Arashi
Dragon of Heaven
ختمته، مع الاسف نازل في 2017 ولين اليوم مافي موسم ثاني (لعنة اسم نتفليكس اللي ملصقينه فيه) فمعناه لازم أكمله مانجا، رسمها عجييييب احلى من الانيمي فمب خساره
Children of the Whales
نصحتني فيه صديقتي وقالت "لا تنخدعين بكياته الرسم" وفعلا الموضوع يقلب جد بسرعه. شاهدت حاليا 3 حلقات وفكرة العالم ككل interesting انهم عايشين في قرية على ظهر حوت يسبح فوق بحر من الرمال، واللي فهمته لحد الحين ان الوضع نفسه مع كل قرية او يمكن دولة ان تكون على ظهر حوت او دلفين على قولتهم... والبشره منقسمين الى عاديين والى ذووا القوى الخارقة لكن هالنوع ما يعيش اكثر من 30 سنه وهم متأقلمين مع الوضع. في غموض ولحد الحين ما فاهمه طبيعة العالم وحتى الشخصيات الرئيسيه ضايعه مثلي، فراح أكتشف الامور معاها بالتدريج P:
مادري ليش الرسم والتصاميم والافكار ذكرتني بعدنان ولينا ولو اني ما تابعته بس جفت مقتطفات، وفيه شبه من عمل ثاني اسمه From the New World واظن هذي اقرب مقارنة. كذلك فيه ريحة أعمال غيبلي نوعا ما.
رسم الخلفيات والبيئات عموما غريب جدا كأنه بألوان الخشب او الشمع، ذكرني بألعاب Yoshi's island
بالعادة أتذمر من التفلسف لكن هني ضابطينه ما طالع مزعج
عمل جميل جدا مع انه وايد دلوع، الشخصيات عاطفيه بزياده والدمعه بريالين ههههه مافي ولا واحد تقدر تقول عليه ريال 100%، لا والبنات طالعين أجدع بعد XD
افكاره مميزه وغموضه حلو وفي حدود المعقول، مافيه هالتعقيد اللي يصدع راسك ولا تعطيل في اظهار الحقائق من بعد التلمحيات.
نهاية الانيمي مناسبه لو ما تبي تكمل باقي الاحداث في المانجا الا لو وايد حبيت العمل وودك تكمله لين النهايه (لين فوليم 23 - المانجا مكتمله). كذلك في سؤال واحد ما جاوبوه ليلحين، وعن نفسي مهتمه جدا أعرف الجواب @____@
بعطيه 10 من 10 وراح أفوّت دلع الشخصيات لأن أسباب الدلع منطقيه شوي P:
) وفيه وحده من اجمل اغاني الانيمي Sora 
@
