مساعدة في شراء تلفزيون

[ASWD]

قوة شباب.ابغى اشتري تلفزيون لان اللي عندي سوى اللي عليه وزياده.شي مهم انا من الناس اللي ما يبدل اغراضه كل سنة او سنتين ولا حتى ثلاث سنوات.التلفزيون الحالي ٣٢ بوصة كمل عندي خمس سنوات اذا مو اكثر وماشاء الله اللهم لا حسد مازال في حالة ممتازة جدا.لكن خلاص ما يمشي شغل مع متطلبات وقتنا الحالي

حاط ببالي 4K UHD بحجم مابين ٤٣-٤٩ كحجم مثالي بالنسبة لي وكحد أقصى ٥٠ بوصة لو كنت بدلع نفسي.موديلات ٢٠١٧ نزلت واختياراتي بتكون بين سامسونج وسوني وبشكل اقل ال جي.فا ابغى اعرف شنو افضل الموديلات من هذي الشركات اللي تلبي طلبي.السعو ما يتعدى ٢٧٠ دينار=٢٧٠٠ ريال كحد اقصى ويكونو flat screen.طبعا الاستخدام الاساسي بيكون للعب وبشكل اقل افلام.موديلات ٢٠١٦ اللي مهتم فيها هي سامسونج ks 8000/8500 واللي للاسف صارو شبه منقرضين.

 

[Krat0s]

خيارك الامثل سوني X80

يجي بالحجمين ٤٣/٤٩، من افضل الفور كيز للهدر قيمنق لانه الانبوت لاق فيه جيد جدا.

 

[ASWD]

خيارك الامثل سوني X80

يجي بالحجمين ٤٣/٤٩، من افضل الفور كيز للهدر قيمنق لانه الانبوت لاق فيه جيد جدا.

الكونتراكت منخفض حسب المراجعات ويتسبب في خفض عمق اللون الاسود والhdr جيمينج لك عليه في هالموديل.اشوف مدح واجد للتلفزيونات حقت tlc احد جربها؟

 

[Oldsnake]

ما أنصحك بشي صيني مهما كان الناس يمدحوه مدري عندي فوبيا من الصيني خصوصا التلفزيونات
اشوف السوني X900 أفضل خيار لك بالوقت الحالي هو يمكن أغلى بألف ريال تقريبا من السعر ايلي حاطه لكن في النهاية رح تشتري جودة
وسوني من التلفزيونات ايلي تعيش معك فترة طويلة وبجودة عالية الصيني ممكن بعد سنتين تلاقي ألوانه بهتت لوحده .
هذا التلفزيون بأمازون
وهذا ريفيو عنه
http://www.rtings.com/tv/reviews/sony/x900e
الأن بوت لاغ فيه منخفض و HDR ممتاز ويعتبر الرقم واحد للـMid range TV للـGaming
http://www.rtings.com/tv/reviews/best/by-usage/video-gaming#recommendation_7061

 

[ASWD]

ما أنصحك بشي صيني مهما كان الناس يمدحوه مدري عندي فوبيا من الصيني خصوصا التلفزيونات
اشوف السوني X900 أفضل خيار لك بالوقت الحالي هو يمكن أغلى بألف ريال تقريبا من السعر ايلي حاطه لكن في النهاية رح تشتري جودة
وسوني من التلفزيونات ايلي تعيش معك فترة طويلة وبجودة عالية الصيني ممكن بعد سنتين تلاقي ألوانه بهتت لوحده .
هذا التلفزيون بأمازون
وهذا ريفيو عنه
http://www.rtings.com/tv/reviews/sony/x900e
الأن بوت لاغ فيه منخفض و HDR ممتاز ويعتبر الرقم واحد للـMid range TV للـGaming
http://www.rtings.com/tv/reviews/best/by-usage/video-gaming#recommendation_7061

الموديل هذ مو متوفر عندنا فقط حق امريكا.احنا اللي متوفر عندنا x93/94

بعد بحث وقرائة لقرابة ساعتين فيه شي فاجأني واللي هو مافيه تلفزيون من موديلات ٢٠١٧ ميد رينج قدر يسدح موديل ks7000 من سامسونج من ناحية افضل خيار للجيمينج مع انه من موديلات ٢٠١٦ وااااو!!!.مشكلته مايتحصل بسهولة

 

[killer360]

موضوعك جاك في وقته .. انا ايضا ابحث ع تلفزيون بنفس متطلباتك والمواصفات بالضبط وممكن ادفع الى 3700 مو مشكلة
ان اخترت ولقيت التلفزيون المناسب ي ليت تقتبس ردي هذا وتعلمني بتفاصيله ومن وين شريته وكذا واكون شاكر لك

 

[JIN KAZAMA]

الكونتراكت منخفض حسب المراجعات ويتسبب في خفض عمق اللون الاسود والhdr جيمينج لك عليه في هالموديل.اشوف مدح واجد للتلفزيونات حقت tlc احد جربها؟

ماعندي خبره الصراحه

بس اسعار اجهزتهم اللي في امازون مش معقوله !!! 450 دولار على تلفزيون 4k و55 بوصه !!! لو جودتهم جيده فهذه صفقه خارقه !

 

[ASWD]

اليوم اكتشفت قد ايش شركات الإلكترونيات محتقرة منطقتنا.اجهزة سوبر اتش دي ٤ كي اتش دي ار بريميم او ١٠٠٠ باحجام ٤٩ بوصة و ٥٠ متوفرة فقط لاسيا واوروبا وامريكا بينما احنا حدنا موديلات اليو اتش دي ٤كي واتش دي ار ستاندرد من الفآت الدنيا ويبيعونهم علينا بسعر اغلى!!!!

كل الشركات بلا استثناء اليوم اتصلت لوكالات سامسونج وسوني وتفاجات باختلاف موديلات الشرق الأوسط وافريقيا عن موديلات بقية العالم

الظاهر بدور لي اكثر واحد يمشي الحال والسلام

جين كازاما اي واحد تقصد؟

كيلر ٣٦٠ مو مشكلة بخبرك ان شاء الله.بس خل في بالك انا عادي ممكن أطول لشهر ٩ او ١٠ لان جاني الاحباط يوم عرفت انحطاط الشركات في التعامل معنا باسوئ شكل وصرت استكثر أسعار اللي عندنا حقيقة

 

[JIN KAZAMA]

هذا اسمه
TCL 55S405 55-Inch 4K Ultra HD Roku Smart LED TV (2017 Model)

سعره 450 $

مش عارف ليش مش راضي ينسخ الرابط حق الصفحه

 

[DINO CRISIS]

انا عندي Samsung 32 inch

ما عندي خبرة في الشاشات لكني شفت شاشة LG عند قريب لي

والالوان جدا واضحة وممتازة وفاجئتني الصراحة

 

[KAIN.]

The OLED55B6P افضل كصوره و الوان من ks 8000/8500 و حتى input lag ما هو فرق كبير فقط عن سامسونج , ال جي 28 و سامسونج ks 8000 = 20
لكن سعره غالي شاشة OLED

ترى ks 8000 ماهو افضل خيار الهايب كله عشان input lag اما صورته ولا ماهي تلك الصوره مقارنه مع oled و حتى شاشة ال جي افضل نوعها IPS لكن شاشات سامسونج تستخدم VA وله مميزات من اهمها انها تعطي input lag اقل فهي مناسبه للجيمنغ اكثر , لكن شخصيا ما اهتم لها الأ اذا تلعب اونلاين لكن لو لعبة سنجل بلاير او اربجي افضل شاشة OLED ثم IPS كحوده و الوان افضل

عندك ايضا LG Electronics 55UH6550 55-Inch 4K Ultra HD Smart LED TV (2016 Model) و INPUT LAG حقه 19ms , اول مره اشوف LG مع Input lage ممتاز

وفي تلفزيون LG Electronics 55UJ7700 55-Inch 4K Ultra HD Smart LED TV (2017 Model) شاشه نوع LED لكن INPUT LAG يساوي 12 فقط افضل من كل اجهزة التلفاز الي ذكرتها لكن لازم تشوف مراجعاته و جودة الصوره بما انه LED , سعره 700 دولار في امازون لموديل 49 بوصه

ايضا انصحك تشوف هذي Display Input Lag Database فيها معلومات مفيده لاجهزة تلفاز و شاشات الحاسب و يذكر فيها INPUT LAG لكل جهاز

https://displaylag.com/display-database/

 

[ASWD]

The OLED55B6P افضل كصوره و الوان من ks 8000/8500 و حتى input lag ما هو فرق كبير فقط عن سامسونج , ال جي 28 و سامسونج ks 8000 = 20
لكن سعره غالي شاشة OLED

ترى ks 8000 ماهو افضل خيار الهايب كله عشان input lag اما صورته ولا ماهي تلك الصوره مقارنه مع oled و حتى شاشة ال جي افضل نوعها IPS لكن شاشات سامسونج تستخدم VA وله مميزات من اهمها انها تعطي input lag اقل فهي مناسبه للجيمنغ اكثر , لكن شخصيا ما اهتم لها الأ اذا تلعب اونلاين لكن لو لعبة سنجل بلاير او اربجي افضل شاشة OLED ثم IPS كحوده و الوان افضل

عندك ايضا LG Electronics 55UH6550 55-Inch 4K Ultra HD Smart LED TV (2016 Model) و INPUT LAG حقه 19ms , اول مره اشوف LG مع Input lage ممتاز

وفي تلفزيون LG Electronics 55UJ7700 55-Inch 4K Ultra HD Smart LED TV (2017 Model) شاشه نوع LED لكن INPUT LAG يساوي 12 فقط افضل من كل اجهزة التلفاز الي ذكرتها لكن لازم تشوف مراجعاته و جودة الصوره بما انه LED , سعره 700 دولار في امازون لموديل 49 بوصه

ايضا انصحك تشوف هذي Display Input Lag Database فيها معلومات مفيده لاجهزة تلفاز و شاشات الحاسب و يذكر فيها INPUT LAG لكل جهاز

https://displaylag.com/display-database/

انت نقزت الى الهاي ايند.الاوليد ماهو من صوبنا سعره فاااحش

انا اتكلم عن الميد رينج الكي ٧٠٠٠ و٨٠٠٠ ممتازين في الانبوت لاج حتى مع hdr شوفه من متى نازل ومازال في قوائم الموست ريكومنديد
http://www.rtings.com/tv/reviews/samsung/ks8000

 

[Veeto]

انت نقزت الى الهاي ايند.الاوليد ماهو من صوبنا سعره فاااحش

اتذكر لما سالت عنه في شرف دي جي.. المندوب فتح عينه وقال ليي موجود.. لما شفت السعر.. جتني ( الغبنة) باقي شوي وابكي بالمحل... 3 آلاف دينار!

انا معزم ( ابطر) ابي تلفزيون 75 بوصة انصحوني باي موديل؟؟

 

[baddar]

قبل فترة شريت KU7000 قياس 55 بوصة بما يعادل 2800 ريال التفلزيون ممتاز و يدعم HDR (مش بنفس كفاءة باقي التلفزيونات) ، جودة الصورة ممتازة بنسبة لسعره و خصائص smart tv منوعة السلبية الوحيدة نسخة الشرط الأوسط مافيها بلوتوث

 

[ASWD]

اتذكر لما سالت عنه في شرف دي جي.. المندوب فتح عينه وقال ليي موجود.. لما شفت السعر.. جتني ( الغبنة) باقي شوي وابكي بالمحل... 3 آلاف دينار!

انا معزم ( ابطر) ابي تلفزيون 75 بوصة انصحوني باي موديل؟؟

مو بس تجيك الغبنة اللا يجيك الاحباط من هالحياة.تلفزيون بقيمة سيارة

ڤيتو اذا بعدك ليك نية في الاوليد اكسترا عنده اخر جم حبة من ال جي b6v موديل ٢٠١٦ ٥٥ بوصة مسوين عليه عرض يسعر ٦٠٠ دينار وشوي.مازال في قوائم الموصى بها وما يتغلب عليه اللا الموديل الجديد ال جي b7v.شاشة محترمة كخيار هاي ايند في كل شي تقريبا.شوفهم اذا ليك نية

 

[Veeto]

اذا بعدك ليك نية في الاوليد اكسترا عنده اخر جم حبة من ال جي b6v موديل ٢٠١٦ ٥٥ بوصة مسوين عليه عرض يسعر ٦٠٠ دينار وشوي

55 بوصة ما تجيب راسي.. ما باخذ الا 75 بوصة

 

[Zorro]

55 بوصة ما تجيب راسي.. ما باخذ الا 75 بوصة

كم مساحة الغرفة اللي بتحط فيها الشاشة ؟

 

[ASWD]

55 بوصة ما تجيب راسي.. ما باخذ الا 75 بوصة

جم ميزانيتك عشان تحدد الموديل المناسب

 

[Veeto]

كم مساحة الغرفة اللي بتحط فيها الشاشة ؟

4*6 متر. ... مسوي الغرفة بس للجيمنج

جم ميزانيتك عشان تحدد الموديل المناسب

الف تقريبا

 

[Zorro]

4*6 متر. ... مسوي الغرفة بس للجيمنج

الغرفة راح فيها كنب او كرسي جلوس ، بالتالي راح تنقص المساحة شوي و تصير فعليا اصغر من مساحة الغرفة الفعلية :
فإذا حتجلس في المسافة ال 4 متر المناسب لها 42 بوصة تقريبا ( تزيد او تنقص بحسب مزاج الشخص )
و إذا حتجلس في المسافة ال 6 متر المناسب لها 55 بوصة تقريبا ( تزيد او تنقص بحسب مزاج الشخص )

محتوى مخفي: معليش راح اتفلسف شوي بحسب شغلي السابق

الشخص لما ياخذ شاشة حجمها اكبر من المناسب ، عيونه راح تتعب عشان يغطي زوايا الشاشة "خاصة اذا هو راعي ألعاب او افلام"
كنت دائما انصح العميل انه يروح للشاشة اللي عينه عليها و يوقف على نفس المسافة التقريبة اللي في غرفته ، و يبدأ يحرك عينه من زاوية لزاوية و بعدين للوسط عدة مرات ، كأنه قاعد يتخيل فيلم اكشن او مباراة حامية ، اذا ما احس بتعب في عضلات عينه خلال ثواني قد يكون الحجم مناسب ، اذا بدأ يحرك راسه عشان يغطي الزوايا هذا ماينفع له الحجم و راح يتعبه بسرعة ..
بالعادة العميل أخليه يجرب قياسين ، القياس اللي اختاره و قياس ثاني ( أكبر او أصغر بحسب طلبه )، اللي عينه ترتاح مع كثرة الحركة ان شاء الله هذا المناسب له ..
فيه عملاء شفتهم ياخذ حجم كبير للغاية لأنه كَـيَّـف شوي على حجم الشاشة في المعرض و لما ياخذها للبيت يرجع العميل خلال يومين او ثلاثة يبي يبدلها بأصغر لأنها اتعبت عيونه ..

لعل و عسى افدتك ..

 

[Veeto]

و إذا حتجلس في المسافة ال 6 متر المناسب لها 55 بوصة تقريبا ( تزيد او تنقص بحسب مزاج الشخص )

انزين لو اخذت 60 بوصة .. لاني مسوي مكتبة لتلفزيون كبير... خلاص هذا بيت العمر من جذي بطران فيه

 

[ASWD]

انزين لو اخذت 60 بوصة .. لاني مسوي مكتبة لتلفزيون كبير... خلاص هذا بيت العمر من جذي بطران فيه

فيه ٦٥ مافيه ٦٠

انصحك بسامسونج الفأة ٧ 4K uhd او الفأة ٨ و ٩ 4K suhd

خيارات ثانية عندك سوني فأة x900e/x930e/x940e

 

[messofox]

كل ما ادخل بمواصفات ال4k يطلعلي تفاصيل اكتر في hdr10 انواع في 1000nit و500 و 250 nit و hdr8 و dolby vision و ips و va screen شو الافضل بين هالكل؟

 

[XORO]

الغرفة راح فيها كنب او كرسي جلوس ، بالتالي راح تنقص المساحة شوي و تصير فعليا اصغر من مساحة الغرفة الفعلية :
فإذا حتجلس في المسافة ال 4 متر المناسب لها 42 بوصة تقريبا ( تزيد او تنقص بحسب مزاج الشخص )
و إذا حتجلس في المسافة ال 6 متر المناسب لها 55 بوصة تقريبا ( تزيد او تنقص بحسب مزاج الشخص )

محتوى مخفي: معليش راح اتفلسف شوي بحسب شغلي السابق

الشخص لما ياخذ شاشة حجمها اكبر من المناسب ، عيونه راح تتعب عشان يغطي زوايا الشاشة "خاصة اذا هو راعي ألعاب او افلام"
كنت دائما انصح العميل انه يروح للشاشة اللي عينه عليها و يوقف على نفس المسافة التقريبة اللي في غرفته ، و يبدأ يحرك عينه من زاوية لزاوية و بعدين للوسط عدة مرات ، كأنه قاعد يتخيل فيلم اكشن او مباراة حامية ، اذا ما احس بتعب في عضلات عينه خلال ثواني قد يكون الحجم مناسب ، اذا بدأ يحرك راسه عشان يغطي الزوايا هذا ماينفع له الحجم و راح يتعبه بسرعة ..
بالعادة العميل أخليه يجرب قياسين ، القياس اللي اختاره و قياس ثاني ( أكبر او أصغر بحسب طلبه )، اللي عينه ترتاح مع كثرة الحركة ان شاء الله هذا المناسب له ..
فيه عملاء شفتهم ياخذ حجم كبير للغاية لأنه كَـيَّـف شوي على حجم الشاشة في المعرض و لما ياخذها للبيت يرجع العميل خلال يومين او ثلاثة يبي يبدلها بأصغر لأنها اتعبت عيونه ..

لعل و عسى افدتك ..

كلامك صحيح انا غلطت لما اشتريت شاشة مقاسها 64 بوصة مع اني كنت اجلس بعيد عنها تقريبا 5 امتار
حاليا عندي شاشة 55 ومناسبة لي وللغرفة بس فترة جلست اللعب بمسافة جدا قريبة منها فتعبت دوخة
وتحس نفسك تبغي ترجع :emoji_mask:

 

[messofox]

ارجو المساعدة في مشكلة من زمان فالتلفاز لما العب اي لعبة مثلا ويتشر او هورايزن واحرك الكاميرا تغبش الصورة ولما اثبتها ترجع تمام ها الرابط لعرض المشكل
وجدت ان الحل الوحيد هو تخفيض الشاربنس الى صفر وسلبيته انك تحس حالك تلعب عالاعدادات الدنيا و تبهت الصورة هل المشكلة من التلفاز؟

 

[Unknown]

^
وانت تلعب مو حاط game mode؟ الي اشوفه بالمقطع كأنه الموشن شغال <-- الي دائما يكون مقفل بالـgame mode

 

[messofox]

جربت الجيم مود ما نفع
ملاحظة المقطع مش لي لقيته عاليوتيوب

 

[KAIN.]

جربت الجيم مود ما نفع
ملاحظة المقطع مش لي لقيته عاليوتيوب

خلي الجهاز على game mode و اذا لقيت اي اعدادات مثل هذه كلها خليها off
noise reduction
MPEG noise reduction
real cinema
motion eye care
true motion

 

[messofox]

للاسف كل هذه الخيارات مش موجودة غير الغيم مود

خلي الجهاز على game mode و اذا لقيت اي اعدادات مثل هذه كلها خليها off
noise reduction
MPEG noise reduction
real cinema
motion eye care
true motion

 

[KAIN.]

للاسف كل هذه الخيارات مش موجودة غير الغيم مود

هذي الخيارات غير متواجده في الجيم مود لكن يفترض انه يغلق بعض منها تلقائيا , شوف اعدادات display حق التلفزيون و اغلق اي شي اضافي تلقاه , الخيارات الي ذكرتها متواجده في display تحت مسميات مختلفه قليلا كل شركه تغير في الاسماء

+ ما نوع تلفزيونك عندك رقم الموديل