hits counter

مساعده : في اختيار هاتف جديد

bahlook

Gamer
السلام عليكم اعضاء tg
انا من فتره وانا استخدم الاي فون
واعتقد حان الوقت لاستخدام هاتف اخر و بقيت نصائحكم
المبلغ المتوفر 3000
وانا كنت مفكر بسوني اريكسون c905 شو رايكم
هل هو جيد واستخدامة جيد مع العلم اول مرة استخدم سوني اريكسون
و بكون شاكر الكم
مع السلامه
 

Snake-87

Electrony Editor
وعليكم السلام ورحمة الله وبركاته
بعد تجربة الأريكسون أول مرة K800i رفضت اني اشتري نوكيا مرة اخرى او آيميت , وحاليا استخدم C905 و يقول انا الأرهب .
 

Zero

فريق الأنمي
وعليكم السلام ..

أخي العزيز ، بما أني من الناس اللي يهتموا بالجوالات .. أول حاجة أقولها لك ، أنت محتاج جوال ملغم بالمواصفات ؟ لو كنت محتاج شيء معين فالأفضل تذكره ولا تفكر تشتري جوال ما يلبي احتيجاتك.

ثاني شيء ، صحيح أني سوني إريكسون فان بس لو بدفع هالمبلغ في جوال ما بدفعه في C905 ، أقدر أجيب جوال أقوى منه في أشياء كثيرة وبهذا السعر وهنا يصير في قيمة أكبر للفلوس اللي بدفعها ولكن في النهاية الأمر يعتمد على الأشياء اللي تبغاها من الجوال.

مثلا Samsung i8510 innov جهاز منافس .. وراح أسوي لك مقارنة بينهم.

-الشاشة: C905 شاشته أوضح وأفضل ولكنها 2.4 إنش مقابل 2.8 في الإينوف مع العلم أن ال2.4 في جوالات سوني إريكسون تبدو أكبر من شاشات باقي الشركات.

-الكاميرا: إثنينهم 8.1 ميجابيكسل وقوتهم متماثلة تقريبا السوني أفضل في الفلاش ، لكن الفيديو السوني 320×240 30 إطار في الثانية مقابل 640×480 30 إطار في الثانية للسامسونج ، وبغض النظر عن الدقة .. سوني إريكسون بخيلين في تصوير الفيديو ويطلع فيه مربعات وتصوير الفيديو في باقي الشركات أفضل بمراحل.

-الصوت: بغض النظر عن الجودة ، السامسونج فيه ستيريو سبيكر وصوته أقوى ، بينما الC905 فيه سبيكر واحد وقوته متوسطه.

الGPS: إنساه في السوني إريكسون .. يحتاج فلوس ويتحدث عن طريق النت ، بينما السامسونج تقدر تركب له خرائط محملة سابقا ويستقبل مباشرة عن طريق الأقمار الصناعية.

الذاكرة: السامسونج فيه 8 أو 16 جيجابايت داخليه مع إمكانية تركب ذاكرة MicroSD ، بينما C905 فيه ذاكرة داخليه بسعة 160 ميجابايت وفي علبته ذاكرة M2 بسعة 2 جيجابايت.

الوزن: السامسونج وزنه 136 جرام وهو ثقيل نوعا ما ، ولكن C905 وزنه 145 وثقيل ولكن للأمانة لما تشيله تحس أنك شايل شيء فيه قيمة.

النظام: السامسونج تظامه S60 من سيمبيان المشهورة به أغلب أجهزة نوكيا بينما أجهزة سوني أكثرها نظامها جافا ونظام الجافا حق سوني هو أفضل أنظمة الجافا.

البطارية: أفضل في C905.


أنا ذكرت لك أهم النقاط ، ولو أنت مهتم تجيب شيء قيمته المعنوية أكبر مقابل السعر فلو تجيب السامسونج أفضل لك ، شخصيا أنا أفضل المتعة الموجودة في هواتف سوني إريكسون مهما كان بخل الشركة في المواصفات ولكني لو كنت أبحث عن المواصفات مقابل السعر اللي يستحقه المنتج فراح آخذ i8510 من سامسونج بدون تردد.

في النهاية الواحد لازم يحدد أولوياته ، يمكن أنت ما تهمك كثرة المواصفات وتهتم بالجودة الموجودة ومتعة الاستخدام وقد يكون هذا الشيء هو اللي تبحث عنه بغض النظر عن السعر وهذا موجود في السوني إريكسون ، ويمكن على العكس هالأشياء ما تهمك بتاتا وتهتم بكثرة المواصفات حتى لو على حساب الجودة.

في النهاية لازم تحدد أولوياتك .. تدفع مليون في شيء مهتم فيه وتحس أنك بتستفيد منه ولا تدفع ريال في شيء ما تبغاه.

ولو عندك أي سؤال أو تبغى نصائح أخرى تفضل.
 

S n A k e

Hardcore Gamer
انصحك N96 صراحه بهالجهاز لقيت كل اللي ابيه صوت + بطاريه قويه + شكل رائع نوكيا سوقه مايطيح

لما تبي تبيعه يعني وخاصتا اخر ابديت عدلو كل شي بالجهاز مع اني مجرب innov8 وبعته ماعجبني
 

Zero

فريق الأنمي
أخ سنيك ، N96 يستريح مع احترامي والi8510 أحسن منه بمليون مرة ، الجهاز معالجه نكتة وزي N73 والأجهزة القديمة وبطاريته 950 ملي إمبير مع أنها المفروض تكون 1200 ملي إمبير أو أكثر .. ويا عيني على البطارية القوية حق نوكيا اللي أغلب قوتها في أول شرطة ، ولما تطيح أول شرطة الباقي كلهم يطيحوا بسرعة ، عزيزي بطارية الجهاز أقل من المتوسط.

لو بنصحه بنوكيا كان نصحته بN79 أو N85 أحسن بكثير من المزبلة N96 ، وحتى لو عجبك ترا الأجهزة اللي ذكرتها أنا في ردي هذا كلها أحسن منه.


ولو بنتكلم بالمنطق العجيب اللي تتكلم به ، روح بيع التشارجر اللي في أفاترك وإشتري الكامري الجديدة السيئة ، ليش؟ والله صحيح سيئة ولكن معروفة ومشهورة والناس يشتروها زي العميان وتجيب لك سعر بعد البيع ، عزيزي الواحد يدور عن الشيء الجيد واللي يلبي احتياجاته ولو الشيء في كل هذا فما راح يفكر يبيعه ، الواحد المفروض يشتري الشيء اللي يلبي احتيجاته علشان يستخدمه .. مو يشتري الشيء علشان لما يبيعه يجيب له سعر وأصلا لو كان يلبي احتيجاته فما في داعي لبيعه ، لهذا المفروض الواحد يكون عارف ويش يبغى ويترك عنه المنطق هذا اللي مادري ويش يبغى.
 

S n A k e

Hardcore Gamer
أخ سنيك ، N96 يستريح مع احترامي والi8510 أحسن منه بمليون مرة ، الجهاز معالجه نكتة وزي N73 والأجهزة القديمة وبطاريته 950 ملي إمبير مع أنها المفروض تكون 1200 ملي إمبير أو أكثر .. ويا عيني على البطارية القوية حق نوكيا اللي أغلب قوتها في أول شرطة ، ولما تطيح أول شرطة الباقي كلهم يطيحوا بسرعة ، عزيزي بطارية الجهاز أقل من المتوسط.

لو بنصحه بنوكيا كان نصحته بN79 أو N85 أحسن بكثير من المزبلة N96 ، وحتى لو عجبك ترا الأجهزة اللي ذكرتها أنا في ردي هذا كلها أحسن منه.


ولو بنتكلم بالمنطق العجيب اللي تتكلم به ، روح بيع التشارجر اللي في أفاترك وإشتري الكامري الجديدة السيئة ، ليش؟ والله صحيح سيئة ولكن معروفة ومشهورة والناس يشتروها زي العميان وتجيب لك سعر بعد البيع ، عزيزي الواحد يدور عن الشيء الجيد واللي يلبي احتياجاته ولو الشيء في كل هذا فما راح يفكر يبيعه ، الواحد المفروض يشتري الشيء اللي يلبي احتيجاته علشان يستخدمه .. مو يشتري الشيء علشان لما يبيعه يجيب له سعر وأصلا لو كان يلبي احتيجاته فما في داعي لبيعه ، لهذا المفروض الواحد يكون عارف ويش يبغى ويترك عنه المنطق هذا اللي مادري ويش يبغى.

اخوي انا مجرب الinnov8 واول واحد شريته لما نزل انا المهم شريته الجهاز مافيه شي

بالعكس حلو لكن فيه عيوب شوي بس كبيره البطاريه ضعيفه جدا جدا جدا وصحيح بالمواقع

كاتبين 1200 القوه لكن روح شوف لما تشتري الجهاز مكتوب 1000 بس وانا شايفها بعيني
وضعيفه مره والشبكه مايلقط زين دايم منخفض والصوت السبيكر ضعيف نوعا ما والجهاز
لما ترد وتفتحه شكله قبيح اسمحلي بس الكاميرا من افضل الكاميرات وانا اشهد له
لكن مثل ماقلت لك وانا مسوي للinnov8 ريفيو باليوتيوب اذا مو مصدق هذا الرابط :
المهم انا صراحه مابعت الجهاز الا بعد ماجربت N96 تجربه كامله وانا اشهد له من افضل
اجهزة نوكيا وبطاريته 950 بس تجلس معاك يومين كرررررررف واربع ايام او اكثر بدون استخدام
المهم اخوي انا بعد من النوع اللي اهتم بالهواتف النقاله كثير وجربت GPS اللي بالاي نوف
اول شي بفلوس وبرنامج خاص غير النوكيا النوكيا تقدمه بلاش والبرنامج يكون مع الجهاز
الصراحه N96 اعطيه 8,8 من 10 والاي نوف اعطيه 8,1من10 وكل الجوالين منافسين لبعض
صراحه وانا مثلك قبل لا اشتري الاي نوف كنت حاط عيني عليه وكنسلت النوكيا
بعد ماشريته تغيرت كل نظرتي له واتجهت للنوكيا مره اخرى اسمحلي اخوي شكلك تتكلم
ولا عندك اي جهاز منهم
 

Zero

فريق الأنمي
أنا عندي معرفة كبيرة جدا بالجوالات وأتكلم من هذا الباب ، لو نتكلم عن الجهازين بشكل عام بi8510 أفضل وهذا اللي حبيت أوصله لك ، وبالنسبة للبطارية N96 أنا ما غلطت لما قلت أن بطاريته المفروض تكون أقوى وهي تحت المتوسط .. شخصيا لا زلت أفضل N96 8GB بشكل عام مو بس من ناحية البطارية وغير هذا معالجه أفضل وباقي المواصفات ما في أبجريد ، الذاكرة ؟ هنا الله يخلي البطاقات وحتى ولو 8 جيجا كبيرة على جوال ولا تغرك الأرقام.

بالنسبة للشبكة ما عليك من الأبراج اللي تطلع على الشاشة ، في النوكيا غالبا تكون فل وأحيانا يكون اللقط أقل ، أما في سوني إريكسون أحيانا يكون في شرطتين ويلقط بشكل جيد .. المسألة هي مسألة دقة في العداد لا أكثر وهذا اللي حاصل مع السامسونج.


أما الGPS فما دام النظام سيمبيان فالحلول كثيرة ، عكس الC905 اللي ما فيه أمامك إلا الخيار الموجود.

عموما .. أنا مو حاب أحير صاحب الموضوع بين الجوالات ، بالعكس يمكن يشوف اللي يبغاه في C905 ( الجودة والمتعة في الاستخدام على سبيل المثال ) حتى مع غلاء السعر ، في النهاية زي ما قلت لك كل واحد يشوف احتياجه ، وأحب أقول لك .. أنا قبل لا اشتري شيء أحب أسأل نفسي يناسبني لو لا ، ولو يناسبني فراح استخدمه حتى آخر لحظة من غير ما أفكر في سالفة أبيعه ويجيب سعر.
 
التعديل الأخير:

megaman

Hardcore Gamer
أول شي لازم نعرف المواصفات اللي تدور عليها

إذا كنت تدور على:

كاميرا قوية
شاشة لمسية
GPS
WIFI
3G
وبعض المزايا الثاني زي dolby mobile و accelerometer


فشيك على جهاز LG KC910 Renoir


http://www.youtube.com/watch?v=47SslSPJvfg
 

bahlook

Gamer
مشكورين اصدقائي على التفاعل وبعد المشاورات
قررت اني اخذ c905 و يكون اول جهاز سوني اريكسون استخدمة
الصراحة انا حبيت جوالات سوني اريكسون من كلام اعضاء المنتدى فقلت " لا هاتف الا لسوني "
وعلى فكرة حصلت الجهاز بلون سيلفر و بسعر 2200 مع سبيكر خارجي و شنطة حافظة
و ضمان اكسيوم مشكورين مرة ثانية على المساعدة الطيبة
 

Byakkino

Hardcore Gamer
كلمتين : اذا كنت مرتاح مع جوال بـشاشة لمس .. صدقني بتتعب مع جوال عادي

هذ لك جوال بشاشة لمس بحكم انك متعود ومرتاح معه
 

bahlook

Gamer
تم امتلاك الهاتف
كلمتين : اذا كنت مرتاح مع جوال بـشاشة لمس .. صدقني بتتعب مع جوال عادي

هذ لك جوال بشاشة لمس بحكم انك متعود ومرتاح معه
بالنسبة لجوال اللمس فانا لايمكن استغنى عن الاي فون ولاكن راح اخليه هاتف ثانوي
وشكرا اخوي
 

Byakkino

Hardcore Gamer
تم امتلاك الهاتف

بالنسبة لجوال اللمس فانا لايمكن استغنى عن الاي فون ولاكن راح اخليه هاتف ثانوي
وشكرا اخوي
مبرووك وإن شاء الله يعجبك الجهاز :happy:

 

Zero

فريق الأنمي
اوكي العرض مغري ، ترا ناس إشتروه ب2300-3000 ريال ( استعجلوا للأسف ) ، عموما مبروك الجهاز مقدما واتمنى تلمس متعة الاستخدام والجودة الموجودة في سوني إريكسون وتعرف ليش في ناس لا زالوا يفضلوها حتى مع شح الشركة في توزيع المواصفات.
 

Noah`s Ark

True Gamer
بسألك ...

ليش حاب تغير الآيفون ؟

و الآيفون حقك 3G ولا الأول ؟
 

S n A k e

Hardcore Gamer
bahlook ياليت اخوي تضع انطباعاتك عن الجهاز وهل هو فعلا قريب من النوكيا انا قريت وارأيت
ان قريب من استخدام النوكيا لكن برفاهيه اكثر شرايك انت
 

The Blue King 9

True Gamer
على حسب النوعية الى تبيها
اذا انت تحب الجوالات الجافا والانيقة وتحب التصوير والأغاني خذ لك سوني اركسون فئة c
واذا تبي انت راعي كمبيوتر ونت خذ لك جهاز نظام سيمبيان
السميبان انا افضل سوني اركسون فئة p او سامسونج ما ادري وش اسم الموديل ولا قد جربته بس ولد عمي يمدحة واجد وكاميرا 8 ميغا بكسل
 

rip9

Casual Gamer
مبروك لصاحب الموضوع شراء السوني اريكسون وتتهنى فيه ان شاء الله ..

اخوي انا مجرب الinnov8 واول واحد شريته لما نزل انا المهم شريته الجهاز مافيه شي

بالعكس حلو لكن فيه عيوب شوي بس كبيره البطاريه ضعيفه جدا جدا جدا وصحيح بالمواقع

كاتبين 1200 القوه لكن روح شوف لما تشتري الجهاز مكتوب 1000 بس وانا شايفها بعيني
وضعيفه مره والشبكه مايلقط زين دايم منخفض والصوت السبيكر ضعيف نوعا ما والجهاز
لما ترد وتفتحه شكله قبيح اسمحلي بس الكاميرا من افضل الكاميرات وانا اشهد له
لكن مثل ماقلت لك وانا مسوي للinnov8 ريفيو باليوتيوب اذا مو مصدق هذا الرابط :
المهم انا صراحه مابعت الجهاز الا بعد ماجربت N96 تجربه كامله وانا اشهد له من افضل
اجهزة نوكيا وبطاريته 950 بس تجلس معاك يومين كرررررررف واربع ايام او اكثر بدون استخدام
المهم اخوي انا بعد من النوع اللي اهتم بالهواتف النقاله كثير وجربت GPS اللي بالاي نوف
اول شي بفلوس وبرنامج خاص غير النوكيا النوكيا تقدمه بلاش والبرنامج يكون مع الجهاز
الصراحه N96 اعطيه 8,8 من 10 والاي نوف اعطيه 8,1من10 وكل الجوالين منافسين لبعض
صراحه وانا مثلك قبل لا اشتري الاي نوف كنت حاط عيني عليه وكنسلت النوكيا
بعد ماشريته تغيرت كل نظرتي له واتجهت للنوكيا مره اخرى اسمحلي اخوي شكلك تتكلم
ولا عندك اي جهاز منهم
مع كامل الاحترام لوجهة نظرك ولكن انا اخالفك فيها تماما. بطارية السامسونج innov افضل بكثير من n96 ومن واقع تجربة. شخصيا فضيت معاي بطارية اال innov تماما اكثر من مرة وجلست بدون اي شرطه لأكثر من 5 ساعات يتخللها مكالمات. وكما قلت لك اكثر من مرة. خامة الجهازين ايهما افضل وبصراحة؟ سرعة التنقل بين القوائم ايهما افضل؟ كم مرة هنق معاك الn96؟ وهل سبق وعلق معك السامسونج؟ النوكيا n96 يعلق باستمرار بعكس ال innov على الرغم من انهم بنفس النظام. تصوير الفيديو بالحركة البطيئة ميزة رائعة في ال innov. تمااسك الجهاز لا يعلى عليه. مزايا خرافية في االتصوير الثابت مثل التعرف على الوجه والتعرف على الابتسامة وتحديد الموقع على الgps للمكان الذي تم التقاط الصورة فيه.
 
أعلى