hits counter

نداء إلى أهل الكويت

Rookie

Lord Too-Fat-To-Write-A-Post
لول الشباب ما خلوا شي إلا وقالوه. كنت ناوي أكتب رد طويل لكن الشباب ما شاء الله ما قصروا وكفوا ووفوا.

حياك الله بالكويت :)
 

Snake-87

Electrony Editor
في خيار بالمنتدى يحط ردود بمفضلة أو شي جذي ؟ بحفظ ردي الي طاف
 

s3rorh

رئيس الحزب
أووووه....والله قاعد أشوف شغلاات يديدة.... ما كأني كنت ساكن بالكويت. .. معقولة 3 سنوات غياب بس. ...تسوي جذي! !! عيل بعد 5 سنين شلون الوضع بيكون -,- ....

>> يصكر اللابتوب...ويروح مكتب حجوزات و يحجز له تذكرة بس رده للكويت T_T
 

pacino

True Gamer
شاك برجر احسن برجر بالدنيا ولو انها دهنها كثير ...لكن رووووعه
 

BlackBird

True Gamer
الشباب ما شاء الله ما خلو شي إلا وذكروه تقريبا .. حياك الله بديرتك الثانية : )


Elevation Burger


أفضل برغر بالنسبة لي .. شغله كله طبيعي . في فرع بالأفنيوز ولكنه مسكر للصيانة في توسعة للمجمع .. حاليا فتح فرع جديد ببرج الحمرا الجديد .. برج فيه أرقى الماركات العالمية وتوه فاتح وفيه حوالي 4 أدوار سوق ودور سينما.

أخيراً هذا المطعم بيفتح عندنا فالرياض ... باقي Shake Shack وبيصير عندنا كل مطاعم البرجر الممتازة
 

Burdegation

True Gamer

FARES_

True Gamer
هل انا الوحيد الي يشوف ماكو شي بالكويت xD واصلا ما اعتبرها دوله سياحيه!!
انا اقترح انك تسافر مكان ثاني غير الكويت دبي مثلا؟ :p

المجمعات عندنا بختلاف اشكالها الا محتواه نفس بعض بالداخل غالبا وليس دائما ! , اما الشوارع مالك غير شارع الخليج تفتر فيه بس ههههههههه
من ناحيه بضاعه المحلات وجذي والماركات ككل... على سبيل المثال اميركان ايغل الي تلقاه في الأفينيوز نفس البضاعه في المرينا
اذا تحب تشتري ملابس وجذي .. الأفينيوز أفضلهم واذا كنت تبي تمزج على قهوه وتطالع الطبيعه الخلابه بالكويت فسوق شرق حلو
عموما ما قصرو الشباب الي ذكروه كله سبق مارهم ومجربهم كوني شبه قزيز
عندك مجمع الي قبال المركز العلمي... حده هادي وصخه لو ما تحب الزحمه!
 

Ze Truth

Banned
الله يحيكم D:

يعطيكم العافية شباب, ما قصرتوا.

الحين انا من جد متحمس (وفي نفس الوقت جايع). بإذن الله في نيتي ازور كل هالاماكن اذا توفر لي الوقت. سوق الشرق هذا شكله فظيع!


عندي بضع اسئلة اذا ماعليكم امر.

في العيد, سمعت ان فيه مسرحات وكذا. فهل في مكان اقدر اشوف في الجدول او احجز منه؟

انا رايح يكون سكني عند تقاطع شارع الخليج العربي مع الدائري الثاني (حول السفارات) فيكيف المنطقة هناك؟

بالنسبة للموصلات, انا راح يكون تنقلي بالتكسي, فكيف اسعارهم ونظامهم؟ وهل تنصحوني استأجر سيارة لو اقدر؟
 

USefQ80

True Gamer
في العيد, سمعت ان فيه مسرحات وكذا. فهل في مكان اقدر اشوف في الجدول او احجز منه؟
للأسف كل المسرحيات القوية محجوزة لي بعد اكثر من 10 ايام بعد العيد !


انا رايح يكون سكني عند تقاطع شارع الخليج العربي مع الدائري الثاني (حول السفارات) فيكيف المنطقة هناك؟
راح تكون ساكن بـ ( بنيد القار ) . يمك فرايداز و جيليز و نينو و كثير من المطاعم و سوق شرق ماراح ياخذ منك اكثر من 10 دقايق اذا ما كان في زحمه
الأفنيوز شوي بعيد عنك بس اذا الوضع ما كان في زحمه ان شاء الله ماراح ياخذ منك اكثر من 20 دقيقة و 360 ابعد p;

السؤال الأخير ما اقدر اجاوبك عليه لأني ما جربت التكسي :)
 

s3rorh

رئيس الحزب
شوف هالموقع


بس ما ادري ليش .. احسه غالي ... ألي اعرفه بأنه في سيارات ما تعدي 5 دنانير باليوم .. للكرولا والصني ولانسر وخلافه .. أما كامري و ألتيما وماكسيما ب7 دنانير وشي ... فا ما ادرري ليش هالموقع اسعاره ضاربه فوق -__-"

أفضل شي ... واحد من الشباب ألي بالكويت حالياً .. يشوف لك جريده الوسيط ولا الصدى ولا جريدة 808080 ... ويشوف الدعايات للشركات الداخليه .. و خلي شركات النت تولي :spy:


ولا صج !! .. دق على البدالة مالت 1808080 .. وهم يساعدونك :rockon:
 

s3rorh

رئيس الحزب
عفوا..الرقم طلع...1808081
يعني شيل أخر صفر....وحط بدالها رقم 1
 

Ze Truth

Banned
كنت بسأجر بس نسيت ان يبيلك رخصة لول. على العموم الحمد لله التكاسب مو غالية مره, من دينار لثنين, ثلاثة توديني بره الديرة.

للأسف كل المسرحيات القوية محجوزة لي بعد اكثر من 10 ايام بعد العيد !
حجزت لي في مسرحية طارق العلي لليوم بس كان ما بقى الا يكمن 5 كراسي, لول. وش فيه مسرحات ثانية تناسب الكبار؟


الجو مقارنة بالرياض اطييب بكثير! صحيح شمس, بس مافي سموم تحرق الجفون.
 

Painkiller Q8

True Gamer
^
ودي اشوف انطباعك التفصيلي عن رحلتك في الكويت :)
أكتب كل شيء بالتفصيل ... او ارسلي على الخاص اذا ماتبي تكتب هنا ^^

وحياك الله في بلدك الثاني
 
أعلى