مواجهة القطار رائعة،
عندك ستاند يخلي الجميع عجايز إعتمادًا على حرارة الجسم!
ايش الحل؟ سهلة، نقتل المستخدم!
المشكلة لو طلع فيه مستخدم ثاني في مكان ما، وقدرته هي إنه...يصطاد؟ XD
قدرته إنه "يحس" بوجود أي شخص في محيطه!
يقع ميستا في الفخ ويكون على وشك الموت، ونطلع بلحظات توتر كثيرة ونشوف حلول مجنونة زي كدة:
xD
في كل مرة يبهرني استخدام هذا الستاند...
نشوف إنه بسبب هذا بوتشارتي كان على وشك الموت بسبب قلة النبض، كله عشان لا يحس فيه!
اعتقد أكثر ما صنع "لحظات" الذروة في هذا البارت هو اللحظات الكثيرة المجنونة زي هذه، تصوير كيف إن الشخصيات بعض الأحيان تكون "متمسكة" بشدة بالهدف اللي تصبوا إليه لدرجة تضحيتهم بأي شيء آخر. يعني تخيل بوتشارتي يموت لأنه فصل جسمه بنفسه؟ @@
المواجعة نفسها كانت ممتازة، وفيها كثير زوايا طالعة جميلة كثير:
ونشوف تألّق بوتشارتي، وكيف يثبت إنه الشخصية الأفضل:
AREFIDERCCHI!
حتى الأشرار في هذا البارت مميزين! بعكس البارتات السابقة، هنا فيه عدة أطراف ولكل طرف أسبابه وأهدافه، ومش "خارقين" زي العادة، حتى كثير من الأحيان نشوفهم هم المحشورين في الزاوية، مش الأبطال!

وفيه شخصيات مميزة زي هذا:
عندنا مواجهة ميلوني، واللي -إذا حاولت أتجاهل المفهوم الأساسي حق قدرته، اللي أصلًا لسه مش قادر يخش مخي (&)- عنده إمكانيات مخيفة كثير، بمجرد قطرة دم، يقدر يتبع هدفه أين ما كان، ويقدر يصنع "جنود" بأي عدد، وبإمكانيات مختلفة!
والحل الخارق للعادة كما هو متوقع من جورنو، نصنع ثعبان من جزء حق الستاند، عشان يرجع للمستخدم ويقتله!
قتال ستاند الثلج هو أيضًا كان جدًا مثير. وكيفية تغير الأحداث والمعطيات طول القتال كانت حابسة للأنفاس؛ دون ذكر الإنتاج الرائع هنا اللي زادها تميزًا.
وما ننسى شخصية الشرير وتعابير الوجه الرائعة:
وشوية حاجات مجنونة:
ومش بس الأشرار يلمعون هنا، بل الأبطال كذلك! وفيه وحدة من أفضل لقطات جورنو في البارت
في النهاية هذا بالتأكيد من قتالاتي المفضلة، وأعتقد بأعيده كثيير.
شيء آخر أضاف أجواء "التوتر" للبارت، هو الأطراف الطائرة هنا وهناك والأجسام المقطعة (&) صحيح إنها تعالج في نهاية المطاف، لكن العبرة من المواجهة نفسها. في كثير من القتالات مع إنها تكون مع أعداء "ثانويين"، لكنها كادت تتسبب في مقتل كثير من الطاقم.
في مواجهة الطائرة لحالها، جورنو فقد يدينه الإثنين!

وما ننسى نتكلمهنا عن الستاند المجنون، اللي يعمل بعد موت صاحبه..
وتقديم ستاند تريش، واللي كان من أفضل تقديمات الستاند في السلسلة.