الحلقه ممتازه .. اشوف بطلها الملك فسيريس .. طول الوقت قاعد يختنق سياسيا!
على ان رحلة الصيد بالعاده تكون ريلاكس اكثر من انها تكون ساحة تخطيط سياسه
الا ان الوضع بدا يفلت من يده بنته ماتبي تتزوج ولا هو قادر يقنعها .. وكل الي حوله
شغالين زوجها لفلان او زوجها لأخوها ابو سنتين لول .. مشهد قتل الغزال يبين
ضعف فيسيرس حتى كقوه غير شخصيته المهزوزه .. الرجل طيب لكن مو كملك!
حبيت مشاهد الصيد واجواء المعسكر وزحمه الناس .. وانا اشوف كل هذا تذكرت مشهد
روبرت لما كانوا 5 يمشوا بوسط غابه وانتهينا خخخ .. هنا كبوا فلوس لأن الناس هناك انتقدوهم
اللانستر اخيرا ظهروا .. مافيه اي انطباع عنهم للان .. لكن ابتسمت لما شفت
السلاح الي من اللانستر هو الي قتل الغزال الضخم خخخخ .. لانستر>براثيون
جزئية الحرب!
افتتاحية الحلقه بالليل ديمون والتنين كانوا يعانوا بسبب كل شوي الاعداء داخلين الكهف!
3 سنين على نفس الموال تذكرك بأمريكا ومعاناتها من فيتنام و افغانستان .. خصوم ضعيفه
لكن جغرافية المكان هي نقطة قوتهم وماعندهم مشكله لو تستمر 10 او 20 سنه خخخ
بمشهد التخطيط ابن كارليوس اقترح ان ديمون يروح لوحده كطعم عشان يخرجوا كلهم عليه ثم نهاجمهم
وبعد رسالة الملك ديمون خربها وراح ويحاول ينهي القتال قبل دعم اخوه وتعبه 3 سنين يتسجل لأخوه!
ديمون راح هناك على انه مستسلم ولوحده الفكره ان ديمون يعتبر صيده كبيره لهم عشان كذا خرجوا
طبعا قائدهم ابو قناع جلس يراقب السماء لفتره طويله تحسبا لتنين .. بدا ديمون يقتل ويقاتل لوحده
عرفوا ان مافيه احد غيره .. وطلعوا كلهم عليه وفي اخر لحظه جت المساعده .. الخطه انهم يضمنوا انهم كلهم يخرجوا
اشوف ناس زعلانه ليش الكراب فيدر ماشفناه يقاتل .. اشوف مشهد ان ديمون يسحب نص جثته وقعها افضل من قتاله
السنين تنطط
اول حلقه 9 سنين من مشهد جهيرس
ثاني حلقه مرت 6 شهور من الحلقه الاولى
الثالث مرت 3 سنين من الحلقه الثانيه
الرابع ننتظر كم الفتره بتمر واتوقع اخر حلقه وممثلة رانيرا واليسنت بيودعونا