صامد
عضو
يختلف من بيئة عمل للثانية بس هذي الخطوات الي أطبقها من أيام الجامعة:
1- قائمة بالمهمات ذات الأولوية .. وإذا كانت متساوية فابدأ بالأقصر عشان يمضي الوقت ونت مسلم
أكبر عدد ممكن من المهام. أيضاًَ أنا شخص بصري جداً فدايم أحط سبورة أو دفتر أمامي لجل أكون حاضر الذهن
(نعم طالب حاسب وماعتمد كلياً على المذكرات الرقمية ومنبهات الكمبيوتر والجوال & )
2- لابد من قتل المشتتات ، الجوال أضعه عالصامت وتيلفون المكتب أقصر صوته بحيث حتى لو أحد اتصل ماسمعه.
حاول تصرف الآخرين لو قاطعوك بصورة مهذبة ولو إن التهذيب مرات مايمشي لأن كلاً يبغى شغلته أول شي.
طبعاً الناس الي قاعدين في مكاتب مشتركة الله يعينهم التركيز مو سهل.
بالنسبة لي أفضل مكتب دخلته كان مكتب الزجاج الثلجي. مع ريموت يفك الثلج ويرجعه.
الي اخترعه له مني دعوات خالصة &
3- أحضر الأشياء الي تحتاجها جنبك .. تشرب قهوة كثير؟ جيب آلة قهوة عندك. تخرج تاكل ؟ اتفق مع العامل
يجيبه لك الأكل في الوقت الي تحتاجه.
4- لا تحضر أي اجتماع أو تجري مكالمة من دون أجندة .. مشكلة عند السعوديين لاحظتها مايحبون الايميلات ولا الكتابة
يحبون المقابلة والتيلفون مع إن شغل كثير يخلص بالايميل وفي نفس الوقت عندهم قدرة غريبة على التوهان
وفجأة تلاقي كلام ماله علاقة بالموضوع فبرضه لجل ماتتشتت امنع غيرك يشتتك وجهز نقاطك من بدري.
5- تعال بدري .. الصباح فيه بركة عجيبة !
6- النوم المنتظم والأكل السليم كل الي فوق هذا ارميه في سلة المهملات لو ماتنام وتاكل زين
لإن ذهنك مابيكون بنفس الجودة إذا مرهق وسهران (أنصحك بأكل المكسرات والزبيب أيضاً)
نعم هي بديهيات بس مو الكل يطبقها.
كشخص يعمل لساعات طوال، أستخدم تقنية البومودورو، تخلص من تعدد المهام (Multitasking) لأنها كذبة، ركز على عمل واحد، الانتقال بين أكثر من عمل (Multiswitching) يهدم التركيز، واحترم فترات الراحة، أثرها عظيم.
قرأت مؤخرًا أن فقدان التركيز الذي ينجم منه التسويف عادة متعلق بمهامٍ يصعب فيها التركيز في الأصل، وقد لا يكون لذلك حل مباشر، لذا الإجبار مستنزف للغاية، خاصة في المهام الروتينية المتشابهة، فالحل هو التقسيم وأخذ فترات راحة بشكلٍ دوري.
كلام جميل شكرا على ردودكم. يمكن العقبة الوحيدة الي اعانيها مذكورة في اقتراحاتكم هو النوم السليم، ما أذكر آخر نمت نومة اعتبرها مريحة وعميقة والسبب ظروف صحية..بس أعتقد أكبر عائق عندي في التركيز هو طبيعة الشغل اخر كم سنة. لما تقعد على بحث واحد تعيد فيه مرات كثيرة على مدى سنوات ودائما تجد ثغرات فيه يصير تكره الجلسة عليه والدافع يضعف مع الوقت..لكن إن شاء الله تتيسر.