Nuts & Bolts: إنطباعات أعضاء ترو جيمنج (مراجعة TG)

[Xeno]

http://www.tg-media.net/upload/images/IMAGE_162.jpg

http://www.tg-media.net/upload/images/IMAGE_163.jpg

لول يوم قريتهم قلت لازم أصورهم، نكت كثيرة تمر فاللعبة بس هذول الاثنين لازم ينصادون.


أيضا هذي التقطتها شخصيا:

http://www.tg-media.net/upload/images/06C8EC5481408F5054C00.jpg

====================

12 ساعة - 51 جيقيز

الحين فعليا بدأت أصنع مركبات من الصفر، مع أنه ما مر علي أي تحدي استلزم أكثر من "تعديل" بسيط على البلوبرنتس.

شوداون رهيبة كتصميم و أجواء، و حركة أنك ما تقدر توصل أماكن معينة إلا بتطوير المركبة تعطي شعور رائع يوم توصل لها أخيرا، و شوداون هي أكثر مكان جلست فيه حسب احصائيات اللعبة (4 ساعات).

اليوم لعبت الملتي بلاير و كان مفاجأة، كنت ناوي أجربه بس و أطلع... فالنهاية جلست عليه تقريبا ساعتين، رهيب كيف تشوف تفكير الناس في التصميم مختلف كليا عنك.

اللعبة فيها أكثر من 100 جيقي بس تتطلب 75 لفتح آخر باب، على كل حال اللعبة طويلة فعلا و مع الملتي بلاير قيمة اللعبة تصير خرافية كـ40 دولار، و لو كنت حجزتها و حصلت على بانجو كازوي مجانا هالشكل تصير قيمتها الفعلية 25 دولار لول.

ما قدر أصنف اللعبة تصنيف محدد، طبعا مش بلاتفورمر، و لا أكشن و لا سباق... أفضل تصنيف هو "متعة". لو اخترت توب 10 للسنة نتس أند بولتس تكون الثامنة أو التاسعة، و لو خيرت بين نتس أند بولتس 2 و بانجو كازوي 3 الخيار بالراحة يذهب للأولى.

 

[Solay]

لعبت الديمو اليوم كم مرة وتعمقت فيه اكثر من اول اللعبه جديا بدت تخش مخي وافكر اخذها بعد مااخلص كم لعبه عندي..

على فكرة هل فيه مراجعه من محررينا؟! ومين هو؟!

 

[Xeno]

^

كولورايزيشن انشالله.

 

[G7Ga7]

:laugh::

ودي العبها .. بس ما فيه وقت

 

[MaX8002]

لاحد يفوت عليه اللعبة جناااااااااااان عوالم رائعة جرافيكس رائع

 

[Guns N Roses]

اللعبه روعه !! العالم ساااحر .. دخلتها شوي وطقطقت عليها .. ان شاءالله نرجع نمخمخ عليها بعد فيبل!

 

[Colorization]

http://www.tg-media.net/upload/images/IMAGE_162.jpg

http://www.tg-media.net/upload/images/IMAGE_163.jpg

لول يوم قريتهم قلت لازم أصورهم، نكت كثيرة تمر فاللعبة بس هذول الاثنين لازم ينصادون.

يا إلهي :laugh:: :laugh:: :laugh::

أقسم بالله الكوميديا ما عمري شفت مثلها أبدا في أي لعبة، حش بالعالم كله ولا معبرين أحد كلش، والله رير أظهرت مخالبها بقوة فاللعبة. عبدالله جربت تروح حق السحلية اللي تبيع لك Jiggies بمدينة شوداون؟ هو عنده حوالي 5 قطع وكل وحده بسعر معين، أغلى وحدة وصفها خرافي:

Jiggytastic
This is the king of all jiggies! may include some exaggeration for retail purposes

والله انفجرت ضحك يوم قريتها :laugh::

أحلى شعور هو يوم توصل لأماكن ما كنت تقدر توصل لها سابقا في مدينة شوداون. فكرة عجيبة إنهم قفلوا إختيار المركبات هني.

:inlove:

 

[Colorization]

هههههههههههه كنت بكتب هالشي من امس لكني نسيت، عبدالله خلصت مراحل الآركيد ملوت Klungo؟ والله قائمة الـcredits خرافية!

محتوى مخفي

ANIMAYSHEN
KLUNGO

GRAPHICSSS
KLUNGO

SOUNDSSS
KLUNGO

SPECIAL THANKS TO
KLUNGO

ADDITIONAL THANKS TO
KLUNGO

 

[Xeno]

أفا عليك كولو، شريت كل القطع من السحلية، و خلصت لعبة الآركيد الأسطورية. البوس باتل ما عندي وصف له... ما أقدر أحدد مشاعري تجاهه. :laugh::

غير حركة الأماكن المغلقة فشوداون، الموسيقى تتغير حسب كل منطقة، يعني ثيم اللعبة الرئيسي له تقريبا 5 ريمكسات تتغير تلقائيا حسب مكانك فشوداون.

العالم الخامس

محتوى مخفي

Super Banjo Universe

يخلي رأسك يفتر حرفيا.

 

[mario0o]

ما يبغالنا موضوع رسمي للعبة !؟ :crying:

لازم نخلي الشباب يتحمسولها

ان شا الله بكره باخذها. اجازة الين اخر العيد ان شا الله :evil::

 

[ryo hazuki]

انا احب كل مشن انهييه perfect و ممكن اعيد المهمه 10 مرات بس عشان احصل كل الجيقيز

احيانا تكون معاناه و احيانا ضغط نفسي .. لان فيه مهمات ماتخليك تستخدم مركبتك الخاصه

فلازم تلعب بدقه عشان تنهي المهمه و يكون عداد الوقت في اللون الازرق

لكن الي مابيفكر بهذي الطريقه بيستمتع فيها بشكل مش طبيعي


محتاجين موضوع رسمي فيه مهمات لازم اناقشها

 

[Khalid-S]

زينو ارسل blueprints خلينا نشوف ابداعك

 

[Colorization]

شباب هذا هو الموضوع الرسمي للعبة، اللي يبي يناقش في مهمة او عنده استفسار يتفضل يحطه هني.

أوافقك ريو في سالفة إنه التروفيز لو تبي تطلعهم كلهم شعر راسك بيشيب. هو سهل إنك تلعب اللعبة بشكل طبيعي وتجيب كل الـjiggies الممكنة، لكن بعضها يتطلب التروفيز (عشان تبدل التروفيز بقطع من النمر) لذلك اشوف إنه شي صعب جدا تجمع كل قطع الـjiggies باللعبة. المهمات اللي صج خلتني اعصب هي اللي بالعالم الثاني (

محتوى مخفي

Xbox 720

)، لأنه البلاتفورمنج فيها، على عكس 99% من الألعاب، صاير عمودي بدل الأفقي الإعتيادي، بتلوع جبدك وانت تتنقل من فوق لتحت ومن تحت لفوق لول.

اللعبة فيها لمسات خرافية ما ينتبه لها إلا اللي لعب العاب رير. البنت اللي تبيع مخططات رحت لها قبل شوية وقالت لي نفس الجملة اللي تقولها لي البياعة في فيفا بينياتا خخخخخ، بعدها قالت شي مثل "اوه... هالجملة مش لي". إبداع. والحش بمبيعات العابهم اسطوري :laugh::

Showdown Town رسميا صارت مدينتي* المفضلة بأي لعبة (* hub world بالأصح).

 

[Xeno]

^ إبداع شوداون في الليل.

65

صار التجميع صعب لأن أصبح لازم تصمم مركباتك بنفسك في آخر اللعبة، التصاميم الجاهزة ما تنفع كثير.

زينو ارسل blueprints خلينا نشوف ابداعك

أرسلت لك هذي:

ممتازة لنقل الأغراض، و بتفيدك في المهام الصعبة قدام.

 

[Guns N Roses]

زينو ارسلي بلو برنت الله لايهينك .. اسمي renzokoken

 

[Xeno]

أنهيتها بـ85 جيقي في 18 ساعة.

تحشيش:

http://www.tg-media.net/upload/images/IMAGE_167.jpg

http://www.tg-media.net/upload/images/IMAGE_168.jpg

http://www.tg-media.net/upload/images/IMAGE_169.jpg


قلت كل الكلام اللي فبالي فردود سابقة، فتقييمي مباشرة: 9.2

 

[Zero]

طن طن طرن طن طن .. طن طن طرن طن طن .. طن طن طن طرن طنطن طنطن ، طرنطن طن طن طرن طن طن .. طن طن طرن طن طن .. طن طن طن طرن طنطن طنطن :whistle:

شريت اللعبة هالأسبوع وما مشيت فيها واجد ، وعلى العموم هذه هي انطباعاتي .

-الجرافيكس: رير تعود من جديد لتثبت أنها ملكة التكستشرز : ، العوالم غريبة وأرضياتها عجيبة ( حقول زراعية ، أرض قماشية مخيطة :w00t: ) .. الماء رهيب ، الألوان تفقع العيون ، في أشياء كثيرة تتحرك واللعبة ممتازة من ناحية الفيزيائية .

-الجيمبلاي: شيل من بالك طريقة اللعب القديمة ، وحاول تستمتع قدر الإمكان بالتجربة الجديدة ، بلدة شوداون فيها الكثير من الأبواب ، كل ما جمعت جاقيز .. تفتح أبواب أكثر ، الجاقيز تجمعها من العوالم ( الأبواب اللي تدخلها ) ، المهمات تعتمد بشكل شبه أساسي أو أساسي على المركبات ( مثلا .. خذ كرة وأرميها في المركبة ثم أركبها وإنطلق ووصلها لمكان معين ) ، المهمات تاخذها من عند شخصيات متوزعة داخل العوالم وهي مهمات تعتمد على الوقت .. الوقت كافي وبالراحة تقدر تطلع كل شيء حتى من محاولة واحدة أو إثنتين ، في مهمات تتطلب مركبات أفضل وأكثر تطورا أو ذات مواصفات معينة .

شوداون بالإضافة لكثرة الأبواب اللي فيها ، المدينة نفسها رائعة وفيها شخصيات تتمشى ، فيها صناديق تجمعها علشان قطع المركبات .. إلخ .

-الأصوات: كانوا أفضل في بانجو ال64 .. ووق وقوق قوقوقوق ( صوت بانجو :laugh:: ) ، هنا الأصوات أضعف سواء من ناحية المستوى أو علو الصوت ولا تثير الانتباه كالسابق وأحيانا تنقطع في منتصف الكلام وأحسها تطلع بشكل عشوائي ، الأصوات ما هي تمثيل صوتي .. بل مثل بانجو 64 وللي ما جربها تقدر تقول مثل أوكامي ، بس هنا ما حسيتها مضبوطة مرة .

-الموسيقى: طن طن طرن طن طن :whistle: ، كالعادة ألعاب رير موسيقاتها مميزة ومنعشة .. الموسيقى الأساسية "طن طن ... إلخ" رهيبة :crying: .

-ملاحظة: سعيد باللعبة وأحس فيها قيمة كبيرة ، مادية + معنوية وراح تطول فترة طويلة عندي على ما أخلصها .. عبدالله خلصها في 18 ساعة ، حلو :wow: .

وأخيرا ..

:whistle: طن طن طرن طن طن .. طن طن طرن طن طن .. طن طن طن طرن طنطن طنطن ، طرنطن طن طن طرن طن طن .. طن طن طرن طن طن .. طن طن طن طرن طنطن طنطن :whistle:

<<خلاص فكنا .

تعديل: المراجعات للخسارة للخسارة للخسارة ، رير دائما متألقة .

 

[G7Ga7]

:laugh:: :laugh:: :laugh:: :laugh:: :laugh::

خلاص .. خلااااص اللعبة مشريّة بإذن الله عاجلاً ام آجلاً ...

 

[squall leonhart]

اليوم رحت اشتريها و ما لقيتها للاسف يقول لسى ما وصلت ( الشباب الي عندهع اللعبة اشترتوها من النت صح ).. اخذت بدل منها جيرز2 و FALLOUT 3

 

[The.Boss]

متى ناويين اتسوون مراجعه حق اللعبه يا TG

 

[Guns N Roses]

خذتها من بيت الكمبيوتر.

 

[kInGsIzE]

مو المفروض يتغير عنوان الموضوع ويصير سمي للعبه؟

 

[Aoks]

لعبت الديمو , وعندي سؤال

هل كل مهمات الجيقيز استخدم فيها المركبات ؟ متحطم من اللعبه صراحه
​

 

[Andrew X]

نزلت الديمو اليوم..كنت مستسخف اللعبة من الشكل الدب الغبي..لكن غيرت راي في اللعبة 180 درجة! اللعبة تقدم بلاتفروم امريكي كلاسكي رهيب رهيب رهيب مرررة و العوالم يألله ماتوقعت انها ضخمة وجميلة كذا !! وعندك الحرية انك تكسر اي شي وكل شي في المرحلة يتفاعل معك بشكل حلو..والموسيقى مايحتاج..

ماصدق صراحة انها دخلت مزاجي xD لأني ماحبيت جزء الـ64..افكر جديا اني اخذها صراحة..بس كنت العب على الـSD والله لايوريكم كيف الخطوط طالعة كبيرة مرة وتنقري لول

 

[Colorization]

لعبت الديمو , وعندي سؤال

هل كل مهمات الجيقيز استخدم فيها المركبات ؟ متحطم من اللعبه صراحه
​

يس. ما لعبت الديمو بس وايد شباب اعرفهم قالوا انه الديمو ما عجبهم لكن اللعبة الكاملة اعجبتهم وايد.

I thought the demo was mediocre as hell but the full game is really fun. I'm glad I bought it.

The actual game is way better than the demo. I opened up the first two worlds, I have 4 or 5 Jiggies, loving it.

-

وصلت العالم الأخير. واو. ما توقعت ألقى شي باللعبة أحسن من Nutty Acres. حتى الآن 71 قطعة، المراجعة هاليومين إن شا الله.

حملت لعبة الآركيد ولعبت حول الساعة فيها، بالنسبة لي N&B أحلى من الجزء الأول بوايد. الحين أقدر أقول بكل ثقة إنه قرار رير فتطوير السلسلة قرار صائب 1000%، ومثل زينو أبي N&B2 بدل بانجو3.

تنبيه: الصور من العالم الأخير

محتوى مخفي

^ أرسلت لك المركبة عبدالله، عطني رايك بالإسم :laugh:: ما طرشتها حق عمار وخالد عشاني أظنهم فبداية اللعبة وما بيقدرون يستفيدون منها.

أحلى عالم باللعبة من دون منازع.

 

[Mesharey]

عرض امازون ليوم واحد .. اللعبة بـ25.98

http://www.amazon.com/Banjo-Kazooie..._m=ATVPDKIKX0DER&pf_rd_r=0108HZ83B5XZHQ80M5G6

سعر ممتاز لكن ماحبيت الديمو على الإطلاق ..

 

[Silent Dream]

ممم , في طريقة أقدر أغير حجم الخط في اللعبة ؟ دورت في الخيارات وما لقيت .

 

[Andrew X]

ممم , في طريقة أقدر أغير حجم الخط في اللعبة ؟ دورت في الخيارات وما لقيت .

تستخدم SD ؟ للأسف انا العب بدون ماقرا لأن الخط يجيب العمى ..واظن انه من تلفزيوني ):

 

[guitaro]

تستخدم SD ؟ للأسف انا العب بدون ماقرا لأن الخط يجيب العمى ..واظن انه من تلفزيوني ):

انــا استخدم SD والخط مثل الحلاوة

العله من تلفزيونك >_<

 

[Silent Dream]

^
نعم للأسف , يعني من التليفزون ؟ شكله جاء وقت الـHD أجل .