hits counter

الموضوع الرسمي Mario vs. Donkey Kong: Mini-Land Mayhem

Snake-87

Electrony Editor
Mario_vs_Donkey_Kong_MiniLand_Mayhem-s0.jpg

Mario vs. Donkey Kong: Mini-Land Mayhem
موعد الصدور 14/11/2010
الجهاز : DS
النوع : ألغاز
أدري محبي الألغاز شوي بالمنتدى بس بجرب حظي مرة ثانية بعد إيكو شيفت:annoyed: .


القصة : لول في أحد يبي القصة xD?
Mario-vs-Donkey-Kong-Mini-Land-Mayhem.jpg


ماريو والممثلة يوزوع ألعاب صغار على شكل الممثلة , والمشفوح دونكي كونج قام يخطر الدور ويكسر الدنيا لما وصل وإلا خلصوا كل الألعاب الي على شكل الممثلة .. قام باق الممثلة بكبرها xD .. يالله ننقذ الممثلة (مغيرينها يعني مو الأميرة :laugh::) .

السلسلة باختصار :
Mario_vs._Donkey_Kong_Coverart.png

نزل الجزء الأول على جهاز الـGBA وكان سببي بشراء الجهاز .
الجزء الثاني نزل على الـDs والثالث نزل حصريا للـ Dsiware وتشتريها من الشبكة .
الجزء الرابع توه نازل وهو الي نتكلم عنه حاليا .

طريقة اللعبة :
بسيطة جدا لازم توصل اللعبة من النقطة A إلى النقطة B ... يحطون لك جم لعبة لازم توصلها للباب ولازم الألعاب يدخلون الباب مع بعض أو بفترة لا تزيد عن عشر ثواني تقريبا وإلا تخسر وطبعا بنهاية كل مرحلة تحصل الرئيس دونكي كونج . وفي طبعا أكثر من مود حق اللعبة ما راح يستمر نفس المود طول اللعبة وفي مراحل سرية بالهبل ومراحل وايد .


16167.JPG


الجديد بهالجزء ؟
ميني جيمز .. بكل مرحلة تقدر تفتح ميني جيم فيها أرقام قياسية وشغلات حلوة .
السلسلة استمرت على نمط ايصال الشخصية إلى الهدف ولكن بكل جزء تفنن المطور بالأدوات الموجودة باللعبة وطريقة إيصال الشخصيات إلى الهدف فتحصل عشرات الطرق والأفكار والأدوات الي تخليك تشغل مخك صح علشان تقدر تفوز وإذا تبي تجمع كل إلي بالمرحلة وتاخذ الكأس الذهبي .
mario_vs_donkey_kong_miniland_mayhem_11.jpg


تصميم المراحل :
بهالجزء والجزء الي طاف تقدر تصمم مراحل وتشارك ربعك فيها وتقدر تشبك وتشوف أحسن المراحل بالأونلاين وأكثرهم تقييم وتنزلهم وفي تصنيف لأنواع المراحل طبعا .
mario_vs_donkey_kong_miniland_mayhem_12.jpg

تستحق تلعبها ؟
تحب ماريو ؟ تحب تفكر ؟ تحب الألغاز؟ تحب هالسلسلة ؟ راح تعجبك اللعبة .

تريلر
[video=youtube;KO_h9OJ_B90]http://www.youtube.com/watch?v=KO_h9OJ_B90[/video]
ريفيو
[video=youtube;epy8NNXMAXY]http://www.youtube.com/watch?v=epy8NNXMAXY[/video]
 

Jonas

True Gamer
رهييييبه , حمدلله باوزر مو موجود -__-

ما عندي دي اس حالياً , اخذها مع الثري دي اس ان شاء الله
 

slifer dragon

True Gamer
قاعد ألعب فيها حالياً , رهيييييبة , أفضل من جزء الDSi Ware !
أي واحد يحب يشغل مخه , لا تفوته اللعبة .
 

iCrow

Hardcore Gamer
شكلها رهيبه ... ليه مافي العاب من هالنوع في الـ Xbox :'(

ان شاء الله مع العدس
 

Superx

True Gamer
موضوعك حمسني للعبة أكثر , ألعاب ماريو مافي خوف عليها .. واضح ان فيها أفكار حلوة

بس كيف مستوى اللعب ؟ من الفيديوات ما أشوف فيه صعوبة
 

mario0o

True Gamer
من احلى العاب البزل
لعبت كل الاجزاء السابقة، ان شا الله بلعب هالجزء قريب

^
العاده اول مراحل تكون سهله الين تعرف وتتعود عاللعبة، وبعدين تصعب المراحل وتكون اكبر
 

Mute City

True Gamer
يبغالي اخذها اطقطق عليها بين الحين والاخر
 

Mista Koo

Creative Director
للأسف هذي يمكن أكثر سلسلة ماريو حاقد عليها :angry::. الجزء الأول كان رهييييبب وأوريجينال ومو لاعب أي لعبة زيه (ما لعبت DK '94). الجزء الثاني كان جيد جدا/ممتاز بس مو زي الأول أبدا، ليش ما خلوه باسم ثاني عشان يكملون زي الجزء الأول :sadwalk:

وبعدين "الممثلة" Pauline جت قبل الاميرة:
u6dav.jpg

xLa05.jpg

 

hussien-11

Senior Content Specialist
ممكن تكون أول تجربة لي مع السلسلة ، ما لعبتها أبدا من قبل @__@
 

slifer dragon

True Gamer
بس كيف مستوى اللعب ؟ من الفيديوات ما أشوف فيه صعوبة

يمكن أول 5 عوالم ما راح تحس بصعوبة تحك مخك , يعني تخسر ببعض الأحيان بس بالغالب إنك ما راح تتعب .. بس بعدها تبدأ اللعبة تصير صعبة وعالم السبيشل كابووس !
ممكن تكون أول تجربة لي مع السلسلة ، ما لعبتها أبدا من قبل @__@

حسين , أنت مفوت أفضل سلسلة ألعاب ألغاز لنينتندو !
 

Snake-87

Electrony Editor
ليه مافي العاب من هالنوع في الـ Xbox :'(
في لعبة ألغاز رهيبة على الأكس بوكس إسمها Eets: Chowdown , روعة حدها .
cover.jpg

بس كيف مستوى اللعب ؟ من الفيديوات ما أشوف فيه صعوبة
بالبداية سهالة حيل , بس تزداد الصعوبة مع التقدم بالمراحل وتوصل صعوبة محترمة , التحدي الصجي إنك تاخذ كل شي بالمرحلة بدون لا تخسر ولا واحد وبالوقت المسموح وتاخذ الكأس الذهبي , تصير صعبة جدا جدا .

للأسف هذي يمكن أكثر سلسلة ماريو حاقد عليها :angry::.
ليش لول , السلسلة روعة يمكن ما عطيتها حقها , أنا محلل كل الأجزاء وكل جزء أفكاره أحلى من إلي قبله .
وبعدين "الممثلة" Pauline جت قبل الاميرة:
توني أدري إنها حبيبته xD
http://www.mariowiki.com/pauline
ممكن تكون أول تجربة لي مع السلسلة ، ما لعبتها أبدا من قبل @__@​
إذا كنت ما تحب الألغاز .. معذور .

 

Snake-87

Electrony Editor
للي مهتم.. خلصت اللعبة أمس وطلعت كل شيئ فيها .
باختصار إذا تبي تلعبها علشان تخلصها بس ماراح تستمتع .. إذا تبي تاخذ الكأس الذهبي بكل مرحلة راح يكون فيه تحدي حلو وتستانس .
 
أعلى