hits counter

الموضوع الرسمي Bayonetta 2 | لا زلتي جميلة كالفراشة

Bounty

True Gamer
خلصتها :(

الإيجابيات :

- أسلحة متنوعة وكثيرة .. غير انك تقدر تدمجهم (تحط سلاح بإيد بايونيتا والثاني برجولها) .. وتعال شوف الكومبوات المجنونه

- اللعبه جدية أكثر من السابق مع وجود شخصية بايو الخبله :joy:

- الجرافكس باللعبه قوي جداً .. كأنك قاعد تشوف لعبة بلاي4/اكس1 .. من ناحية اخرى اللعبه أفضل من العديد من ألعاب الجيل الحالي من ناحية الجرافكس

- فريم ريت ثابت 100% .. (صادفني هبوط واحد فقط في غرفة مليانة كنوز) المشكله مادري ليش صار فريم دروب بهالغرفه وماصار مع ال20 وحش الي قطعتهم مع بعض

- محتويات اللعبه كثيرة جداً، ملابس - اكسسوارات ..إلخ مما يعطي للعبه عمر طويل

- زيادة على المحتويات في Co-op مود تتحدى انت وواحد من يكون افضل في قتال الاعداء بمجموعة مراحل مختارة

- القصة حلوة وواضحة أكثر من الجزء الأول

- اللعبه من بدايتها إلى نهايتها كلها حلوة مافيها ولا تشابتر أو ربع لحظة ملل

السلبيات :

- كنت أبيها تكون أطول !

ماكو سلبيات..





في النهاية .. بايونيتا 2 هي لعبة السنة بإختصار .. ياليت كل المطورين يشتغلون على نفسهم ويطورون من مستواهم نفس الي صار بين بايو 1 و 2 .. اللعبه مجنونة ضخمة بمحتوياتها، أفضل لعبة أكشن نزلت لحتى الآن .. اللعبه تذكرك بألعاب أيام قبل الحلوة و تتغلب عليهم من جميع النواحي .. شغل نظيف جداً و شغل متعوب عليه جداً

التقييم النهائي:

10/10
 

SHAMSSON

True Gamer
حاليا اللعب في الجزء الاول .. اللعبة صعبة

وشراء الاكسسورات والأسلحة صعب ( كلشي غالي )

احلا شي ان اللعبة تحسسك بشعور الإنجاز بعد المعارك الدموية و القتال المجنون

ما لعبت الجزء الثاني وحددددي متحمس له
 

W.W.W

True Gamer
جالس اطقطق على الديمو على ما يحمل النسخه الكامله

شوي شوي بدأت ترجع ذاكرتي لحركات الكومبو لبايونيتا الجزء الاول

في اختلاف في الكومبوهات بشكل بسيط

الشي الي ارفع القبعه لهذا القرار هو التحكم

اخيرا الlook on صار له معنى , مكان الزر كان موفق منهم

كلاعب هاك اند سلاش مخضرم , راح احط انطباعي عن النسخه النهائيه بكل حياديه , العشرات الي اشوفه من المواقع هذه لا تعني لي شيئا ولا بنجر مع هايبها
 

FAROOS

True Gamer
^^
المهم حياديتك مع اللعبه تكون مثل حياديتك مع ذا إيفل وثين&

عموما إذا إنت لاعب الجزء الأول وحبيته ، فالجزء الثاني يقدم كل شيء قدمه الجزء الأول بشكل أفضل + (معارك زعماء ملحميه بسكيل ضخم وسلاسه رهيبه - ومظهر أفضل من الجزء الأول ).
 
التعديل الأخير:

W.W.W

True Gamer
^^
المهم حياديتك مع اللعبه تكون مثل حياديتك مع ذا إيفل وثين&

عموما إذا إنت لاعب الجزء الأول وحبيته ، فالجزء الثاني يقدم كل شيء قدمه الجزء الأول بشكل أفضل + (معارك زعماء ملحميه بسكيل ضخم وسلاسه رهيبه - ومظهر أفضل من الجزء الأول ).

ذا ايفل ويذن تستاهل بيرفكت سكور لولا مشاكلها التقنيه وعدم صقلها بشكل جيد

وانا عطيتها الي تستحقه

وبايونيتا2 من تجربتي لبدايتها , لعبة 7 الى 8 برأيي حتى يثبت العكس
 

MAX9009

True Gamer
^
معليش بس ايفل ويذن ماتقرب ابدا للبيرفكت !!
 

W.W.W

True Gamer
^
معليش بس ايفل ويذن ماتقرب ابدا للبيرفكت !!

الجوهر بيرفكت سكور براحه

لكن معاك حق اللعبه بنسبه لي 9 او اكثر بشوي بسبب مشاكلها التقنيه وعدم صقلها بشكل جيد ولا هي في الحقيقه تستاهل اكثر
 

FAROOS

True Gamer
ذا ايفل ويذن تستاهل بيرفكت سكور لولا مشاكلها التقنيه وعدم صقلها بشكل جيد

وانا عطيتها الي تستحقه

وبايونيتا2 من تجربتي لبدايتها , لعبة 7 الى 8 برأيي حتى يثبت العكس
إيش فيها بداية بايونيتا 2 اللي يخليها لعبة 7 -8؟؟
 
التعديل الأخير:

The Doctor

Once a Voyager on a Cursed Sea
رجاءً خلكم في الموضوع :\
 

hussien-11

Senior Content Specialist
كلاعب هاك اند سلاش مخضرم , راح احط انطباعي عن النسخه النهائيه بكل حياديه , العشرات الي اشوفه من المواقع هذه لا تعني لي شيئا ولا بنجر مع هايبها

بمجرد كتابتك لهالجملة، فأنت انجريت مع الهايب.. بس عكسياً، ركبت المجهر.
 

W.W.W

True Gamer
إيش فيها بداية بايونيتا 2 اللي يخليها لعبة 7 -8؟؟
اولا 7 او 8 ما يعني سيئ ,
بس البدايه ما كانت قد التوقعات , معركة الانترو في الجزء الاول كان لها هيبه في وقتها , ما حبيت انهم يكرروا نفس الحركه في الجزء الثاني , ثاني حاجه مرحلة الطياره ما احب هالنوعيه من المراحل لكن لا بأس
معركة التنين الاخير , ما لقيت فيها اي تحدي واغلبها كويك تايم >_>
البدايه جيده , ومتأكد ان القدام افضل
بمجرد كتابتك لهالجملة، فأنت انجريت مع الهايب.. بس عكسياً، ركبت المجهر.
حسين انا من بعد تقاييم ذا ايفل ويذن انتهت علاقتي مع مراجعات المواقع تماما

مثل ما اني غيير متقبل السبعات الكثيره من ذا ايفل ويذن , ايش يضمن لي ان بايونيتا لعبة عشرات ؟ >_>

طبعا ما يحتاج المواقع تقنعني في اللعبه , لان بايونيتا ماست بنسبه لي من اول ما شريت الوي يو وكان واجب علي اني اخذها

عموما بايونيتا بدون ما تحفظ الكومبوهات بتصير ماصخه , احتاج ورقه وقلم واسجل اهم الكومبوهات الي تعجبني (مش كل الكومبو لازم استخدمها , خصوصا ان اغلبهم مكرر لكن بأزرار مختلفه ) , للاسف ذاكرتي مضروبه هاليومين -_-"
 

FAROOS

True Gamer
اولا 7 او 8 ما يعني سيئ ,
بس البدايه ما كانت قد التوقعات , معركة الانترو في الجزء الاول كان لها هيبه في وقتها , ما حبيت انهم يكرروا نفس الحركه في الجزء الثاني , ثاني حاجه مرحلة الطياره ما احب هالنوعيه من المراحل لكن لا بأس
معركة التنين الاخير , ما لقيت فيها اي تحدي واغلبها كويك تايم >_>
البدايه جيده , ومتأكد ان القدام افضل
كيف معركة
التنين
أغلبها كويك تايم ؟ الكويك تايم فيها كان عباره عن لحظتين بالمعركه كامله( نص المعركه - ومشهد النهايه) وأكثر من 95% قتالك معاه كان ريل تايم .

بالنسبه لصعوبه اللعبه إلعب على الصعوبه الثالثه اللي أشوفها موازيه لنورمل الجزء الأول .
 

W.W.W

True Gamer
بلعبها على الصعوبه الثانيه , لاني بعد ما اختمها بلعبها على الصعوبه الثالثه >_>
 

W.W.W

True Gamer
طلع كل الجيم بلى الي كنت العبه في البدايه , مجرد هراء بدايه لا اكثر تقريبا زي الجزء الاول , توني خاش على الشابتر الاول , البيئات والاوست جنااااان :scream:

حان وقت الادفنشير :sunglasses:
 

m7tram

True Gamer
خلصتها اليوم العصر .. هل تستحق بايونيتا 2 اني شريت الوي يو علشانها ؟ الاجابه نعم تستحق وبقوه أفضل من الاول الي كان بروحه اعجوبه! لعبه ممتازه مع اني كنت مو مهتم لها ابدا .. وكنت حاس انها احياء السلسله من الموت راح يأثر سلبا عليها وعدم وجود كاميا كمخرج! لكن صعقت بانها أفضل صقلا! وافضل رسوميا وافضل كل شي من الاول!!

أفضل لعبه أكشن هاك آند سلاش ؟ لازلت ارى بأن نينجا جايدن الاولى هل افضل لعبه اكشن وتأتي خلفها بايونيتا2.
 
التعديل الأخير:

Andrew X

سابقاً Life
بس خلاااص خفوا علينا شوي.. اللعبة شكلها جوتي وبراحة من كلامكم..والله اني متحمس حدي لكن للأسف المنع + اني مطفر ف بكل تبن لمدة شهر على ماتكون اللعبة بين ايدي..وماعاد عندي فيزة ):

للأسف قبل لأدخل الموضوع شفت المشاركات فوق 28 ف قلت خلاص بس اللعبة عليها اقبال قوي ..لكن طلع w.w.w صاحب اكثر مشاركات..المهم طلعنا بشي مفيد اللي هو موضوع الضرائب..

انا ما أوعدكم اكتب انبطاع عن اللعبة لأني سيئ فيه..لكن بحاول ان شاءالله ..

لو فرضنا ان الوي يو صار مصيره مثل الدريم كاست -لاسمح الله -راح يبقى ذكرى حلوه لمالكينه وراح يترحمون على الجهاز مدى الحياة ..

الزبده..متحمس العب نوع جديد من الألعاب وبايونتا راح تكفي وتوفي.
 

SHAMSSON

True Gamer
انهيت الجزء الاول  ابدااااع جنون قتل دماء سرعة اثارة جماااال

اللعبة فيها طعم من اوكامي ، وندرفول 101 , دمك ، ستار فوكس ، ماد ورلد

اليوم ان شاء الله أبدي لعب في الجزء الثاني
 
التعديل الأخير:

fatal framer

True Gamer
شباب بس استفسار بما انه هذا موضوعها الرسمي

اقدر اتحكم باللعبة من يدة الوي الكلاسيك لجهاز الوي السابق ولا اللعبة تعتمد على الجيم باد بشكل كلي
 

MAX9009

True Gamer
^
لا ما تقدر عندك البرو كنترول او الجيم باد
 

FAROOS

True Gamer
شباب بس استفسار بما انه هذا موضوعها الرسمي

اقدر اتحكم باللعبة من يدة الوي الكلاسيك لجهاز الوي السابق ولا اللعبة تعتمد على الجيم باد بشكل كلي

bayonetta_2_controllers_wii_u.jpg

عندك ثلاث خيارات (وي يو برو كنترولر - جيمباد - كلاسيك برو كنترولر)
 

fatal framer

True Gamer
مشكورين ماقصرتوا يعطيكم العافية لاني ماحب التحكم بالجيم باد فحبيت استفسر
 

AMG

True Gamer
اليوم طلبت اللعبة و الوي يو من امازون ، المفروض توصلني بكرة

من زمان ما تحمست للعبة بالشكل هذا
 

Vorg Zangief

True Gamer
شتريتها بالeshop
راح ابدأ فيها اول ما اخلص من سن سيت اوفر درايف :D
متحمس
هالشهر فيه زحمة العاب مادري شنو العب :dizzy_face:
 

L.O.R.D

True Gamer
جربتها عند واحد
واو..قتال اللومين رهيب جدا جدا
ابغى اللعبة بأي ثمن..خسارة اني مفلس
 

MAX9009

True Gamer
^
نصيحه اصبر لموسم الاعياد لعلى وعسى يكون في تخفيض حتى لو بسيط و يكون معاك ان شاء الله قرشين اطلب الجهاز من امازون الجهاز الابيض واللعبه كله على بعضه بيطلع عليك 1000 ريال او اقل حتى
 

mamiqdadi

True Gamer
الموضـوع الرسـمي أخيرا، راح أبدأ بالأول لكنها بتاخذ وقت لنبدأ فيها، مو مهم المهم إني طلبتها
 

W.W.W

True Gamer
خلصت بايونيتا2 في 12 ساعه (اعدت بعض المراحل اكثر من مره)

اعطيها 8 من 10 , اكشن مجنون واسلحه افضل من الاول , بس نفسها التجربه ما طلعت منها راضي :sleepy: , ما في زعيم رسخ في ذاكرتي نفس الاول ولا حسيت بروح الادفنشر لان اللعبه عباره عن اكشن في اكشن فقط لا اكثر ولا اقل تنقلك من ساحه الى ساحة , ما ادري مين قص عليهم قال لهم الهاك اند سلاش ما يصير الا اكشن فقط :/

ليش ننجا جايدن1 وجود اف وار1و2 وديفل1 وأمير فارس كانوا يحتوون على عناصر تخليها مش مجرد لعبه هاك اند سلاش ؟ يمكن كنت بقول نفس الشي على الجزء الاول لو لعبته الحين , لكن برضو يضل الاول افضل كتجربه كقتال زعماء كليفل ديزاين كنهايه كاوستات

وما انسى كان في شابترات جدا ممله وخرجة عن جو اللعبه

الخلاصه
الي عجبه جزء الاول 100% بيعجبه هالجزء
 

Punished Noctis

A Silver Bullet
ولا حسيت بروح الادفنشر لان اللعبه عباره عن اكشن في اكشن فقط لا اكثر ولا اقل تنقلك من ساحه الى ساحة , ما ادري مين قص عليهم قال لهم الهاك اند سلاش ما يصير الا اكشن فقط :/

مشكلتي مع السلسلة.
 

hussien-11

Senior Content Specialist
مش قلت لك انك رح تركب نظارة الناقد على اللعبة بسبب تقييماتها المرتفعة ؟ و طبعاً مود الهبسترة اشتغل P:

منتظر اللعبة، رح أحللها و أعطيها حقها بعدل "ان شاء الله"، فيما يخص الإيجابيات أو السلبيات.
 
أعلى