[مساعدة] ماء داخل شاشة اللاب توب

[Lunar Poet]

السلام عليكم.

اليوم كنت أنظف شاشة اللاب توب بمنديل مبلل بالماء (لول أدري إنه شي مُحذّر منه أكثر من مرّة =/ ) ، فلمّن شغّلت اللاب توب صار فيه بقعة في الشاشة من داخل:

الظاهر إن الماء دخل في الشاشة من الأطراف و سبب هالبقعة (في هاللحظة، ألحين، أشوف إنه بدأ يصير على شكل قطرات صغيرة حيل)

شالحل؟

 

[Silent Shadow]

^
بظن مافي غير الحل التقليدي بإنك تسكره وتخليه ينشف يوم أو أكثر ..

 

[Kaze]

المفروض تستخدم مادة كحولية طيارة ... بالعادة اجهزتي استخدم لها منظف الزجاج بما انه مادة طيارة و تنظف و تلم بنفس الوقت.

الحل بسيط ... جرب تحط الشاشة تحت الشمس عشان الماء يتبخر ( حل نظري ) ... هو المفروض يتبخر و لكن الفكرة ليست اكيدة ... المهم توجد طريقة تجفف الماء اكثر من انك تحسبه من الشاشة.

 

[Nyx]

علي سطوع الشاشه على الأخير وإنتظر لين تنشف المويه كلها , أعتقد هذا هو الحل الأكثر منطقيه :fd3:

 

[Futrus]

تحت الشمس مادري يمكن يخرب الشاشه ، خلي الشاشه شغاله على طول حرارتها تبخر الماي
انا مرتين انكب ماي على كيبورد اللابتوب ، اول مره فتره اخترب لين تصلح بروحه ثاني مره ما فاد لين اضطريت ابدل الكيبورد ( ضربته وكسرته قبل لا ابدله من القهر لول )

 

[Zero]

لا تحط ماي واجد وأنت تنظف واعصر المنديل بشكل جيد ، دائما هذا اللي أسويه مع أي شاشة.

عموما أتركه مفتوح وخليه لحد ما ينشف >_>

 

[Lunar Poet]

بدأ ينشف الماي من نفسه، و الظاهر إن شاء الله على آخر اليوم بيكون نشف كلّه. مشكورين شباب

 

[53]

زين انا عندي مشكله بسالفة تنظيف الشاشة!



بشنو تنصحوني؟

 

[Nyx]

^فيه منظف خاص للشاشات , ومنديل برضو (زي حق النظارات) تحصلها في مراكز بيع الإلكترونيات الكبيره ..
(أنا شخصيا أستخدم منظف النظاره )

 

[Nemesis Zone]

عمري مانظفت الشاشه بالماي لول

بس امسح عنها الغبره اذا فيه

حصل خير

 

[Niessu7]

زين انا عندي مشكله بسالفة تنظيف الشاشة!



بشنو تنصحوني؟

مسحوقي او منظفي المفضل .. :

صار له 6 شهور عندي واستخدمه باستمرار ولحين ماخلص :wow:

متوفر في اغلب الاماكن ..

 

[Golden_Sun]

عادي ينشف بروحه.
يامااااا صارت فيني!! مرة بُطِل ماي كامل انكت على اللابتوب P: