مساعدة في شراء PC ..

[Naif]

اخيرا قررت اشتري كمبيوتر ديسكتوب جديد ..

شو رايكم بهذي المواصفات على هذا السعر:

AMD sempron 64 2800+ (اعتقد هذا اللي اعرفه انه في فرق بين سرعة الانتل و سرعة الAMD .. )
Geforce Nevedia 256MB (ما متاكد من الموديل .. يفرق؟.. باجر بتصل اتاكد لاني كلمت المحل وايد اليوم ^^" )
160 GB هارديسك
512 RAM (قالي انه الموذر بورد فيه 3 سوكيتز يعني اقدر اطوره ل3 جيجا)
DVD Writer
شاشة 14" (بتاكد باجر من النوع بعد)

هذي المواصفات الاساسية تقريبا .. كل هذا سعره 2280 درهم (قابل للمكاسرة).. طبعا اقدر اغير بعض الاشياء .. اذا كنت اريد ابدل الـDVD writer لريدر بيقل سعره 150 درهم تقريبا .. و اذا اريد احط AMD اثالون بازيد 200 درهم اعتقد (اذكر قالي 180 بس ما متاكد) .. شو رايكم ؟ و شو الاشياء اللي لازم اسال عنها على شان اتاكد من انه مواصفاته بتكون جيدة و شو الاشياء (اذا في) اقدر استغني عنها او احصل اشياء بسعر ارخص .. و اكيد هل سعره مناسب؟

بشكل عام بستخدمه للالعاب و الدراسة و الانترنت ..

 

[King Wario]

همممممم ، ما اعرف انصح وايد في التقنيات والقطع ... لكن اقدر اقول شيئين :

1- المواصفات ممتازة

2- لو انا مكانك ما اشيل الديفيدي رايتر ... بصراحة احس ال CDs العادية صارت شي قديم ... ال dvd ممتاز

 

[Aoks]

طالما في موضوع مفتوح للكمبيوترات ... اناا ناوي اشتري لابتوب للالعاب ..

وش رايكم في Toshiba Qosimo ?

 

[trueclue]

اسمحلي نايف !!!!
هذي المواصفات و تسأل بعد !!!
شرايك يعني اكييد اشتر الجهاز
المواصفات قويه حييييل و تقدر تشغل عليه العاب و افلام و انته مرتاح
مواصفات تنحسد عليها الصراحه و انا انصحك انك تشتريه و ما تطوفه
و انا اضم صوتي لصوت كنج واريو بالنسبه للديفيدي رايتر !!!

و بالنسبه للأي سؤال اسأل عن المذربورد شنو نوعه !!!! انصحك بمذر بورد قوي يفتحلك اثنين بروسسر علشان تقدر تطور السرعه الى فوق ال 4 (ادري راح تصير سريعه حييل بس تنفعك )

و الرام ممتاز حيل ما انصحك تطوره ليه 3 جيجا !! خله 1 جيجا يكون زين و احسن !!!

هذي نصايحي !!! اتمنى تعجبك

 

[Jizasu]

نايف انا اقول انتظر...لأن ذاك اليوم دار بيني و بين عبود و حمود نقاش...

و عبود قال انه فيه معالجات جديده بتنزل...و هي ممكن تقول النيكست جنريشن لجميع اجهزة الكمبيوتر...

فانتظر افضلك ^^ و تأكد من عبدالله اكثر صار خبير بهل مجالات...

اني انادي Arikado فهل من مجيب للنداااااااء :question: :exclamati :question:​

 

[Conqueror]

بسم الله الرحمن الرحيم

أنا حاليا قاعد أجمع جهاز.....

الجهاز بنظري ضعيف و مارح تعرف تنبسط فيه كثير

AMD sempron 64 2800+ (اعتقد هذا اللي اعرفه انه في فرق بين سرعة الانتل و سرعة الAMD ..

المعالج لازم تغيره إلى أثيلون64 3500+ كخيار جيد أو 3200+ كمتوسط ، أو إذا بتفهم بالافركلوك جيب AMD opteron و رح يكون عندك شي ممتاز بسعر جدا جدا معقول، و نعم في فرق بالسرعة

الرام لازم يكون 1 جيجا و ddrو على فكرة الرام 4 أنواع PC2100 و PC2700 و PC3200 و PC4000 اقل من 3200 ماتشتري.

ممكن توفر عليك مصاري بأنك تقلل الهارد إلى 80 أو 40 و تشتري بالمقابل DVD writer تنسخ عليها اللي تحمله.

بالنسبة لكرت الشاشة الموديل يفرق كثير كثير، على فكرة أنت لشو مشتري الجهاز ؟ لأنك بحسب الغرض اللي مشتري جهازك لأجله ممكن توفر على حالك ، مثلا إذا مشتريه لتصفح الانترنت و تحميل الإنمي فقط فهذا الجهاز ممتاز ، أما إذا دخلت الألعاب بالنص فأنت محتاج للي ذكرته في ردي كحل ما بين متوسط-جيد .

 

[Mr.3B]

...

نايف صدقني .. اذا ما تبي تواجه أي مشاكل للجهاز وخصوصًا في الجمينج زيد الرام خليه أقل شي 1 جيجا ..
الدي في دي رايتر مهم .. خصوصًا انك تتابع آنمي .. بتجيك أوقات لازم تفضي الهارد ..
موديل كرت الشاشة مهم جدًا ..

 

[Uchiha Basem]

اذا مشتري الجهاز منشان تشغل عليه ألعاب فلازم تراعي أمرين

معالج يقدر يدعم بطاقات الشاشة الحديثة AMD Athelon 64 bit 3200+ أو أعلى

بطاقة شاشة حديثة وكون البطاقة بقوة 256 ميجا مابكفي ، لازم يكون النوع على القليلة جي فورس 6600 ، أيضا الأمر يختلف بحسب الالعاب اللي بدك تشغلها

يعني مثلا العاب الmmo مابدها مواصفات اسطورية ، بس ألعاب التصويب بدها تقنية قوية

Aoks

ممكن تجيب المواصفات؟

 

[ASWD]

انا ما افهم شي بالكمبيوترات والمواصفات والخ ـ__ـ

بس استوقفتني جملة وحدة

شاشة 14" (بتاكد باجر من النوع بعد)

وشو شاشة14 بوصة :exclamati

مافي محل يبيعك كمبيوتر جاهز ومجمع بشاشة 14 بوصة اقل حجم 17 بوصة فلات رون سامسونج او ال جي كأقل نوع وعندك آيسر وديل كأنواع ممتازة في مايخص الشاشات

والدي في دي رايتر مهم جدا لا تستبدله منه مشغل اقراص ومنه ناسخ عصفورين بحجر واحد >.>

Aoks

عندك DELL و HP ممتازين كمان

 

[Black]

نايف ..
ياليت تحدد استخدامك للجهاز " مثل ما قال سامر " .. اذا العاب .. اسمح لي .. الجهاز ضعيف ضعيف ضعييييييييييييف ..

 

[Mr.3B]

...

من ناحية اللاب توبات .. أنصح بنوع واحد بـ"آلين وير"
بس الله يقويك

 

[trueclue]

و يلا يا نايف ما قلتلنا شنو قررت تشتري الجهاز و لا تنطر حق واحد غيره بما انك سمعت اراء مختلفه لازم انته الحي تكون قررت

 

[Naif]

لوول.. لا ما بنتظر 0_0 .. جهازي الحالي مصيبة لازم اتخلص منه في اسرع وقت P:

بعدني ادور عن عروض بالمواصفات اللي اقتروحها الاعضاء (شكرا all + توربيدو )

امس حصلت اثنين لكن مواصفاتهم كانت قريبة من الاشياء اللي اريدها .. و اليوم اخوي بيسالي محل يتعامل معاه في دبي .. و ان شاء الله اكتبلكم شو بيصير ^^

 

[Old School]

والله جيت على الجرح يانايف اكثر ما افهم هو الكمبيوتر ( لدرجة المرض والهوس )

عموما كنصيحه لا تدور على عروض جمع الجهاز باسم القطعه بمعنى اخر المذر بورد لا تطلع عن Intl او MSI

وكل الي احتاجه منك هو ميزانيتك كم ان سمحت وبحط لك الجهاز الكامل باسم القطعه ورقمها التسلسلي بعد
ولا بعد نوعين مختلفين تختار بينهم ومميزاتهم ان حبيت بعد
وما تفرق معي اذا لالعاب ولالا لانه اولا واخيرا على الميزانيه ^^ زادت بيكون جهاز قوي وبنفس الوقت طبيعيا باختار قطع قوية للالعاب نقصت بمشي على ميزانيتك واحط القطع المناسبة ^^

 

[Naif]

والله جيت على الجرح يانايف اكثر ما افهم هو الكمبيوتر ( لدرجة المرض والهوس )

عموما كنصيحه لا تدور على عروض جمع الجهاز باسم القطعه بمعنى اخر المذر بورد لا تطلع عن Intl او MSI

وكل الي احتاجه منك هو ميزانيتك كم ان سمحت وبحط لك الجهاز الكامل باسم القطعه ورقمها التسلسلي بعد
ولا بعد نوعين مختلفين تختار بينهم ومميزاتهم ان حبيت بعد
وما تفرق معي اذا لالعاب ولالا لانه اولا واخيرا على الميزانيه ^^ زادت بيكون جهاز قوي وبنفس الوقت طبيعيا باختار قطع قوية للالعاب نقصت بمشي على ميزانيتك واحط القطع المناسبة ^^

هلا اخوي ..
ميزانيتي للجهاز 2500 درهم .. اقدر ازيدها شوي بس يفضل لا .. طبعا الشاشة اذا ما حصلت عروض حلوة عليهن من ناحية الاسعار بخليها للشهر القادم .. (شاشتي القديمة بتفي بالغرض)

اليوم الاسعار اللي حصلتها:
Athalon 64 3000+
Geforce 6200
1GB RAM
160 GB
الموذر بورد كان نوعها ATX
هذا كان بـ : 2280 ( بدون شاشة)

Athalon 64 3200+
Geforce 6200
1GB RAM
160 GB
تقنية الموذربورد بهذا قالي انها تختلف عن اللي فوق ..
هذا كان بــ 2480 (بدون شاشة)

 

[Aoks]

آلين وير اقدر اشتريه من الشرق الاوسط من غير ما اطلبه من النت ؟

 

[trueclue]

اقول نايف هذي نصيحه اتمنى تعجبك !!
ولد خالتي كان يبي يشتري جهاز كمبيوتر يديد تدري شنو سوا !؟
جمع القطع من اكثر من محل يعني مثلا (المذربورد من مكان + الرام من مكان + كرت الشاشه من مكان ) و لمن ركبهم على بعض و جمعهم كلهم طلعوا بسعر رخيييص اقل من ما يشتري جهاز يديد
فإنته حاول تسوي نفس الطريقه ممكن تنجح معاك مثل ما نجحت مع ولد خالتي

 

[Old School]

2500 درهم همم جهاز متوسط القدرة من جهة الجيمز ومتاز من حيث الاداء مع جميع البرامج والتصفح والاستخدام العادي ^^

وقبل لا اذكر اسماء القطع احرص انك تشتريها من عدة محلات ودور دائما الارخص ^^ واجمعها بعدين عن مح مختلف بقيمة 30-50 درهم ^^


المذر بورد : افضل دائما وابدا MSI سواء للبانتيوم او لل AMD ذلك بسبب ان يوفر عليك مشقة اشياء كثيرة منها كرت الصوت والنتورك اسم المذر بورد : MSI Neo 4
المذر بورد يستقبل التطوير حتى 4 جيجا رام مع الدعم للباينتيوم و لل AMD بالإظافة لدعمه لجميع قطع الجيل الجديد واستقباله لاكثر من 3 هارديسكات داخليه بنظام ساتا السعر : يتراوح حول 700 درهم

المعالج : لك الخيار بين الباينتيوم وال AMD لكن من غير الخوض بمميزات الاثنين AMD يتفوق من جهة السعر بفارق كبير لذلك انصح بال AMD مع اني استخدم باينتيوم
اسم المعالج : AMD atlon 64 وبالنسبة للسرعه فهذا امر راجع لك لكن لا تقل عن 3000+ وتبلغ قيمته 700-750 درهم لل 3000+

الرام : افضل شراء قطعة واحدة للرام 1 جيجا لكن لا فارق اذا اخذة قطعتين 512 لكن ممكن تضر بالمستقبل اذا اردة زيادة الرام ل 2 جيجا + لوجود اربع فتحات بالمذربورد

الهارد ديسك : بحسب احتياجك لها واستخدامك ان كنت ممكن يشاهدون الافلام والانمي ويحفظونها بالجهاز فانصح ب سعة 200 جيجا البالغ قيمتها ان ما خانتيني الذاكرة 400 درهم لكن ان كان استخدام عادي وبسيط فلا تقل المساحه عن 120 جيجا ^^ والأهم من السعه ان تكون بالتقنية الجديد SATA


3D CArd : هنا الكلام الحلو اسعار الكروت غاليه بالنسبة لميزانيتك فانصحك بقطعة ATI x600 256Mb وذلك لان سعرها ممتاز يتراوح بين 450-500
بالإظافة لكونها قادرة على تشغيل جميع العاب الجيل الحالي بصورة ممتازة جدا حتى مع فيير او هالف لايف او دوم فيمكن تشغيها تقريبا بكامل القدرات

DVD RW+- : نسيت لا اذكره من المره الاولى لكن ضروري جدا ان تحصل على ناسخ دفدي ميلتي + - افضل نوعية SONY او ساموسينج كلاهما ممتازان وللرخص LG بسرعه لا تقل عن 16x
لن تحتاج لا لكرت صوت ولا لكرت نتورك لتوفرها بالمذر بورد بمواصفات عاليه فالصوت يشكل 5.1 و كرت النتورك 1000 ميجا بايت ^^

 

[Old School]

واي سؤال انا حاضر ^^

 

[Naif]

GREAT !
مشكووور .. و عندي بعض الاسئلة:

- سمعت انه في انواع متعددة من الرامات .. شو الاشياء اللي لازم احطها بالي على شان اختار نوع الرام المناسب لجهازي .. و شو افضل الانواع و كم يترواح سعرها(على شان اتفادى النصابين).. لو في موضوع على النت يشرح تقدر تعطيني لينك ( على شان ما اتعبك )
- انواع الـAMD الدول كور فيها مشاكل ؟ (لاني فكرت انه البروسيسور صعب اني اغيره في المستقبل على عكس بطاقات الفيديو او الاشياء الثانية .. فعلى شان جي افضل يكون افضل شي متوفر في السوق) ..
- الموذر بورد اللي نصحتني فيها .. اقدر وصل لها بطاقات النتوورك اللي موجودة عندي حاليا؟ PCI

اتوقع اني بـجمع كمبيوتر بدل ما اشتري P: المشكلة مافي محلات قطع كبيرة في العين .. لازم اروح دبي كم مرة في الاسابيع الياية ..

 

[Old School]

الرامات فيه الوع القديم SDR وما يستخدم حاليا بالجيل الجديد وفيه ال DDR Ram 1& II وبعدين يجيك زي ما ذكر الاخ كونكر الرام 4 أنواع PC2100 و PC2700 و PC3200 و PC4000 يفضل طبعا 4000
واظن السعر للجيجا قطعه وحده يتراوح ما بين 400-600درهم مني متأكد ثوري لكن ال 512 تبلغ قيمتها 150-160 للقطعه

وبالنسبة للمعالج اذا فعلا ناوي تاخذ معالج خلاص نهائي حول للبانتيوم وخذ سرعة 3.6 او 3.4 طبعا باينتيوم 4 وما اقدر انصحك بالباينتيوم D لاني ما جربته شخصيا ومشاكل AMD طبيعي بالنسبة لسعرها يعني شي يغطي على شي لكن الباينتيوم خالي من المشاكل

المذربورد ممتاز ويستقبل جميع انواع القطع ومنها PCI وعموما زي ما ذكرت فيه فتحتين اصلا نتورك بلت ان بسرعة 1000 ميجا ^^

 

[الــخــــارق]

ما شاء الله الشباب وفوا وكفوا
نايف نقولك مبروك مقدما..
وخبرنا باخر تطورات الموضوع..

 

[Naif]

ان شاء الله ^^

مشكوووور اخوي اولد سكول مرة ثانية و مشكورين كلكم شباب على المساعدة و ان شاء الله اقولكم كل ما يصير شي جديد (او اذا عندي اسئلة بعد ^^" ) ..

 

[trueclue]

افا عليك يا نايف حاضرين و تستاهل (و لو اني ما قلتلك شي ينفعك لأنه اولد سكول اكل الجو كله )!!

 

[Old School]

صحيح نسيت لا اذكر شي مهم يخص المذربورد
يختلف باختلاف المعالج بمعنى اخر MSI تمتلك نوعين من المذر بوردات شي لل AMD والاخر للباينتيوم واسم المذربورد الي وضعته هو لل AMD تحت اسم MSI NEO 4 اما الباينتيوم فاسم المذر بورد

MSI 945G Neo

ومافي اي اختلاف حتى بالسعر الاثنين بقيمة 650 درهم الا بفتحات الرام مذربورد ال AMD به اربع فتحات للرام والباينتيوم يحتوي على ثلاث فتحات وهذا يفتح مجال اخر اذا بغيت تاخذ باينتيوم في خيار اخر للمذربورد وهو المذر بورد الخاص من شركة Intel وبالطبع فيه انواع واختلافات ومميزات ممتازه وبنفس الوقت سلبيات لذلك قرر AMD او باينتيوم عشان ادخل بتفاصيل الباينتيوم ان حبيت ^^

وصحيح قبل لا انسى سئلت لك عن سعر الرام DDR Ram II جيجا قطعه واحده بسعر 400 ريال ومع المكاسر يجيك 350-400 وبالامارات ممكن تحصله ارخص لان القطع شوي اغلى هنا بالسعوديه

 

[Old School]

افا عليك يا نايف حاضرين و تستاهل (و لو اني ما قلتلك شي ينفعك لأنه اولد سكول اكل الجو كله )!!

لول سوري :razz: لكن عند ذكر الكمبيوتر ما اقدر امسك نفسي ( هوس وجنون وعشق )

 

[المجهـر]

جزاك الله خير اخوي اولد سكول .. لوووول
افدتنا وايد ..


نـايف .. خلهم اثنين شكلي انا بعـد بشتريلي pc

 

[Old School]

جزاك الله خير اخوي اولد سكول .. لوووول
افدتنا وايد ..


نـايف .. خلهم اثنين شكلي انا بعـد بشتريلي pc

Any Time ^^

 

[Conqueror]

بسم الله الرحمن الرحيم

السلام عليكم ، أنا مثل ما ذكرت سابقا قاعد أجمع جهز جديد و طلبت كل القطع و مو باقي غير الpower supply و الcase ، فأنا محتاج مساعدة في اختيار الباور سبلاي المناسب لجهازي....

المواصفات
AMD64 Athelon3700+ 1mb L2 cashe
1GB kingstone ddr ram pc 3200 @ 400mhz
X800pro 256 mb
أظن هذا يكفي لتحديد الباورسبلاي هذه أول مرة بجمع فيها جهاز إن شاء الله يطلع مثل ما أنا مفكر :bigSmile:

على فكرة انا ناوي مستقبلا سوي أوفر كلوك بنسبة معقولة ، اظن هذا أيضا بأثر في الاختيار.

 

[Old School]

ما شاء الله عليك مواصفات جهاز ممتازه ^^

البور سبلاي انواع واسعار لكن بالتأكيد يجب الا تقل عن 400 هرتز ^^ ويفضل ابو مروحه كبيرة كمان يجي سعرها 70-90 ريال يجي لونها ذهبي اغلب الاحيان

اعذرني ما اعرف اسماء شركات البور سبلاي لاني اهتم بقدرة التحمل والمروحه وطريقة التركيب اكثر ^^

وعموما مواصفات جهازك كنصيحه ركب مروحة او مروحتين زيادة من داخل لأن الحرارة ........