كنت مثل العادة حاب اكتب انطباعي عن اللعبة بموضوع الرسمي لجهاز السويتش بس لما دخلت الموضوع وشوفت كلام صديقنا
@White Soul عن قوانين باخر تعليق قلت بدي اتعب شوي واكتب بالموضوع الرسمي عشان ما اكل انذار او اتعب المشرف في نقل تعليقي لموضوع الرسمي خصوصا انو اليوم لسة كاتب تعليق بخصوص قانون المواضيع الرسمية يعني مش حلوه مني بعد تعليقه اكتب انطباعي عنها
انا شخص بحكي اكثر من اني العب بعرف, عشان هيك اخذت جهاز صديقي قبل كم يوم عشان العب بيكمن 3 ع السويتش اللعبة موجودة عندو قلت خليني اجرب شي جديد عشان نصيحة الاخوة الاعزاء
@hussien-11
@mario0o
@I B R A
كان انطباعي كالتالي مع العلم كنت العب الالعاب استراتيجية ع الحاسب لما كنت صغير زي لورد مثلا يعني الالعاب الاستراتيجية مش جديد عليه
اللعبة مع انها قديمة ولكن محافظة ع رونقها وجمالها يعني تحس بالراحة النفسية وانت تتجول في عالمها الساحر
موسيقى رائعة وشخصيات بيكمن ولا اروع وكل شخصية فيها لها مميزات مختلفة وهذا شي ايجابي احمر عشان النار وقتال العادي والاصفر عشان الكهربا الخ
اللعبة بشكل عام تأكل الوقت بشكل مش طبيعي يعني تقعد عليها ساعتين او ثلاثة وانت مش حاس ع حالك واللعبة ممتازة جدا باوقات الشتاء مع كاسة شاي
ما حبيت فكرة الوقت خصوصا لما الواحد بدو يستكشف العالم لازم ع السريع تروح ع القاعدة عشان تخبي بيكمن
اللعبة بشكل عام مختلفة عن اي لعبة اخرى تحسها مختلفة عنهم
انا لسة بالبداية واللعبة عندي من الخميس وما حبيت اكتب انطباعي الا اجرب اللعبة بشكل اكبر
الحلو بالموضوع صديقي برن عليه بدو الجهاز وانا عامل حالي نايم ههههه مع العلم اخذ جهازي بس المشكلة مافي الالعاب عشان لكل لعبي فيزيائي وهو رقمي
هي مشكلة الالعاب الرقمية ما بتقدر تستعيرها الا لما تاخذ الجهاز بالكامل
بس مبديا اللعبة ساحره ومظلومة بشكل كبير بين الفانز واذا اللعبة حافظت ع مستواها بتوقع تكون من افضل الالعاب نين وتحتاج دعم زيها زي دونكي مثلا
