انتظرت كثير حتى اكتب انطباعي عن اللعبة، وادري ان انطباعي مو كامل تماما لاني ما انهيت اللعبة، لكن لعبت ٤٥ ساعة كفيلة جدا باني اقدر اقول انطباعي الاول عن اللعبة.
الحياة العامة : بدون مبالغة فعلا، اسوء شي واجهته ان اللعبة جاتني مع بداية الدراسة تماما، عفستني مع الكلية ، النوم مش مرتب ( اعتقد الي لعبوا هنا يوافقوني كيف انها تاخذ
وقتك كله بدون ما تحس) ، اذكر ايام زمان ، ايام فاينل ٨ و ٩، الالعاب هذولا كانوا يصحوني من النوم نص الليل عشان العبهم، متعة انك في الظلام منخش عشان ما تلقى توبيخ شديد
وتلعب احد هاللعبتين، كان شي لا يضاهى والله. هالشي نفسه قدمته لي Mgs ، اقوم في منتصف الليل لو بس اتجول في مناطقها، او حتى انهي احد المهام الجانبيه.
اللعبة عظيمة، طريقة التقديم في اللعبة خيالية وتحببك فيها ، من كل النواحي احببت ان اشيد انهم كيف يخلونك تحس بشعور Big Boss بقلة الكلام، والقاعدة الي تبنيها والانتقام
الي هو جالس يعيشه، لو تجلس تفكر فيها لوهلة ، ذا بوس خسر امور كثيرة، تدمر حلم، وبالنسبة لشخص مثله الخسارة غير مقبولة، فرحلة الانتقام لو قدمت لي بشكل عروض يمكن
ما كنت راح احس بالفكرة الي كوجيما يبغاني احس بها، لذلك اول ١٠ شابترات من اللعبة، قليلة عروضة بشكل كبير، لانك جالس تبني شي من الاساس، ولو اني افهم ليش البعض
متضايق من قلة العروض وصمت البوس، شي طبيعي الناس فيما يعشقون مذاهب. شي لاحظته في عالم الالعاب، فكرة انك ترضي جميع محبينك مستحيلة تماما ! لذلك لازم تخسر
ناس في كل مره تصنع فيها لعبة، وهالشي لو تلاحظونه مع ميتل جير، يصير تقريبا مع كل جزء. ( الانتقام، الالم ) هالثيم استخدمه كوجيما في القصة ، واحقاقا للحق ؟ نجح انه يوصل
هالشعور لي تماما ، طريقة تقديم ذا بوس قبل كل مهمة ، اول في كل مره تنزل من المروحية يبين في وجهة الالم او الحزن. والانتقام من ناحية استرداد كل شي هم خسروه.
الجرافيكس، شهادتي مجروحة تماما هنا، فوكس انجن محرك عظيم، احببت كيفية تصوير افغانستان وانقولا، وكيف الفرق بينهم لو ودك تستمتع باجواء مختلفة، تصميم سنيك والجنود
ناهيك عن انيميشن الوجوه الواقعي بشكل رهيب، لما يعطونك زوم على وجه البوس في كل رحلة، وااو بس ، تصاميم الجنود، من ايام ميتل جير ٢ ، وانا احس جنود ميتل جير غير ،
كمية الاعتناء بتفاصيلهم رهيبة ! خلونا نتكلم عن الاخراج، بما اني واصل قدام شوي في اللعبة، شفت كمية عروض كافية اني احكم على مستوى الاخراج، شباب كم واحد فيكم يسأل
نفسه وهو يشوف احد عروض ميتل جير " كوجيما لو اصبح مخرج افلام راح يبدع ؟ " ، Well انا اسوي هالشي، لانه فعلا الاخراج في دمه من زمان، فيه لقطات كثير ابهرتني ، او يعني
اخذت مني حته، بس منعا للحرق ما يحتاج نذكرها ، زوايا التصوير في العروض مع حركة الكاميرا من اجمل ما يكون. الانميشن في اللعبة ممتاز جدا ، لما يركض البوس، الانميشن من
اعظم ما شافت عيني حتى الساعة ، شي عجيب، اعتقد فيه شي شالوه من جراوند زيرو وهو لما تشيل اي جسد، لما تجي تنزله ، عندك خيارين الحذف او انك تنزله بشويش،
شالوا الحذف، لاني اعتقد انهم حسوا انه مش واقعي هههه.
ميكانيكس الجيم بلاي، الكمال ؟ اكن احترام كبير للمطور الي يتفوق على نفسه في كل لعبة يسويها، الجيم بلاي في هاللعبة مايقولك انت تفعل كذا و كذا، يقولك باختصار هذا التحكم
وانت سوا الي يناسبك، كم مره تعيد المهمة وتكتشف انك تقدر تنهيها بشكل مختلف عن الي قبل؟ تسلل، اكشن ، متعة ؟ ( تجننهم ببعض الافخاخ والتركس) تخفي تام !، ليل ، نهار .
كل هالامور تفرق في طريقة انهاءك للمهام، ترسانة الاسلحة ضخمة ! ولا فيه سلاح اعتقد وجوده عبث، وبعد فترة تكتشف انك تقدر تعدل على الاسلحة بشكل اعمق ! وااو ، هالشي
في اللعبة من اكثر الاشياء الي ابهرتني، الي هو انك مهما تقدمت تبقى تكتشف اشياء واللعبة تقدم لك اشياء، عارفين ان مسار اللعبة طويلة وربما يصيب البعض بالملل، بس لا ، احنا
بنقدم لك كل شي في الجيم بلاي جديد، لما توقف على مكان مرتفع وتسوي فحص سريع للمنطقة وتحدد الجنود الي راح تاخذهم معك والي راح تتفاداهم بناء على قدراتهم والبعض
بحيث انك تتفادى قتل اي احد، وبعدين تبدء تنفذ مهمتك، التحدي العظيم انك تخليها تمشي مثل ما خططت، لكن وين ؟ مع ال AI العبقري للجنود توقع كل شي، وتفشل خطتك (احيانا)
وتبدء بتنفيذ الخطة B ، للاسف الخطة B احيانا تكون اجرامية بعدم ابقاء اي شخص يتنفس : ) ، المرافقين لك جدا ممتازين ولكل شخص خصائصه الخاصة به، الحصان والكلب والوالكر
وكوايت، بشكل عام الحصان للتنقل السريع ، احب افاجئ الجنود فيه واصتدم فيهم بقوة، رهيب هالشي يعجبني لما القاهم على الطريق، الكلب هو تقريبا المفضل لدي، لانه يعمل
عمل الرادر، وطريقة الهائه للجنود، وتحديده لهم والامور الاخرى، جدا مفيد، كوايت لاني ما عملت معها كثيرا صعبة نوعا ما، واحس وجودها يخرب علي متعة اللعب في التسلل لما
تعطيها امر الهجوم، وتبدا تنسفهم واحد ورا الثاني، احسها مرافقة جيده لشخص ماله مزاج يتفنن. المذربيس، قاعدتك العسكرية ، شي ممتع، كنت اتوقع اني بحس بالملل لاني ما
احب الامور الي كذا بس لا ، كالعادة كوجيما يبهرني ببساطة وسلاسة التقديم، المذر بيس هي ملاذك الامن بعد عدد من المهمات في الصحراء ، تروح ترتاح هناك ، لو بس تمشي
شوي وتاخذ لفة على الجنود، تمنيت انه في تحية تقدر تردها للجنود ، لانه ما فيه الا ال CQC هههه ، وهذي مش طريقة ممتعة ترد فيها التحية. طريقة توزيع المناطق في المذربيس،
تساعدك تفهم وتعرف كل قاعدة وش هدفها ، مش خربطة ، وتخليك تنتقي جنودك بحذر بعد مهماتك، واللعبة تكافئك جدا على هذا الشي، شوف كمية الاشياء الي تطلع لك
بعد ما تطور قاعدة بشكل صحيح. الكلام عن الجيم بلاي بشكل عام ما يخلص، اللعبة عميقة جدا ، اعمق من انك تلخصها بكل سطر لدرجة ان اللاعبين يقدرون يناقشون بعض المهمات
وكيف انهوها، لانه في اكثر من طريقة تنهي فيها مهمتك.
انا جالس اخوض احد اجمل رحلات حياتي حاليا، واللعبة ما ابيها تخلص ابدا، وطريقة سرد القصة عن طريق الكاستيات، انا مستمتع معه للامانه ، احسهم بريك لطيف بعد كل مهمة في
الطيارة، يمكن هذا كل الي في بالي حاليا عن اللعبة ، لي رجعة باذن الله بعد ما اخلص اللعبة بالكامل،
شكرا لك هيدو كوجيما، درس في تقديم منتج ترفيهي.
الجيم بلاي جبار و متكامل قتال الزعماء مو زي الأجزاء اللي قبلها بس ممتع (يمكن كان في زعماء احسن بالتشابترات ال3 النقصة) المذر بيس ممتازة بس ناقصها أشياء بسيطة كانت موجودة ببيس ووكر بس ما يهم, اوه و الأونلاين خرب كم شي فيها بعد بس اشياء بسيطة, المهمات الجانبية ما حسيت بالتكرار القوي فيها بصراحة لانه حتى لو كانت متشابهة المهمة الوحدة نفسها يمديك تخلصها بأكثر من طريقة, عالم اللعبة كنت اتمنى لو في غير افريقيا و افغانستان بصراحة ( يمكن كان فيه بالتشابترات ال3 المحذوفة) بس عمومًا, حسيت بشوية قراغ بالمنطقتين ما أنكر بس التفاصيل جبارة ولو انها كانت فارغة, مشكلتي كانت التنقل فيها, صخور و مطبات بكل مكان لما تمشي بالسيارة و تصدم كل شوي بشي, كان شي مزعج بصراحة تمنيت لو كان في فاست ترافل, عمومًا كل السلبيات أشياء صغيرة جدًا و تأثر على تقييمي شوي بس بمشيها لاني مابي احط فواصل. القصة... كنت بقول انه قصة اللعبة ترتيبها ابله و طريقة سردها بس بعد ما دريت عن الحذف انتبهت فعلًا انه في فراغات كثير بين بعض الأحداث و واضح انه اللعبة ما تنتهي على النهاية اللي شفناها و هذا اكثر شي مكرهني باللعبة و مزعجني بيها..
