الموضوع الرسمي FABLE 2

[Aia]

بعد لعب أكثر من 16 ساعة [ أكثر أو أقل ] !

اللعبة مُمتعة جدا ً وغير مُمله و أحسن شئ باللعبة أنها موجهه لجميع الأشخاص , يعني ما تقدر تقول مُعقده ولا Deep RPG System و مُغامرات بحته . لعبة مُتكاملة صراحة ً وهنا بعض المُميزات والعيوب :

+ قصة بسيطة وغير مُعقده .
+ الرسوم مطوره جدا ً مع أني أراها مثل الجزء الأول مع تحسين طفيف .
+ اللعبة تحسها مُحاكيه للواقع و شبييه شوي لـ Shenmue بطريقة ما ! >> يا ويلي على الهجوم .
+ وجود الكلب الوفّي , يساعدك كثيرا ً من حيث :

محتوى مخفي

[ البحث عن الصناديق , الحفر , و أيضا ً تحتاجه في بعض من المهام الجانبية ]

!
+ شكل شخصيتك يعتمد كُليا ً عليك , على حسب خياراتك وعلى حسب مُساعدتك للناس .
+ وجود شئ واقعي جميل جدا ً وهو وجود الجروح أو السكارز , ولكن لا تستطيع إزالتها للآسف !
+ يمكنك الزاج و أكثر من مره بعد !
+ تقدر تجيب أولاد أو بنات !

- اللعبة نوعا ً ما قصيره !
- وجود Bugs بشكل مُخيف وكثير جدا ً , أحيانا ً يخليك تسوي Save and Quit !


الأشياء الي ما أقدر احدد هي إجابيه ولا سلبية بالنسبة للناس مب من رأيي :

× مرور الوقت سريع جدا ً .
× وجود قليل من الألغاز أو بالأصح عدم وجوز ألغاز أو بزلز نهائيا ً !
× عدم موت الكلب .


و سلام !
​

 

[ZiZ]

لعبت لين ما وصلت أوكفيلد. (قعدت ساعات في باورستون، ما طلعت منها إلا وأنا شاري كشكين + محل البوشنات. لاحظ أني ما بعد شريت بيت)

اللعبة ممتعة جداً، ولو أنها حامت كبدي يوم اشتغلت حداد (وصلت لأعلى لفل).

وعلى الرغم من أن كل بنات باورستون (و على ما يبدو رجالهم) "مبسوطين" علي (من استعراضاتي بالشارع ومحاولة التمصلح مع أصحاب المحلات) إلا أنني ما أعرست (أنا هيرو!!! شغلتي أني أذبح وحوش وأغامر مب أقردن حريم وأصرف على بزارين). العالم شكله كبيييييير بس وجود الكلب (اللي سميته Muttly وعلى الرغم من أنه Dog of war lvl3 إلا أني ماقد شفته يطق وحش، ومزاعق "Muttly!!! Do Something!!! ما يساعد) يفك أزمة في الاستكشاف.

يبيلي أغير ملابسي المقطنة اللي أنا لابسها.

 

[Mista Koo]

أمس وأنا ألعب طلع لي glitch خرافي: (ما راح إلا بعد ما ذبحتهم كلهم :laugh::.. طبعا ما سيفت)
[YOUTUBE]cyy8Turb6us[/YOUTUBE]

على صعيد آخر.. ليش أنا الوحيد الملحط اللي بس عندي بيت واحد في باورستون مؤجره وفرحان فيه :crying: (وخيمتين في المخيم كمان)

 

[Xeno]

محتوى مخفي

خلصت The Spire، يوم ترجع واو إبداع، تحس أنك فعلا غبت 10 سنوات، حتى زوجتي قالت كلام رهيب، وقدمت لي الولد اللي كبر أخيرا :crying:

معبد النور ازدهر وصار فخم (لأني دافعت عنه، لو خليته كان بيتدمر ويزدهر معبد الظل!)، و Westcliff ازدهرت لأني استمثرت فيها 5000. وعدد من المناطق تغير شكلها وأيضا تغيرت بعض الألحان فبعض المناطق... إبداع.

حد جاب Perfect Round فكل الجولات؟ وإيش الجائزة؟ أجيبهم فكلهم إلا آخر جولة. :

 

[Zero]

[YOUTUBE]PepHc-bB35U&feature[/YOUTUBE]

اللي يشوف هالفيديو بيضحك لحد ما يقول بس XD .

 

[Mesharey]

خلصت The Spire، يوم ترجع واو إبداع، تحس أنك فعلا غبت 10 سنوات، حتى زوجتي قالت كلام رهيب، وقدمت لي الولد اللي كبر أخيرا

حظك مو انا رجعت لقيتها طلقتني وبعدين ماتت :/

المشكلة الحين البيت اللي كنت حاطه لها ما اقدر اسوي فيه اي شي ما اقدر ااجره ولا ابيعه .. بس انام فيه >.>

محتوى مخفي

معبد النور ازدهر وصار فخم (لأني دافعت عنه، لو خليته كان بيتدمر ويزدهر معبد الظل!)، و Westcliff ازدهرت لأني استمثرت فيها 5000. وعدد من المناطق تغير شكلها وأيضا تغيرت بعض الألحان فبعض المناطق... إبداع.

الاولى مهمة فرعية ؟

 

[REDFOX-ZERO]

هههههههههههههههههههه ZERO

 

[Aia]

أمس وأنا ألعب طلع لي glitch خرافي: (ما راح إلا بعد ما ذبحتهم كلهم :laugh::.. طبعا ما سيفت)
[youtube]cyy8Turb6us[/youtube]

على صعيد آخر.. ليش أنا الوحيد الملحط اللي بس عندي بيت واحد في باورستون مؤجره وفرحان فيه :crying: (وخيمتين في المخيم كمان)

ههههههههه , الجليتش الي موجود في اللعبة فضيع صراحة ً !

هههه أرحمك ميستا !

أنا مُستحيل ألمس أحد , لأني أخاف يسوي Auto Save و أكلها :wow: !

محتوى مخفي

خلصت The Spire، يوم ترجع واو إبداع، تحس أنك فعلا غبت 10 سنوات، حتى زوجتي قالت كلام رهيب، وقدمت لي الولد اللي كبر أخيرا :crying:

معبد النور ازدهر وصار فخم (لأني دافعت عنه، لو خليته كان بيتدمر ويزدهر معبد الظل!)، و Westcliff ازدهرت لأني استمثرت فيها 5000. وعدد من المناطق تغير شكلها وأيضا تغيرت بعض الألحان فبعض المناطق... إبداع.

حد جاب Perfect Round فكل الجولات؟ وإيش الجائزة؟ أجيبهم فكلهم إلا آخر جولة. :

أنا أول مره سويتها أخذت برفكت بكلها إلا قبل الأخيره لأنهم كانوا أقوياء شوي وسريعين مره !

عندي خطه إستراتيجيه بالنسبة للجوله الأخيره :

محتوى مخفي

أول شي سو SAVE قبل آخر راوند , بعدين خل الـ Blades أول Slot لك يعني لو تضغط B تطلع سيوف , بعدين أضغط فوق على الـ الأنالوج الأيسر يعني [ وجهله الضربه ] و سوّها ورا بعض و بعدين إذا طلعوا وحوش ثانيه أتركهم , ورح عنده و أركض من جمبه و أضغط B كل شوي , وبكذا راح تفوز بسرعه خصوصا ً أن الـ Blades سريعه وقويه ويمديك تسويهم ورا بعض !

[youtube]PepHc-bB35U&feature[/youtube]

اللي يشوف هالفيديو بيضحك لحد ما يقول بس XD .

هههههههه من جد كأنه ساحر , XD !

يذكرني ب

محتوى مخفي

البنت الي بـ 99Nights

!
​

 

[Aia]

* مُهم جدا ً *

بعض نسخ الـ Limited Collector’s Edition ما يمديك تحمل الـ Code من الـ Market Place !

و Microsoft تلقت الكثير من المشاكل منها , لذلك أي واحده ما طلعتله الكود في الـ Market Place مثلي , يدخل هذا الرابط ويسجل أيميله :

http://www.xbox.com/en-US/support/games/fable2/default.htm

إن شاء الله محد منكم جته هالمشكلة غيري !

====

* نصائح مُفيده للي يبون يصيرون Good *

- دائما ً سو

محتوى مخفي

Sacrifice [ ضح بنفسك من أجل الآخرين ]

.
- كل Tofu يزود الـ Good .
-

محتوى مخفي

تبرع فوق الـ 5000 بـ Temple of the Light [ راح يزود 75 كل مره تتبرع بهذا الرقم ]

!

====

* للمُهتمين بالـ Achievments *

- دائما ً سو Save قبل أي حدث بالقصة .
- في التشابتر

محتوى مخفي

الأخير Theresa بتخيرك ثلاثة خيارات [ Health , Love , Sacrifice] ولكل خيار تختاره راح يطلع لك Acheievment , لا تنسى تخزن بعد ما تهزم

محتوى مخفي

Lucien

, علشان تاخذ كل Acheievment من هذولي الأختيارات الثلاثة .

====

و أبشركم ختمت اللعبة لكن

محتوى مخفي

محتار أختار أي خيار من هذولي الأختيارات الثلاثة الي تخيرّك Theresa

محتوى مخفي

SACRIFICE

محتوى مخفي

LOVE

محتوى مخفي

WEALTH

بالنسبة لي أُفضل خيار الـ

محتوى مخفي

Sacrifice

لكن هل سيكون

محتوى مخفي

الكلب حي !؟

!


====

سـَلام !


​

 

[S n A k e]

شباب كيف اتزوج ..؟؟ حاولت ماقدرت في اشياء لازم اسويها ولا ايش

محتوى مخفي

كنت بتزوج وحده اسمها alex بس صارت مشكله وهربت عني مدري ليه .؟؟

 

[The.Boss]

* مُهم جدا ً *

بعض نسخ الـ Limited Collector’s Edition ما يمديك تحمل الـ Code من الـ Market Place !

و Microsoft تلقت الكثير من المشاكل منها , لذلك أي واحده ما طلعتله الكود في الـ Market Place مثلي , يدخل هذا الرابط ويسجل أيميله :

http://www.xbox.com/en-US/support/games/fable2/default.htm

إن شاء الله محد منكم جته هالمشكلة غيري !

====

* نصائح مُفيده للي يبون يصيرون Good *

- دائما ً سو

محتوى مخفي

Sacrifice [ ضح بنفسك من أجل الآخرين ]

.
- كل Tofu يزود الـ Good .
-

محتوى مخفي

تبرع فوق الـ 5000 بـ Temple of the Light [ راح يزود 75 كل مره تتبرع بهذا الرقم ]

!

====

* للمُهتمين بالـ Achievments *

- دائما ً سو Save قبل أي حدث بالقصة .
- في التشابتر

محتوى مخفي

الأخير Theresa بتخيرك ثلاثة خيارات [ Health , Love , Sacrifice] ولكل خيار تختاره راح يطلع لك Acheievment , لا تنسى تخزن بعد ما تهزم

محتوى مخفي

Lucien

, علشان تاخذ كل Acheievment من هذولي الأختيارات الثلاثة .

====

و أبشركم ختمت اللعبة لكن

محتوى مخفي

محتار أختار أي خيار من هذولي الأختيارات الثلاثة الي تخيرّك Theresa

محتوى مخفي

SACRIFICE

محتوى مخفي

LOVE

محتوى مخفي

WEALTH

بالنسبة لي أُفضل خيار الـ

محتوى مخفي

Sacrifice

لكن هل سيكون

محتوى مخفي

الكلب حي !؟

!


====

سـَلام !


​

الـ love

محتوى مخفي

راح يخلي كل اللي تبحهم يرجعون من الموت .. يعني كلبك راح يكون حي ليما تختار هلـ خيار

الـ Sacrifice

محتوى مخفي

اعرفه انه ما يرد الكلب مالك .. يعني ما راح يكون موجود .. و يكون كل الناس يحبونك

الـ wealth

محتوى مخفي

يخليك اتصير غني جداً .. و يزيد مستوى الشر حقك .. هذا اللي اعرفه :nerd:

 

[Dark soul]

لول ... اخذت اللعبة يوم الثلاثا الي راح ... وصلت حتى

محتوى مخفي

oakfield ...احاول حاليا كسب ثقة الراهب في المعبد ...

لول ... اول مرة غيرت ملابس الشخصية ما انتبهت اني خليته يلبس في الـ upper body ملابس نسائية ... :xd:
الخياط : " وجه منقرف "
انا : شنو فهمك في الموضة >_>
طلعت من المحل .. الا اشوف جيش النسوان الي كنت مضبط معاهم كلهم انقرفوا .... الظاهر الناس في اللعبة يفتقرون الى حس الموضة الراقي >_> ...

حاليا هذا البطل المغوار الي العب فيه :

عذرا على الجودة السيئة ...

الا صحيح شلون نهرب من المعجبات ..؟ في وحدة نشبت فيني و صارت تلحقني في كل مكان ...حاولت اتزوجها .. قالت : الخاتم حقك خايس (btw ...لازم يكون عندي بيت علشان اتزوج ؟ ) حاولت اخليها تهج مني ... البنت موب راضية تفارج :xd:
و طول اليوم تتحلم في الخاتم ... مزعجة !

دايما فوق راسها العلامة حقت " follow "

كيف اخليها تذلف :sarcastic: ؟

 

[النسر الأسود]

أخوي The.Boss ممكن تحرر ردك ؟

Dark soul تقدر تتخلص منها أعتقد تختار social بعدين dismiss

 

[Colorization]

موضوع فيبل حرفيا أسوأ موضوع بتاريخ ترو جيمنج. ما ادري الناس ignorant لهالدرجة وإلا شنو بالضبط؟ استخدموا صندوق السبويلر يا اخوان!

أتمنى إدارة المنتدى تعدل فقانون السبويلر وتخليه أشد عقوبة، الكل قاعد يستهبل وبالأخير يقول لك والله ما كنت ادري. اقسم بالله كرهت اللعبة والمنتدى والسبة الإستهتار هذا.

زينو: لو فزت كل الجولات

محتوى مخفي

تاخذ سلاح ليجندري اعتقد، نفس الشي بالـshooting range

مشاري:

محتوى مخفي

المهمة كانت موجودة قبل لا تروح الspire، لما تزور المعبد راح يطلع لك كويست يقول لك إنه التيمبل اوف شادو قاعدين يخططون لدمار القرية (أو التيمبل اوف لايت) ولازم تنقذهم

Dark soul: انت اكيد خليتها تلحقك بإستخدام خيار Follow، مثل ما قال النسر الأسود ادخل قائمة السوشل واختار Dismiss. إذا تبي تتزوج لازم يكون عندك بيت، إذا تقدمت حق وحدة وانت ما عندك بيت بتكون خطيبتك، وما تصير زوجتك بشكل رسمي إلا بعد ما تسكّنها ببيت. أيضا لو شفت وحدة ما تبي الخاتم اللي اعطيتها لها روح محل المجوهرات بالباورستون ماركت (جنب البار) واشتر أغلى خاتم عنده (أتذكر سعره كان 500).

 

[Lone Wolf]

يااااااااااااااااااااااااالله موضوع سبويلرات في سبويلرات

ارحموا الي مالعبها و يبي يقرأ انطباعاتكم لا حول ولا قوة الا بالله

في اختراع اسمه صندوق سبويلر ولي مايعرف شكله يشوفه هذا هو!!!!

استخدمووووووووه شو بلاكم انتوا حرقتوا علينا اللعبة!!!! :sarcastic:!
^
^
راح يشتكي عند محمد زيل:crying:

 

[The.Boss]

^
تم تعديل الرد .. والله آسف .. بس ما كنت ادري انه هذا بالنسبة لكم سبويلر .. خلاص مره ثانيه كل شي مهم او معلومه بحطها ابـ صندووق سبويلر .. خلااص لا تزعلوون

 

[F.JUBRAN]

اليوم اخذت اللعبه

وابداع مابعدو ابداع

باختصار شديد اللعبه الوحيده الي رجعتلي نفس شعور اوبليفيون :happy:

تعديل : الكلب شيء خيالي

بروح اكمل

 

[Xeno]

شاعر غجري مثقف يحب الخير متمسك بقيمه وعاداته يعشق لبس الوزار لأريحيته.

للأسف مافي لقب "الزير سالم". :evil::

 

[Colorization]

اوه ماي غاد :laugh:: والله خطير، الوزار روعة!

انا قاعد اسوي كويستات في

محتوى مخفي

Bloodstone

. هالمدينة بتفاجأكم بأشياء وايد.. حولتني من إنسان مسالم إلى سفاح (ذبحت أكثر من 6 مواطنين فيها). والله لايونهيد عرفوا يخلقون بيئة "قذرة" بشكل فنان. ما توقعت أتفاعل مع المدينة بهالشكل.

 

[Aia]

تم بحمد الله ختم اللعبة بوقت قصير جدا ً أقل من أسبوع !

طبعا ً

محتوى مخفي

أخترت خيار الـ LOVE علشان

محتوى مخفي

الكلب

مب عشان

محتوى مخفي

الزوجه

.

الحين راح انقص الفوائد من الإجارات والمحلات , و أيضا ً بقالي كم سايد كويست أخلصهم و بإذن الله أكون خاتم اللعبة كليا ً , طبعا ً بالأخير يبقالي أطلع الـ Achievments الي باقيه !

و إن شاء الله Dead Space راح أشتريها من BestBuy بس اني محتار , ودي أخذها مستعمله علشان يبقالي كم فلس لـ Fallout 3.​

 

[yousef]

- كل Tofu يزود الـ Good .

من اي مكان نلاقيها .. لان مستوى الشر عندي وصل للأخير :evil::

 

[Lonely Heart]

من اي مكان نلاقيها .. لان مستوى الشر عندي وصل للأخير :evil::

ابقى شرير احسن لك :evil::

 

[Cizer Shnider]

شباب بليز سريعا سؤال في غاية الاهمية
لاقيت امس بجرير فيبل كوليكتورز اديشن ب 269 ريال
المهم عايز اعرف سريعا ايه الفرق بين الكوليكتورز اديشن والعادية علشان كنت حروح للكاونتر وادفع الفلوس بس قلت يمكن الفرق مايستاهل فجيت اسالكم الاول

 

[Lonely Heart]

شباب بليز سريعا سؤال في غاية الاهمية
لاقيت امس بجرير فيبل كوليكتورز اديشن ب 269 ريال
المهم عايز اعرف سريعا ايه الفرق بين الكوليكتورز اديشن والعادية علشان كنت حروح للكاونتر وادفع الفلوس بس قلت يمكن الفرق مايستاهل فجيت اسالكم الاول

The limited collector's edition includes: a bonus disc with a new behind-the-scenes making of video, collectible Hobbe figure, a LIVE trial card and additional in-game content (an Xbox LIVE account is required to access the limited collector's edition bonus in-game content).

..............

 

[G7Ga7]

يا نايم انت وياه ..

أخيراً، هل انتظارنا للعودة لعالم Albion خلال الأربعة أعوام الماضية أتى بنتيجة؟ الإجابة الأفضل هي نعم “ولكن” كان من الممكن أن نرى أفضل من ذلك.

همممم .. ما اتوقع لعبة Fable ممكن تكون اعمق وافضل من كذا !

 

[Mesharey]

امس صارلي الخطأ اللي صار مع كولو، الكلب اختفى !
بس ماطول انتقلت لمدينتين بعدين طلع ..

في اتشيفمنت طلع عندي بالغلط يمكن، اللي تلون ملابس وشكلك وشعرك وتحط مكياج اسود .. انا لونت ملابسي وشعري بالأسود طلع >.>


بالنسبة للمهمات الفرعية، خلصت كذا مهمة لكن يرجعون بعد فترة، ما ادري جلتش عندي ولا شنو ؟

أيضا المهمات الفرعية، إذا سويت كم مهمة رئيسية المهمات الفرعية تتغير ولا تزيد ؟ وإذا خلصت اللعبة تبقى مهمات فرعية ؟

شاعر غجري مثقف يحب الخير متمسك بقيمه وعاداته يعشق لبس الوزار لأريحيته.

لول ضبطت وصفه XD

 

[yousef]

ابقى شرير احسن لك :evil::

لكن المشكلة ان الكل مستحقرني

وبغيت استفسر عن مكان الحلّاق لاني اواجه مشاكل في الشعر (صلع) :xd:

 

[Colorization]

مشاري، المهمات اللي تقول إنها ترجع شنو هي؟ ملوت تيمبل أوف لايت (التبرع) والـSculpture؟ لأنه اعتقد هذول موجودين على طول، يعني تقدر تعتبرهم كويستات مفتوحة لما لا نهاية، تقدر تتبرع كثر ما تبي (عشان تنقّي الشخصية) وتقدر تروح Oakfield عشان تخلي النحاتة تنحت تمثال لك حتى ينحط فباقي المدن. في مهمات غيرهم طبعا على نفس المنوال.

بالنسبة للمهمات الفرعية، انت كل ما تتقدم بالقصة بيطلعون لك جدد + مرات لازم انت تستكشف المدن وتطلع لك مهمات (يعني ما تطلع لك automatically)، وحسب ما اعرف تقدر مثلا تخلص مهمات رئيسية على كثر ما تبي وبعدين ترجع للمهمات الفرعية، ما اظن انها "تنتهي". ويس تقدر تخلص اللعبة وتكمل، وحتى في كويستات ودنجنز ما تطلع إلا لما تخلص اللعبة! (حسب ما قرأت).

يوسف، الحلاق موجود بالباورستون ماركت، حسب ما اتذكر هو موجود على يسار محل الحدادة، بتشوف هناك الحلاق والخياط.

اللعبة كل مالها وتصير أحلى، النصف الثاني من اللعبة (من بعد

محتوى مخفي

الـSpire

) خرافي، كويست

محتوى مخفي

القبطان دريد

لا يووووووصف، وكويست

محتوى مخفي

برج برايتوود

.... واو. المهمات الفرعية إمتلاك ما بعده إمتلاك، والله مصفط المهمة الرئيسية من مدة وبس قاعد شغال عالمهمات التفجيرية (عيب اسميها فرعية : )

 

[Lone Wolf]

تم تجربة اللعبة لكن لم يتم الإمتلاك بسبب المحل

!@#!@%#@!#% ماعنده اللعبة , اللعبة عجيبة

تطورت بشكل واو, كل شي فيها عجبني ماعدى شي واحد

القصة مافيها تميز, لعبت 4 ساعات تقريبا و ماحسيت بأي تميز

يمكن وقت الإمتلاك بنشوف لكن كلعب 4 ساعات ماشفت تميز.

 

[The.Boss]

تم تجربة اللعبة لكن لم يتم الإمتلاك بسبب المحل

!@#!@%#@!#% ماعنده اللعبة , اللعبة عجيبة

تطورت بشكل واو, كل شي فيها عجبني ماعدى شي واحد

القصة مافيها تميز, لعبت 4 ساعات تقريبا و ماحسيت بأي تميز

يمكن وقت الإمتلاك بنشوف لكن كلعب 4 ساعات ماشفت تميز.

اتعمق باللعبه عدل و اكتشف كل شي وشووف شلون التميز و الأبداع على اصوله