hits counter

نبارك للشبكة على افتتاح موقع TGXPO الرسمي (Akira Yamaoka ضيف المعرض)

شباب تابعو التوتير علشان تعرفون اكثر عن المؤتمر
@tgxpo @truegaming
 
كلام عمر رهيب .. بدون مبالغه انا الفتره الاخيره انشغلت بشكل مقرف لكن فوق هذا كله كنت اهم شي اسويه خلال اي يوم من ايامي اني ادخل على تروجمينج حتى لو فره بسيطه لانه بالنهايه احسه زي ما قال عمر او بأسلوب آخر مكان انتمي له وكنت اتمنى اكون من الحاضرين بالمعرض لكن الظروف حالياً ما تسمح لكن بإذن الله الجايات اكثر =( موفقين شباب بالتغطيه وان شاء الله المعرض يطلع من احسن المعارض اللي تقام بالخليج العربي
 
مطلق للمطار الان مو قادر أنتظر =) الفرحه تغمرني
 
واو تي جي اكسبو القادم بيكون بمعرض الرياض الدولي

وليلة الكبار الجايه بتكون بالكويت ، وتم الإعلان عن تي جي اوليمبكس (اسم مؤقت) D:
 
النحس ملازمني من امس...اليوم الصبح وصلت المطار الساعة 6 ونص والطائرة بتقلع 7 ونص ، صديقي اتأخر 10 دقائق تقريبا "مع انه ساكن جنب المطار -_-" ومع زحمة الطابور وصلنا 6:45 و ما رضوا يدخلونا على اساس ان الكاونتر لهالرحلة أغلق خلاص ، شكلهم حجزوا مكاننا شخصين غيرنا واتورطوا :(
فيه طائرة ثانية كانت الساعة 1 وثلث ظهر بس ممتلئة ، قلنا نجرب حظنا يمكن حد يلغي حجزه او يتأخر ونخطف مكانه ، جلسنا لين الـ 12:18 وكان فيه اماكن عديدة فاضية والمسؤول بشرنا بهذا..لين ما بآخر دقيقتين ظهرت جماااااعة غفيييييرة طلعوا هم المتأخرين وغطوا على كل الاماكن الباقية..
ما قدرنا الا نغير حجزنا الى طيارة بكرا الساعة 1 وربع الظهر..ان شاء الله بنبقى بالرياض الى يوم الاحد وبنحضر يومين المعرض الاخيرين "النقطة الايجابية الوحيدة بالسالفة خصوصا ان بنلحق على مشاهدة مسابقة الكوسبلاي"..
الحين المشكلة بفندق بيت الاماني..لازم نتصلهم وندوخ راسهم بالتغييرات اللي حصلت :(
 
ياشباب فية احد منكم شارك في بطولة مارفل ضد كابكوم ووصلت لة الرسالة

انا وصلتني رسالة جيرز 3 بس

و ش السالفة مع اني مسجل في مارفل من اول يوم
 
يعطيكم العافيه شباب ع المجهود الرائع

والله يكون في عونكم على تنظيم ايام المعرض

واليوم ان شاء الله راح اكون من أول المتواجدين
 
البطوله بعد كم ساعه و توني مشيك على ايميلي ماجتني رسالة قيرز 3 وش السالفه ؟؟ ليش ماوصلني شي ؟
 
البطوله بعد كم ساعه و توني مشيك على ايميلي ماجتني رسالة قيرز 3 وش السالفه ؟؟ ليش ماوصلني شي ؟

تسجيل الحضور في الدور الثاني من الساعه 6:00 الى 7:30
غريبه ما وصلتك رساله امس شفت أحمد بن محفوظ يرسلها
 
تسجيل الحضور في الدور الثاني من الساعه 6:00 الى 7:30
غريبه ما وصلتك رساله امس شفت أحمد بن محفوظ يرسلها

الي اعرفه ان تسجيل بطولة قيرز 3 عن طريق الموقع فقط و راح يرسلون رساله .. بطولة وي سبورت هي الي تسجيلها عن طريق المعرض .

طيب وش المشكله ليش ماجتني الرساله ؟؟؟
 
الي اعرفه ان تسجيل بطولة قيرز 3 عن طريق الموقع فقط و راح يرسلون رساله .. بطولة وي سبورت هي الي تسجيلها عن طريق المعرض .

طيب وش المشكله ليش ماجتني الرساله ؟؟؟

جميع الاسماء موجودة عندنا و الجدول منتهين منه بس الي تسويه هو تأكيد الحضور من الساعه 6:00 الى 7:30 و نعطيك وقت مباراتك

تأكيد الحضور في المعرض يوم الخميس 06:00~07:30 مساء "فرق و أفراد" ومن لم يقم بتسجيل حضوره خلال هذا الوقت سيعتبر منسحبا.
 
طيب انا سجلت في كل البطولتين

هل فية احتمال يصير فيه تعارض في الوقت ؟
 
طيب انا سجلت في كل البطولتين

هل فية احتمال يصير فيه تعارض في الوقت ؟

ان شاء الله ما يكون فيه تعارض بس تذكر انه في بطولة جيرز تتأخر اكثر من 5 دقائق تعتبر منسحب
 
تسجيل خروج

نشوفكم في المعرض :rockon:

الحين طالع علشان الزحمة
 
كل الشباب راحين وانا بالمنتدى لحالي...~__~

استمتعوا ..
 
4char-forever-alone-guy-high-resolution-430x500.png
 
خسارة كنت أتمنى يصير فيه اعلان بالمؤتمر عن شبكة لايف للشرق الأوسط ): ، بس ما فيه مشكلة حضور المعرض يكفي ، و بالتوفيق لك عمر و الله يسعدكم على هاليوم و يعوض عليكم كل جهد بذلتوه و كل شيء خسرتوه ، الله يوفقكم كلكم و يعطيكم العافية على أتعابكم (:
 
أتذكرت يوم اللتقيت بشباب في قيمز قبل 3 سنوات كان يوم من الاحلام كان تجمع خرافي :crying:,أباااااااااااااااااااااااااااااا أكون معاكم لاني أعرف بكون شي حلو الوقت اللي مع الشباب, بتوفيق لكم بقضاء وقت ممتع:crying:
 
التعديل الأخير:
اعتقد بدأ الان، لا تنسونا يا شباب من الصور والفديوهات.
 
اشوف في هاشتاق tg xpo في ناس زعلانين من التنظيم ؟ شكله الجمهور الحاضر كثييييييييير جدا و المكان اخذ فوق طاقته افضل شيء ان السنة الجاية بيكون في مركز الرياض الدولي للمعارض.

و شكله الشباب سحبوا علينا مافي صور الى الان :sadwalk:
 
مارحت اليوم لأن داري ان الزحمه بتكون خارقه,بكرة ان شاءالله كانه فيه.
 
حضرت المعرض اليوم فتره بسيطه وطلعت
جيت للمعرض الساعه 6 وربع انا واخوي وللاسف قاعدين نحتري عند الباب ساعه كامله لين 7 وربع وما دخلنا الا بالطقاق والزحمه عقب التدفيف والصراخ @_@
اول ش حاطين وي سبورت ريستورر كم شاشه ( اسمها كذا ولا ) عقب كم لعبه للعدس ما شفتها وشي مرت من عنده سريع لانه زحمه مره ، عقبها فيه كوره مدري بيس ولا فيفا ، عقبها فيه الالعاب اللي عليه الكلام درجون دوجما ( الجرافييكس خيااال والبيئه جداً متعوب عليه وتدخلك جو ، حتى من قوه الجرافكس قمت اشوف مشغلبنها على بي سي ولا اكسبوكس لول ) ، عقبها فيه ستريت ضد تكن يضا الجرافيكس بعد رهيب ومع الشاشات حقتهم سامسونج 46 سمارت تي في طالعه شي ثاني ( اللي يقهر واحد يلعب كان يلعب بدا جيم وطلع قال ابغير الشخصيه وآخر العالم ، وبعد كذا طول وهو يختار شخصيه والمشكله اختار شخصيه شبه مفصخه ما تلائم تحطها عند الناس <_< ) ، عقب هذا فيه لعبه رهيبه مدري وشسمها اظاهر من كابكوم الجرافيكس فيها كنك تلعب في فلم تلعب برجال وتقتل عداء جنبك واللعبه كلها 2D وفيها طياره تفجرها بعيده اللعبه جداً رائعه بس ما تناسب الكل لانه 2D فاحسها تناسب نوع من الجيمرز اللي يحبون كونترا وميتال سلج ، وفه جيرز3 بعد ، المشكله القهر اخوي م اجاء الا عشان رزدنت ايفل بس قولون ما قدرو جيبون سألنا واحد يقول فيه مشكله مع المتعاقدن معهم ومدري ايش

للاسف اقوله في الاخير المعرض صغغغغير والشاشات كبار (46) فما يمدي احد يجيه الدور يلعب الا بطلعه الروح ، كنت متوقع ش على مستوى وكبير ومتعوب عليه وبيطقع بقيمرز داي بس ماش .. اقدر اقول ان جيمرز داي احسن من ناحيه المكان والتنظيم لكن الالعاب استمتعت كثير في TGXPO شفت دراجون دوجما وستريت ضد تكن وهم شي اني استمتعت بروحتي ولو شوي ^_^
بعد فيه مشكله لما جينا ندخل يدخلون البزران قبلنا ( عشان البرد ) االلي لو بحلف ما عهندهم سالفه عن الجيمز الا كود وطقته ، وفه كم لعبه غير رزدنت ما استغلت زي فورزا وموجود لها دركسون خاص لها بعد بس ما عندك احد ، وكود وتلفيلد ،
شفت هناك العضو Panora-san وتعرفت عليه شخص ف قمه هالاخلاق والذوق ^_^ وشفت DW-1410 بس ما جتني فرصه اسلم عليه كنت مستعجل للبيت عشان شوف المباره مع الاهل
 
التعديل الأخير:
رجعت قبل فترة ..
المعرض زحمة جدا مع اني ما توقعت الزحمة في ظل وجود مباراة الهلال والنصر .. جربت ماريو 3دي وماريو كارت
صفيت في طابور عشان اجرب ستريت فايتر × تكن لكن مافيه امل زحمة خيالية !
اجمل مافي الموضوع اني قابلت اعضاء كثير من المنتدى وقابلت ضيوفنا من الامارات اللي تشرفنا فيهم ... على العموم اللي سلم علي وما عرفني انا اللي كنت لابس ثوب بني وموجود في صورة اكيرا
كان ودي ناخذ صورة جماعية مع الشباب :(
 
ﺍﻟﻤﻌﺮﺽ ﺭﻭﻋﻪ! ﺍﻟﺰﺣﻣﻪ ﻛﺎﻧﺖ ﻓﻲ ﺍﻟﺒﺪﺍﻳﻪ ﻭﺑﻌﺪﻫﺎ ﺧﻔﺖ ﺗﺪﺭﻳﺠﻴﺎ. ﻳﻮﻡ ﺩﺧﻞ ﺍﻛﻴﺮا ﺍﻟﻜﻞ ﻗﺎﻡ ﻳﺼﻓﻖ ﻭﻳﺼﻮﺭ. ﺣﺘﻰ ﻫﻮ ﺻﻮﺭﻧﺎ. ﺟﺮﺑﺖ ﻣﺎﺭﻳﻮ ﻛﺎﺭﺕ ﻭﻃﺒﻌﺎ ﻣﺜﻞ ﻣﺎﺗﻮﻗﻌﺘﻬﺎ ﺭﻭﻋﻪ.
 
من اللي فهمته من رد منصور أن "يوم اللاعبين" احسن من ناحية التنظيم وعدد الحضور المعقول

في الصور اللي شفتها للمعرض ماقدرت اشوف ارضية القاعة من الزحمة

يارب يوم الجمعة أو السبت يكون المعرض أخف والبزران يختفون


بالمناسبة متحمس للمعرض السنة القادمة كونه بيكون في مركز الرياض الدولي للمؤتمرات اللي كان ممتاز وقت معرض الكتاب
 
هممممممم وين الصور الكاميرا مليانة صور

الحين بس ارتاح شوي بعد التعب واكتب لكم كل شئ صار معاي والكثير من الصور

كان يوم حافل بمعنى الكلمة
 
عودة
أعلى