hits counter

موقف غبي انت سويته !

s3rorh

True Gamer
بسم الله الرحمن الرحيم

السلام عليكم

قاعد بسيارتي و لازم اقل شي انطر فيها نص ساعه، فا قلت خل اكتب هالموضوع.

ولا تدرون فيني، عادةً اكون إما مشغول بالتجنيد و لا اخطط ل٧ سنين لقدام بالهجمه الجاية .. او ندرس الإخراج للفيديو/للتصميم الجاي لقائد الحزب مع ذارعي اليمين @جون سيلفر

المووووهيم الموضوع لواحد فاضي مثلي حالياً


الموووووهيم ٢


اذكر موقف غبي سويته، و تعترف انه غبي !!! ..


يعني مو جيبات العيد!! بل غبي !! ههه


عاد انا جيبات العيد عندي وايده، بس المواقف الغبية قليلة بس جداً مميزة ... و أخرهم الموقف التالي :

كنت اركب ورق جدار لصالة بيتي ... و كا شخص عمره ما اشتغل بهالشي، سهل جداً ما أضبطها ١٠٠٪ ...

و المشكلات يا إما تكون ورق الجدران مائل او صمغ مره كثير او تطلع لك صعارير/فقاقيع بنص ورق الجدران و ما تقدر تدفعه للطرف و تطلعه !

المهم انا مشكلتي كانت مع هالصعارير !!


قعدت افكر بكيف اتخلص منهم ،خاصة و بأني قطيت مجهود ٤ ساعات تقريباً وانا اشتغل + منظر ورق الجدار صار مشوه .. و على رغم صغر الفقاعه .. اخذت كم بروڤه.. نظام اطلع و ادخل للصالة اتمشى.. و كل ما ادخل ، عيني تجي عليهم دايركت !! ههههه ..

يعني حتى سيناريو/بروڤه امسك التلفون بيدي وانا داخل الصالة و اسوي نفسي مُشتت، ما نفع و حسيت شي شدني وخلاني اطالع للفقاعة ألي بورق الجدار و كأنها جذبتني !! و قلت شكله هالشي بيصير و بيتكرر طول ما انا ساكن بهالبيت .. و بيتي ابي اسكن فيه ٦+ سنين اقل شي ! .. فا بتعب نفسياً من وراها !


المهم قلت مافي حل غير اني اشوف لي طريقه ازرف الفقاعه لعل و عسى الهوا يطلع و ألصقها و تلصق ..

جبت ابره خياطة... زرفتها .. بس ما صار شي !!! .. ضغط الفقاعه لداخل/للجدار .. و ما صار شي !! ..

قلت مافي غير اني ادخل صمغ داخل !!

زرفت الفقاعه بكم طقه بالابره و جبت عود عصير .. و حطيته داخله الصمغ و خليته يقطر على الفتحات الصغيرة ... لعل و عسى يدخلون داخل و تنحل الازمه !!


بس برضوا ما صار !! و الصمغ ما دخل لصغر الفتحات !!



فكرت.




و قلت مافي حل إلا أجيب إبرة حقن للأدوية !!! ههههههههه



فكرت فين اقرب مكان ممكن ادبرها منه !!


ما لقيت غير الصيدلية



ركبت سيارتي و رحت لهم


دخل الصيدلية .. ولا ٤ موظفين داخل وانا بروحي بالصيدلية .. و دار النقاش التالي :

صعصع : هللو نفرات ... طلبي ممكن يكون غريب شوي ... بس هل اقدر اشتري إبرة حقن ؟


رده فعل باقي الموظفين ، وهم يناظرون لخويهم ألي عالكاشير بيشوفونه كيف بيجاوبني :

ألي كان واقف عالكاشير :

صعصع : اوكى ... جالس اركب ورق جدران لصالة بيتي، و في مكان معين صار فيه صعرورة ، فا أما اقعد متأذي منها طول عمري ولا اشوف لي ابره علشان استخدمها لسحب الصمغ و احقنها داخل ، و تنحل مشكلتي

موظفين الباقيين :

الكاشير و ممتلئة عيناه بنظرات عدم اليقيين مما قد سمع و التورط بماذا يفعل بي :
أهذه مزحة ؟


صعصع: لا


الكاشير "نظرات ميته المشاعر مباشره لعيني": ............


صعصع : اوكى .. شكلك تحسبني ابيها علشان مخدرات صح ؟


الكاشير ينظر لي بصمت : .........

صعصع : صدقني ، انا ابيها لورق الجدران لانه اذا .. "اهني وقفت اتكلم .. ناظرت لباقي الموظفين .. لقيتهم يناظروني بنفس نظرات الكاشير ... ولا شعورياً صرت فجأة غير مقتنع بالكلام ألي أنا جالس اقوله و مأيدهم ١٠٠٪ على نظراتهم !!! هههه "

جان اقول

" You know what, forget it " ...

و اتركهم و اهرب بعيداً عن الصيدلية ..

و لليوم كل ما اتذكر الحادثه، اقول لنفسي ( كم كنت غبي لما طلبت ابره حقن من صيدلية و حاولت اقنعهم بإني بستخدمها لصمغ جدار الورق !!) هههههه



و بخصوص مصير الفقاعه ، جبت شفرة و قصيتها على شكل علامة زائد/+ ... و غرقتها بالصمغ و صكرتها و انحلت المشكله ..

و وراها باسبوع .. يجي ولد اخوي، يمسك ورق الجدران من تحت و يشقه كله (&)


و شكراً
 

Eye

Batman
برافو برافو .. استمر على ابداعك ::laugh::

بانتظار مواقف اخرى
 

Legendary Gamer

Hardcore Gamer
الشئ الغريب فى القصة ان شراء إبرة حقن شئ غريب.
هو مجرد لو شك انك طالبها عشان المخدرات ما راح يعطيها لك ، يعني مثلا جا شاب في العشرين و طلبها بيسأله ليش ؟ ، لو ما اقتنع ماراح يعطيه .
انا تقريبا كل شهر اشتري للوالده ابره و كورتزون (الاثنين شبهة ::laugh:: ) و نادرا يبيعوها لي، في الفترة الاخيره اذا الكل رفض يبيعها اخذ اختي اقرب صيدليه و لما تطلبها يعطوها من دون سؤال ::laugh:: .
 

s3rorh

True Gamer
برافو برافو .. استمر على ابداعك ::laugh::

بانتظار مواقف اخرى
وانت خليك ساكت، تطالع بعينك و تمشي

الشئ الغريب فى القصة ان شراء إبرة حقن شئ غريب.
في بريطانيا، مستحيل تحصل مضاد حيوي ، مهما كان نوعه، من غير وصفة طبيب! .... و تبي إبرة يعطونها لك بالساهل !!!!!
 
  • Haha
Reactions: Eye

Arashi

فريق الأنمي
تعلمت درسين من قراءة هالموضوع:
1-معنى كلمة صعروره
2-كيفية التخلص من فقاعه
::xd::

-------------------------------------------------------------------

موقف غبي ::what::
توه صار من يومين، هالفتره بيتنا صاير عليه هجوم بريعصيه (وزغ) كل يوم نحصل واحد يحوس، طلع لنا انا واختي واحد في مطبخ الطابق الثاني في مكان صعب ما ينفع نحذفه بالنعال وانتوا بكرامه، فسوينا خطة استراتيجية ان الاول اختي تحط له بخور تحت المكان اللي واقف فوقه عشان بدل ما ينزل ورا الكبت ونضيعه يخيس من الدخان ويروح فوق في مكان مفتوح، وحطت البخور وصار اللي نبيه وراح فوق، وانا ركبت الكبت في يدي مكنسه كهربائيه عشان أسحبه لأنها تطال السقف، وصارت مطارده والبريعصي الدب مادري شلون قادر يقاوم سحب المكنسه مع انها سوبر قويه @@
ومثل النينجا ينط تحت عند المغسله ويركب غرشة صابون اليد يطالعني، هني مادري ليش من جفت راسه الصغير وهو مجابلني صار شكلي جذي >>>

واقول لأختي بصوت عالي "حوفي راسه شلون كيوت! ماقدر أذبحه جذي وهو يطالعني"

وهي تصرخ علي يالله ويالله وانا بس اطالع في راسه الظريف، في الاخير قوّيت قلبي ونشنت علي المكنسه لكنه فجأه نط من عالصابون وافتر في الهوا ولصق في الطوفه اللي وراه وكمل هروب لين راح صوب زاويه جنب البخور اللي حاطينه وقاعد يدور حولين المبخره وانا ألحقه بالمكنسه وسحبت فيها البخور وبلاوي وقاعده اطارده لين اختفى وانا اسحب فلت اكيد انسحب وبسرعه سديت الخرطوم بكلينيكس، وطلعنا المطبخ فرحانين بالانتصار بعد ما حسنا المطبخ كامل نتأكد ان فعلا صدناه وماله اثر. بعدها بنص ساعه الوالده ترجع من بيت يدي وتدخل المطبخ وتناديني انها لقت بريعصي واقف جنب المغسله، شلون ومتى؟
طلعت ما صايدته من الاساس @_@
طبعا تخلصنا منه لكن حسيت بشعور غبي من لحظة ما استظرفت راسه لين لما حسبت اني صدته XD

شكله مقرف لكن راسه فعلا ظريف -_-
 

Zechs Merquise

Al-Za'im
تعلمت درسين من قراءة هالموضوع:
1-معنى كلمة صعروره
2-كيفية التخلص من فقاعه
::xd::

-------------------------------------------------------------------

موقف غبي ::what::
توه صار من يومين، هالفتره بيتنا صاير عليه هجوم بريعصيه (وزغ) كل يوم نحصل واحد يحوس، طلع لنا انا واختي واحد في مطبخ الطابق الثاني في مكان صعب ما ينفع نحذفه بالنعال وانتوا بكرامه، فسوينا خطة استراتيجية ان الاول اختي تحط له بخور تحت المكان اللي واقف فوقه عشان بدل ما ينزل ورا الكبت ونضيعه يخيس من الدخان ويروح فوق في مكان مفتوح، وحطت البخور وصار اللي نبيه وراح فوق، وانا ركبت الكبت في يدي مكنسه كهربائيه عشان أسحبه لأنها تطال السقف، وصارت مطارده والبريعصي الدب مادري شلون قادر يقاوم سحب المكنسه مع انها سوبر قويه @@
ومثل النينجا ينط تحت عند المغسله ويركب غرشة صابون اليد يطالعني، هني مادري ليش من جفت راسه الصغير وهو مجابلني صار شكلي جذي >>>

واقول لأختي بصوت عالي "حوفي راسه شلون كيوت! ماقدر أذبحه جذي وهو يطالعني"

وهي تصرخ علي يالله ويالله وانا بس اطالع في راسه الظريف، في الاخير قوّيت قلبي ونشنت علي المكنسه لكنه فجأه نط من عالصابون وافتر في الهوا ولصق في الطوفه اللي وراه وكمل هروب لين راح صوب زاويه جنب البخور اللي حاطينه وقاعد يدور حولين المبخره وانا ألحقه بالمكنسه وسحبت فيها البخور وبلاوي وقاعده اطارده لين اختفى وانا اسحب فلت اكيد انسحب وبسرعه سديت الخرطوم بكلينيكس، وطلعنا المطبخ فرحانين بالانتصار بعد ما حسنا المطبخ كامل نتأكد ان فعلا صدناه وماله اثر. بعدها بنص ساعه الوالده ترجع من بيت يدي وتدخل المطبخ وتناديني انها لقت بريعصي واقف جنب المغسله، شلون ومتى؟
طلعت ما صايدته من الاساس @_@
طبعا تخلصنا منه لكن حسيت بشعور غبي من لحظة ما استظرفت راسه لين لما حسبت اني صدته XD

شكله مقرف لكن راسه فعلا ظريف -_-
اشتري فخ لاصق و انشريه في البيت , احنا هجي مسوين بالبيت
 

Zechs Merquise

Al-Za'im
والله فكره ممتازه، واحط له طعم وينصاد، لأن صج ظهورهم صار مزعج
ما يختاج يمكن بيه مادة تجذبه فوق 4 انصادو بيه , بس اذا واحد مات تتخلصين من الفخ ما ينصاد بيه اكثر من واحد لانه اذا شاف واحد ثاني ميت ما راح يدخل بالفخ فلازم فخ جديد
+ تحطينه حسب الاماكن من وين جاي يدخل بيتكم يعني من تحت باب معين او شباك + كم واحد اضافي بالاماكن الشائعه الي يروح بيها
 

dro

Versus Epic
مدرس بريطاني بالمعهد طلب مننا عرض تقديمي و كان يبي موضوع مميز مو مكرر و أنا من الكسل سرقت نهاية MGS2 و تكلمت عن فيدرال هال و جورج واشنطن و سرقت كم جملة قالها سنيك هنا :



بعدييين استوعبت أن المدرس بريطاني قح و أنا حرفيا جبت موضوع جورج واشنطن قائدة الثورة الأستقلال و التحرر من بريطانيا و عرضتها قدامه ::laugh::
 

Zoda

True Gamer
ابرتك ذكرتني باحد الاعياد الناس سافرت واعتمدو علي بعناية قطتهم المدللة عندي خبرة مع قطط الشوارع فتوقعت العملية بسيطة
اول يوم سبحتها ومرضت وبالعيد البيطرين كلهم مقفلين حصلت طبيب بيطري جمال بالبر
عطاني ابرة مضاد حيوي وابره ثانية لاجبارها على الاكل (القطة ما اشوفها تاكل فمضطر ارغمها على الاكل) النهاية كانت حزينة الزبدة تعقدت من الابر
 
أعلى