جزء كبير من الصراع الحاصل مبنى على فكرة عدم وجود أى نوع من التواصل بين ال Invaders و البشر و ده شئ حرق دمى فعلا ، العمل بيحاول يخيلك تتعاطف مع ال Invaders بس أنا مش قادر اتعاطف معاهم وسط الإصرار الغريب على عدم التواصل أو التفسير لأى حاجة
أنا ممكن أفهم ده لو كانت طبيعة ال Invaders مختلفة جدا عن البشر أو مافيش تكنولوجيا مناسبة لكن لأ طبيعة الInvaders مش مختلفة بشكل كبير عن البشر و فى فعلا تكنولوجيا تسمح بالتواصل لكن ماتمش استخدامها لسبب مجهول
مرة واحدة شفنا واحد من ال Invaders و راح لمبنى حكومى عشان يحذر الناس بس عمل كل ده بلغته و اللى طبعا ماحدش فهمها ، حتى لو افترضنا إن التكنولوجيا مش متاحة و ماكنش فى غير جهاز واحد فواحد زى أوبا بيقدر يتكلم اللغتين و عارف أماكن ال Invaders و كان ممكن يتواصل معاهم و يكون همزة الوصل بينهم و بين البشر و مع كده ماعملش حاجة و فضل متفرج للدمار اللى بيحصل و ماتحركش غير فى الآخر بعد فوات الأوان ، فى المقابل مافيش أى محاولة من البشر للتواصل مع ال Invaders بشكل يتجاوز المنطق ، الأحداث حصلت على مدار شهور و مع كده العمل عاوز يقنعنى إن مافيش محاولة واحدة تمت للقبض على Invader حى و محاولة استجوابه أو فهم لغته او حتى تشريحه
، العمل بيتجاوز كل النقط اللى المتفرض إنها تبقى منطقية عشان يوصلك للنتيجة اللى الكاتب عاوزها و هى إن البشر بيقتلوا ال Invaders الأبرياء و بس مش مهم إحنا وصلنا للنتيجة دى إزاى أو ده منطقى أم لا المهم فقط هو النتيجة
عشان أكون واضح ممكن إيجاد تفسير منطقى للى حصل و من اللى العمل قدمه مش من فراغ و متأكد إن عدد من المتابعين حاولوا بس انطباعى إن أى محاولة لإيجاد تفسير معناها بذل جهد أكثر من اللى الكاتب عمله فى الوصول للنتيجة ، الكاتب كان المفروض يقدم إنتقال مقنع بس ده ماحصلش هنا و كان شئ مزعج فعلا أثناء المتابعة
نفس الشئ مع ماضى كادودى فى ال Timeline الأول ، بعد ما بقى عندها صديقة حقيقية و قدرت تخلى ال Bullies يعملوا فريق لمساعدة الناس معاها فجأة دخلت فى ال Emo phase و قررت تبقى The Punisher و ترتكب جرائم قتل بدون أى مقدمات ، الفكرة هنا إن كادودى عندها مشاكل نفسية واضحة بسبب ظروفها و العمل كان ممكن يقدم تدهور شخصيتها بشكل مقنع بس برضه لأ ، الكاتب قفز للنتيجة مباشرة كأنه قال أنا عاوز دراما و هاوصل لها بأى شكل
المشكلة مش فى إن النتيجة فى حد ذاتها مش منطقية لإن كما ذكرت ممكن الوصول بشكل منطقى من خلال اللى قدمه العمل و إنما إن الطريقة اللى استخدمها الكاتب للوصول ليها كانت باختصار Lazy و غير مقنعة و كان واضح عدم إهتمام الكاتب بيها ، ده كان ممكن يكون مقبول لو العمل بيديك وضع ما فى البداية و يبنى على أساسه و ساعتها ممكن يقول لك إن التفاصيل مش مهمة بس ده الوضع الحالى و يبتدى يبنى عليه بس هنا الوضع مختلف ، الكاتب بيقدملك وضع ما و يشرحه بالتفصيل عشان يحصل حدث ما و فجأة تلاقيه انتقل لنتيجة بشكل غير سلس أو منطقى و عاوزك تقبل ده و تتجاوز أحنا وصلنا لهنا إزاى و ده غلط
الموضوع يبقى واضح جدا مع نهاية ال Timeline الثانى و اللى كانت كئيبة بشكل مبالغ فيه كأن الكاتب عاوز يدمر العالم بالعافية ، الكاتب جاب Deux ex machina حرفيا فى شكل يد غريبة عشان تعمل مجال يدمر كل حاجة بدون أى تفسير مقبول لده ، برضه فجأة قائد ال Yuf قدر يشوف المستقبل و بعدها ال Fujin بقت ضد البشر و حاجات تانية كثيرة فقط لأن الكاتب عاوز كده ، وسط كل ده ال subplot الخاص بالبنت اللى عندها ال Verfication Codes طلع بدون أى قيمة من أى نوع بما فيها كل الكلام عن ال AI و ال Codes و اللى ماتعملش بيهم أى حاجة، انا ممكن اتكلم كثير عن النهاية دى بس مش هاوصل لحاجة و كما ذكرت الكاتب عاوز ينتقل من النقطة أ الى النقطة ب و مش مهم إزاى حتى لو كان عنده الإمكانية
نقطة أخيرة مش منطقية و هى إن العالم فى ال Timeline الأول بعت تقرير إن البشر عنيفين و الكوكب لا يصلح للسكن و على أساسه تم منع الغزو بس لو كادودى و أوران ما أنقذوهوش من ال Bulllies زى اللى حصل فى ال Timeline الثانى فالغزو تم ، طب إزاى ؟ يعنى العالم يروح الأرض و ياخد علقة هناك و يرجع و يقول تعالوا المكان مناسب ؟؟!!! لو المسألة مجرد تخلص من العدد الزيادة فده فكان اولى إن يتم الغزو فى ال Timeline الأول بما إن فى فرصة مؤكدة للتخلص من العدد
برضه العالم فى ال Timeline الأول توقع كل اللى كان ممكن يحصل لو كان الغزو تم و حتى قال طريقة لحل مشكلة ال Mothership بس فى ال Timeline الثانى اللى توقعاته فيه اتحققت ماسابش أى تحذير مع أى نوع
