Arashi
Dragon of Heaven
السلام وعليكم ورحمة الله وبركاته
كنت بفتح الموضوع من زمان لكن هوّنت لأن حسبت الناموس مجتاح قطر فقط.
لكن لما جفت ربعي من دول الخليج الاخرى يشتكون...
يمكن البعض يظن ان الموضوع ماله داعي، لكن لما تلقم 60 عضة وتتعذب منها، وتجوف حولينك ناس تطيح في المستشفى، يجيك شعور بالمسؤولية وتبي تشارك معلومات وحلول.
اظن الوضع مب طبيعي لعدة أسباب:
1-العضات حكتها توصل للعظم، وقطرها يوصل 5سم، لونها يكون اما احمر كأن الشرايين منفجرة أو بنفسجي او اسود مثل العنقز.
2-الناموس يستقصد شخص او شخصين من البيت الواحد، البعض يقول انه يحب اللي تكون بشرتهم الأفتح في البيت والبعض يقول حسب فصيلة الدم.
3-انت ما تجوفه عشان تقتله او تتفاداه مع انه كبير واسود، لكن تتفاجأ انك معضوض عدة عضات!
4-شرس جدا، عادي تلقم لك 10 عضات في عدة دقايق، واحيانا يدخل في الملابس، البعض عدّى الـ100 عضة في خلال كم يوم << ليست مبالغة.
5-جبنا البلدية ترش بيوتنا! ما فاد، الا بالعكس زاد الناموس وزادت شراسته ونهش لحومنا نهش.
من وين ظهر؟
عندنا ظهر قبل رمضان بأسبوع أو أسبوعين تقريبا، احتمال يكون من نوع اسمه Ankle Biter الكريه اللي يحب ياكلك صوب العظم ويعضك لحاله أكثر من عضة وما يشبع، واللي يخليك تحك حك مثل المسعور << وصف صديقتي P:
البعض يقول جاي مع الزرع اللي جابوه من دول اخرى في معرض الاكسبو.
والبعض الاخر يقول بسبب تغير المناخ ونقعات الماي اللي تصير بعد المطر.
(مع الرأي الثاني دام هالظاهره في عدة دول مب بس عندنا)
كيف تتعامل مع العضات؟ اللي بكتبه هو عن تجاربي وتجارب الاخرين وبعض الامور اللي انذكرت في النت.
ثلج
ماي ورد بارد
كريم فيه نسبة كورتيزون (الدكتور يوصفه لك)
كريم زبدة شيا (تجربة شخصية ومفعوله مثل الكورتيزون تقريبا)
بخاخ Mosquito Repellent والافضل يكون منتج أسيوي لأن ريحته أقوى. هذا يبعد الناموس عنك وكذلك يخفف اثار العض.
ولو العض جدا مزعج خاصة لما يكون صوب العظم فأنصح بدمج عدة علاجات مثلا: ثلج ثم كريم ثم بخاخ. يخلصك من الحكة بسرعة.
كذلك أثناء النوم تجنب لمس البطانية لمناطق العض، حط قماش ناعم وخفيف بينك وبين البطانية، وتقدر تحط علبة او طاولة اخر السريرة (ورا القدمين) وتحط البطانية فوقها عشان ترتفع شوي وما تلمس الجسم (ادري كلام يضحك بس هذا اللي ساعدني انام Y_Y)
هل ممكن الجسم يكوّن مناعة؟
ربما، لأني بعد العضة 50 بديت أحس بفرق كبير الحمدلله، بعض العضات تختفي في نفس اللحظة وبعضها تشفى من ثاني او ثالث يوم. كذلك المناعة تختلف وكذلك حجم العضة ولونها يختلف من شخص لآخر.
اخيرا، الله يحفظ الجميع من كل شر واذى، اللي عنده معلومات وحلول لا يبخل علينا ^^
كنت بفتح الموضوع من زمان لكن هوّنت لأن حسبت الناموس مجتاح قطر فقط.
لكن لما جفت ربعي من دول الخليج الاخرى يشتكون...
يمكن البعض يظن ان الموضوع ماله داعي، لكن لما تلقم 60 عضة وتتعذب منها، وتجوف حولينك ناس تطيح في المستشفى، يجيك شعور بالمسؤولية وتبي تشارك معلومات وحلول.
اظن الوضع مب طبيعي لعدة أسباب:
1-العضات حكتها توصل للعظم، وقطرها يوصل 5سم، لونها يكون اما احمر كأن الشرايين منفجرة أو بنفسجي او اسود مثل العنقز.
2-الناموس يستقصد شخص او شخصين من البيت الواحد، البعض يقول انه يحب اللي تكون بشرتهم الأفتح في البيت والبعض يقول حسب فصيلة الدم.
3-انت ما تجوفه عشان تقتله او تتفاداه مع انه كبير واسود، لكن تتفاجأ انك معضوض عدة عضات!
4-شرس جدا، عادي تلقم لك 10 عضات في عدة دقايق، واحيانا يدخل في الملابس، البعض عدّى الـ100 عضة في خلال كم يوم << ليست مبالغة.
5-جبنا البلدية ترش بيوتنا! ما فاد، الا بالعكس زاد الناموس وزادت شراسته ونهش لحومنا نهش.
من وين ظهر؟
عندنا ظهر قبل رمضان بأسبوع أو أسبوعين تقريبا، احتمال يكون من نوع اسمه Ankle Biter الكريه اللي يحب ياكلك صوب العظم ويعضك لحاله أكثر من عضة وما يشبع، واللي يخليك تحك حك مثل المسعور << وصف صديقتي P:
البعض يقول جاي مع الزرع اللي جابوه من دول اخرى في معرض الاكسبو.
والبعض الاخر يقول بسبب تغير المناخ ونقعات الماي اللي تصير بعد المطر.
(مع الرأي الثاني دام هالظاهره في عدة دول مب بس عندنا)
كيف تتعامل مع العضات؟ اللي بكتبه هو عن تجاربي وتجارب الاخرين وبعض الامور اللي انذكرت في النت.
ثلج
ماي ورد بارد
كريم فيه نسبة كورتيزون (الدكتور يوصفه لك)
كريم زبدة شيا (تجربة شخصية ومفعوله مثل الكورتيزون تقريبا)
بخاخ Mosquito Repellent والافضل يكون منتج أسيوي لأن ريحته أقوى. هذا يبعد الناموس عنك وكذلك يخفف اثار العض.
ولو العض جدا مزعج خاصة لما يكون صوب العظم فأنصح بدمج عدة علاجات مثلا: ثلج ثم كريم ثم بخاخ. يخلصك من الحكة بسرعة.
كذلك أثناء النوم تجنب لمس البطانية لمناطق العض، حط قماش ناعم وخفيف بينك وبين البطانية، وتقدر تحط علبة او طاولة اخر السريرة (ورا القدمين) وتحط البطانية فوقها عشان ترتفع شوي وما تلمس الجسم (ادري كلام يضحك بس هذا اللي ساعدني انام Y_Y)
هل ممكن الجسم يكوّن مناعة؟
ربما، لأني بعد العضة 50 بديت أحس بفرق كبير الحمدلله، بعض العضات تختفي في نفس اللحظة وبعضها تشفى من ثاني او ثالث يوم. كذلك المناعة تختلف وكذلك حجم العضة ولونها يختلف من شخص لآخر.
اخيرا، الله يحفظ الجميع من كل شر واذى، اللي عنده معلومات وحلول لا يبخل علينا ^^