إيه لو تكرمت
احم طبعا كلامي كله طالع من حبي للأصلية VII وألعاب الآربيجي المتكاملة والطموحة والنتيجة هل تسوى ولا لا بعد مدد الانتظار الطويلة والتشويق. هالشغلات تأثر كثير بلا شك لأني مو Causal Player ولا شخص يحب أي لعبة تنزل بالسوق بسهولة هالأيام. عندي ذوقي وكلما أخلص ألعاب أكثر وأكبر مع الصناعة أصير Picky أكثر. يزيد Level الذوق عند الواحد، بس عادي Still عندي مرونة بكل شيء وبقول اني حبيت كل الأجزاء تقريبا ماعدا XIII-2 و XV وعندي مشاكل الدنيا مع توجه مشروع الريميك. فف 2 3 5 ناسيهم ومو مخلص هالأجزاء كلها.
الإيجابيات
بخلص من الإيجابيات من البداية أحسن، اللعبة فيها أداء صوتي إنجليزي جدا ممتاز وحتى الياباني أكيد. الشخصيات والممثلين شيء واحد ومميزين بس حسافة على مؤدي صوت سيفيروث القديم راح.
الحوارات مكتوبة بأسلوب جميل جدا وكيمستري ولا أروع بين الشخصيات. المشاهد السينمائية حدها عجيبة كاست جدا عجيب مع الألحان والاخراج Top Tier من الافضل بالصناعة. بتحس بالمشاعر صح وترتبط.
التويستات القصصية والتخبيص والنهاية اللي نص الشعب يكرها حبيتها. كريميك فانسيرفز أنا فاهم هالشيء المطور يحاول هني يخلي الأمور فريش دايما يبيك تسأل وتسولف وتحلل كفانبوي وتستمتع بالسوالف مع community عن اللعبة بعد ما تخلصها لسنوات حتى لو أغلب الشيء هراء بس هراء ممتع جدا. يعني بدال ملل ال1:1 من لعبة حافظين قصتها ومخلصينها مليون مرة قبل.
عندك الموديلات عليها تفاصيل ياخي مش ممكن، وفي مدن وقرى عليها مناظر تحبس الأنفاس مثل Junon من بعيد ومن قريب حدها مبهرة مع ال Giga Structure وشلون كل شيء فيها متصل. اهي جزئية Junon كلها تحفة بالنسبة لي 10/10 وأغلب المدن والقرى جميلة مع الNPCs تحس فعلا انت داخل عالم فانتسي عجيب ماله مثيل. Gold Saucer خيال أيضا.
عندك الMini Games روعة، لعبة البطاقات هذه عجيبة حدها ادمان، التحديات الجانبية والمحتوى جبار. المهام الجانبية من الNpcs فيها التحديات العجيبة مرات وكسر روتين جميل. الNpcs جميلين.
بس هني تنتهي الإيجابيات كريميك وكفف جبارة ويمكن ناسي كم شغلة.
السلبيات والأشياء الMixed
كشخص محب لكومبات الأصلية والTurn Based الجميل. اللي يخليك على راحتك تختار ال Commands بدون استعجال وأنت تشرب الشاي، هذه التجربة اللي أنا أحبها من الأصلية ف مو المفروض أتوقع شيء قريب منها بالريميك؟
تذكر الكاميرا شلون كانت داينامك بالأصلية وأنت تختار الضربات وتستدعي الوحوش فيها Dynamic Zoom In Zoom Out Turn Around وكل هذا بشكل حده Elegant وفيه ترقب عجيب. تشوف فيها موديلات الأعداء والشخصيات بكامل تفاصيلها وبشكل قريب وشخصي.
هذا كله انعدم بالنسبة لي حرفيا بريبيرث
هي مشاكل كانت موجوده بالريميك بس صارت أسوأ وأوضح
اللي حصل وتحديدا بريبيرث الكومبات عبارة فوضى وسرعة مبالغ فيها وتشتت مو طبيعي بالتركيز عكس فلسفة الأصلية حرفيا. انسى الشاي حجي. بس مو مشكلة انا أحب Kingdom Hearts.. بس إيش الإزعاج البصري هذا مع المؤثرات البصرية والكاميرا الدايخة اللي خربت ام السينمائية العجيبة هني؟ حتى الوحوش اللي كنت انبهر من تصاميمهم وأركز على أدق تفاصيلهم قبل بالأجزاء القديم ماصار عندي وقت أطل بويهم هني ولا أقدر ألاحظ.
النظام صار دمج غير محترم بين ال Commands واللعب الأكشني السريع. يعطي شعور بايخ والشخصيات مالها وزن، Kingdom Hearts نظامها أحلى كأكشن آربيجي حقيقية و Final Fantasy VII الأصلية أحلى ك Turn Based RPG حقيقية. أما الHybrid هذا ضايع. ومابي أدخل بتفاصيل ال Materia system وشلون التجهيز مو ممتع وعقدوه بزيادة ونسوا حتى يخلونا نسوي Save حق الSet Ups
جربت Mode الClassic بصراحة نكتة وحسيت بالإهانة أكثر هني كفان الأصلية. وصلت مرحلة أقول لو صارت Full On Action RPG نفس KH أفضل بدال ال Mix هذا. بس تصدق بالريميك أشوفها أفضل من هالناحية بس بريبيرث الوضع Out Of Control الوضع صار Geeky زيدوا السرعة والجنون وإضافة السينرجي تحاول تكون سينيمائية يعني بس مو فاضي بنص الفوضى هذه.
الحين الكومبات على جنب، بروح للشيء الثاني، الOverworld
تذكر الأصلية شلون عالمها كان مصغر، علشان يوهمك أنه عالم كبير والباقي على خيالك أنت، والخيال كان يسوي شغله وبصراحة إلى اليوم هذا يقدر يسوي شغله
هني اهم مع ريبيرث قالوا احنا نبي نخلي عالOverworld المصغر.. يصير Overworld مكبر.. وعالم تقدر تستكشفه فعلا وفيها فعاليات ومسافات يعني الرحلة بين Point A to B أطول وفيها تفاصيل وواقعية بالرسومات. بس أنت لما تسوي Scaling حق العالم هذا، لازم يطلع فعلا عملاق صحيح، لان أحنا نتكلم عن خريطة فاينل فانتسي VII وعالمها الكامل صار 3D مع تفاصيل مابتترك أي شيء للخيال خلاص.
تذكر عالم The Witcher 3 شلون مبهر بالScale وهي لعبة PS4 و Skyrim وهي لعبة PS3؟ ريبيرث فشلت فشل بهذا الجانب ولا قربت من مستوى اللي ذكرتهم.
مثلا ماني مصدق ان صحراء عالم VII بكبرها طلعت بهالحجم بريبيرث، تعطي شعور انها بحجم مدرستنا القديمة أو أصغر، تقدر تشوفها من بدايتها لي نهايتها المقصد في Scaling جدا مضروب هني وتخريب لل Immersion..
عكس المدن والقرى العجيبة، هالشيء يخليني أقول ياليتها لو كانت على الأقل Zones وكل Zone لها حجمها الخاص وستايل يخليني أحس بالرحلة والمسافات والوهم نفس XII مثلا بدال هالشعور ال Uncanny هذا. أو تصير Overworld مصغر مرة وحدة وتعوض الشيء بمدن ومعالم أكثر منفصلة بخريطتها وحجمها العملاق. XV فيها Scaling أصح منها و Next Gen اكثر من منها بكثير مع أنها كانت نص لعبة أو أقل.
المطور قال انا بخليها هورايزن خلاص.. بس أنت تتكلم عن VII مو هورايزن يا حبيبي المطور.. فيعني معليش شعور ال overworld تطبيقه محبط جدا بالنسبة لي وماخذ من وقتي عالفاضي. وصح دورة الليل والنهار ماكو وال Environment ميت مرة ثانية XV البيض Next Gen أكثر منها.
والحين الفعاليات الOverworld نفسه.. أبراج.. أبراج.. كريستالات تسويلها سكان.. كرسيتالات تسويلها سكان.. تجمع خرابيط.. تجمع خرابيط.. تلحق تشوكبوبو صغير.. تلحق تشوكبوبو صغير.. مو مشكلة قول بأول ريجن شي جميل بس لا بكل ريجن نفس الشيء Deja Vu. شيء un inspiring ولا كان موجود بالاصلية ومجرد تمطيط. هني تستوعب عقلية المطور.
كنت بكتفي بمهام الNpcs ضد الوحوش أو توصيل كم رسالة عادي، بس لا اللعبة تربط هالخرابيط بمهمات ضد وحوش عجيبة.. واتت!؟ أنا أقول لازم مشروع الريميك يتعلم من Monolith Soft الكثير مع الOverworld وحتى طريقة توزيع الوحوش القوية والضعيفة والسوبور بوسز والقفز وكل هذا.
الحين بتكلم عن ال animations الحركة أثناء الاستكشاف
الجانب اللي أكثر الناس مو معطينه إهتمام وهو من أهم الجوانب في أي لعبة
مشية وركضة كلاود.. 0 متعة و Satisfaction
ماكو متعة أصلا فيه إزعاج هني، وهو يحوال يصعد الصخر وكل هذا Invisible Walls وخرابيط، ما تقدر تقفز، مافيها أنك تحذف نفسك من مكان مرتفع ليش؟ ليش الحركة مقيدة لهدرجة ماني فاهم ليش؟ هذه المفروض طموحة يعني ومدري إيش يامعود.
Xenoblade سوتها Horizen سوتها Witcher ومليون لعبة. داونجريد من XV و Lighting Return حتى مع أنيمشنز الحركة. مادري إذا لاعب LR بس مشية لايت وتنقلها بالعالم مع الانيمشن وحتى فيزيائية الملابس أفضل بكثير. في شيء جدا بدائي هني مع Rebirth. يارجل تيدوس من X ركضته كانت أحلى و satisfying أكثر كأنه قاعد يناقز بس ادمان. المطور صانع الحركة على ان التنقل بRebirth يكون Flat وهذه غلطة.
الحين بتكلم ال Pacing جدا تعبان يارجل معليش، بسبب الOverworld وشيء ثاني مع الأسف الدناجن. مستواها عادي إلى ضعيف، في تمطيط سيء تذكر دنجن ال Gi وعندك معبد ال Ancients كارثة وألغاز جدا سيئة ويفصلون شخصياتك غصب وتعيد Deja Vu يعني دنجن بو ساعة خلوه 3 ساعات من التكرار والملل. تذكرني ب XIII مرات بس XIII عليها خلفيات أجمل. ما استغلوا الريميك صح في تطوير متعة الاستكشاف بالدناجن هني كل اللي صار هني انهم خلوهم أطول والتنقل فيهم أسوأ.
وآخر شيء بتكلم عنه التوجه الفني وتوزيع الألوان والرسومات مسألة ذوق لا تنسون. التوجه الفني فيه مشكلة،، أهو حاول يقلد الأصلية مع ستايل نومورا أنمي، بس ما طلع أنمي ولا نفس ستايله الأصلي، طالع واقعي على أنمي فصاير غريب جدا بالنسبة لي، تصميم كلاود وسيفيروث أسوا شي، ماكو هيبة، الأول المفروض يكون كول و smug بس طالع كيوت وغبي، والثاني المفروض يكون كول ومرعب بس طالع كيوت وغبي. بصير دارك وبقول توجه Advent Children كان أنضج وأجمل بكثير كواقعي وفف Next Gen. مبهر ومميز وشوف العجيب الحين KHIV مظهرها من التريلر الأول طالع فف Next Gen جدي أكثر من مشروع الريميك هذا.
عندنا الUI طالع رخيص. وين اللي اشتغل على UI XIII رجعوه الله يخليكم (&)
فيها عيوب وملاحظات أكثر ما بخلص مثل توزيع السيء للألوان وفكرة ان الحصول على ال Summons من مكان Simulator يقتل ام هيبتهم وعباؤو عن كسل وكل هذا والرسومات فيها من الفضاوة مع المناظر كأنه في Visual Effect بكبره ناقص هو اللي يعطي أتموسفير أجمل لو تشوف XVI هي أفضل من هالناحية مع الرسومات.
وكون ان اللعبة مجرد Part 2 وهي already طويلة فما أعتبرها جزء متكامل مستحيل أقول ان الفلر والتمطيط اهو اللي كملها وخلاها تجربة كاملة منفصلة لا.
المشروع أيضا عبارة عن حفلة Reused Assets من الريميك فمو معطي ذاك التجديد والتميز مع كل جزء ولا انها لعبة جيلها وفريش. يارجل ما راح أخلص كلامي كله علشان توصل الفكرة ان الناس تفكر غير مرات عندها نظرة مختلفة مو دايما نفس الشيء. حتى حق الأشياء اللي اهي تحبها حيل والسالفة مو عناد وخلاص.
.
، ما شاء الله تبارك الله ، انطباع ما يطلع إلا من واحد محلل الجنرا وفاهمها.
