Engineering or finance/MIS ؟

[Mada Mada Dane]

السلام عليكم ..


فقط من باب اتخاذ اراء متعددة, و النظر إلى وجهات نظر اكثر ..
حبيت استشيركم بهالموضوع ..

افكر اغير تخصصي من هندسة كهربائية إلى إدارة مالية أو MIS..
إلى الان جاري التفكير

طبعا بكرا ناوي اروح للـ eller school وهي من ال top 3 schools in business بامريكا, القبول فيها صعب لكن الحمدلله الامور متيسرة ..

لكن هنا الموضوع ..

انا حاليا تخصصي هندسة كهربائية, اتخذت كم قرار خاطئ بخصوص كم كلاس, لكني ماشي والحمدلله, بتقدير جيد كـطالب سنة ثانية ..

لكن! احس اني مضغوط, و مو عاجبني الوضع وانا مضغوط ( not enjoying it )
التخصص هذا من اصعب تخصصات الهندسة, حياتي صايره lifeless احياناً ..
والسؤال هنا, does it worth it?
ترتيب الجامعه بالتخصص 39, حلو لكن التخصص صعب, مساله اني امشي فيه او ما امشي ماهي مشكلة, لكن مسالة بعيش بعذاب! و ممكن ما افهم كل شئ واتخرج بالصعوبة..

اروح امسك العمل, وبنفس الوقت ارجع افتح الكتب اراجع و ما اراجع, كـ اغلب المهندسين, لازم هالامر يصير .. بكلام ناس يعملون وشئ معروف ..

الخيار الثاني ادخل إدارة مالية, تخصص اسهل و امتع ..
وبنفس الوقت مطلوب .. والـ eller school تعتبر من اقوى جامعات العالم بالبزنس, وبرامجها قوية جداً, و صعب القبول فيها, لانها بالبدايه دراسه سنتين ثم ينقون من طلاب يدخلون, لكن ان شاء الله تساهيل .. وبنفس الوقت اخذ minor في البرمجة, او إدارة الاعمال ..
حاليا زي ماقلت التفكير بين finance او MIS, خصوصا انها الرابعه حول العالم بالـ MIS و بالبزبنس بشكل عالم تعتبر من اقوى 20 برنامج بامريكا ..
علماُ, ال FINANCE وال MIS بنفس ال مدرسة ( ELLER ) ففي تشابة باول سنتين بالكلاسات ..

وبالاخير التوفيق من الله..
ونطلب ارائكم ..

 

[Isaac]

السلام عليكم خالد ...


أنا تخصصي MIS ... هنا بالسعودية ما أخذت مواد كثيرة لكن جدا مرتاح فيه ... عايش حياتي + وضعي الدراسي ممتاز ولله الحمد. بعيد عن الهندسة ووجع الراس.



شوف هذه مشاركة تحفة لعضو في منتدى جامعتنا اسمه طلاب بلا حدود .... يتكلم فيها عن تخصصات الإدارة ...


المشاركة كانت عبارة عن رد ... لكن صارت موضوع مثبت لأكثر من سنة .


هذا هو رده ..

أنا درست هندسه وحولت إدارة وتخرجت ولله الحمد

حقيقة دراسة الهندسة افادتني كثير , وتخصصات الإدارة قويّة جدا ورواتبها اعلى وخياراتها أكثر.

تخرجت MIS ولله الحمد
ولو رجعت الجامعة كان درست MIS + marketing يعني ( Double major)

تخصص التسويق قوي جدا , ومطلوب جدا , وممتع جدا , ورواتبه عاليه وفي كل مكان (للشخص الفاهم طبعا ) وإذا كان خريج التسويق قوي , وفاهم , وعنده خبرة ممتازة في استخدام الكمبيوتر للتحليل (يعرف شوي قواعد بيانات + ممتاز في الإكسل + ممتاز في برنامج SPSS ) فممكن انه راتبه يوصل حدود 18 في أقل من 3 سنوات من تخرجه , ولو اشتغل في شركة قوية واكتسب خبرة مثل P&G فممكن انه في اقل من 4 سنوات يكون راتبه في سوق العمل يتعدى 20 ألف بالراحة.

تخصص المالية Finance مهم جدا , وقوي ووظائفه في البنوك ممتازة , وممكن الشخص يكمل بعد التخصص بحصوله على شهادات معينه ضمن لاتخصص أعتقد اسمها CFA ويصير مطلوب حتى خارج المملكة (عدد الأشخاص الموجودين في المملكة واللي عندهم هذي الشهادة جدا محدود بحيث إنهم ممكن ينعدون على الأصابع من ندرتهم ) , وعموما أتوقع أن خريج Finance فاهم واشتغل مضبوما على نفسه وطور إمكانياته ممكن أنه يطير في عالم البنوك من ناحية المنصب ومن ناحية الراتب لأن البلد فيها عجز كبير جدا في موظفي البنوك السعوديين المؤهلين , وفيه دراسات تؤكد أنه في أقل من 4 سنوات رواتب موظفي البنوك السعوديين سوف تتضاعف لارتفاع الطلب عليهم وقلة عدد المؤهلين منهم , تسألوني عن الرواتب , ممكن اقول والله أعلم انه خريج المالية المتوسط الكفاءة ممكن يحصل على راتب لا يقل عن 12 الف شهريا من اول مربوط , وممكن يوصل الراتب لحدود ال18 في حدود 3 سنوات وممكن يطير بعدها إلى أرقام اكبر بكثير إذا أثبت نجاحه .


تخصص MIS هو تخصصي , وحقيقة عليه طلب ممتاز ولكنه للاسف من التخصصات الغير مفهومة في بلدنا بالإضافة إلى العدد الكبير للخريجين.

خريج MIS ممكن يشتغل في الوظائف التالية :
مبرمج
محلل نظم
مسؤول شبكات
تسويق
تطوير مواقع إلكترونية
اي وظيفة تتعلق بالتجارة الإلكترونية
البنوك تطلب MIS بكثرة وممكن يشتغلون في وظائف بعيدة عن تخصصاتهم بكل سهولة لأن خلفيتهم المتعلقة بالأعمال قوية ومماثلة للتخصصات الأخرى تقريبا.
خريج MIS إذا اشتغل marketing يبدع , الله اعلم ايش السبب بس اتوقع ان تفكيره تحليلي وقراراته أدق

يميز خريج MIS انه (بتاع كلو) يعني ممكن يشغل اي وظيف وينجح فيها بشوية تدريب , وهذا الشي تحبه الشركات وتحرص عليه.

تخصص المحاسبة ممتاز للي يحب المحاسبة , بس لازم المحاسب يطور نفسه بعد التخرج باستمرار وياليت جماعة المحاسبة يسولفون لنا شوي.


أختم كلامي بقصة حقيقية صارت لي وهي انه كان لي زميل ما شاء الله مرتبة شرف في الهندسة الكهربائية , وكنت معاه في الهندسة. انا قررت اغير تخصصي وهو كمّل , وكان دايما يعلّق على قراري , ويلمح لي انه قرار خاطئ.
تخرج زميلي وتوظف في ارامكو وطلع ماجستير , ورجع من امريكا وأنا توني متخرج.

بعد سنة , صار منصبي وراتبي أعلى منه بفارق 3 آلاف ريال سعودي , وعملي جدا ممتع , ومطلوب في كل المدن السعودية وحتى في خارج المملكة, وأذكر بكل وضوح هاذيك اللحظة اللي قال لي فيها : يا ليتني درست إدارة , والله السوق لكم , والطلب كله عليكم , ووظائفكم ما شاء الله ممتعه ومتنوعة.

الهندسة ممتازة للي يحبها , اما اللي يحب العمل في مجال ال business فانصحه بالإدارة أو بتخصص هندسة النظم لانه جدا مطلوب في مجال البزنس , وكثير من خريجي هندسة النظم صارو مدراء كبار في الشركات وحتى البنوك.


القرار النهائي لك والله يوفقك لما يعلم الخير فيه.

وصلة الموضوع ..

http://www.skfupm.com/vb/showthread.php?t=10159

 

[hussien-11]

يا هلا فيك خالد

هندسة الكهربا ، معروف انها أصعب هندسة يا خالد ، و دامك بعدك سنة ثانية فأقدر أقول لك بالراحة انك ( لسه ما شفت شي ) .. بس شغلها حاليا ممتاز في الخليج

الـfinance و الـMIS لا تحسبهم سهلين برضو و خصوصا انك ناوي تروح مكان يعتبر top بالنسبة لغيره ، لكنهم يضلوا أرحم بمراحل شاسعة من هندسة الكهربا ..

ممم شوف ، الـMIS أصعب من الـfinance ، بس دراسته مثلا متنوعة اكثر ، تلاقي فيها كمبيوتر و برمجة و بنفس الوقت نظم و إدارة ، لكن الـfinance اذا بدك الصراحة امتع بكثير كدراسة و أسهل ، و بالأخير في الشغل ما تفرق لكل مجتهد نصيب ، فـ انت و اختيارك و ميولك طبعا ، لكن لو كنت مكانك بختار الـfinance

بالتوفيق خالد ، بندعيلك ان شاء الله
​

 

[Ginko]

هلا خالد، زمان عنك يا ولد.

المهم، هالموضوع من اكثر المواضيع الي اناقشها مع الشباب هنا، وغالبا يقتنعون الحمد لله.


بقسمه لاكثر من جزء، ابيك تقرأه كله وتفهمه زين.


اولا، اصحى اصحى اصحى تغير من هندسه الى بزنس، اصحى!!!!


خلنا نتكلم عن ليش البزنس ما يصلح. روح شوف الشركات الكبار وشوف اعضاء ادارتها، كلهم تلقاهم هندسه كهربائيه او هندسة كمبيوتر او هندسة أيا كان. عمرك لقيت واحد تخصصه فينانس ماسك شركه ولا يستلم بالرواتب + 60 الف ريال؟ جدا نادر الى معدوم مقارنه بمتخصصي الهندسه والكمبيوتر بشكل عام. اولا لان الكمبيوتر والهندسه تعلمك التفكير، تعلمك كيف تحل المشاكل وكيف تتعامل مع الاشياء بطريقه رياضيه وفعاله، فهي تدرب عقلك على حل المشاكل بشكل عام مهما كانت، سواءا مشاكل بزنس او رياضيه او اجتماعية، فهي في النهايه تطور عقلك وتفكيرك وتخليه الى الافضل في كل الحالات. خلنا ناخذ مواد الرياضيات الي ياخذونها البزنس ونقارنها بمواد الرياضيات الي ياخذونها الكمبيوتر والهندسه. البزنس منهجهم تقول اول ثانوي واشياء تافهه (انا سويت المقارنه عشان محد يتحمس ويرد) يعني اضرب الصعوبه في 10 وراح تحصل على الرياضيات الي يدرسونه المهندسين وطلاب الكمبيوتر. طبعا معلومة معروفه ان الرياضيات تطور عقلك الى الافضل وتخليه يتعامل مع المشاكل بشكل اسرع وبنتيجه افضل، مهما كان نوع المشكله مثل ما قلت. وطبعا مثال الرياضيات مو الوحيد، فمواد البزنس بشكل عام سهله، وما تنمي وتطور تفكيرك بالشكل الكبير مقارنه بمواد الهندسه والكمبيوتر الي تخليك بدل ما تحفض معادلات وتفهم رسومات ابتدائيه فهي تخليك تسوي برامج ودوائر كهربائيه تتطلب الكثير من التفكير والتعب لفهمها. بكل اختصار مستوى طلاب البزنس ما يقارب مستوى طلاب الهندسه والكمبيوتر، ولكل قاعده شواذ طبعا.


ثانيا، خذ مثال اخوي الي متخرج من الامير سلطان بشهادة كمبيوتر.


اخوي قدم على سيسكو فرع الرياض اول ما تخرج. سيسكو شركة الشبكات المعروفه عالميا (Cisco Systems). المهم المنصب تقدم عليه 4000 شخص وتم قبول 6 فقط. 3 منهم تيكنيكال و3 منهم salesman. المهم التيكنيكال كان من متطلباته شهادة في الكمبيوتر، لكن الsalesman ماله متطلبات. طبعا اخوي مر في مراحل كثيره من الاختبارات الي تم اقصاء فيها الكثير من المتقدمين (من 4000 الى 300 الى 60 الى 24 الى 6). اكيد بتقول لان اخوي شهادته كمبيوتر ساينس فهو راح يقدم على التيكنيكال، لكن في الحقيقه هو قدم على الsalesman وكل منافسيه كانوا رجال في الثلاثينات وذوي خبره ووالخ وهو فقط ما عنده الا شهادة الكمبيوتر ساينس . لكن في الاخير تم قبوله كsalesman !!! وتم كرش كل رجال الخبره حقين الفينانس والبيزنس مانجمنت وكل هالخرابيط، ياترى ليييش؟ ليش يقبلون واحد يبيع منتجات سيسكو العالميه على شركات كبرى ما عنده الا شهادة كمبيوتر ساينس؟ لان بكل اختصار يعرفون ان هذا "معدنه" افضل من "معدن" صاحبي شهادات البزنس بشكل عام، ولان عناصر البزنس الي تعلموها في الجامعه راح يتعلمها في سنه من التدريب (توه مخلصها وبدأ شغل ولله الحمد براتب رائـــع ماشاء الله). هذا اثبات سريع ان الشركات "القويه" راح تفضل صاحبي شهادات الكمبيوتر والهندسه على صاحبي شهادات البزنس بكل راحه، لان في النهايه هذول في الاداء افضل وهذول تم تطوير طريقة تعاملهم مع المشاكل وتطوير طرق حلهم للمشاكل بشكل عام، فالتكنيكس الي تعلموها في حل المشاكل عند كتابة برنامج او ماشابه يتم تطبيقها على البزنس بشكل مباشر، وهنا انت تتفوق على صاحبي شهادات البزنس بأميال.


ثالثا، مستوى طلاب البزنس من تجربة طالب دكتوراه في الهندسه الصناعيه.


هالطالب سعودي وموجود في ميامي ويحضر دكتوراه في الهندسه الصناعيه، وعنده مواد كثيره ياخذها مع طلاب ال MBA الي 90% منهم متخرجي بزنس بكلوريوس. اقسم بالله يقول لي انه يضحك عليهم وعلى تفكيرهم (فيه مبالغه، بس انت فاهم قصدي) لان فعلا هم ما درسوا كيف يفكرون مثل طلاب الهندسه والكمبيوتر، فهم يواجهون صعوبه جنونيه في حل المشاكل في مواد الMBِA الي تتطلب الكثير من التفكير لانها في الاساس تطبيق لمشاكل الشركات في الحياة العمليه. وهو ماشاء الله ما يواجه صعوبه ابد. هذا مثال اخر على فرق "المعدن" بين طلاب الهندسه والكمبيوتر وطلاب الزنس.


رابعا، وشهد شاهد من اهلها.


انا كنت امر في نفس الحاله بالضبط السمستر الي فات. فقلت ما عندي الا واروح اسأل ال Dean حق البزنس سكول (البزنس سكول حقتنا من الاقوى في امريكا بالمناسبه) واقول له هل تسوى اني اغير من كمبيوتر ساينس الى بزنس بما اني ابي اشتغل في مجال البزنس. فرحت لها وسألتها، ردت علي بجواب مفاجئ جدا، وقالت ان الشركات يفضلون يقبلون طالب كبيوتر ساينس في منصب معين في البزنس على طالب بزنس عنده شهاده في هالمنصب. انا استغربت وقلت ليش، فقالت نفس الكلام الي قلته لك فوق، التفكير غيييير، طريقة التفكير بين طلاب الهندسه والكمبيوتر مقارنة بالبزنس زي الفرق بين السماء والارض. هذول حفظ على فهم قليل، وهذول فهم وحل مشاكل 24 ساعه 7 ايام في الاسبوع سواءا رياضيات او كمبيوتر او كهرباء او فيزياء، فهذي كلها تطور التفكير. لكن سألتها سؤال اخير، قلت وش اسهل عشان تقبلوني MBA لو عندي شهادة فينانس او لو عندي شهادة كمبيوتر سانيس، قالت بالحرف "اكره اني اعترف بهالشيء، لكن نفضل طلاب الكمبيوتر والهدنسه على طلاب البزنس عند التقدم على MBA"!!! وقالت السبب نفس الي قلت لك، "المعدن" مختلف. فكيف سكول اوف بزنس تفضل تقبل طلاب كمبيوتر وهندسه لمنهج ال MBA على الطلاب الي تخرجوا من عندها بكلوريوس، مالها اي معنى! لكن هذي هي الحقيقه، في الحياة العمليه طلاب الهندسه والكمبيوتر هم المفضلين في كل المناصب.


خامسا، نصيحتي لك والخطه الي مفروض تسويها.


طبعا انا ما اعني ان تخصصات البزنس تافهه، ففي النهايه ال MBA من افضل الشهادات (لول بس افضل ان يكون عندك شهادة هندسه او كمبيوتر للنجاح فيها بشكل افضل). لكن افضل "combo" ممكن تسويه (طبعا بعد النقاش مع مدراء شركات كبيره عندنا في السعوديه وبعد النقاش مع dean البزنس ووالخ من الخبراء قالوا لي هالشيء) هو انك تاخذ اساسيات في الكمبيوتر او الهندسه وبعدين MBA (الي هي ماستر في البزنس) عشان تصير انسان محد يوقفه. اساسياتك حديد! (من شهادة البكلوريوس سواءا كمبيوتر او هندسه) ومعلوماتك عن البزنس جباره (من الماستر في البزنس الي هي MBA). هذا افضل خيار، خصوصا بعد اخذ minor في البزنس مع البكلوريوس حقك. وطبعا اشتغل في مجال البزنس لان فيه فلوس اكثر، وراح تتفوق على الاغلبيه من منافسيك في الشركات لان اساسياتك افضل، وبتبرز بشكل اسرع وبتتقدم في مشوارك الاحترافي بشكل اسرع وراتبك بيصير اكثر وبتصير مطلوب من عدة اماكن، بكل اختصار راح تصير افضل منهم بشكل ملحوظ.


سادسا، هل تكمل في الهندسه ولا لا؟


واضح انه متعبك مره، فنصيحتي (مثل ما قلت لك زمان) انك تحول الى الكمبيوتر ساينس، فهو يعطيك نفس المعدن تقريبا، لكن مو نفس الصعوبه، فهو اسهل شوي، لكن يضل صعب مقارنه بالبزنس (انا كمبيوتر ساينس وعايش حياتي لول). ولا تنسى تاخذ معه minor في البزنس. وتقدر ايضا تحول الى هندسة كمبيوتر الي هي ممتازه ايضا. لكن نصيحتي حول الى كمبيوتر سانيس، يخلي تفكيرك ممتاز جدا ويطوره بشكل كبير، وبنفس الوقت الصعوبه معقوله، فهي مو سهله ولا صعبه مره.



هذا كل كلامي، مع اني نسيت امثله كثيره لكن لو تبي معلومات زياده عن الموضوع فانا حاظر. انا مريت في نفس الحاله بالضبط، لكن الحمد لله وصلت للقرار المناسب. وانقذت الكثير من الي كانوا بيحولون مثلك.

 

[Humam]

و الله يا ابن الحلال ما أحب أدوشك, لكن أنا طالب هندسة كهربائية, و الحق يقال, والله تمر أيام تحس إنك عايش في كابوس ماله بداية و لا نهاية..

ابن خالتي مثلا, متخرج من قسم الهندسة الكهربائية صار له 3 سنوات تقريبا, والآن طلع يجيب ماستر في الEngineering Management من أمريكا, قبل ما يسافر, قالي أنا ندمان إني اخترت االهندسة كهربائية, لأنه على عكس جميع الأقاويل, تخصص صعب إنك تبدع فيه في بلد مثل السعودية.. و قبل ما يتخصص جاله عميد كلية الهندسة وقتها ووكيل الجامعة حاليا بحكم صلة القرابة وقاله يا ابني الحياة سهلة لا تصعبها على نفسك, لكن ابن خالتي ما فهمها و أصر على الهندسة الكهربائية.

ما أحب أقول إني ندمان إني أدرسها, لأن الخيرة فيما اختاره الله وهو تخصص أنا مفكر فيه من المرحلة المتوسطة والحمد لله الي يسر لي إني أكون من دارسيه, والحقيقة هي أكثر شيء يماثل ميولي الشخصية من كل فروع الهندسة, ما أقول الكمبيوتر لأنه تقريبا نفس التوجه والفرق في الكلية عندنا في كم كورس على عدد أصابع اليدين, لكن يوم تتخرج لسوق العمل وانت مهندس كهربائي يفرق كثير يوم تتخرج عن انك مهندس كمبيوتر, لأن مهندس الكمبيوتر راح يكون مربوط بالكمبيوتر, أما الكهربائي ممكن يعطيك في الكمبيوتر و الباور والكوميونكيشن وغيره من الأشياء.

أنا الآن ماشي فيه لأن ماعندي أي خيار ثاني, يعني تبغى الصراحة أنا فكرت جديا أكثر من مرة إني أأغير تخصصي, لكن اصطدمت بعدم وجود أي خيارات أمامي, لكن لو الخيار أمامي الآن, بالراحة أتجه لتخصص إداري أكثر من الMIS او الIT.. وتقدر تقول إني مبسوط نوعا ما من إنه مافي خيارات بعد ماكانت ادور عليها, لأني حلمي إني أكون مهندس, بس أحيانا تجيني لحظات ضعف ما أقدر أتحكم في نفسي فيها.

عندك خيار آخر اذا تبغى تغير الكهرباء, عندك تخصص الهندسة الصناعية, تخصص في قمة الروعة, ما يحمل من الهندسة إلا اسمها لول, ممتع, كله management و problem solving, الآن سوق العمل عندنا بدأ ينتبه له والطلب عليه خرافي, ابن خالتي متخرج العام الماضي منه, وما شاء الله تبارك الله, ما تتخيل عدد العروض الي جاته من الشركات قد ايش و برواتب مجزية.

لكن ... أحب أذكرك.. اذا استمريت في تخصص الهندسة الكهربائية, ثم كملت ماستر في الEM او الIS - IT.. راح تكون موظف تتضارب عليه الشركات حتى تكسب خدماته, هذي ما يبغالها كلام.. وهذا الشي الي أنا حاطه في بالي حاليا.. تتعب وتنكرف الآن, لكن قدام تلاقي ثمرات تعبك.

عموما, هي شغلة بيد رب العالمين أول شيء, فكر وشاور ثم قرر, بعدها استخير الله, وثق تماما, طالما انت رضي لوالديك فباذن الله التوفيق راح يكون ملازمك في كل شيء.

أنا أول سنتين لي في الجامعة كنت مهوي, لأني كنت حاط في بالي إني ممكن أجمع بين اللعب والوناسة والفلة و بين الهندسة, هذي معادلة مستحيلة الحل, أنا مازلت لعاب وراعي وناسة علشان كذة اعتبر طالب مهوي لول, لكن خفيت عن أول كثير, لكن ان شاء الله البهللة الي في راسي تختفي نهائيا.. للأمانة انا اندقيت كثييييير.

 

[Ginko]

همام (والكل) ياريت تقرؤون ردي.

 

[Humam]

عبد الله أنا حررت ردي لأن في نقطة خفت أحد يفهمني فيها غلط..

edit2: يعين لا تخاف.. الهندسة الكهربائية للفوز لول.

 

[AMG]

انا حليا طالب في هندسة كهرباء وباقي لي سنة و اتخرج ال GPA حقي 3.97/4 و تخصصت قسم اتصلات فيها ، هممم انا ما اشوفها صعبة لو انت كنت تحب موادها و كان عندك ميول لها ، ياخي مواد الهندسة رهييبة تحسها كانها الغاز و خصوصا ال Communication systems و Electronic Circuits ، لكن هي ممكن تاكل اجزاء اخرى من حياتك من اهمها الفيديو جيمز يعني ما راح تقدر تلعب زي زمان ، لكن مع شوية تخطيط و تنظيم وقت راح تعيش حياتك

انا رأي من رأي الاخ Ginko فعلا المهندسين تلقاهم يشتغلو في اي مكان و خصوصا لو اخذت MBA بعد ما خلصت

تتصور حتى في البنوك لو انت تخرجت من هندسة و معاك MBA يكون عندك افضلية عن المتخرجين من بزنس وهذي شفتها بعيني

 

[The Doctor]

و الله ذا الموضوع ممكن يفيدني جداً... ما اعرف ايش ادخل بعد ما اخلص الثانوية >.>

 

[Xeno]

كنت هندسة ميكانيكية, حولت قانون... هي قدرات, أنا صراحة حسيت مابرتاح فالهندسة وماحب أدرس كثير, مع أني كنت متفوق فالمدرسة.

الله يوفقك خالد.

 

[Humam]

رد عبد الله جدا جدا..جدا ممتاز, غالب المعلومات الي فيها أنا على علم بها, ألف شكر عبد الله على التذكير.

أنا لمن كنت أفكر أغير التخصص ماكنت أفكر لذا الشي إلا لأني كنت أبغى أرتاح, ومع الأسف كان تفكير جدا خاطئ..

 

[Ash Storm]

صراحة, و بدون كلام كثير .. ما انصحك انك تحول!

تخصصك حلو و مهم و التحويل بعد سنة او سنتين ماهو من صالحك و راح تضيع وقت من عمرك!

 

[hussien-11]

همام (والكل) ياريت تقرؤون ردي.

كلامك فعلا ( منطقي ) جدا بكل صراحة .. و فعلا ألمسه بكل الناس الي قدامي و دارسين هذي التخصصات ، مثلا أشوف خالي ( مهندس اتصالات ) هو المدير الإقليمي لشركة سيتا ، بس ما شفت طالب تجارة وصل لشي مشابه ، اكثر شي مدير شركة ( صغيرة ) ، بالتأكيد طالب هندسة الكهربا و الكمبيوتر مستواه العلمي و طريقة تفكيره احسن بكثيررررررر ، و هذا الشي لمسته بكثير ناس ..

معاك حق .. الطريق أصعب لكنه ( أفضل ) من جميع النواحي .. يضل التحويل خيار بحالة وحيدة فقط ، انه خالد ( لا سمح الله طبعا ) ما يمشي بالهندسة ، بس ان شاء الله تعدي و يتخرج على خير ..

 

[BioMario]

الموضوع رح يفيدني كثير كوني السنه القادمة رح احدد تخصصي ان شاء الله ..
لكن ابي نصيحتي ..؟
تتعب سنتين او ثلاث لكن بعدين ترتاح بقية حياتك ان شاء الله ..

 

[Monster]

حستوا مخ الرجال ......... لكن كلام جنكو مقنع ..... ومعروف لاي طالب جامعي ..... صراحة شباب المهندس ممكن ياخذ بعدين ماستر اداره كلها سنه او سنتين ........ بعدين مين اللي ماسك اكبر الشركات ؟ المهندسين وهذا شي اكيد وروح اسال.... الهندسه للفوز ... حول هندسه بترول اصرف لك.

 

[Ash]

عبد الله ما خلا مجال للشك , و احط خط حق اول فقره , هي الي مخليتني للحين مكمل بالهندسه و مو داشها لا حبا و لا شيئ , نصيحتي لك من نصيحته , و الله يوفقك .

 

[Mista Koo]

شفت الموضوع من أول بس ما عندي الخبرة/المعرفة الكافية عشان أجاوبك
لكن صراحة كلام جينكو مقنع لحد كبير.. وأعتقد لو كنت بدالك رح أستمر بالهندسة وأحاول قدر الإمكان إني أكمل فيها (غير إنك إنسان ما شا الله عنده طموح عااااالي)

عموما إستخير وتوكل على الله والله يوفقك =)

بالمناسبة... أنا تخصصي كومبيوتر ساينس ورح يفتحون عندنا سوفتوير إنجنيرنق ومفكر أحول.. أي نصايح (جينكو وغيره)؟

 

[hussien-11]

بالمناسبة... أنا تخصصي كومبيوتر ساينس ورح يفتحون عندنا سوفتوير إنجنيرنق ومفكر أحول.. أي نصايح (جينكو وغيره)؟

باختصار : لا تحول ، الـcomputer science أفضل و أقوى ، الـسوفتوير انجنيرنق عندنا بالدول العربية عبارة عن تخصص ( برمجة ) بس بإسم ثاني ، موجود من فترة طوييييلة بالأردن و اعرف صحابي يدرسوه

الكمبيوتر ساينس هو أقوى تخصص بكلية الـI.T ، و بالتوفيق عيسى

 

[pacino]

وهقونا اكثر بعد لوول -_-...
بس كلام جنكو سنع والله

 

[Kratos]

يعتمد وين تبي تتوظف و إيش هدفك.

لو تبي تتوظف في قطاع مالي ( بنوك، شركات إستشارات مالية، وكلات إعلان، الخ) حول للبزنس
لو تبي تشتغل بأي شي له علاقة بالهندسة أو له تطبيقات تحتاج فيها للهندسة ( شركات برمجة، إتصالات، شركات تقدم حلول تقنية، الخ) خليك زي ما أنت.

كلام عبدالله للأسف فيه تعميم كثير و مافي تخصص يعتبر هو التخصص أو المجال السحري الي تتوظف فيه وين ما تبي ولا كل الناس راحت و دخلت فيه.


الـ MBA أساسا مصمم كبرنامج متاح للجميع ما يحتاج منك خلفية في الـبزنس حتى تدخله و يعتبر برنامج مكثف في البزنس مع تركيز على الإدارة فالفائدة العظمى تكون للناس الي تخصصهم ماله علاقة بالبزنس. بالنسبة لطلاب البزنس فيه تخصصات أفضل و تقدم فائدة أكبر من الـ MBA بالنسبة لهم مثل ماجيستير في التمويل .

و على فكرة لا تتوقع إنك إذا درست finance أو MIS راح تكون مرتاح على طول ترا راح تجيك فترات تقول فيها نفس كلامك هذا( خصوصا بأخر سنتين لأنه راح تدخل في مواد التخصص و كمان تقول إن الجامعة قوية في البزنس) ، هذا طبعا لو كنت تبي تجيب معدل ممتاز. أنا أعرف كذا واحد كانوا هندسة و حولوا بزنس على أساس إنها أسهل و بالنهاية طلعوا فاشلين زي الهندسة و رجعوا حولوا هندسة مرة ثانية.

أنا متخرج بـ double major إقتصاد و تمويل (Economics & Finance ) بتقدير إمتياز فمن خبرة الي يدور على الإمتياز بالدرجات ما راح يلقى شي سهل وين ما راح و الي بس يبي يمشي بالسهالات و الدف بيمشي بأي مكان.

بالنهاية بالنسبة للوظائف و المعاشات و سرعة تقدمك تعتمد على أداءك أنت شخصيا لو كنت إنسان تحب تتقن عملك راح تلقى ثمرة جهدك مهما كان تخصصك ( طبعا بشرط يكون مطلوب) و إذا كنت إنسان تعبان و بس تبي تخلص شغلك و السلام ما راح تترقى بسرعه لو إيش كان تخصصك ( إلا لو معاك واسطة).

بالنسبة لحكاية إن أغلب الـ CEOs يكونوا هندسة و من هالكلام طيب وش رأيكم إنه بفترة سابقة أغلب الـ CEOs كانوا جهلة ما درسوا تعليم جامعي . و الآن إحنا بس نشوف أثر الفترة السابقة الي كانوا الناس فيها بكثرة يتخصصون هندسة عشان كذا كثير من الـ CEOs تخصصاتهم لها علاقة بالهندسة ( طبعا أنا أخذت كلام عبدالله على أساسا إنه كلام مؤكد ). الآن روح شوف أغلب الشباب الي بالشركات الغربية الي جيلهم بعد 25 سنة بيصير فيه CEOs أغلبهم تلقاهم متخرجين بزنس .

 

[Zero]

بصراحة هالموضوع شفت فيه الكثير .. أنا أدرس بـKFUPM والسنة القادمة بختار تخصصي .. عندي سنة أفكر فيها .. أو بالأحرى الترم القادم لازم أحدده لأني عديت مقرر الإنجلش والترم الجاي بس ماث وسوالف فاضية وأقدر أنزل أشياء أخرى ..

عموما لا زلت أفكر في الهندسة الكيميائية ..

 

[Mada Mada Dane]

كتبت رد طويل, وبالاخير راح, عبدالله عطني رقم جوالك, ضاع رقمك مع تغيير الجهاز ..
وبكلمك اليوم واشرح لك وجهة نظري ..

خصوصا ان مسالة التفضيلية خالص منها, بما ان خريجي ال eller school لهم مقاعد لكل سمستر بمايكروفوت(6 مقاعد ) و شركات اخرى كثيرة, يعني الناس يبونهم ..
وامور كثيرة اخرى ( مالي خلق اكتبها ثاني )

ومشكور لكل الي ردوا ::

 

[persona]

اتكلم بشكل عام عن البزنس

البزنس سهله(حفظ معلومات-فهم قوانين ونظريات)اي شخص يقدر يجيبها ، الهندسه الكهربائيه لأ ومو اي شخص يقدر يجيبها ..

البزنس ، الحجي اللي راح تحفظه ، لكن كتطبيق يعتمد على الشخص نفسه ومهارته

بعضهم حفيييظه يبلع الكتاب ويكون مخه مصدي بعد التخرج ومايطبق الحجي اللي درسه

وينتهي الموضوع فيه بتقييم مقبول من الشركه وينجرد منها بالاخير


عكس الهندسه الكهربائيه الشغله مكتسبه من اول مايبلش دراسه فيها

كمل بالهندسه وتوكل على الله

بالمناسبة... أنا تخصصي كومبيوتر ساينس ورح يفتحون عندنا سوفتوير إنجنيرنق ومفكر أحول.. أي نصايح (جينكو وغيره)؟

خلك على الكومبيوتر ساينس أفضل ، اذا كان نفس السوفتير انجنيرنق اللي يتدرس بجامعه الكويت لا يحوشك ، وخر عنه..

 

[Mista Koo]

هذي الكورسات قبل لا تحكمون:
Computer Science's Curriculum
Software Engineering's Curriculum
متحسف أحول عشان كورس الجرافكس وكورس الـAI =(

 

[Colorization]

والله آنا كنت أتضايق بكل كورس لأنه الدراسة تكون شوي صعبة (Oil & Gas Engineering)، لكن لما قريت رد Ginko إرتحت حيل، من جد يعطيك العافية على الشرح، عرفت إنه تعبي ما بيروح عالفاضي. ما كنت عارف الفرق الكبير هذا بين الإدارة والهندسة (وايد ربعي محولين للإدارة الكورس الماضي بحجة إنه يبون الدراسة سهلة)

 

[king zell]

الموضوع هذا كالعادة فيه stereotype غير طبيعي


شوف خالد.. أنا أعرف شباب معانا في الCPC تخرجوا من أمريكا 3.9 GPA في فايننس.. و لما كانوا في السعودية كان مستواهم ممتاز لكن مش بهالمستوى.. في أمريكا في جامعات سهلة جدا بالبزنسس.. لكن في بريطانيا أنا درست للأسف و أنواع التعقيد..

المقصود لو بتدور السهولة بتحصلها.. لكن صدقني هالشي مش مهم إطلاقا.. انت شوف وين ميولك و اتبع هالطريق.. لأن هذا مستقبلك و مجال عملك و راح تستمر فيه بالمستقبل بإذن الله

كل ما يكون مجال عملك محبوب لك أكثر و تستمتع فيه راح تعطيه أكثر من وقتك و جهدك و بتبدع فيه أكثر

الجامعة كلها 4 سنوات.. اضغط على نفسك قد ما تقدر.. كلها فترة و بتعدي و بعدين بترتاح و بتكون حققت شي رائع يبقى معك السنين الجاية

و صدقني ان بقيت في تخصصك أو انتقلت لغيره.. المناصب القيادية ما راح تروح للشخص اللي عنده قدرات فقط حصل عليها في حياته الدراسية.. لكن تحتاج شخص عنده قدرات و ميزات خاصة أحيانا ما يقدر ياخذها من درس أو كورس ، لكن تكون فيه بالفطرة أو يكتسبها من خلال تجارب كثيرة..

و أيضا بتستغرب إن كثير من الرواد و المفكرين و الentrepreneurs ما عندهم حتى شهادة جامعية.. لكن كان عندهم فكرة أو تفكير مختلف و ذكي و ابتكاري




فكر بالموضوع بشكل جيد.. و تذكر ان ما في شي فهالدنيا يتحقق بسهولة أو بدون تعب.. من طلب العلا سهر الليالي.. و بالتوفيق في حياتك كلها

 

[Isaac]

اختلف مع جينكو ببعض النقاط ولكن إجمالا رده مقنع إلى حد كبير ...

أؤيد هاني وكينق زيل بنسبة 100% ...


هي تعتمد على إبداع الشخص بالنهاية وإخلاصه وتفانيه بتطوير ذاته ..


وربنا يوفقك ...

 

[Strife]

انا حاليا تخصصي هندسة كهربائية, اتخذت كم قرار خاطئ بخصوص كم كلاس, لكني ماشي والحمدلله, بتقدير جيد كـطالب سنة ثانية ..

لكن! احس اني مضغوط, و مو عاجبني الوضع وانا مضغوط ( not enjoying it )
التخصص هذا من اصعب تخصصات الهندسة, حياتي صايره lifeless احياناً ..
والسؤال هنا, does it worth it?
ترتيب الجامعه بالتخصص 39, حلو لكن التخصص صعب, مساله اني امشي فيه او ما امشي ماهي مشكلة, لكن مسالة بعيش بعذاب! و ممكن ما افهم كل شئ واتخرج بالصعوبة..

همم انا برد عليك كطالب سنة اخيرة تخصص هندسة كهربائية.. تخصص الهندسة الكهربائية هو صعب فعلا.. ويمكن من اصعب التخصصات الهندسية.. لكنه مطلوب جداً ومثل مايقولون له مستقبل.. خصوصا لو تتخصص Power.. لان المنطقة محتاجة لهذا التخصص.. ممكن انت تتعب لكن تذكر بعد التعب راحة.. هذا اللي عندي.. ما اقدر اتكلم عن باقي التخصصات..

ممكن تصلي استخارة وتشوف.. وبالتوفيق

ياخي مواد الهندسة رهييبة تحسها كانها الغاز و خصوصا ال Communication systems

يعع!! اكره ال Communication.. احقد عليه حقد.. .. من اسم المقرر.. رمز المقرر.. المقررات المطلوبة علشان تاخذه.. المقررات اللي تعتمد عليه... اكرهه كره غير طبيعي!

 

[N E R O]

ما شاء الله الشباب ما قصّروا بالرد عليك

نصيحتي لك انك تثابر و تجتهد..و تذكر لكل مجتهد نصيب..وصدقني مو انت الوحيد اللي تعاني..معظمنا كذلك..انا الآن في سنة ثانية "تخصصي civil Engineering" وأعاني الأمريّن من صعوبة الكورسات..بس مستحمل مو لأني احب الهندسة..لكن الحمد لله على كل شيء و على كل حال..استخير ربّك و بالتوفيق

 

[Bounty]

رد عبدالله جينكو حلو و ما قصر ..


بس نصيحتي لك اذا تحس ان بقلبك ذرة صبر حاول تستغلها .. لأن ما راح تصدق الي صار فيني من قبل ..

اول شي انا كنت مو محدد هدف قدامي .. مو محدد تخصص معين ادخل و اكمل فيه .. بس الوالد الله يحفظه قال لي ادخل تخصص "حقوق" .. و وافقت لأن ما كان في بالي شي من الاساس ..

المهم .. في البدايه ما كنت هاظم التخصص .. والله العالم شنو كانت نفسيتي واشلون كانت بالارض و الملل الي كنت اعيشه بكل محاظره و الكره لكلمة "قانون" .. فحاولت اضغط على نفسي و سبحان الله .. الحين ما اقدر اتخيل نفسي بتخصص ثاني لأني قدرت افهم له عدل الحمدلله و استوعبت طريقة الدراسه (لأن دراسة مواد الحقوق تختلف عن كل مواد التخصصات الثانيه) ..


انصحك بالدعاء والله يوفقك ..