hits counter

الموضوع الرسمي Metal Gear Solid V: The Phantom Pain | لا من أجل العدالة، و لا الحب، فقط من أجل…Hideo!

Veeto

True Gamer
السؤال الذي يخطر لدى البعض - حتى بعد مرور تسعة سنوات- لو كوجيما كمل اللعبة براحته دون تدخل كونامي هل راح يتغير شيء في المحتوى ؟؟؟

طبعا بيتغير .. لان المحتوى مترادف لسكوب المشروع
ما حدث توقف المشروع فطبيعه العمل كلها تغيرت

====

اللي انا مستغرب منه .. ليش تسوي ريميك للثالث بمحرك انريل بدل ما تسويه بمحركك الخاص
وفوقها تسوي حركة مثل اللي اساسين كريد يبون يسوونها ان عندك هب .. وتروح للالعاب

يعني الهب غرفة العمليات بالطائرة .. وتنتقل الى الثالث او افغانستان او افريقيا مثلا .. منها انك تحافظ على تميزك بالمحرك وتحافظ على السوشال تبع القاعدة والـ FOB اللي هم لليوم يدعمونهم !!

لليوم يسوون فعاليات بالـ FOB .. شي غريب ما يطلع الا من كونامي
 

Dark Jester

True Gamer
كوجيما بالجزء هذا ليته رجع لثيم mgs1 و2 وخلاها شبه خطية
هذا اللي سواه في قراوند زيرو
الديمو كان جبار و كان المفروض يستمر عليه في فانتوم بين
للأسف اختار توجه خاطيء و اثرها للان موجود
للأسف ما اتوقع اي شيء جبار من ديلتا
 

جون سيلفر

True Gamer
هذا اللي سواه في قراوند زيرو
الديمو كان جبار و كان المفروض يستمر عليه في فانتوم بين
للأسف اختار توجه خاطيء و اثرها للان موجود
للأسف ما اتوقع اي شيء جبار من ديلتا
فعلا قراوند زيرو كان تحفه حتى التريلر تبعه
 

Cloud

Hardcore Gamer
للأسف هذه اللعبة أنهت مساري مع كوجيما
ما قدرت أكملها أبدا ولا فيه قصة حقيقية . سنيك كان ساكت كل اللعبة تقريبا
اما الجيم بلاي كان صلب لكن ما جذبني اني اكمل اللعبة تمنيت انها خطية شوي بدل حوسة السيارات و القواعد
 

ABUALI

True Gamer
هذا اللي سواه في قراوند زيرو
الديمو كان جبار و كان المفروض يستمر عليه في فانتوم بين
للأسف اختار توجه خاطيء و اثرها للان موجود
للأسف ما اتوقع اي شيء جبار من ديلتا
هو هذا اللي سواه في اللعبة أساسًا، ولكن على مناطق أكبر... شوف إنك ما تقدر تطلع من حدود المنطقة المخصصة للمهمة، في منطقة رئيسية وعدة مناطق فرعية في المهمة الوحدة. أصلاً الخطية تجعلها مملة، ودليلي هي مهمة الهوني بي، بالضبط لما تنقذ الأبكم، هنا تصير المهمة خطية لعدة دقائق وهي من أكثر اللحظات مللاً في اللعبة، وهي مجرد انتقال بين قاعدة ونقطة تفتيش عظيمتين، من أفضل مراحل اللعبة.
مشكلتها نفس ما قال فيتو قبل صفحات في هذا الموضوع... إن الأهداف ما لها أهمية، مجرنكة، عكس جراوند زيروز اللي تنقذ فيها شخصيات فعلية. والقصة انركنت في الكاسيتات، مجرد لمسات بسيطة كانت ممكن تحل مشكلة اللعبة.
 

Veeto

True Gamer
رجعت اقرء الموضوع استرجع ذكرياته .. استوقفني هالرد .. يلخص جمالية اللعبه

انا اشوف ان هذا المعنى الحقيقي بإنك تقدر تنهي المهمة بأي طريقة.

اعظم اقتباسات وتلخيص لمعنى انهاء المهمة بأي شكل ترى !

=====

عموما اعدت انهائها من جديد .. وحاليا بمشوار الـ S و البلاتينيوم .. غريب ان اللعبه حتى بدون تحسينات للجيل الجديد .. تشعر انها حديثة !!

اللعبه متماسكة تقنيا بشكل خارق .. وعلى صعيد اللعب .. لا تقارن بتاتا !

مجرد مقارنة بسيطة .. شخصيا شغلت لعبه ويتشر 3 منافسة MGSV بعامها .. شغلتها وبنسخة الجيل الجديد وتحسيناته .. اللعبه تعريف حرفي لمعنى اوتديتد وتعريف لمعنى تجاوزها الزمن

بينما MGSV تضاهي العاب صدرت بعدها بتسع اعوام لا وتتفوق عليهم ايضا
 

Terminator

True Gamer
بالنسبة ل Ground Zeroes
اذكر لعبتها اول مانزلت ونهيت المهمة الاساسية اللي تكون بالليل وتنقذ الطفل
بس اللي اعرف ان في 6 مهمات غير موجودين side ops اعتقد
يقولون ان هالمهمات مختلفة وحلوة, اللي جربهم يخبرني لاني ناوي انزلها مرة ثانية
 

dro

Versus XIII ☆ Epic
بالنسبة ل Ground Zeroes
اذكر لعبتها اول مانزلت ونهيت المهمة الاساسية اللي تكون بالليل وتنقذ الطفل
بس اللي اعرف ان في 6 مهمات غير موجودين side ops اعتقد
يقولون ان هالمهمات مختلفة وحلوة, اللي جربهم يخبرني لاني ناوي انزلها مرة ثانية

واضح انك ما لعبت Peace Walker...
 

VMB

Hardcore Gamer
لعبتها مرة وحدة أول مانزلت وشريت الps4 عشانها ومن بعدها مالعبتها مرة ثانية وانا ألعبها كنت مستمتع فيها لأقصى حد وبعد ماأنهيتها كرهتها .. ماحسيت بنفس جو الاجزاء السابقة ولايجي لي شعور ودي العبها من جديد مثل ماختمت الاجزاء السابقة مرات لاتحصى .. اتسائل لو العبها الان من جديد هل راح يتغير رأيي عنها؟
 

Terminator

True Gamer
واضح انك ما لعبت Peace Walker...
لعبتها قبل Ground Zero , نزلت Zero وقتها ولعبت المهمة الاساسية ومسحتها عشان فانتوم بين
لأني افتكرت اني راح العب نفس المهمة ولكن بالنهار فما كنت عارف شالسالفة, الظاهر الاكثرية مالعب المهمات الجانبية هههه..
 
التعديل الأخير:

ABUALI

True Gamer
لعبتها قبل Ground Zero , نزلت Zero وقتها ولعبت المهمة الاساسية ومسحتها عشان فانتوم بين
لأني افتكرت اني راح العب نفس المهمة ولكن بالنهار فما كنت عارف شالسالفة, الظاهر الاكثرية مالعب المهمات الجانبية هههه..
على محدودية الخيارات في المهام الموجودة في جراوند زيروز إلا أنها لها طابعها الخاص... تمنيت لو كان في تطبيق في فانتوم بين على غرار مهمة الهجوم بالهوليكوبتر الموجودة في جراوند زيروز... فانتوم بين مجرد وانتا تتجه لنقطة الهبوط تقدر تهجم بها وتالي مجبور تنزل، اللي موجودة في جراوند زيروز لا، تحوم حول القاعدة وتنهي أهداف وانت داخل الهوليكوبتر.
مهام جرواند زيروز الفرعية ممتازة، تقدر تستمتع فيها وما رح تندم إلا على التحكم اللي صار أوتديتد شوي بسبب فانتوم بين.
 

hussien-11

Senior Content Specialist

أحيانًا يكون هذا شعوري وأحيان أخرى... ريزدنت ايفل4

أعتقد شعوري أقوى تجاه الأخيرة لكن ما يمنع انهم الاثنين المفضلين عندي.

الكاستات >>>>> العروض

ايه افضله على محادثات الكوديك

محادثات الكوديك أحلى بصراحة

لكن خلينا نعترف انها شيء من الماضي وينتمي إلى التسعينات و صعب يطلع منها، كوجيما استخدمها لأنه أيضًا جاي من خلفية فيجوال نوفلز و قبل متل جير لعبته كانت Policenauts

في الوقت الحالي أبدًا ما ينفع تبدأ لعبة و تجيب لي شخصيتين يسولفوا نص ساعة وأنا أسمع فيهم و حاط الكنترولر على جنب.
 

Veeto

True Gamer
أحيانًا يكون هذا شعوري وأحيان أخرى... ريزدنت ايفل4

أعتقد شعوري أقوى تجاه الأخيرة لكن ما يمنع انهم الاثنين المفضلين عندي.

ميزة الثنتين .. اول ما تبدء تلعب تنغمس بالعالم
الـ moment to moment باللعب .. لا يضاهى فيهم ثنتينهم

حتى اضعف الاعداء تحسه فيه عقبة معينة لازم تمخمخ علشان تتجاوزه
 

BETTER GAMER

Hardcore Gamer
لليوم يسوون فعاليات بالـ FOB .. شي غريب ما يطلع الا من كونامي
هذه أوتوماتيكية وتتكرر من عدة سنوات، أظن أخر دعم جديد حصلت عليه كان في 2018

لعبتها قبل Ground Zero , نزلت Zero وقتها ولعبت المهمة الاساسية ومسحتها عشان فانتوم بين
لأني افتكرت اني راح العب نفس المهمة ولكن بالنهار فما كنت عارف شالسالفة, الظاهر الاكثرية مالعب المهمات الجانبية هههه..
المهمات الفرعية رهيبة وعميقة للغاية، كل وحدة تعيدها تكتشف أن فيها مسارات وسيناريوهات مختلفة بتبهرك وحتى ممكن تفاجئك بتويستاتها.
وحتى مهمة القصة فيها قصص وتفاصيل فرعية لطيفة مثل قصة السجين الهارب
 

ABUALI

True Gamer
التفاصيل البسيطة هذي عجيبة
من مهمة فرعية... مهمة تجميع الجنود التائهين

الصندوق رجع له عقله
 

Terminator

True Gamer
بصراحة هاللعبة مع تقدم السنين تصير اعظم واعظم
كمية الاشياء اللي تقدر تسويها شي يفوق الخيال

ضروري ارجع لها بعد ماخلص من GOW Ragnarok
 
التعديل الأخير:

VMB

Hardcore Gamer
شفت عليها تخفيض وشريتها قلت فرصة ألعبها للمرة الثانية منذ نزولها، انصدمت ان الجرافيكس لازال خارق وهي لها حوالي 10 سنة :disrelieved: ، قلت بلعبها للمرة الثانية بعد إحباطي لها اول مالعبتها ممكن التجربة تكون مختلفة ويتغير رأيي فيها
 

Yashiro

True Gamer
أحسن مجس.
واحسن لعبه تسلل بالتاريخ
أحيانًا يكون هذا شعوري وأحيان أخرى... ريزدنت ايفل4
جيمبلاي وتحكم الـD-walker وحده يخلي اللعبة تتسلطن على أقرانها (&)


هذا أدق وصف للعبة وقت تمسك الكنترولر بيدك.

image.png
 
أعلى