hits counter

متأخر عن الحفلة Baten Kaitos أجمل لعبة قد تراها

بادئ الموضوع #1



دائما كان ودي العب بايتن كيتوس لكن لسبب ما .. مالعبتها! عندي جهاز الجيم كيوب .. وايضا انا من محبين فريق مونولث جدا واعتبرهم من افضل المطورين وهم الي سووا افضل اربيجي ياباني سلسلة زينوساغا في قاموسي لكن مالعبتها! وكنت كل ما أشوف صورها اقول لازم العبها .
وزاد أصراري بلعبها لما صرت اشوف الجمال الي يتقطر منها في صور المتحركه وأنبهر أيما أنبهار منها .. معقوله الي اشوفه موجود باللعبه نفسها؟؟ لأ اكيد في شي غلط أشلون هالجمال موجود ومحد يتكلم عنه ؟! وتفضلوا عينه من الجمال الي أتكلم عنه.​







وأيضا من الأشياء المشجعة الي اسمعها دايم عن هاللعبة هي انها اقرب شيء لكرونو كروس وانا من عشاقها! فكل مره أتشجع اكثر وأكثر اني أتخذ الخطوة اخيرا والعبها وهل في وقت أفضل من الوقت الي احنا فيه الان ؟!!

لذلك أخيرا لعبتها اليوم الفجر وتقريبا لعبت ساعتين وكل شيء عاجبني وجاذبني الا شيء واحد! نظام القتال مو قادر أفهمه هل هو عشوائي؟! ام فيه اشياء انا مو عارفها؟ لان اللعبه لا تشرح نفسها ابدا .. فماودي اوقف اللعبه بسبب نظام القتال ابي اكملها الى النهايه واستمتع بهذا الفن الراقي.

ناوي العبها الى النهاية وايضا ادخل على الجزء الثاني بعدها .. عطوني نصايحكم اذا كنتم لاعبينها .​
 
#2
استمتع في احد افضل العاب الجيم كيوب وافضل العاب الاربيجي، نظام القتال فيها مميز ومبتكر، الالحان روعه، الاحداث والقصة جميلة وفيها تويستات.

القتال الـdeck انت تختار الكروت اللي تحطها فيه، وطريقة ظهورهم لك في القتال عشوائي، التحدي انك ترتب مجموعتك بطريقة تقدر تستخدمها باكثر من شكل وترتيب
اذا اذكر عدل، في طريقة معينه تصاعدية للضرب، وتقدر تدمج معاهم elements واذا عملت الكروت بتسلسل صح تاخذ نقاط ضرب اعلى وحركات اضافية

القتال اذا فهمته راح تستمع وايد باللعبة، ممتع جداً، عطه فرصة وحاول تشوف شرح بيوتيوب عنه
 
#3
لعبة جميلة و ساحرة، و هي الوريث الروحي لكرونو كروس و من نفس مُخرج الرسوم و بنفس التوجه الفني الساحر، و لكن ميزانية أقل

أذكر جيدًا عند صدورها مراجعة موقع غيم سبوت الذي وصفها أنها أجمل لعبة غيم كيوب.

استمتع، و عقبال زينوبليد التي تملك طابعًا فنيًا لا يقل سحرًا و جمالًا و يُحافظ على DNA الفريق.
 
بادئ الموضوع #4
استمتع في احد افضل العاب الجيم كيوب وافضل العاب الاربيجي، نظام القتال فيها مميز ومبتكر، الالحان روعه، الاحداث والقصة جميلة وفيها تويستات.

القتال الـdeck انت تختار الكروت اللي تحطها فيه، وطريقة ظهورهم لك في القتال عشوائي، التحدي انك ترتب مجموعتك بطريقة تقدر تستخدمها باكثر من شكل وترتيب
اذا اذكر عدل، في طريقة معينه تصاعدية للضرب، وتقدر تدمج معاهم elements واذا عملت الكروت بتسلسل صح تاخذ نقاط ضرب اعلى وحركات اضافية

القتال اذا فهمته راح تستمع وايد باللعبة، ممتع جداً، عطه فرصة وحاول تشوف شرح بيوتيوب عنه
الله يعطيك العافيه عبود .. اي بديت افهمه وصار ممتع لكن الى الان مافهمت اشلون اسوي حركات اضافية تطلع لي لكن مادري اشلون هههه .. بشوف شرح باليوتيوب.
 
#5
الله يعطيك العافيه عبود .. اي بديت افهمه وصار ممتع لكن الى الان مافهمت اشلون اسوي حركات اضافية تطلع لي لكن مادري اشلون هههه .. بشوف شرح باليوتيوب.
طريقة الكومبو والكروت تتطور تدريجياً، استمتع فيها فيصل! واكتب لنا وين وصلت وشنو رايك فيها

أتمنى نشوف لها ريماستر او جزء جديد (كان فيه اخبار ايام الـDS لكن انلغى)
 
#8
ذكرتني يوم كنت اقولك اللعبها في زمنها، واليوم كنت اتمنى في موضوع ثاني اشوف نينتيندو تشتري حقوق اللعبه من نامكو.

كمل الجزء اوريجينز. 3>
 
#9
حاولت العبها كذا مرة مو قاعدة تشتغل عندي بالأداء المطلوب اللعبة فيها كثير الوان وتفاصيل مادري ليش الجهاز مايتحملها.
 

dro

I ♡ Nomura
#10
لعبة جميلة و ساحرة، و هي الوريث الروحي لكرونو كروس و من نفس مُخرج الرسوم و بنفس التوجه الفني الساحر، و لكن ميزانية أقل
العامل المشترك بين اللعبتين هو مخرج الرسوم فقط ؟ كنت احسب الفريق كامل.. أيش علاقة مونوليث سوفت باللعبة ؟

كرونو كروس التي لم تكن للأسف
يعني تحب كورنو كروس اخ محمد ؟ كل مالك و تكبر بعيني اكثر @__@ من صدماتي لما دخلت عالم الأنترنت انتقاد/كره اللاعبين بالذات الأمريكيين للعبة مع ان المخرج قالها بوضوح انها مو Trigger 2
 
التعديل الأخير:

king zell

Network Director
Administrator
#11
يعني تحب كورنو كروس اخ محمد ؟ كل مالك و تكبر بعيني اكثر @__@ من صدماتي لما دخلت عالم الأنترنت انتقاد/كره اللاعبين بالذات الأمريكيين للعبة مع ان المخرج قالها بوضوح انها مو Trigger 2
أولا تسلم لي عيونك

أنا من المحظوظين جدا اللي لعبوا كرونو كروس قبل ما ألعاب كرونو تريجر

بالتالي حبيتهم كلهم ، و ما دخلت بتوقعات الفانز اللي احبطوا

هم ألعاب مختلفة تماما يجمعهم الاسم فقط تقريبا

كرونو تريجر رغم لعبي لها متأخرا، الا إنها بلا منازع أفضل لعبة RPG على الإطلاق

كرونو كروس لعبة أسطورية في المقابل، من التوب 5 في الجنرا بدون شك ، لوحة فنية فخمة

للأسف سلسلة كرونو بالكامل ما حصلت على الإهتمام اللي تستحقه، و لا حتى نالت معاملة الريماستر و الريميك رغم إنها تستحقها أكثر من غيرها
 
بادئ الموضوع #12
طريقة الكومبو والكروت تتطور تدريجياً، استمتع فيها فيصل! واكتب لنا وين وصلت وشنو رايك فيها

أتمنى نشوف لها ريماستر او جزء جديد (كان فيه اخبار ايام الـDS لكن انلغى)

صرت احب القتال جدا واستمتع وانا اقاتل واضبط الكروت على حسب الحالة الي انا فيها.





طلعت من مدينة الورود واحتفالاتهم بتفتح الشجرة العملاقة الي يصير كل 30 سنة الى مكتبة السحر الأثرية علشان اشوف الساحرة وتعلمنا وين مكان الشراين السري.




بخصوص انطباعاتي مستمتع جدا وحاب الاجواء والشخصيات والقصة والاحداث حلوه ماحسيت بملل من حدث الى حدث وقتال البوسيس ممتع لا هو صعب يخليك تتنرفز ولا هو سهل ماتحس بقيمة القتال .. موازنين القتال بشكل حلو وكل مدينة ادخلها اقعد أتأمل جمالها 3> .

حاب الاتموسفير العام حرفيا لعبة بلاي ستيشن 1 لكن مع رسوم أقوى :( في العاب جذي بأجيال البلاي2/كيوب ؟ خلفيات ثابته لان على ما اذكر كلهم حولوا ثري دي بالكامل.
 
#13
صرت احب القتال جدا واستمتع وانا اقاتل واضبط الكروت على حسب الحالة الي انا فيها.





طلعت من مدينة الورود واحتفالاتهم بتفتح الشجرة العملاقة الي يصير كل 30 سنة الى مكتبة السحر الأثرية علشان اشوف الساحرة وتعلمنا وين مكان الشراين السري.




بخصوص انطباعاتي مستمتع جدا وحاب الاجواء والشخصيات والقصة والاحداث حلوه ماحسيت بملل من حدث الى حدث وقتال البوسيس ممتع لا هو صعب يخليك تتنرفز ولا هو سهل ماتحس بقيمة القتال .. موازنين القتال بشكل حلو وكل مدينة ادخلها اقعد أتأمل جمالها 3> .

حاب الاتموسفير العام حرفيا لعبة بلاي ستيشن 1 لكن مع رسوم أقوى :( في العاب جذي بأجيال البلاي2/كيوب ؟ خلفيات ثابته لان على ما اذكر كلهم حولوا ثري دي بالكامل.
حبيت اسألك عن اسم اللعبة هل الاسم شي ضمن القصة ولا شيء ثاني ؟ احسها كلامات لاتينيه
 
بادئ الموضوع #14
حبيت اسألك عن اسم اللعبة هل الاسم شي ضمن القصة ولا شيء ثاني ؟ احسها كلامات لاتينيه
لأ ما جابوا طاريه باللعبة لكن يقال بانها مأخوذه من اللغة العربية " بطن الحوت " .. baten بطن و kaitos الحوت او وحش البحر .
 
#16
لأ ما جابوا طاريه باللعبة لكن يقال بانها مأخوذه من اللغة العربية " بطن الحوت " .. baten بطن و kaitos الحوت او وحش البحر .
اسم اللعبه مأخوذ من اللغه العربيه وهي اسم من اسماء النجوم
بطن قيطوس = Belly of Cetus

https://en.m.wikipedia.org/wiki/List_of_Arabic_star_names
واو الاسم فعلا يوحي بشيء فلسفي واثار اهتمامي
 

dro

I ♡ Nomura
#17
حاب الاتموسفير العام حرفيا لعبة بلاي ستيشن 1 لكن مع رسوم أقوى :( في العاب جذي بأجيال البلاي2/كيوب ؟ خلفيات ثابته لان على ما اذكر كلهم حولوا ثري دي بالكامل.
لعبة واحدة فقط حسب ما اعرف :

 

dro

I ♡ Nomura
#19
مالعبت ولا جزء من هالسلسلة وفيني فضول اجربها .. تنصح؟
اكيد انصح ! الأول ما لعبته لكن شكله مميز لعبة jrpg مع اجواء رعب.. الثاني بالراحة من افضل العاب PS2 و ابجريد عنيف ينضرب فيه المثل.. فيه اصدار ثالث جوه غريب بصراحة لكنه مو جزء ثالث يمديك تعتبره Spin off يمكن ؟ الجزء الثالث الحقيقي للأسف للحين ما صدر و المخرج قال انه كان مخطط يكون بطولة والد بطل الجزء الأول و الثاني اتذكر..
 
#20
لعبة ممتازة وساحرة وامامك بإذن الله تجربة واعدة
كنت اتمنى ان المطورين لها اكتفو في القسم الاول من اللعبة لان نظام اللعب ممل بعد فترة ولا في اشياء جديدة بس خلاف طريقة اللعب كل شيء ممتاز
 
#24
لا ما عندي خبرة، لكن كنت أتمنى لو لها عمق فلسفي. عشان أشوف ألعبها ولالأ.
حسين قال فيها DNA زينوبليد اللي هي خليفة زينوقيرز الفلسفية جدا يعني يمكن تتوقع الاشياء هذي صح او اني فعلا اتفلسف ::confused::
 
الإعجابات: retha