غباء وجهل في سوق المحمول ؟ ترا نينتندو ما عمرها شافت النور غير مع الوي والدي اس

أنت نسيت أجهزة الجيم بوي بشتى أنواعها و النيس و السوبر نيس

 

[MAX9009]

^

البسب جهاز سيء كاداء و كمتكبة العاب .. تذا بتعدد الالعاب الممتازة عليه ما بتتعدى اصابع يدك

و ايش دخل ننتيندو في الموضوع ؟ ولا بس فانبويزم .. و اجابة على سؤالك هو انت نسيت الجيمبوي و النيس

ايش يعني فانبويزم ؟

المبيعات الخرافيه اللي وصلت لها نينتندو كانت من الوي والدي اس .. انا معاصر جميع الاجهزه المنزليه والمحموله يا سعدت البيه

 

[Raulioo]

مكتبة البسب صار فقيرة الحين :/
ترى الدي اس اسهل التطوير عليه عشان كذا نشوف مليار اصدارة عليه ، لكن بعيدا عن المقارنة البسب يملك مكتبة متنوعة وعددها محترم جدا والالعاب الفخمة عليه ما هي قليلة ... نفس الشي لما نقول البس3 مكتبته فقيرة مقارنة بالبس2 والمقارنة اصلا غير ممكنة بينهم !