hits counter

منو منكم راح يحضر معرض Gamers’Con الشرقية ؟

LegendaryK

True Gamer
السلام عليكم شباب

مثل ماتشوفون العنوان سؤالي منو راح يحضر المعرض اللي راح يصير بالخبر
لو اي واحد حاب يتعرف على زملائه بهالمنتدى الطيب في الحياة الواقعية
ياليت اللي ناوي يذكر اسمه يحدد اليوم عشان نحاول نوحد هاليوم قدر الامكان بين الاعضاء
ويصير تعارف اكبر عدد ممكن بيننا قدر الامكان

لاحد يتعجب لو كاتب الموضوع ماراح يحضر لوول
بجد لان هالشيء يعتمد على ظروفي الخاصة وقتها
لاني مش من سكان المنطقة لكن بالتأكيد راح احرص قدر الامكان الحضور
والتعرف على الشباب الطيبين
ودمتم سالمين :)
 
التعديل الأخير:

Lunar Poet

True Gamer
مشكلتي مع قيمر كون و كوميك كون و غيرهم من معارض الألعاب/الأنمي/الكوميكس في المنطقة ان كلهم لهم نفس المحتوى بالضبط. نفس الرسامين و نفس المتاجر و نفس الألعاب اللي تنعرض، غير ان أكثر من ٥٠٪؜ من محتوى المعرض متعلق بالأنمي مع انه المفروض يكون معرض قيمنق.

هل قميرز كون هالسنة بيركز على الألعاب ولا بيكون معرض أنمي و قيم اوف ثرونز مثل غيره؟
 

killer360

Hardcore Gamer
مع اني ما راح احضر معرض شرقية بما اني بمكة لكن فكرة الموضوع جدا جميلة والله .. حضرت اول كوميكون بالسعودية بجدة وايضا قيمرزكون بجدة
واكثر شىء مميز بالمعرض مو الالعاب او المتاجر مع انها حلوة وبعضها ممتاز لكن اكثر شىء مميز بهالمعارض هو الناس والله .. طلعت بعلاقات طيبة والناس نفسيتها تكون حلوة بهالمعارض
جميل شعور تقابل ناس عندهم نفس هوايتك ويكون كلامكم عن قيمنق او انمي او ايش ما يكون وحرفيا الناس كلها تكون مبسوطة
وكلامنا كله يجي بالصدفة يعني تكون عند رسمة لسنيك مثلا ونبدي اعجابنا للرسام وبعدها يتحول الموضوع الي سواليف قيمنق او غيره ونفس الشىء لما نجرب لعبة ونبدا نتناقش عنها او لما تشارك ببطولة فايتنق قيم مثلا وبعدها تتبدا تتكلم مع المشاركين
حتى اتذكر اول معرض كوميكون مع انه ما كان جبار بس اتذكر التعليقات الى الان من الي حضروا كلهم اتفقوا ان الناس كانوا رهيبين وفاهمين جو المعرض صح ..
هالشىء جدا ممتع ومسلي ويخليني احضر هذه المعارض وقت ما تجيني الفرصة ..
 
ودي احضر واقابل الناس الحلوة اللي تعرفت عليهم هنا
لكن للأسف مابقدر اتحمل تكاليف السفر غير انه بفترة اختبارات :confounded:

خيرها بغيرها
 
أعلى