مساعدة في اختيار لابتوب

[ASWD]

حكومة اذا مكان الموضوع غلط انقلوه..خليته هني لانه بشكل ما يدخل في صلب الالعاب

لابتوبي الحالي خلاص صار لايطاق مع انه ماصار له فترة طويلة عندي*اخذته مستعمل*..بس ٨ سنوات او ٩ من اشتريته..يمكن اكثر مو متاكد

توشيبا مواصفاته كور ٢ ديو ٤ جيجا رام..الجهاز بطيئ في كل شي اكان التشغيل او فتح ملف والتصفح وماشاكله مع انه مافيه ملفات ضخمة مخزنة في الهاردديسك اكانت افلام او صور او مقاطع الخ غالبها ملفات تثبيت برامج احجامها صغيرة..اكاد اجزم ان الملفات المخزنة ما تتعدى ٥ جيجا وفيه مساحة فاضية في الهارد ماشاء الله..والسي درايڤ ماهو متروس عشان نقول ممكن مسوي ضغط على درايڤ نظام التشغيل بل حده يوصل النص..فا الظاهر حان وقت تقاعده ولو انه تقاعد مبكر..فا ابغى جهاز حديث للسنوات القليلة الجاية..٦-٨ سنوات

اهم متطلباتي للجهاز:
-يكون موديل حديث
-ويندوز ١١ او قابل للترقية المجانية
-الجيل ١١ للبروسيسر او افضل
-i5 او i7 مع اني اميل للاخير
-يدعم m.2 nvme ssd وقابل للتطوير
-يدعم Thunderbolt 3 واذا ٤ خير وبركة
-اي براند ما عدا HP
-يكون ١٥ بوصة او اكبر ان وجد واذا كان ولابد ١٤ بوصة كا اقل حجم
-usb 3.1 اقل شي والافضل يكون احدث ان وجد
-شاشة لمس اذا وجدت*مو الزامي*
-السعر مابين ٣٠٠-٤٠٠ دينار/٣٠٠٠/٤٠٠٠ ريال..واذا فيه ارخص بهالمواصفات خير ونعمة وانا من مناصري التوفير طبعا

بما اني مو خبرة لابتوبات وكمبيوترات بشكل عام قلت اخذ اقتراحات الشباب اللي لها في هالمجالات..طبعا انا ابحث من جهة ثانية في النت و في بحثي طحت على dell inspiron 15 5000/dell inspiron 15 7000 و Dell XPS 15 موديلات هالسنة و acer Swift 5..انيقين وخفاف وفيهم غالب اللي اطلبه الا جم شغلة للحين ما تاكدت من تواجدها فيهم..فا همتكم

وشيوبة البحرين عطونا محلات ممتازة للابتوبات

 

[Hugo]

شوف لابتوبات Asus

كواليتي عالي مع سعر جيد عطفا على المواصفات، انت تبيه استخدام شخصي او جيمنج ؟

 

[ASWD]

شوف لابتوبات Asus

كواليتي عالي مع سعر جيد عطفا على المواصفات، انت تبيه استخدام شخصي او جيمنج ؟

عطوني موديلات شباب مو بس اسماء شركات..واذا فيه صفحات مواصفات تفصيلية يكون خير وبركة

استخدام شخصي في المقام الاول..بس مايضر نجرب لعب عليهم ان كانو بسعر زين ويسوى تاخذهم..مو حرارة ووجع راس

 

[Hugo]

عطوني موديلات شباب مو بس اسماء شركات..واذا فيه صفحات مواصفات تفصيلية يكون خير وبركة

استخدام شخصي في المقام الاول..بس مايضر نجرب لعب عليهم ان كانو بسعر زين ويسوى تاخذهم..مو حرارة ووجع راس

شيك على منتجات vivobook من اسوس عندهم موديلات متنوعة للجيمنج لكن راح تضطر تدفع اكثر اذا بغيت مواصفات افضل …

لابتوبي الحالي يعتبر موديل 2019 لكن شغال جيد مع بطاقة رسومية متوسطة

 

[Eye]

صعب ياخوك ٣٠٠٠-٤٠٠٠ وجيمنج ):

اقل شي ٨-٩

ولا تركز على i7 اذا شغلك مو فيديو ولا ملتي ثريدر ، بالغالب الالعاب procederal excution

عاد هواوي عندها خوش موديلات ورخيصة رخص الاندرويد

وبما انك من البحرين شرفنا الخبر عندك مجمع الدوسري مليان محلات ، مع اني ارشح البيضة الجديدة ولا امازون

فيه موديل جيد من هواوي بكرة باذن الله اجيب لك اسمه سعره حول ٢٠٠٠ وفيه كرت منفصل ٤ جيجا

يعني ربع الالعاب تشغلها سلام سلام

 

[hussien-11]

-شاشة لمس اذا وجدت*مو الزامي*

شاشة اللمس موجودة في الأجهزة الهجينة عادة (ما بين اللابتوب و اللوحي)

و هي لا تتميز في المواصفات بأي شكل و استعمالها شخصي أو بزنس

ايش رأيك بديسكتوب؟

 

[Pineapple]

الميزانية اللي انت حاطها ما تجيب لك شي طيب ، حتى الموديلات اللي انت حطيتها سعرها فوق السعر الموضوع ، معالجات الجيل الحادي عشر مكلفة جداً ، الأرخص حالياً الجيل العاشر و معالجات رايزن 5000.

 

[SOUMAR]

أخي أنصحك ترفع ال budget.
انت قلت ان آخر لابتوب عندك صارله ثمان سنوات عندك وهذا يدل انك انسان لا يغير اجهزته كثيرا. لذا من الأفضل التريث والتضحية بدفع مبلغ أعلى من أجل اختيار يدوم طويلا.

 

[sol-bad]

هواوي

 

[ASWD]

شيك على منتجات vivobook من اسوس عندهم موديلات متنوعة للجيمنج لكن راح تضطر تدفع اكثر اذا بغيت مواصفات افضل …

لابتوبي الحالي يعتبر موديل 2019 لكن شغال جيد مع بطاقة رسومية متوسطة

صعب ياخوك ٣٠٠٠-٤٠٠٠ وجيمنج ):

اقل شي ٨-٩

ولا تركز على i7 اذا شغلك مو فيديو ولا ملتي ثريدر ، بالغالب الالعاب procederal excution

عاد هواوي عندها خوش موديلات ورخيصة رخص الاندرويد

وبما انك من البحرين شرفنا الخبر عندك مجمع الدوسري مليان محلات ، مع اني ارشح البيضة الجديدة ولا امازون

فيه موديل جيد من هواوي بكرة باذن الله اجيب لك اسمه سعره حول ٢٠٠٠ وفيه كرت منفصل ٤ جيجا

يعني ربع الالعاب تشغلها سلام سلام

شباب للتوضيح..انا مو هامني جانب الجيمينج في الجهاز..ابغاه للاستخدامات الشخصية اولا..فا مو مهم شغلة الالعاب فيه

شاشة اللمس موجودة في الأجهزة الهجينة عادة (ما بين اللابتوب و اللوحي)

و هي لا تتميز في المواصفات بأي شكل و استعمالها شخصي أو بزنس

ايش رأيك بديسكتوب؟

كثير لابتوبات فيها شاشة لمس حتى لو ماكانت ٢ في ١ او هجين حسين اختي عندها احدهم مع انه لابتوب تقليدي وما تقدر تحوله لوحي..في النهاية ماهو شي ضروري ان وجد كان بها

وخلني بعيد عن الديسكتوب انا ابغى شي يتنقل بسهولة..وشيلو سالفة الجيمينج كمطلب..انا سويت لكم شوية خربطة اسف /:

الميزانية اللي انت حاطها ما تجيب لك شي طيب ، حتى الموديلات اللي انت حطيتها سعرها فوق السعر الموضوع ، معالجات الجيل الحادي عشر مكلفة جداً ، الأرخص حالياً الجيل العاشر و معالجات رايزن 5000.

اسدحو لي موديلات ورفع الميزانية شوي ماهي مشكلة

 

[Souther]

هواوي مثل ماأقترح بعض الأعضاء هنا وبالأخص 14 HUAWEI MateBook وإذا تحتاج لمس أرفع الميزانية شوي

 

[Sonata]

أسوس زينبوك موديل UX325EA فيه كل المواصفات اللي تبيها باستثناء الحجم.

 

[Kain's]

قبل 5 سنوات اخذت للوالد شيء مشابهه لهذا مع اختلاف المواصفات هنا

 

[Mogrim]

في 2019 اخذت ال microsoft surface pro 7 والجهاز ممتاز صراحة حتى بعد ما طاح طيحة جامدة على وجهه واتكسرت الشاشة واصبح فيها شقوق وخدوش بس ما زال شغال.
اول مرة اجرب فكرة الجهاز الهجين لابتوب و لوحي بنفس الوقت فكرة حلوة انك تفك الكيبورد وتتفرج فيلم, الجهاز عملي ويشتغل لابتوب او لوحي

شوف موقعهم قارن المواصفات والاسعار الذي تناسب احتياجك, لهم موزعين رسمين في المنطقة يفضل تاخذ من عندهم عشان الضمان.. مكتبة جرير عنده الاجهزة في العرض اذا تريد تجربه

Microsoft Surface PCs, Computers, Laptops, 2-in-1s, Dual-Screen & All-in-Ones | Microsoft Surface

Discover a range of Microsoft Surface devices built for all the ways you create, work, play and connect. Unleash your creativity with Microsoft Surface laptops, dual screens, 2-in-1 PCs and All-in-One devices.

www.microsoft.com

احدث واقوى موديلات عندهم surface pro 8 و surface laptop studio

 

[Emirates]

يوسف

انا خذت surface lap studio الجديد ،،، رهيييب كأستخدام وشكلا بطران صراحه لما افتحه في الدوام الانظار صوبه

 

[ABUALI]

ما اذكر شفت لابتوب عندنا فيه ثندربولت في اللابتوبات بين 250 ل 360 دينار... هذي غالبا الأسعار اللي اشتريت فيها لابتوبات بين السنة واللعام... ونادرا ما حصلت فيهم شاشة لمس.
الأسعار الزينة في إكسترا و شرف ديجي... طب عندهم وشوف اللي يعجبك قبل ال10٪

 

[ASWD]

يعطيكم العافية شباب..السورفيس مايناسبني كلش للاسف احب الكمبيوترات التقليدية اللي اقدر اتعامل معاها بسهولة وقت ما حبيت افتحه لو حبيت اغير الهاردديسك وغيره

اي مقترحات لمواقع استشارة ومواقع بيع متخصصة تشحن لمناطقنا وتعاملهم ممتاز..غير امازون طبعا

ما اذكر شفت لابتوب عندنا فيه ثندربولت في اللابتوبات بين 250 ل 360 دينار... هذي غالبا الأسعار اللي اشتريت فيها لابتوبات بين السنة واللعام... ونادرا ما حصلت فيهم شاشة لمس.
الأسعار الزينة في إكسترا و شرف ديجي... طب عندهم وشوف اللي يعجبك قبل ال10٪

لا تذكرني بها..تجيني غبنة

 

[سيفروس سنيب]

يعطيكم العافية شباب..السورفيس مايناسبني كلش للاسف احب الكمبيوترات التقليدية اللي اقدر اتعامل معاها بسهولة وقت ما حبيت افتحه لو حبيت اغير الهاردديسك وغيره

اي مقترحات لمواقع استشارة ومواقع بيع متخصصة تشحن لمناطقنا وتعاملهم ممتاز..غير امازون طبعا



لا تذكرني بها..تجيني غبنة

ممكن أعرف ليش سيرفس لا ...
أنا بودي فيه

 

[ABUALI]

يعطيكم العافية شباب..السورفيس مايناسبني كلش للاسف احب الكمبيوترات التقليدية اللي اقدر اتعامل معاها بسهولة وقت ما حبيت افتحه لو حبيت اغير الهاردديسك وغيره

اللي صاير الآن، أغلب اللابتوبات في السوق لو بغيت تبدل هاردسك أو رام لازم تفتق كفر اللابتوب الخلفي كله... كان الصامد الوحيد vaio، الآن حتى هو صار مثلهم... والموديلات الجديدة تخلت عن تقنية الsata واتجهت ل NVMe.

لا تذكرني بها..

زين ساعد الحكومة.

 

[Avicenna]

فاتتك تخفيضات لينوفو للثنكباد..
على العموم, ال ThinkPad X1 Carbon قمة الاتقان في الصناعة وشيء يبقى معك للمدة التي تطلب (لكن الاسعار متقلبة جداً وطبيعي اليوم تراه ثلاثة الاف دولار وفي الغد تراه الف دولار). ايضاً يعتمد على كيفية استخدامك للابتوب, اغلب الاجهزة الجديدة التي ذكرتها لن تصمد لست او ثمان سنين ولو اردت استخدام الجهاز لغاية التصفح واستهلاك الميديا فخذ لك ثنكباد نضيف مستعمل من eBay (يكلف بين ال 100 وال 700 دولار حسب الموديل والموديلات القديمة باستطاعتك تبديلها قطعة قطعة على مزاجك) ونصب عليه ubuntu يؤدي اغلب احتياجاتك ويمشيك عقد كامل بالهداوة..لكن لو كان لك متطلبات ثانية وتحتاج ويندوز فلا تتوقع جهاز يظل معك 6 سنين بهذه السيولة.. ال Capacitors واشباه الموصلات لها عمر والويندوز يستهلك الهاردوير بشكل مرعب لذلك 6 سنين تعتبر معجزة باستخدام average يومي للجهاز.

صراحة لا ادري كيف بقي ذلك الجهاز عندك ل 8 سنين وهو مستعمل, لكن لو افترضنا انك جداً light من ناحية الاستخدام وتعتني بالهاردوير ولا زلت محتاجاً للوندوز والجهاز الجديد من هذه السنة, فارشح xps 15 (بما انك ذكرتها, لكن اتوقع هي قد تكون فوق ال budget التي وضعتها في الاحوال العادية لانها فعلاً من افضل ما قد تجد في السوق!)..

 

[KitKat 4.4]

خلال تصفحي امازون لفت انتباهي هالمنتج! جداً قوي مقابل السعر وبمثابة صفقة، مستحيل تحصل نفس الخلطة بنفس هالفئة السعرية من منافسين مختلفين. طبعاً بما ان الشركة نيش فبحثت عنها مراجعات باليوتيوب عشان اتأكد مب سكام، وطلعت فعلاً قد الهايب.

الشحن المفروض يكلفك حوالي 48 دولار باستخدام fishisfast والتخليص الجمركي حط تحت قيمته وبيكون المجموع حول 4000~ ضمن ميزانيتك.
هذا الرابط:
https://sh-ort.app/zvpbj

مراجعة له:


ملاحظة: لو كنت تفضل شراء من المحلات وتهمك سمعة الشركة ودعمها المحلي... فهنا لابتوبات هواوي حاملة معالج AMD فئة 4000 و 5000 تعتبر امثل سيناريو ولها احجام من ١٤ الى ١٦ انش يناسب احتياجك.

 

[sofio]

شباب سؤال فقط، هل أي معالج i7 هو بالضرورة أفضل من أي معالج i5 ؟

 

[Avicenna]

شباب سؤال فقط، هل أي معالج i7 هو بالضرورة أفضل من أي معالج i5 ؟

السهل الممتنع:
لا, يعتمد على امور ثانية تقنية ولذلك ترى انه بالسهولة معالج i5 من هذا الجيل يهزم بعض ال i7 من اجيال سابقة..
لكن لو تقصد من نفس الجيل، فنعم المفترض يكون افضل بشكل عام. مع ذلك, احياناً ترى الفارق clock speed وكم تعديل بسيط ولا تلاحظه بالاستخدام العادي..

الاجابة الطويلة:
وحتى اعطيك القصة بكل احقيتها, طريقة صناعة كل المعالجات تتبع نفس ال logic وال etching process ولكن عند صنع اشباه الموصلات وضع في الحسبان اخطاء ال bandgap tuning تصير عندك بعض المعالجات ذات التردد الاقل من المثالي وبعضها يعاني ضعف في ال cache وغير ذلك فتقوم الشركة بتعليمه ك core i5 بدل النسخة المطابقة لأعلى المعايير i7 وهذا لا يعني انك تحصل على شيء اسوء لكن هو ليس بسرعة وقدرة ال i7 في اغلب الاحيان والسبب ممكن ترجيعه للsilicon wafer في مصنع انتل!
طبقاً لهذا الكلام, فلا تستبعد خطأ في تعليم الشركة لمعالج قد يكون في الحقيقة سريع وممتاز جداً تحت علامة ال i5 بدل i7 وهكذا اخطاء حدثت بالفعل لكنها صعبة هذه الايام لدقة الشركة من ناحية المعايير والتسميات..
أقرأ المزيد في ال lithography و كيفية صناعة الجبس من اشباه الموصلات لو كنت مهتماً اكثر بالتفاصيل النظرية خلف الستار..

 

[ASWD]

ممكن أعرف ليش سيرفس لا ...
أنا بودي فيه

انا متطلباتي وطرق تعاملي مع اجهزتي منها اللابتوب مختلف فا لا تقيس كلامي على مقياس حاجتك..الجهاز ممتاز وفخم شي مفروغ منه

انا احب افتح واحوس واجرب اشيل هالقطعة واركب هالقطعة والسرفيس معقد من هالناحية..لو مستقبلا حبيت اشيل الهاردديسك وابدله بواحد ثاني او الرام الخ ما بيكون شي سهل عمله ويا السيرفس مقارنة باللابتوب التقليدي اللي في غالب الاوقات تفتح غطاه الخلفي وتبدل وانتهى..اذا ودك فيه اسال من جربوه من الاخوان اذا ناسبك اخذه..ما اظن عندك نفس الفضول اللي عندي عشان يكون مانع

اللي صاير الآن، أغلب اللابتوبات في السوق لو بغيت تبدل هاردسك أو رام لازم تفتق كفر اللابتوب الخلفي كله... كان الصامد الوحيد vaio، الآن حتى هو صار مثلهم... والموديلات الجديدة تخلت عن تقنية الsata واتجهت ل NVMe.

ادا وقفت على فتح الكفر الخلفي شي بسيط وقبول من الحين

 

[إبراهيم 906]

حكومة اذا مكان الموضوع غلط انقلوه..خليته هني لانه بشكل ما يدخل في صلب الالعاب

لابتوبي الحالي خلاص صار لايطاق مع انه ماصار له فترة طويلة عندي*اخذته مستعمل*..بس ٨ سنوات او ٩ من اشتريته..يمكن اكثر مو متاكد

توشيبا مواصفاته كور ٢ ديو ٤ جيجا رام..الجهاز بطيئ في كل شي اكان التشغيل او فتح ملف والتصفح وماشاكله مع انه مافيه ملفات ضخمة مخزنة في الهاردديسك اكانت افلام او صور او مقاطع الخ غالبها ملفات تثبيت برامج احجامها صغيرة..اكاد اجزم ان الملفات المخزنة ما تتعدى ٥ جيجا وفيه مساحة فاضية في الهارد ماشاء الله..والسي درايڤ ماهو متروس عشان نقول ممكن مسوي ضغط على درايڤ نظام التشغيل بل حده يوصل النص..فا الظاهر حان وقت تقاعده ولو انه تقاعد مبكر..فا ابغى جهاز حديث للسنوات القليلة الجاية..٦-٨ سنوات

اهم متطلباتي للجهاز:
-يكون موديل حديث
-ويندوز ١١ او قابل للترقية المجانية
-الجيل ١١ للبروسيسر او افضل
-i5 او i7 مع اني اميل للاخير
-يدعم m.2 nvme ssd وقابل للتطوير
-يدعم Thunderbolt 3 واذا ٤ خير وبركة
-اي براند ما عدا HP
-يكون ١٥ بوصة او اكبر ان وجد واذا كان ولابد ١٤ بوصة كا اقل حجم
-usb 3.1 اقل شي والافضل يكون احدث ان وجد
-شاشة لمس اذا وجدت*مو الزامي*
-السعر مابين ٣٠٠-٤٠٠ دينار/٣٠٠٠/٤٠٠٠ ريال..واذا فيه ارخص بهالمواصفات خير ونعمة وانا من مناصري التوفير طبعا

بما اني مو خبرة لابتوبات وكمبيوترات بشكل عام قلت اخذ اقتراحات الشباب اللي لها في هالمجالات..طبعا انا ابحث من جهة ثانية في النت و في بحثي طحت على dell inspiron 15 5000/dell inspiron 15 7000 و Dell XPS 15 موديلات هالسنة و acer Swift 5..انيقين وخفاف وفيهم غالب اللي اطلبه الا جم شغلة للحين ما تاكدت من تواجدها فيهم..فا همتكم

وشيوبة البحرين عطونا محلات ممتازة للابتوبات

أنتظر لما تنزل معالجات جيل 12 على اللاب توب

 

[ASWD]

انت لو تتخلى عن مطلب الثندربولت ومعالج انتل حصراً فراح تلقى كثير خيارات مناسبة..

مو شرط يكون انتل..حتى لو شي يوازيه من amd مرحب به @hussien-11 ماقصر وعطاني فكرة عن اهم الضروريات في اختيار المعالج..بس الثندربولت لازم كوني بدفع مبلغ وقدره ليش مايكون متكامل طالما انه ممكن /:

 

[ASWD]

الثندربولت حصري مع معالجات انتل حسب علمي وإلّا الإداء مقابل استهلاك الطاقة فمعالجات amd أفضل..

متاكد.لان كاني شفت لابتوبات مع معالجات amd فيها ثندربولت..احتاج اتاكد /:

 

[Pineapple]

متاكد.لان كاني شفت لابتوبات مع معالجات amd فيها ثندربولت..احتاج اتاكد /:

لا ، الثندربولت موجود مع اللابتوبات اللي فيها معالجات انتل ، موجودة في بعض لوحات الأم من AMD للديسكتوبات فقط ، اعتقد الافضل انك تنتظر معالجات انتل الجيل الثاني عشر او معالجات AMD اللي تدعم USB 4.

 

[ASWD]

لا ، الثندربولت موجود مع اللابتوبات اللي فيها معالجات انتل ، موجودة في بعض لوحات الأم من AMD للديسكتوبات فقط ، اعتقد الافضل انك تنتظر معالجات انتل الجيل الثاني عشر او معالجات AMD اللي تدعم USB 4.

مع بحث سريع اتضح ان انتل فتحت لبروتوكول لاستخدام الثندربولت والماك M1 احد الاجهزة اللي توفر هالصيغة مع انه مايستخدم معالجات انتا..اما amd فعلا طلع على صعيد الديسكتوب فقط..مع ان لبروتوكول متاح للجميع من فترة مو قليلة /:

 

[Pineapple]

مع بحث سريع اتضح ان انتل فتحت لبروتوكول لاستخدام الثندربولت والماك M1 احد الاجهزة اللي توفر هالصيغة مع انه مايستخدم معالجات انتا..اما amd فعلا طلع على صعيد الديسكتوب فقط..مع ان لبروتوكول متاح للجميع من فترة مو قليلة /:

الثندربولت مصمم من انتل و ابل فشي طبيعي ابل يضيفونه في لابتوبات M1 ، اي شركة تبي تضيف دعم ثندربولت لازم تدفع لانتل ، غالباً شركات الطرف الثالث هي اللي دفعت لانتل في لوحات AMD ، نفس الشي ينطبق على فتحات الايثرنت حقت انتل هي الافضل و الاسرع و killer wifi كذلك.