هاورد سترينقر: إذا فشلنا فالسبب هو إننا جعلنا الPS3 " مرسيدس " الفيديو جيمز

[Humam]

And when asked about the popularity of Nintendo's Wii vs. PS3 , Stringer said, "Wii is a wonderful device, but has a different target audience. If we fail, it is because we positioned PS3 as the Mercedes of the video game field. PS3 is after a different audience and it can be whatever it wants — a home server, game device, even a computer."

http://www.smarthouse.com.au/iPods_And_Portable_Players/Industry/G7M3G3G2?page=3

والله أنا ما أدري بصراحة الرجل هذا غبي والا يستغبي والا ايش حكايته بالضبط.. يتحدث أمام الجميع بهذا الأسلوب وكأن فشل الجهاز هو احتمال مطروح من بين الاحتمالات لدى سوني.. تخيلوا ردة فعل الفانز والمستثمرين لمن يجي رئيس الشركة يتحدث بهذه اللغة الغير مشجعة للجميع, أكيد كل شركة تعطي نسبة للفشل, بس يصرح بها أمام الجميع !

و في النهاية يحطوها في المسكين كوتراجي.. خلونا نرجع للتاريخ, من يوم ما طب البني آدم هذا سوني وقسم الفيديو قاعد يتدهور.. لاجدال في ذلك.

على العموم هو مسوي إنه صريح و شفاف ويعتقد إن هذا نوع من الثقة المتبادلة مع الصحافة, بنشوف نهايتها.

 

[Khalid-S]

هههههههههههههههههه عبيط عبيط من جد ...

لا تعليق بقوه ... سوق الفيديو جيمز مو لعبه تدخل وتتفلسف فيه وانت ما تعرف .

 

[Xeno]

Wii is a wonderful device, but has a different target audience

والله هالجملة أحس صارت مستهلكة يعني يمكن تنطبق على الجيم كيوب والننتندو 64 لكن الوي قاعد يبيع أكثر من البلاي ستيشن 3 فكل مكان فالظاهر الـtarget audience حق ننتندو صار أكبر من target سوني بعد ماكان أصغر فالأجيال الماضية إذا توجه ننتندو هو التوجه اللي الناس تبيه مب تقول مثلا 5% من الجيمرز أو ماشابه... هاردلك هاورد على هالتصريح. :slant:

 

[Justice]

افاااااه حرام والله انا من اكبر الفانز حق سوني شفت هالكلام وتحطمت
من جد غبي في اشياء تنقال في اشياء ماتنقال يعني مسوي فيها صريح
المفروض يقول اذا فشل البلاي3 ذلك يعود السبب ان الناس معطين الوي حبتين لووول

 

[ASWD]

من اول ما اجا هالادمي وانا مو مرتاح منه ابدا*مافي موضوع انذكر فيه ماحشيته لول*..والله مدري متى يجي اليوم اللي ينشات فيه..قسم الفيديو جيمز ماراح يرفعه مرة ثانية اللا كوتراجي*والله اله وحشة*

سوني اذا بتخسر الحرب بسبب هذ

 

[Tekken]

انا حاب اقول اللي اعتقد انه صحيح ومتقبل اي تصحيح.

سترينجر جاب ارباح للشركة بعد ماوصلت للحضيض, احد يذكرني كم بليون كانت سوني مديونه؟ او مقالات بلومبيرج؟ سترينجر بدأ يحقق المطلوب وهو الأرباح. وهذا اللي هامني كعاشق لسوني..

البلاي ستيشن3 وضعه حرج ويوم بعد يوم صاير كأنه بي اس بي2 اكثر مما انه يكون خليفة للبلاي ستيشن2, الغلط مب م سترينجر, اصلاً هو ماكان موجود لما بدأ التطوير على البلاي ستيشن3 لول..

الغلط من اللي اتخذ القرارات الخاطئة اللي وصلت البلاي ستيشن3 لما هو عليه. كوتراجي خبص كل شي, جاب لنا جهاز ما وراه الا الخساير, ما درس شركات الطرف الثالث, ماشاف ايش رايهم, ايش اللي يحتاجه الجمهور, اعتقد هو صممه وفي راسه شي واحد فقط, وهو خلنا "تقنياً" نكون الافضل وخلاص! ما اعتقد تعلم من اغلاط البلاي ستيشن2 حتى..

انا قلتها من قبل كوتراجي عبقري ولولاه ماكان سوق الالعاب مثل مانعرفه حالياً لكن لازم نعترف بوجود مشكلة.

وهذه المشكلة من وجهة نظري انه كوتراجي صاداه غرور بعد نجاح البلاي ستيشنين..ولما وصل سترينجر بدأ يدفع ثمن الأغلاط اللي حصلت في البلاي ستيشن3.

 

[Xeno]

سترينجر جاب ارباح للشركة بعد ماوصلت للحضيض, احد يذكرني كم بليون كانت سوني مديونه؟ او مقالات بلومبيرج؟ سترينجر بدأ يحقق المطلوب وهو الأرباح. وهذا اللي هامني كعاشق لسوني..

فكرتك بتقول كـمستثمر في سوني...

 

[Tomb raider]

لول تحس انه تسويق للجهاز بنفس الوقت !

 

[Kratos]

المستثمرين هم الي يقررون مين الي ينشات .. و مادام يدخل أرباح لهم ما فرقت معاهم
حتى لو قفلوا قسم الترفيه الإلكتروني مادام بيزيد أرباحهم ما همهم شي ..

من ناحية تصريحه ، حركة غبية إذا أنت منت واثق من منتجك كيف تبغى الناس تثق فيه ؟

الوضع الآن بالنسبة لسوني أفضل من قبل كم شهر خصوصا مع ارتفاع مبيعات الـ BR المستمر
و الألعاب الي راح تنزل على نهاية السنة راح تحرك الوضع شوي

 

[dragonwarrior]

يعرف يحبط اللي توهم شارين الجهاز

 

[Super Shadow]

بصراحة ما أعرف شو أقول

يعني سلموا على الرمبل و خدمة الHome خلاص؟؟؟ :roll:

الله يعين الفانز و الي اشتروا البلاي 3

 

[Gon freeces]

سوني بدت تفقد ثقتها بجهازها ؟
واو...المفروض انتقادات اللي تجيهم ما يتحطموا منها......

 

[Futrus]

وشهد شاهد من أهلها

 

[mario0o]

وشهد شاهد من أهلها

...........

 

[Nintendo]

بدري جدا على ذا الكلام ..

يعني حتى الكلام عن الفشل المفروض دحين مايكون له مكان من متحدث من شركة سوني فمبالنا برئيس الشركه ..

 

[hussien-11]

!!!!

لوول ، لا تعليق ! أغبى تصريح أشوفه من فترة طويلة ... لهالدرجة سوني فاقدة الثقة بجهازها ؟
​

 

[Mista Koo]

الله يسمع منه ويفشل الـPS3 عشان أعرف أي جهاز NextGen. أشتري P:

 

[TenZen]

لول تحس انه تسويق للجهاز بنفس الوقت !

بالضبظ .... هذا هو المقصود .

 

[Xeno]

تحبيط 95% تسويق 5%

 

[mario0o]

لول تحس انه تسويق للجهاز بنفس الوقت !

لوووول

جهازنا بيفشل يلا تعالو اشتروه !!


الحين لو ريجي قال هالكلام عن البلاي3 جان قلت لا وما ادري شو . ولو قال عن الوي جان زعلت ووو

 

[Khalid-S]

تحبيط 95% تسويق 5%

 

[Tomb raider]

لوووول

جهازنا بيفشل يلا تعالو اشتروه !!


الحين لو ريجي قال هالكلام عن البلاي3 جان قلت لا وما ادري شو . ولو قال عن الوي جان زعلت ووو

لول تحس انه تسويق للجهاز بنفس الوقت !

٠٠٠٠٠٠٠٠٠٠٠٠

 

[Humam]

همم لو نعطي التصريح نظرة ثانية, الحقيقة ممكن يكون فيه كثير من التخدير, يعني مو معقول رئيس ثاني أكبر شركة الكترونيات في العالم ( سوني ) صاحبة الاسم التاريخي يعطي تصريح مثل هذا, سترينقر مو غبي ما وصل رئيس لسوني الا وهو شخص متمكن, وأعتقد كلام الأخ Tekken فيه كثير من الصحة من حيث انه عالج جوانب كثيرة في الشركة..

الي أقصده.. ممكن إنه يحاول يخدر بقية الشركات, اوكي احنا ممكن نفشل, بقية الشركات تطالع ممكن تنظر انه والله سوني بدات تضعف و مايحتاج نشد معاها.. و هكذا.

عموما يبقى شي واحد صحيح, إنه الPS3 هو أهم منتج لشركة سوني خلال عقد من الزمان, سوني أعطته 3 مهمات رئيسية و مطالب بقوة إنه ينجح فيها..

1- استخدامه كحصان طروادة لتثبيت مكانة البلو راي كالصيغة رقم 1..

2- توسيع عملية ..هممم.. خلينا نقول الintegration بين أقسام سوني, قسم الإلكترونيات
يشتغل مع الأفلام والاثنين يشتغلوا مع الألعاب وهذا يشتغل مع قسم الموسيقى .. وهكذا ..

3- استمرار نجاح الشركة في قسم الفيديو جيمز..

3 مهمات رئيسية أوكلت إلى الPS3 مرتبة حسب الأهمية, المهمة الأولى نقدر نقول تقريبا إنه خلاص نجح فيها, سوني يحق لها الآن انها تتنفس الصعداء.

المهمة الثانية أيضا نقول إنه بدأ ينجح فيها بل وبامتياز, مبيعات أجهزة سوني من البرافيا و الHD لولا الهايب الي عملته سوني للبرافيا عن الHD Gaming وال 1080p ما اتوقع كنا نشوف مبيعات جميلة بهذا الشكل, في القريب العاجل البلاي ستيشن 3 راح يتوفر له ستور لبيع الأفلام والموسيقى, تشغيل البلو راي والموسيقى, وغيره من الأمور.. هذا الي كانت تحتاج سوني بقوة, لديها قدرات مهولة, لكن كل قسم يشتغل لحاله, الوضع الآن فعلا مختلف.

باقي المهمة الثالثة, والي أتوقع ان سوني راح تنجح فيها بتفوق, زاد الماركت شير أو قل, البلاي ستيشن 3 ما أعتقد إنه راح يوصف في المستقبل بإنه جهاز فاشل, فضلا عما إذا ما أنهى الجيل وهو متصدر كما تتوقع EA.. البلاي ستيشن 3 بدأ بطيئا, حقيقة وواقع مفروض, لكن في 2007 وحتى 2008, أتوقع راح نشوف شكل مغاير, جيل فيديو جيمز جديد كما الجميع ينتظره

 

[Xeno]

deja vu



همام يكتب موضوع سلبي عن سوني... نار تولع... يجي بعدين يطفيها!

Hammam to the rescue

 

[Humam]

ههههههههههه زينو.. كانت متوقع تحط صورة ناروتو وهو يقحص.. على اساس اني قاعد اسوي spinning :yuck:

 

[Emirates]

ههههههههه

مرسيدس مواصفات خليجيه والا وارد ؟؟

الصراحه لا تعليق على هالتصريح يعني هذا بياثر بشكل كبير على الفانز

وعلى المهتمين بالبلاي 3

انا اقول يعيد النظر

 

[Mario2]

هو نسى انه المرسيدس يبيع ويجيب ارباح ..

 

[Xeno]

هو نسى انه المرسيدس يبيع ويجيب ارباح ..

يمكن هذا الـhint!!!

SONY fans BELIEVE!!!1!1

 

[M 7 L]

مادري شقول لكن إلي أقدر أقولة إن البلاي 3 راح يكون صامد حتى لو حالفة الفشل !! أتوقّع إنه راح يحاول وهذا أهم شي بالنسبة لي . . .

أما كلمة الأخ اللطيف يعني بها نظرة تسويقيّة نظرة استثماريّة نظرة تجاريّة نظرة مادري شنو تظل فيها غباء وفيها تحبيط ولكن ما ندري بشي لأن إحنا نطالع الكلمة من منظور واحد بينما هو عنده مليون منظور ويشوف الأفضل بينهم . . .

إذا كانت الكلمة لصالح المشروع ليش لأ . . . بالتوفيق سوني

 

[Ginko]

ما اشوف التصريح سيء لذيك الدرجه. الرجال قال ان لو فشلنا فلأن جهازنا جبار وغالي للناس، لكن هذي بنفس الوقت مدحه للجهاز. يعني اوكي تصريح يمكن ماله داعي لكن مو سيء وماراح يكون له أي تأثير مهما كان.