Hekari
SquallX سابقاً
اوكي اعذروني بس بكتب الموضوع حسب ترتيب افكاري المبعثرة واتمنى انه يعجبكم
عصر ال 90ات العاب القتال ازدهرت فيه وقتها .... بس هذه ماخذت حقها اللعبة .... لعبة طورها إستيديو Light weight ومن نشر Square Soft قبل ماتصير Square Enix .... لعبة بمستوى سول كليبر وبرايي تفوقت عليها من ناحية نقاط القوة...
ومن اعظم العاب مبارزات السيوف واكثر الالعاب السيوف دقة بتجسيد قتالات السيوف ، ومن التحف الفنية للعصر الذهبي ل Square Soft باواخر التسعينات ، من الالعاب الي سهل تلعبها بشكل كاجول بس صعب تمسترها ، راح تخلص اللعبة بساعتين بالكثير ..
بعد مرور 26 سنة عليها لسة تظل تجربة مثالية لمبارزة سيوف مع دمج عالم خيالي وميكانيكية قتال صلبة ، ورفعت بار الستاندرد عندي حق كيف المفروض العاب قتال السيوف سواءً الواقعية او غير الواقعية تكون ... ماتقدر تحكم على المحكم
احياناً تقدر تقطّع 13 سياف بنفس الوقت واحياناً ماتقدر تذبح سيّاف واحد ، نظام القتال باللعبة مرة عميقة ومعقدة ... المعقد فيه كيف تتقن الوضعيات بالقتال " ال stances" ، متى تتارجح ، ومتى تحتاج تصد وتحتاج تكتيك وتوقيت مناسب بالقتال ، واللعبة تكافئك لما تلعب " بذكاء" حتى انك تقدر تخطّي الاعداء العاديين وتسوي لهم سكيب وتروح للبوسس بانك تهرب من المرحلة وتروح للي بعده ... طبعاً لو مالعبت بطور ال Hero ذا
من الالعاب الي خلت ال PS1 خلدت ذكراه عندي واكثر العاب اسطورية وما اخذت الحب الي تستحقه من اللاعبين، ونحتاج ريماستر للسلسلة العظيمة او جزء جديد
لعبة ثورية مرة
الي درت النت كله ولا لقيت احد يسولف عنها مثل الالعاب المشهورة تكن وستريت فايتر الخ ... كان الديمو حقها يجي الديمو للشريط الاسود حق PS1 ، نحتاج لاعبين زيادة يلعبوها هاللعبة الاسطورية ، بسبب ميزانيتها الصغيرة
عمرك شفت لعبة ب HUD صافي ؟؟؟ واللعبة حتى مالها عدّاد وقت بكل قتال " Timer " الوقت لانهائي ...
من الالعاب الي تلعبها وماتزحم الشاشة بعداد الطاقة ال Health Bar ... اسلوبه كل الي تحتاجه انك تفوز بمبارزة بضربة قوية مرة قاضية
بس بجي في بالكم سؤال ... وين المتعة بقتالات تفوز فيها بضربة وحدة قاضية ؟؟ اللعبة تتطلب منك تضرب ضربة وحدة " قاضية " على المناطق الخطيرة بالجسم مثل : الرأس ، أو الصدر ، أنا لو تضرب الخصم على اليد او الرجل ماراح تقتله بس راح يتضرر وماراح يقدر يستعمل رجله أو يده
يعجبني انه اللعبة مافيها موسيقى شغالة بالقتالات ... لإنه هذا يخلق جو توتر للاعبين
حاب اتموسفير اللعبة المتنوع وكل حركة لها وزنها وكل سلاح له مؤثرات صوتية خاصة لها مع انه في مشكلة بالوان اللعبة باهتة
Bushido in a Blink: Samurai's Life Code!
Subscribe for more: https://www.youtube.com/channel/UC65OaNHuZL88Uo1sG7dpZQw?sub_confirmation=1Check out more:Which Samurai Anime Reigns Supreme? https://w...
www.youtube.com
نشرح لكم وش معنى Bushido blade... بوشيدو هو اسلوب قتال للسموراي والمحاربين والكلمة مكونة من 3 أقسام الكلمة Bu-Shi-Do " قتال المحارب " معناها
Bu معناتها انك توقف او انك تروح الحرب
Shi هو الشخص الكفو الي يقدر يمشي على الدرب ويكمله
Do انك تضحي بحياتك وتعطيها للبشرية
الزبدة انك تحارب بشرف وماتقتل خصمك غدر من ورى.
وحاب انه كل شخصية تختلف باسلوب اللعب والاسلحة واسلحة فرعية لها بعد ، وكل شخصية لها سلاح قوي وضعيف ...
الجزء الاول فيه طور First person Mode تقاتل فيه بس كان محدود اما الثاني طوره استعمل Wireframe Mode عليه ومحطوط طور المنظور الاول بعدة أطوار يشمل القصة
الاولة خطية بس العوالم متصلة
Bushido Blade 2 فيه زر لصد الحركات ( PARRY ) و 3 ازرار للحركات الاكشنية بس للاسف مافيه تاثير لما رجل الخصم تنضرب مثل الاول شالوه لانه بتفكير المطورين انه يسرّع رتم اللعبة
والثاني فيه قصة لكل شخصية قدموها بشكل اعمق ويجيك قتال نينجا قبل كل قتال بوس ، وراح تجبرك تغير شخصيتك في بعض مراحل القصة لصعوبة القتالات
الاول مقدمته رهيبة بس الثاني اسطورية
كنت أقضّي ساعات اقطع أشجار ال Bamboo واشكر المطورين خلوني ادمن التقطيع لإنه كان له فيزيائية واقعية ومميزة ،، لعبة اسرت عقلي برسومها الرهيبة والقيم بلي المميز ...
لعبة حققت واحد من احلامي إني ألعب لعبة على جو افلام مبارزات السموراي الكلاسيكية بإنك تسحب غمد سيفك بشكل سريع والي ينفذها اسرع يفوز بضربة وحدة
كنا نجلس بالساعات ندور بالمراحل الواسعة قبل مانقرر وين نحدد مبارزتنا النهاية تكون فيه والي مالعب اللعبة مناطق اللعبة كلها متصلة @@ مافي مراحل مختلفة مثل بقية الالعاب زي ستريت فايتر . اللعبة بتقطك بنفس العالم اللهم تكون جزء مختلف من العالم لكن تقدر تتنقل اي مكان تبيه اي وقت , والبيئة تتفاعل معها مثل انك تقطع الشجر وتطيحه على الخصم .
وفي زر انك تستلم وتخلي الخصم ينفذ حركة اعدام عليك .
بعد مانقرر ... نقدر نكسِر رجل الخصم او نقطع يده ويقاتل بيد او رجل وحدة ويصير القتال اصعب عليه .... للان ماشفت اي لعبة تنفذ هذه التنكيك والميكانكيات ... لولا القفز الطويل اقدر اقول عن اللعبة انها واقعية بزيادة بتفاصيلها.
لو قتلت الخصم من ورى ، راح تخسر مباشرة لان الفعل ذا جبان وضد قوانين بويشيدو !! ولو ضربت الخصم بعد مايموتو او لو تضربهم وهم يسولفوا .. ماراح تقدر تقاتل بوس او ميني بوس القصة
وعلى فكرة .... في لعبة ممولة من Kikstarter من ثلاث سنوات للان شغالين عليها تعتبر السكويل الروحي للعبة بتنزل هالسنة ان شاء الله على ستيم
الفيديو تحت
اتمنى انكم استمتعتوا بالموضوع واعذروني لو الموضوع ماهو مرتب.
