hits counter

مواقف محرجة في بيئة العمل أو الدراسة

سيفروس سنيب

بروفيسور فنون الظلام


العمل والدراسة وكرين خصبين للاحتكاكات الاجتماعية

احتكاكات اجتماعية غالباً = إحراجات مال لأهلها لزوم

عني أنا فدائماً وأبداً أعتبر أكبر مصدر للإحراج هو البحلقة دون غض الطرف

على فكرة إحنا العرب نسويها بزيادة ! في اليابان النظر الطويل إلى الوجه
أو النظر إلى من في سيارات الآخرين يعبتر قلة ذوق وتصرف غير مريح


على رأس قائمتي

كشحة باب الأصنصير

حين يفتح عليك وحدك

ويكشف عن أعين كثيرة منتصبة تنتظرك تخرج ليدخلوا




صرت أطلع الدرج ست أدوار الله يكافيهم


ماذا عنكم ؟ شاركونا ...

----------------------------
 

MAGIC

Hardcore Gamer

كشحة باب الأصنصير

حين يفتح عليك وحدك

ويكشف عن أعين كثيرة منتصبة تنتظرك تخرج ليدخلوا



هههههههههههههههههههههههههههههه النكتة مع الصورة so accurate والله :tearsofjoy:
 

Fatani Heart

Hardcore Gamer
في مكان العمل
في اثنين بأسماء ذهبة وحياة
الأول حسبته لرجل والثاني لامرأة وطلع العكس وسبب لي احراج.

بالنسبة لي ما عندي مواقف محرجة كثيرة لأني دايما أكون في ال safe side واحلل الأشياء بزيادة قبل ما اتخذ أي خطوة مع تعاملي مع الأشخاص.
وهذا سبب من أسباب فسخ عقد عمل فترة تجربة في أحد الشركات التي كنت اعمل لديها شهر ونصف، حجة صاحب الحلال كانت أنه ما شافني احتكيت بباقي زملاء العمل في الأقسام الأخرى.
(مع أن مهنتي لا تتطلب أبداً أن اتعامل معهم، تعاملي مع الأرقام وجهاز كمبيوتر وكم زميلة عمل في قسمي)

المهم هذا الشيء خلاني بعدها اطلع من دائرة ال comfort zone وادخل في الوجه حتى لو سبب لي احراج لأن لو فكرت كثير بالمخرجات من دا الاحتكاك باتراجع، واكتشتفت أنه مهما سويت من انجاز في عملك وما قصرت اذا أولية صاحب الشركة حاجات أخرى ثانوية مهما سويت ما رح تملي عيونه.
 

fatal framer

True Gamer
مسؤولي بالدوام يقولي لازم احفظ اسماء الموظفين بكل الاقسام لانه قسمي محتاج هالشي وانا اقوله ماله داعي اهم مايعرفون قسمنا وبعضهم يمكن مايعرف حتى اسامينا ليش انا اكون مغصوب احفظ اساميهم وانا ماتعاملت معاهم شخصيا

الغريب انه يطلب مني احفظ اساميهم هذا غير الموظفين اللي توهم متوظفين شي مايدش العقل

ماعندي مشكلة مع احد بس الموظفين بحكم طبيعة شغلي يحبون يشتكون وبعضهم يروح للمراقب او المدير وكلامهم كله جذب احنا مانداوم احنا مانشتغل وحب لتاليف القصص

يعني انا موظف حالي من حالهم ما امرض ما اكون تعبان ٣٦٥ يوم في السنة انا صاحي مايصير

بس عموما اتوقع هالمشكلة تصير مع اعضاء غيري في المنتدى اكيد مو انا الوحيد
 

s3rorh

True Gamer
Appendix and references | ملحقات ومراجع


أعضاء يعرضون غيرهم للإحراج | @s3rorh
ترا بالواقع أنا جداً مُسالم و صديق للإنسان .. و حيل أفكر قبل لا تطلع أي كلمه مني للناس الغرباء ::sad::

بس اذكر مرة ذكرت سالفه عن زميلة عمل كولومبية هنا .... هذاك موقف لن يُنسى للتاريخ !!
 

سيفروس سنيب

بروفيسور فنون الظلام
ترا بالواقع أنا جداً مُسالم و صديق للإنسان .. و حيل أفكر قبل لا تطلع أي كلمه مني للناس الغرباء ::sad::

بس اذكر مرة ذكرت سالفه عن زميلة عمل كولومبية هنا .... هذاك موقف لن يُنسى للتاريخ !!
إيه صح .. بأمارة الصيدلية الي دخلتها تطلب إبرة &

إنت بالذات إحراجاتك تتعدى العمل والدراسة
بس هات سالفة الكولومبية خن نشوف وش هببت ؟؟
 

سيفروس سنيب

بروفيسور فنون الظلام
اوووه ، نسيت هالسالفه تماماً !! ههههه

المضحك كنت ابي الابرة علشان اضبط فيه ورق الجدران ! ههه
إنت عفوي ولن تغير من هذه الحقيقية مهما حاولت إقناعي:

و حيل أفكر قبل لا تطلع أي كلمه مني للناس الغرباء ::sad::
نعم نعم
 

شيطون

Motivated
انقذني يا قوقل ماب المنتدى !! .. لاني دورت بمحرك البحث وما لقيتها ! (&)

@سيفروس سنيب موضوعك عند شيطون و اعتبره تم ::nerd::

#فن_التدبيس
تم::fdoly::

بالعمل ... معاي موظفه كولمبية .... و قاعد توريني إنجازاتها الهندسية و كيف أنها ما مخليه واحد ما صورت معاه بسبب هالأنجازات ... حتى زوجه الرئيس الكولومبي صورت معاها !

شوي ولا ينضم لنا 3 موظفين إنجليز ... وقعدت توريهم

أنا ضحكت ... وقلت : بالله وريهم الصورة ألي وريتيها لي أنتي و بابلو سكوبار مع بعض وقعدت اضحك



البنت وقفت شرح ........ عم الصمت بالمكان ....... واحد من البريطانيين قال ( بابلو سكوبار !!! ) و سكت .... أنا استمريت اضحك ... توقعت بيضحكون معاي >_> ...

شوي ولاا البنت تطالع لي : he is dead , do you think this funny ? this is not nice at all





أهني أنا تمنيت أنه عندي أله الزمن ... علشان أرجع حيوان منوي ... مو بس أرجع الوقت 3 دقايق::fdoly::
 

s3rorh

True Gamer
#شنب

وهذي تكمله

أو صح ... .بعد اللقاء .... انتظرت الكل يرحل ... و سألتها ايش ألي ضايقها بالضبط !! تبين بأنه بابلو مجرم كولومبي !!! مذبح شعبها كله !!! ::sweat:: .... وأنا كل ألي اعرفه عنه انه مكسيكي و مشهور ! ::confused::



و اعتذرت لها و قلت كنت اقصد ( انه هو مشهور ... وانتي يبدو أنج مشهوره ايضاً ... فا من باب المزح ... قلت لابد لكم صورة مع بعض !) .... ما كنت ادري أنه سيئ سمعة لهالدرجة ! ::xd:: ... تباً ! #أهلاً_بالعيد
 

Zechs Merquise

Mr. Lightning Bolt
نصيحة خلكم رسميين في العمل و الوجه جدي قدر الإمكان تتجنبوا أمور محرجه و مخجله كثير

خارج العمل براحتك تصرف . لكن شخصيا افضل البس شخصية جديه في العمل و خارج العمل على راحتي
 

سيفروس سنيب

بروفيسور فنون الظلام
نصيحة خلكم رسميين في العمل و الوجه جدي قدر الإمكان تتجنبوا أمور محرجه و مخجله كثير
تفرق من بيئة لبيئة ...

من تجربتي آخر شي يبغونه الجدية

وعالطالعة والنازلة يرمون لك متى تصير
user friendly ؟
 

fatal framer

True Gamer
نصيحة خلكم رسميين في العمل و الوجه جدي قدر الإمكان تتجنبوا أمور محرجه و مخجله كثير

خارج العمل براحتك تصرف . لكن شخصيا افضل البس شخصية جديه في العمل و خارج العمل على راحتي
اتذكر جربت هالشي اول اسبوع من توظفت الثاني ماقدرت ضحكت ضحك مو طبيعي مع موظف

كلامك ممكن يمشي اذا شغلك مرتبط مع اللي حواليك

بس اذا كل واحد عنده شغل مختلف ماشوف له داعي الجدية الزايدة

عموما جدية او لا النتيجة اني كنت في السابق اشتغل اكثر من غيري

وبالتقييم كلنا امتياز شوف الظلم
 

ABDUL-94

Hardcore Gamer
نصيحة خلكم رسميين في العمل و الوجه جدي قدر الإمكان تتجنبوا أمور محرجه و مخجله كثير

خارج العمل براحتك تصرف . لكن شخصيا افضل البس شخصية جديه في العمل و خارج العمل على راحتي
حسب طبيعة الوظيفة، الدبارتمنت اللي انت فيه مايفضل تكون رسمي معهم

طبعاً لا تتصرف كأنك في مجلسكم/استراحتكم/ديوانيتكم. لكن لا تصير نفسية ورسمي بزيادة
 

rainbow

Hardcore Gamer
الموقف ماصار لي صار لزميلي في الدوام انا كنت معاه بس كلنا انحرجنا
زميلي راح يكلم احد الموظفين في قسم ثاني وانا معاه لاننا على نفس الشغله
وجلس يكلم الموظف الفلبيني بالانجليزي بس طلع سعودي جاوي ( اصوله اندونيسيه بس هو سعودي ) مو فلبيني
كان الموقف محرج بالنسبه لنا كلنا الثلاثه ^_^
 

game for new

True Gamer
اي

في بيئة عملي نلبس يونيفورم موحد تعطينا اياه الشركة وفي احد الايام داخل ازقة الشركة قاعد اتكلم مع زميلي ان اليونيفورم تبع الشركة دمار ومايصلح للعمل ورخيص مايسوى فلس حتى وفجأة انظر ورائي والا صاحب الحلال خلفي مباشرة ومتأكد 99.9% ان سمع الكلام لكن اخذني على قد عقلي وطنشني لكن دخلنا في لحظة صمت لمدة 3 دقائق قبل ان نبدأ نتكلم مرة اخرى .
 

شيطون

Motivated
موقف كليشيه شوي

واحد من الشباب بالجامعة كنا نداوم معا بعض بثاني سيمستر ونساعد بعضنا بالمواد
وبعد سنتين لقيته بالجامعة واكتشفت اني نسيت اسمه ::confused::
 

YAHiA

Nightmaren
ما في مواقف محرجة كثير كانت تصير، وإن صارت فأغلبها بيكون تطريد من الفصل أيام المدرسة والجامعة بسبب "خفة دمي" وقت المحاضرة...
 

بندول

مَاءُ السَّمَاءِ
مشرف
أتذكر ألقيت بريزينتيشن مع قروب شباب لمدة نصف ساعة عند اثنين دكاترة مع شوية شباب في قاعة معينة الا نتفاجئ ان القاعة غلط والقاعة الصح جنبها علطول والقاعتين نفسها لنفس المادة والدكاترة كلهم الاربعة في القاعتين في نفس القسم وهذا كله لأن دكتورنا كان غايب ذاك اليوم وقروب ثاني حصل له نفسنا. الكويس ان ما اجبرونا نعيد النصف الساعة ودرجتنا عند الدكاترة الغلط اعتمدوها
 

Sultan/X

True Gamer
وقعت حضور عن صديقي بالقسم وأكلتها خابور بس عسوله اللسان بمكان العمل توصلك لمواقع أبدا ماتتخيلها. واحد معي بالادارة صارله ٢٢ سنة. قال سلطان فكك من الوضوح والمصداقية هنا الناس زملاء عمل مو أصحاب والمضحك لما صرت أنافق وأكون مرايه لجوهم ورغباتهم زبطت أموري بين الموظفين والمدير لول. بيئات العمل ياليتها تتوقف على أدائك لعملك ساعات تتطلب علاقة مع اللي حواليك بشكل اجباري ولا بتاكلها.
 

خشبة

تيبس شراً




كشحة باب الأصنصير

حين يفتح عليك وحدك

ويكشف عن أعين كثيرة منتصبة تنتظرك تخرج ليدخلوا






----------------------------

صار هالشي معي قبل كم يوم.
قدام المكتب شركة استقدام خادمات، وتوني طالع من الدوام واتجهت عالاصنصير، نزلت الدور الارضي ويفتح والقى نفس الكمية اللي بالصوره بدون مبالغه بس اللهم خدامات فلبينيات وانا امشي كنت كاتم الضحكه بس مفضوح
 

Zorro

Hardcore Gamer
موقف قديييم قبل عشرين سنة تقريبا و للحين اذكره ..
كنت لسه في بداية الدراسة الجامعية ، وفتحت حساب بنكي ،و عشان اسحب كاش كان نظام البنك يحط عند احد شبابيك الصرافين دفتر شيكات لعموم العملاء ، عشان العميل يجي ياخذ ورقة و يعبيها بالبيانات و المبلغ المطلوب و يوقع و يسلمها و يسلمها الصراف

طبعا كنت اسحب كاش في الأسبوع مرتين و احيانا ثلاث مرات ، احد المرات و مع زحمة العملاء كان فيه
شايب واقف جنب الشباك لمحته من اول مادخلت البنك ، ولما وصل دوري عند شباك الصراف ، اخذت دفتر الشيكات الموجود هناك و بديت اكتب المبلغ اللي راح اسحبه ، لكن لاحظت بطرف عيني ان الشايب إلتفت لي و حسيته انه يناظرني ، فقررت اشوفه
فعلا .. كان ييناظرني بابتسامة عريضة و وقورة لما انحرجت
لأني حسيت و شعرت .. بل متأكد اني جبت العيد في لحظة ما دام انه مبتسم كذا ، لكن وين العيد .. ما ادري !!!
رجعت إلتفت لدفتر الشيكات من الحرج و وقعت و رحت لخانة اسم المستفيد عشان اكتب اسمي
لـكـن انتبهت انه مكتوب فيه اسم عميل !! :confused::
طلعت ماسك دفتر شيكات حق الشايب ، اخذته بالخطأ من العجلة و بديت اكتب المبلغ اللي البه .. ::sweat::
فعلى طول إلتفت له و اعتذرت له بشدة و هو مازال مبتسم بشدة وبدون ما يبدي أي ردة فعل غاضب او حتى عتاب ، بل على العكس كان رده : عادي يا ابني .. عادي
قد ايش تمنيت وقتها اني كنت لابس قناع زورو من الحرج ::cool::

الله يذكره بالخير ، و يغفر له و يرحمه ، سواء كان حي ولا ميت
 
أعلى