مشكلة الديسك درايف بالـXBONE

[Wild Fox]

اللي بيدافع عن سوني يدافع و اللي بيدافع عن مايكرو يدافع ..
الجهازين فيهم مشاكل من غير فلسفه و تلاوين و خرابيط .

 

[hussien-11]

غلطان
Xbox One Disc Drive Issues Reported By Small Number Of Users

http://kotaku.com/xbox-one-disc-drive-issues-reported-by-small-number-of-1469646700

صدقني المشكلة عادي وأرحم من ______ ______

مروان ما قرأت التثبيت في الصفحة الرئيسية من الإدارة ؟ يا ريت تخلي مشاركاتك بعيدة عن التعصب اذا حبيت تحتفظ بعضويتك
ما حد يدري و لا يقدر يقارن بنسب أعطال ما نعرف عنها أي شي، و بكل الأحوال هذا الأسلوب ( وأرحم من ______ ______ ) ماله مكان عندنا في تروجيمنج.

 

[HorizOn]

صدقك ولا ما صدقك.. بلاش شغل العميان هذا..

الجهاز حتى ما نزل رسمي عن عبدالله تحفزه يشتريه ليه؟

انت بتصلحه له اذا طلع خربان؟

عبدالله مايستغنى عن الاكس بوكس ولا عني :stuck_out_tongue_cl

لو يطلب عيوني تفداه :kissing_heart:

 

[HorizOn]

مروان ما قرأت التثبيت في الصفحة الرئيسية من الإدارة ؟ يا ريت تخلي مشاركاتك بعيدة عن التعصب اذا حبيت تحتفظ بعضويتك
ما حد يدري و لا يقدر يقارن بنسب أعطال ما نعرف عنها أي شي، و بكل الأحوال هذا الأسلوب ( وأرحم من ______ ______ ) ماله مكان عندنا في تروجيمنج.

ايه صحيح القوانين ماتيجي الا على الاكس بوكس فانز ولي يقتبس ردودي ويستهبل القوانين تعميهم

 

[ryo hazuki]

اللي بيدافع عن سوني يدافع و اللي بيدافع عن مايكرو يدافع ..
الجهازين فيهم مشاكل من غير فلسفه و تلاوين و خرابيط .

الحين انته تريد الناس تدافع عن اجهزتها ولا تترك عنها هال خرابيط ، مافهمتلك
خل الي بيدافع عن جهازة يدافع راح تكممهم يعني ، هدي اعصابك

 

[hussien-11]

القوانين تنطبق على الجميع و الرد السابق ما كان للمجادلة، يا ريت تلتزم بالنقاش الهادف مثل بقية الاعضاء.

 

[Wild Fox]

الحين انته تريد الناس تدافع عن اجهزتها ولا تترك عنها هال خرابيط ، مافهمتلك
خل الي بيدافع عن جهازة يدافع راح تكممهم يعني ، هدي اعصابك

شفتني معصب ؟ لول !
شفتني قلت لا تدافعوا ؟ .. قرات انا ايش كتبت و استوعبته ؟
الفكره ان محد يدخل مرحله النكران و يقول شي اهون من شي و يسلي نفسه .
ان شاء الله تكون وصلت .

 

[HorizOn]

القوانين تنطبق على الجميع و الرد السابق ما كان للمجادلة، يا ريت تلتزم بالنقاش الهادف مثل بقية الاعضاء.

حسين قبل كم يوم 40 واحد اقتبس ردك وقاعد يكلمك بتجادل وتهجم واضح على رايك الشخصي وقتها القوانين وين راحت

 

[G4mer]

امازون البريطاني هو اللي يصنع الاجهزة :scream:

؟

ممكن تقصد التغليف

الي اعرفه بانه المصنع لكل ريجن تختلف .. في شركات لها مصنع واحد فقط لكل الريجنات ويكون في الصين لانه الايادي العاملة تاخذ اجور بسيطة .. والي اعرفه بانه مايكروسوفت عندها مصانع خاصة في كل ريجن عكس أبل
أحد يصحح معلومتي اذا غلطان

 

[W.W.W]

عبدالله مايستغنى عن الاكس بوكس ولا عني :stuck_out_tongue_cl

لو يطلب عيوني تفداه :kissing_heart:

لا كذا تحرجني يا رجل ::::

بس هم ما بخذ الاكس ون الا مع ضمان رسمي من الوكيل

 

[CODE-X]

خفت أقول هالكلام يقولوا عني فانبوي @@ أخذت DS و 3DS و Wii من أجهزة اللنش و كلهم كانوا زي العسل و لا اشتكوا من أي حاجة
بينما 360 من الدفعة الثانية ( الفالكون ) و خرب بلمبات الديسكو و بلاي ستيشن2 من اللنش و كان كارثي جداً و أسوأ موديل ( الموديل الي فيه عشر صواميل على الغطاء الخلفي ) فأخذت واحد ثاني لاحقاً.

الوي كنت ماخذه لنش و كانت من اسوأ تجاربي الجيمزية بسبب المشاكل اللي واجهتها معه @@
البلاي 2 اخذته في سنته الاولى و كمل معي حتى ما بعته في 2004 او 05 و بدون اي مشكلة حتى يده الاصلية ما خربت ! مع الاكس الاول اخذته نسخة uk بندل هيلو نفس الكلام ما حصل لي معه اي مشاكل باستثناء يده الاصلية خربت . البلاي3 ايضاً ما واجهت معه مشاكل ابداً و لله الحمد .
الاكس بوكس 360 اشتريته لنش و كان قارئه هيتاشي اللي يمخش السيديات و يخربها و فوق ذا كله خرب بعدين rrod و اخذت واحد ثاني لاحقاً "جاسبر" و سليم في فترة لاحقة و اثنينهم الحمدلله شغالين و لكن الاول واجهت معاه مشاكل في الديفيدي درايف و صلحتها .
بالاخير المشاكل اللي تطلع للاقلية موجودة في كل جهاز و كل واحد و تجربته لكن المشاكل الشائعة في موديل معطوب هي اللي تستاهل ما تشتري جهاز علشانها او تنفرك عنه مثلل لمبات الديسكو ...

خل الناس تعيد مثل ما انته تعيد بعد

فين شايفني معيد بخبر وجود خرابات في جهاز ؟ :no_mouth:

 

[W.W.W]

وأنيس معاه حق

الوي خذته في وقت مبكر , يمكن انا اول سعودي يحصل على الجهاز ههه , والجهاز ما كمل شهر وهو رايح في خرايطها بمشكلة توقف الصوت

ومن بعدها صرت ما اخذ شي الا مع ضمان

 

[HorizOn]

لا كذا تحرجني يا رجل ::::

بس هم ما بخذ الاكس ون الا مع ضمان رسمي من الوكيل

وانا اقولك اصبر وخذها مع الضمان أحسن او انتظر لين ماتنزل بندل مع هيلو علشان وقتها اكسر راسك فيها

ويكون تجمع رهيب مثل ايام Halo 3

 

[Dark Master]

دائماً أقول غير أجهزة نينتيندو ماتاخذ عاللنش
مش لشي بس ماعمري سمعت بمشاكل بأجهزة اللنش حقتهم صراحة ومشكلة الأبديت زي ماقالو الشباب مافي جهاز ينفع ينظفي وهو يثبت تحديث وصارت معاي بجوال مره وخرب

 

[mamiqdadi]

الي اعرفه بانه المصنع لكل ريجن تختلف .. في شركات لها مصنع واحد فقط لكل الريجنات ويكون في الصين لانه الايادي العاملة تاخذ اجور بسيطة .. والي اعرفه بانه مايكروسوفت عندها مصانع خاصة في كل ريجن عكس أبل
أحد يصحح معلومتي اذا غلطان

اللي أعرفه إنه الجهاز للأمريكتين في الغالب يصنع في البرازيل، مثل 360 اللي صنعوه هناك من 2010 على ما أعتقد، الرابط من الموقع لكن اللغة برتغالية فيمكن أفضل تشغله على الكروم و تستخدم الترجمة، بالنسبة لاسيا فمصنعها الصين، و أوروبا كذلك بتأخذ من أحد البلدين، على علمي مافي تصنيع له في أي من البلدان الأوروبية أو حتى أستراليا
http://jogos.uol.com.br/ultimas-not...e-sera-fabricado-no-brasil-segundo-anatel.htm

 

[mamiqdadi]

أخذت البلاي 2 و الوي على اللنش، و ما صار معي أي مشكلة مع أي من الجهازين و الحمدلله، غير هذا العدس على المحمول لكن بعد تخفيض سعر الجهاز حرمت اخذ أي جهاز على اللنش

 

[The Doctor]

حسين قبل كم يوم 40 واحد اقتبس ردك وقاعد يكلمك بتجادل وتهجم واضح على رايك الشخصي وقتها القوانين وين راحت

إسمه نقاش...

 

[M 7 L]

ماحد بيقدر يحدد أي الجهازين خراباته اكثر لأن للحين مافي ارقام صحيحة لمبيعات الجهازين

من الفيديوهات الي شفتها خرابات الإكس / السيدي ما يطلع / السيدي ما يشتغل / النظام ما يشتغل

البلاي4 النظام ما يشتغل / اللمبة الحمرا ....

في النهاية الحل الأمثل هو الشراء مع ضمان .. أنا لأول مرة باخذ كونسول في اللنش بالعادة انتظر شهر شهرين بس الحماس زايد حبتين هالمرة
وصراحة بديت اخاف حتى لو في ضمان .. سالفة روح وتعال وانتظر لين يجي جهاز جديد ....الخ


وان شاء الله ما يحوش احدكم اي خرابات من فانز الجهازين :kissing_heart:

 

[ASWD]

غلطان
Xbox One Disc Drive Issues Reported By Small Number Of Users

http://kotaku.com/xbox-one-disc-driv...-of-1469646700

صدقني المشكلة عادي وأرحم من ______ ______

امقت حاجة عندي هي الازدواجية في الامور لما الشي يحصل للسلعة اللي تحبها فهي شي عادي وقليلة ومالها اي تأثير اما لما نفس الشي*مشاكل تصنيعية*في سلعة انت مو فان لها فهي كارثية وضخمة ويوم سالناك هات النسبة جلست تلف وتدور,,بلاش تكون ابو وجهين

لانها ماوصلت نسخ فيها مشاكل للمواقع الالكترونية مثل ما صار مع ال ps4 و هذا يخلي النسبة اقل بكثير

حسين الي يتهمك بالفانبويزم هوه كبيرهم

معذرة اخوي محمد تقدر تجزم لي ان الاجهزة اللي ارسلت للمواقع ما انعمل لها تست مثلا قبل ما تترسل؟.واي مقياس هذ اللي يخليك تحكم من خلاله ان النسبة قليلة او كثيرة تشوف انه منطق؟

هذ رقم مبيعات لبلاي4 تم اعلانها واللي هي مليون جهاز مباع اذا ماعليك امر عطني النسبة الماوية للأجهزة اللي فيها خلل تصنيعي بما انك حكمت من خلال اجهزة المواقع انها كثيرة او قليلة؟

مثل ما قلت سابقا في موضوع لبلاي4 وخراباته انه شي وارد لكل جهاز جديد ينزل هالمشاكل ونفس الكلام بقوله هني بدون تغيير.اقلتها انا ما بقعد اجامل واطبل على حسب ميولي

 

[SCREAMING_RAGE]

معذرة اخوي محمد تقدر تجزم لي ان الاجهزة اللي ارسلت للمواقع ما انعمل لها تست مثلا قبل ما تترسل؟.واي مقياس هذ اللي يخليك تحكم من خلاله ان النسبة قليلة او كثيرة تشوف انه منطق؟

موب كل الاجهزة يعملوا لها تيست !!!

يمكن من بين كل 200 جهاز... يختبروا جهاز واحد فقط........... وكذا نظام البرودكشن في اغلب الشركات الكبيرة.

 

[ASWD]

موب كل الاجهزة يعملوا لها تيست !!!

يمكن من بين كل 200 جهاز... يختبروا جهاز واحد فقط........... وكذا نظام البرودكشن في اغلب الشركات الكبيرة.

خالد هو استشهد بسالفة المحررين في مايخص اذا كانت النسبة كثيرة او قليلة يوم قال حرفيا

لانها ماوصلت نسخ فيها مشاكل للمواقع الالكترونية مثل ما صار مع ال ps4 و هذا يخلي النسبة اقل بكثير

هل تتفق معاه انها عامل في معرفة حجم المشاكل يا ليفر بولي؟

 

[SCREAMING_RAGE]

لا طبعاً.

 

[Wild Fox]

طيب لا تتعبوا نفسكم .. ign وصلتهم اجهزه بنفس المشكله
http://www.ign.com/articles/2013/11/22/xbox-one-early-adopters-reporting-hardware-problems

 

[REDFOX-ZERO]

من المرجح انة تكون بكرة العدسة فالتة و العدسة ثابتة في مكانة ما تحرك او تروس مال سنون البكرة مشحمة اكثر من الازم ..... تخميناتي الاولة !

والله اعلم

 

[REDFOX-ZERO]

هذا المقصد من كلامي الي طاف !

 

[ASWD]

طيب لا تتعبوا نفسكم .. ign وصلتهم اجهزه بنفس المشكله
http://www.ign.com/articles/2013/11/22/xbox-one-early-adopters-reporting-hardware-problems

بيقولو لك طبعا هو موقع واحد فقط ما يتقارن مع لبلاي 4 لانه اكثر من موقع اشتكو منه

 

[Tomb raider]

خل الناس تعيد مثل ما انته تعيد بعد

المهم ، بصراحة اجهزة ننتيندو ماعليها كلام اطلاقا و خصوصا الويي يو ، ماكان فية اي عيب مصنعي او من هذا القبيل نهائيا ، اما اذا على سالفة الابديت هذا ما اعتبرة خلل لان اغلب الاجهزة لايستحسن انك تطفيها و هيه قاعدة تحدث ، اما الاجهزة الاخرا تنبان عيوبها اول ماتشغلها او تطلعها من الصندوق

فت أقول هالكلام يقولوا عني فانبوي @@ أخذت DS و 3DS و Wii من أجهزة اللنش و كلهم كانوا زي العسل و لا اشتكوا من أي حاجة
بينما 360 من الدفعة الثانية ( الفالكون ) و خرب بلمبات الديسكو و بلاي ستيشن2 من اللنش و كان كارثي جداً و أسوأ موديل ( الموديل الي فيه عشر صواميل على الغطاء الخلفي ) فأخذت واحد ثاني لاحقاً.

محمد وحسين، انا وصلي الوي يو من امريكا وكان خربان وتوهقت فيه ، كانت في مشاكل لين ما رجعته يابولي غيره .
بس اذا بنتكلم عن كوالتي بشكل عام ، اوافقكم الرأي ، عموما مشاكل اللاطلاق شي طبيعي يصير.

 

[ryo hazuki]

بيقولو لك طبعا هو موقع واحد فقط ما يتقارن مع لبلاي 4 لانه اكثر من موقع اشتكو منه

ما ادري وين المشكلة بصراحة معاكم ، هل انا طلعت اعذار ؟ او هل طبلت ؟ و تريد تعطيني شي تعجيزي تقولي هاتلي نسب ؟
روح شوف موضوع مشاكل ال ps4 و اطمش هناك على الترقيع الي قاعد يصير موب هنا

كل الي قلتة انا توقعات ممكن تكون صح و ممكن تكون غلط و مافيها شي لو توقعت ان خربات الون اقل من ال ps4 ، ولا هذا الشي يزعل

و استشهادي بموضوع المحررين لان هذا هوه الشي الوحيد الموجود لان مافية احصائات و تصاريح حقيقية ولا راح تطلع ابدا ، مش مقياس طبعا ، اتمنى لاحقا ماتترجم كلامي على انه كله حقائق

صحيح كلامك اخ عبد العزيز

 

[Wild Fox]

[video=youtube;BA95YaLlOwo]http://www.youtube.com/watch?v=BA95YaLlOwo[/video]

 

[Q8Dante]

Wild Fox
مادري عن المشاكل الثانيه بس هالمشكله حاشتني ونطرت دقايق كثيرة بس بعدها الجهاز اشتغل !! (يمكن) الفيديو كذب