هل مايكروسوفت بتخسر الحرب بسبب ...... غبائها ؟؟

[Khalid-S]

موضوع نقاشي طبعا .. اتمنى ما يقلب هوشه. او نقاش حاد.

جلست افكر اليوم ... مايكروسوفت شركة كبيرة .. لكنها غبية بنفس الوقت .. مرات احسها تفكر غلط .. شركة بهذا الحجم .. تغلط اغلاط فادحه ..

جهازها Xbox 360 ... افضل من الي سبقه بمراحل عديدة .. وتوسع بشكل رهيب. وقدم خدمة سابقة لعصرها .. LIVE .. خدمة شخصياَ اعتبرها ثورة في عالم ال VG .. الاونلاين الحقيقي للالعاب والقادم افضل.

العاب كثيرة .. كثير العاب جيدة .. سواء AAA او AA ... ونهاية السنة بتقدم لاين اب جاااااامد ... وحالياَ هو الجهاز الي يطور عليه اغلب مطورين الالعاب لالعابهم النيكست جين. مثل ما كان سابقاَ مع PS2.

لكن ...

مايكروسوفت .. قاعد تواجه مشكلة .. الي هي

الشركة تحاول انها تحل المشكلة .. لكن لازالت موجودة .. في اصدار ال Elite .. او الاصدارات الي نزلت من شهر (بعد بحث طبعا .. طلع حتى بعض الاجهزة الجديدة خربت بعد يومين)

ادفع 400$ تقريباَ على جهاز ..... يخرب بعد يومين !! وااو .....

هل الشركة بتخرب سوقها لهذا السبب ؟؟ كثيييير اشتروا جهاز وخرب .. قالوا يالله نعطي الشركة فرصة ثانية .. اخذوا جهاز ثاني من الاجهزة الحديثة . وخرب .. اتجهوا لايش ؟؟

خدمة اضعف .. عدد العاب اقل ... لكن جهاز ما يخرب !!! لان الشركة بنته بشكل جيد .. قطع حقيقية.


لكن ما ادري ... اسئل نفسك سؤال .. مافي حل لهذي المشكله !!!!! من جد مافي ؟؟ ممممممممم ما اعتقد .. في سر بالامر ... مايكروسوفت شخصياَ شركة عمري ما وثقت بمنتجاتها ابدا .. عجبني جهازها الالعاب لسبب واحد وهو خدمه الاونلاين .. لكن قاعده تدمر نفسها وتدمر ناس عشقوا الشركة بسبب خدمتهم فقط ... الي بسهولة الشركة المنافسه تقدر تسويها لو صحصحت شوي .. لا وعلى جهاز ما يخرب.


الموضوع هذا كتبته لسبب وحيد .... بشتري جهاز اليومين هذي .. جهازي (الي اخذته اول ايام النش) الحمدلله مافي اي مشاكل .. انكرف لين ما قال آمين .. وطاح واكسر الهارد ديسك .. لكن شغال بافضل حااااال .. بس .. مو كل مره بكون محظوظ .. هذاك خليته بالسعودية بسبب التنقل .. وباخذ واحد جديد من هنا ... مع ان في سبورت واقدر ارجع الجهاز هنا لو خرب .. لكن هذي ابدا مو طريقة .. غيري بدلو جهازهم ست مرات !!!! ونفس النتيجه.

ايش بتسوين مايكرسوفت ؟؟ ممممممم السؤآل هو .. هل هو ضعف من الشركة وخبرتها في حل هذي المشكلة ... او ... سوتها بالعاني. ؟؟

الجواب محد يعرفه الا العالم

تعديل. فجاة طلع في بالي افكر بمنتجات الشركة ... لاحظ منتجات .. هاردوير مو سوفت وير .. وجميعها ممممممم .. سيئة من حيث التصنيع ؟؟ Zune مثلا ... مليان مشاكل .. مع تعديل فيرم وير ووالخ لازال في مشاكل حسب ما قرات .. Xbox 360 ... مشاكل الى الآن .. مشاكل تفشل. في اجهزة كيبورد وماوس ... حسب علمي انها اشترت احد شركات التصنيع الجيدة وحطت اسم مايكروسوفت بدال المنتج .. ومنهم ماوس ال RAZR حق الجيمنج .. شفت منه نسخة طبق الاصل بس مكتوب عليه مايكروسوفت .. اعتقد سوتها واشترت الشركة.

 

[Futrus]

المفروض بعد الفالكون المشكله خلاص تنحل

اشوفها مستحيله تخسر الحرب بنت قاعده جماهيريه كبيره واكثر جهاز منتشر للغيمز واللي يملكونه اكثر ناس يشترون العاب طرف ثالث

مع خراباته لا الشركات يقدرون يستغنون عنه ولا الغيمرز ولا لعبة تعبانه مثل تنشو تبيع 200 الف في امريكا بس

 

[Khalid-S]

^ اخوي ترى الشركة سيئة في اليابان ... متوسطة وتميل للضعف في اوروبا .. جيدة (وليست ممتازه) في امريكا.
الارقام تقول هذا الكلام ... لكنه اخذ (جماهيريه) بين لاعبين الجيمرز بسبب تخبطات سوني ... لو سوني ما تخبطت ما كان شفت الي حصل للجهاز حالياَ.

المشكلة ان في ناس وقعوا في سحره .. يخرب جهازهم ويشترون بداله .. يخرب ويبدلون بواحد جديد .. وتستمر القصة .. مافي حل للحين.

الفالكون هذا ... هل في كلام رسمي طالع من مايكروسوفت رسمياَ .. ولا مجرد كلام مواقع الناس بنت عليه كانه شي بيصير ؟؟
حتى لو صار .. ما بتشوفه الا في 2008 Q3 تقريباَ .. لمن العاب مثل Halo, GTA تكون طارت من الرفوف.

 

[pacino]

شخصياَ شركة عمري ما وثقت بمنتجاتها ابدا

ما اعتقد اخوي خالد..الاكس بوكس الاول بالفعل كان افضل جهاز من ناحية القوه..ما اظن كان فيه خرابات!..كان بالفعل جهاز اسطوري من حيث التصميم والقوه جهازي لحد ألحين عندي ومافيه خرابات..بالفعل مشكله كبيره بال360..يعني صراحة انا حاليا افكر اشتريه لكن لمن اتذكر خراباته والله على طول افكر بالبلاي3..افكر شوي..واقول بنفسي البلاي3 ما عليه العاب قويه حاليا..اظن لازم انتظر..وهكذا تفكيري..يعني بالفعل عيب قاتل!

 

[Khalid-S]

الاكس بوكس يذكرني بال PS3 .. جهاز سابق عمره من ناحية الهارد وير ... والله ما اعرف بكل امانه .. يعني افهم من كلامك ان مايكروسوفت متعمده الخرابات هذي ؟ اذا في جهازها الي قبل كانت ممتازه.

لحد يجي ويقول شي طبيعي اجهزة نيكست جين بالبداية تكون فيها خرابات ... خخخخخخ مثال رهيب عندكم وهو PS3 .. الي سابق عصره هو وال CELL الي طفشنا فيه كوتراجي .. وايضاَ ال360 عدى اللميت .. الي قاعد يصير كارثه.

 

[Final Fantasy]

هالمشكلة فعلا مأثرة بشكل كبير على الـ 360 .. و لو الفالكون ما حلها فعلى مايكروسفت السلام بهالجيل .

 

[pacino]

يعني افهم من كلامك ان مايكروسوفت متعمده الخرابات هذي ؟ اذا في جهازها الي قبل كانت ممتازه.

لول..ما في شركة تتعمد خرابات في اجهزتها خوفاً من المسائلات القانونية والتعويضات..انا اتفق معاك انه مايكرو لازم تعدل وضعها الحالي باي شكل من الاشكال..طبعا مسألة الأعتراف نغسل ايدينا منها لأن اعتراف اي شركة بعيب تصنيع راح تكون عليه تبعات قانونية مثل ما حصل مع شركة"برينجستون"للإطارات عندما اعترفت بأنه اكثر من 200 ألف إطار حول العالم صنعوا مع وجود خلل..لذا ترتب عليه تعويضات..لذلك مايكرو لازم تشوف لها حل سريع ..يعني مثلا اصدار نسخة أخرى من ال360 مثل سوني وانتاجها للps2 slim ..ولحد يقول لي الجهاز توه بالشكل الجديد ما صار له اكثر من سنه..اظن الدي اس لايت انتج بعد لنش الدي اس بسنه وكم شهر..ومع ذلك مبيعات الدي اس ما تأثتر بالعكس زادت
مايكرو لازم تشوف علي سريع..هذي مو سالفة اشتري جهاز وانا عارف انه راح يخرب عاجلا ام آجلا!!

 

[Kratos]

المشكلة كلها سوء تصميم و محد إنتبه لها حتى وقعت الفاس بالراس

مايكروسوفت ما كانت قاصدة إن جهازها يكون خربان حتى تزيد المبيعات أو أي شي من هالكلام، لأن خسارتها من المشكلة ذي أعتقد تجاوزت مليار دولار بسبب تمديد الضمان و الشي الثاني خسارتها من ناحية السمعة وهذي صعبة تتعوض حتى على المدة الطويل. الآن أي جهاز جديد راح تنزله مايكروسوفت المستهلكين بيظلون خايفين من جودته بسبب المشاكل الي صارت مع الـ 360 . هذا أكبر خطأ إستراتيجي سوته مايكروسوفت

أما إنها تخسر فصعبة شوي بسبب الألعاب الي عندهم و السعر، لو ما كان عندهم اللاين أب المعلن عنه حاليا كان الجهاز من زمان راح فيها.

 

[Khalid-S]

عندك وجهة نظر ... مممم محد طالبها بالاعتراف .. نبي حل للمسئلة هذي .. يعني الجهاز دخل عامه الثاني تقريباَ .. على ابوابه .. والمشكلة موجودة .. خخخخ عيب.

مافي مقارنة معه وال DSL ... هذاك محمول وارخص بكثير .. لو بينزل واحد انحف اعتقد قبل نهاية جيلة بفتره بسيطه مثل ال PS Slim or PSOne

هاني .. لووووووول .. صدقني لو سوني كانت صاحية زي الناس .. وقدمت لاين اب جيد .. (لاحظ جيد مو ممتاز) كان بيتغير الوضع قليلاَ .. لكن سوني نايمه في العسل .. والساحة فاضية لمايكروسوفت في تخبط جهازها .. وعدد الاجهزة المعدلة الي كل واحد مثل الي قبله. لمبات حمراء.

 

[The Last Fantasy]

هي بس لو أخذناها بعقلانية شوي.

جهاز له سنتين في السوق، ومن شركة نزلت جهاز عديم المشاكل قبله، لازالت مشاكله غير محلوله؟ بالعقل.
غير كذا قاعدين تشوف الحركات الرخيصة لتصليح الجهاز (حط الجهاز بالثلاجة ومدري إيش) يعني إذا المشكلة ماهي بهالقدر من الصعوبة ليش ما تحلها؟ مسألة الحرارة مثلاً هل صعب حلها؟

ما ودّي أقول أن الشركة سوت هالشي بالعنية لأني أعتبره غباء. بس..ليش !؟

 

[DeaDMaN]

-__-".. حطيت يدك على الجرح , لما أفكّر في ال360 اقول أصبر لما تنتهي المشكلة .. قالوا لي الإليت مافيه مشاكل - ولما بحثت اكثر اكتشفت ان المشاكل لازالت موجوده . عن نفسي -ما بفكّر في الموضوع مؤقتا ً , لما تنحل المشاكل يصير خير ..

 

[pacino]

مافي مقارنة معه وال DSL ... هذاك محمول وارخص بكثير .. لو بينزل واحد انحف اعتقد قبل نهاية جيلة بفتره بسيطه مثل ال PS Slim or PSOne

اعتقد هذا هو الحل المناسب..لاتنسى ان الخلل في التصميم يعني الهاردوير..يعني لازم مايكرو تعيد تصميم جهازها مره اخرى او اجراء تعديلات عليه..

 

[q8 spy]

الــ360 إذا ماعدل هالشي راح يكون الثالث بهالجيل

صج أنه جهاز قوي
والأونلاين أفضل واحد بين الأجهزه
لكن الــرد لايـــت مسويه أزمه

وبالنسبه للبي أس 3

صدقني خلال السنوات القادمه راح تشوفه الأول ..

ماخسف بالسوني هالسنه إلا

السعر غااالي

ماكو ألعاااب قويه

 

[Mesharey]

ما اقول إلا يازين الاكس بوكس القديم بس .. كثر ماتحاول تخربه يصير اقوى ~__~

ما ادري لكن اتمنى الاجهزة الجديدة تحل المشكلة ..

 

[q8 spy]

ما اقول إلا يازين الاكس بوكس القديم بس كثر ماتحاول تخربه يصير اقوى ~__~

لوول

صدقت والله

 

[DeaDMaN]

وبالنسبه للبي أس 3

صدقني خلال السنوات القادمه راح تشوفه الأول ..

الوي يقول لك هلا ,,

 

[Kratos]

وبالنسبه للبي أس 3

صدقني خلال السنوات القادمه راح تشوفه الأول ..

الطيور طارت بأرزاقها :yuck:

 

[q8 spy]

لووووووووووووووووووووووووووووول

واحد يقول الوي يقولك ياهلا واحد يقولك الطيور طارت بأرزااقها

والله مت ضحك ...

يمكن يتغير الوضع بعدين ...

 

[The Doctor]

مشكلة الخرابات ممكن تنحل بتعديل تصميم ال360 الداخلي... بس طبعاً كم بيكلفهم هالشي؟

مايكرو دخلوا نفسهم في هالمشكلة لما ما درسوا تصميم ال360 بشكل جيد... ما عندي خبرة كبيرة في الهاردوير... بس مثلاً اعرف ان فكرة جداً جداً سيئة انك تحط قطعة حديد فوق المعالج و الGPU (الX Clamp)

سوني ممكن تستفيد من هالشي لو يقدروا يخفضوا السعر مع كم لعبة ممتازة... ذاك الوقت ممكن تنقلب الاوضاع و تكون مايكرو في وضع لا تحسد عليه

 

[The Shark]

سبب مشاكل الجهاز إن مايكروسوفت تعجلت و نزلته بدري .. فما لحقت تختبر الجهاز بشكل كافي ...
طبعا حتقولوا لي طيب ليش ما عدلت هالمشاكل ؟؟
حأقول لكم .. ما أعرف .. لكن ممكن يكون تعديل هالمشاكل يحتاج لتغيير بعض القطع مما يخلي الأجهزة القديمة ما تتوافق مع الجديدة ... بمعنى آخر يصير عندنا جهاز (كونسل) جديد ماله علاقة بأجهزة الـ360 الي تخرب و ما يشغل ألعابه أو على الأقل الألعاب الجديدة ما تشتغل على الأجهزة القديمة ...

 

[Futrus]

ال360 قارنوه بجهاز مثله من مستواه في نفس نوع الالعاب ونفس التوجه
نشوف الوضع بين ال360 والبلاي3 بتأثير الخرابات يتقدم عليه البلاي3 ولا لا

 

[pacino]

ما اقول إلا يازين الاكس بوكس القديم بس .. كثر ماتحاول تخربه يصير اقوى ~__~

لول منو يذكر الموضوع إلي يقول فيه ان الاكس بوكس جته طلقة نارية وماصار فيه شيء؟ اشتغل زي الفل..

 

[The Doctor]

سبب مشاكل الجهاز إن مايكروسوفت تعجلت و نزلته بدري .. فما لحقت تختبر الجهاز بشكل كافي ...
طبعا حتقولوا لي طيب ليش ما عدلت هالمشاكل ؟؟
حأقول لكم .. ما أعرف .. لكن ممكن يكون تعديل هالمشاكل يحتاج لتغيير بعض القطع مما يخلي الأجهزة القديمة ما تتوافق مع الجديدة ... بمعنى آخر يصير عندنا جهاز (كونسل) جديد ماله علاقة بأجهزة الـ360 الي تخرب و ما يشغل ألعابه أو على الأقل الألعاب الجديدة ما تشتغل على الأجهزة القديمة ...

إذا كانت مشكلة الخرابات هي الحرارة... فيحتاجوا يعدلوا تصميم الجهاز بحيث انه يتخلص من الحرارة بشكل أفضل...

فما يحتاجوا يغيروا القطع أو المواصفات أو اي شي ثاني
يمكن يحتاجوا يستخدموا قطع بكوالتي أفضل بدل القطع الرخيصة اللي يستخدموها... لكن ما يحتاج يغيروا القطع :slant:

لول منو يذكر الموضوع إلي يقول فيه ان الاكس بوكس جته طلقة نارية وماصار فيه شيء؟ اشتغل زي الفل..

مدري ليش في ذاكرتي شي زي كذا :slant: ... و على ما اعتقد استخدموا
shotgun :yuck:

 

[pacino]

حأقول لكم .. ما أعرف .. لكن ممكن يكون تعديل هالمشاكل يحتاج لتغيير بعض القطع مما يخلي الأجهزة القديمة ما تتوافق مع الجديدة ... بمعنى آخر يصير عندنا جهاز (كونسل) جديد ماله علاقة بأجهزة الـ360 الي تخرب و ما يشغل ألعابه أو على الأقل الألعاب الجديدة ما تشتغل على الأجهزة القديمة ...

اممم اخوي ما اظن هالشكل..لأن المشكله في الهارد وير مو السوفت وير..كمثال..لو خرب الهارد ديسك او المعالج..ما تروح تبدله بواحد آخر؟..هل اذا بدلته ما راح يتوافق جهازك مع الأجهزة الأخرى..؟..لا طبعا..الخلاصة تكمن في تغير التصميم والحل المناسب وإلي يطلعهم بأقل خسائر هو اصدار نسخة أخرى مثل PS2 slim على الأقل يكون منها ال$$ و يتجنبوا المسائلات القانونية

 

[q8 spy]

إذا كانت مشكلة الخرابات هي الحرارة... فيحتاجوا يعدلوا تصميم الجهاز بحيث انه يتخلص من الحرارة بشكل أفضل...

فما يحتاجوا يغيروا القطع أو المواصفات أو اي شي ثاني
يمكن يحتاجوا يستخدموا قطع بكوالتي أفضل بدل القطع الرخيصة اللي يستخدموها... لكن ما يحتاج يغيروا القطع

بالله والــناس اللي خربت عليهم شنو يسوون ؟؟؟

والــ 10 مليون ؟
شنو يسوون

يشترون جهاز جديد ؟

 

[DeaDMaN]

وبالنسبه للبي أس 3

صدقني خلال السنوات القادمه راح تشوفه الأول ..

والله مت ضحك ...

يمكن يتغير الوضع بعدين ...

ههه اضحك , الضحك ممتاز للصحة P: ..

قلت لك كذا لأن انا توقعتك بتشرح فكرة منطقية تبني عليها كلامك , لما قلت "صدقني بيتغير الوضع" - ماتوقعتك بتقول "اوه اوكي يمكن يتغير الوضع بعدين <_<" ..

 

[q8 spy]

ههه اضحك , الضحك ممتاز للصحة P: ..

قلت لك كذا لأن انا توقعتك بتشرح فكرة منطقية تبني عليها كلامك , لما قلت "صدقني بيتغير الوضع" - ماتوقعتك بتقول "اوه اوكي يمكن يتغير الوضع بعدين <_<" ..

لازم أضحك لأن الوي حاليا مدمر العااالم

متناقض هااا لوول

أنا القصد من كلامي ياأخ ديد مان

أن السوني بعد 4 سنوااات راح تشوفها مثل البي أس 2

مو بيوم وليله يتغير الوضع

 

[*legend*]

لازم أضحك لأن الوي حاليا مدمر العااالم

متناقض هااا لوول

أنا القصد من كلامي ياأخ ديد مان

أن السوني بعد 4 سنوااات راح تشوفها مثل البي أس 2

مو بيوم وليله يتغير الوضع

بعد اربع سنين نكون قلنا للجيل الحالي باي باي يا إشطة

 

[DeaDMaN]

فاهمك تمام P: ياريت البلايستيشن 3 يرتفع مثل الـps2 ,,لكن من اللي اشوفه بعيوني من خطط سوني - الأمل شبه معدوم .. "الالعاب اللي تبيع بجنون مواعيد اصدارها بعيده".

سوني لازم تشوف حل .

تعديل : لول , نسيت اقول .. من الحين الى ما سوني تشوف حل , الوي بيكون متقدم على الـps3 بسنين ضوئية .

 

[Final Fantasy]

بعد اربع سنين نكون قلنا للجيل الحالي باي باي يا إشطة

يعني مع انتهاء الجيل الحالي للبعض راح يكون الـ PS3 تارك بصمته اذا وقفت على هذه .

و بعدين ما أتوقع الـ PS3 راح ينتهي جيله خلال 4 سنوات اذا الـ PS2 راح يدخل عامه الثامن و لا يزال متصدر على أجهزة النيوجينريشن PS3 + 360 و قاعدين لحتى الآن نسمع اعلانات عن مشاريع جديدة له .